Chronological

Ne tunakayu wan ne Ijiutzin

8 Ashan tel, ne nemit itech ne Mawaltijtuk Yeshu te yawit muchiwat juzgar pal ina ka te yejyek, ² ika ne itajtuli ne Ijiutzin ne yultuk itech ne Mawaltijtuk Yeshu yawi metzmakishtia itech ne itajtuli ne tateyekchiwalis wan ne mikilis. ³ Ika ne tay ne tajtuli te weli ipanpa ne ikukulis ne tunakayu, ne Teut ijkia: kituktij ne ikunew tik itachialis tunakayu tateyekchiwani, wan ipanpa tateyekchiwalis inak ka te yek ne tateyekchiwalis ijtik ne tunakayu, ⁴ pal ma yekawi ijtik tejemet ne tay yek ipal ne tajtuli, ika te timuwikat ken tunakayu sute ken Ijiutzin.

⁵ Ká ne tikchiwat ken tunakayu, techajwiak tay ipal tunakayu; ká ne ken Ijiutzin, tay ipal ne Ijiutzin. ⁶ Ne tanekilis ipal ne tunakayu, mikilis. Ne tanekilis ipal ne Ijiutzin, yulkwilis wan nejmachnemilis. ⁷ Ika ne tanekilis ipal ne tunakayu te ipal Teut, ika te kitakamati ne itajtuli ne Teut, nian weli. ⁸ Ne muwikat ken innakayu, te welit kiwelmatit Teut. ⁹ Anmejemet inte nemit ken anmunakayu, asunte ken Ijiutzin, asu muchantia Iijiutzin Teut ijtik anmejemet. Asu se inte kipia Iijiutzin ne Mawaltijtuk, yaja inte ipal. ¹⁰ Su nemi ne Mawaltijtuk ijtik anmejemet, ne anmunakayu miktuk ipanpa tateyekchiwalis; ne Ijiutzin yultuk ipanpa tamelakchiwalis. ¹¹ Su ne Iijiutzin ipal ká ne kiyulkwij ne Yeshu kwak miktuk muchantia ijtik anmejemet, ká ne kiyulkwij ne Mawaltijtuk kwak miktuk nusan yawi kiyulkwepa ne anmumijmikini ipanpa ne Ijiutzin ne muchantia ijtik anmejemet.

¹² Yajika tel, nukniwan, te tikwikiliat ne tunakayu ne yultuk ken tunakayu, ¹³ ika su anyujyultuk ken anmunakayu, san anmikisket. Su iwan ne Ijiutzin ankimiktiat ne tay kichijtuk anmuweyka, anyawit yujyultuk. ¹⁴ Ika muchi ká muwikat iwan ne Iijiutzin Teut, ipilawan Teut. ¹⁵ Inte ankikwijtiwit ne iijiu ipal tekitilis pal anmukwepat majmawit, ankikwijtiwit ne iijiu pal ma metzinkwi ken ipilawan. Yajika titzajtzit: Tuteku! ¹⁶ Ne Ijiutzin yajasan ina kenha ken ne tuijiu ka tiikukunew Teut. ¹⁷ Su tiikukunew, nusan tiawit tikpiat tay ipal ne Tuteku Teut, kenha ken ne Mawaltijtuk, su titaekuat ken yaja pal kiane nusan tiawit timuweychiwat ken yaja.

Taekulis wan tayulmatilis

¹⁸ Nikishketza ka tay ne tiwelit titaekuat ashan te tatka su tikelnamikit ken yawi tzitzinaka kwak yawi muneshtia pal tikitat. ¹⁹ Ika ne tejchialis ipal muchi tay muchijtuk kichia ne taneshtilis ipal ne ipilawan ne Teut. ²⁰ Muchi tay muchijtuk kitakamati ne tay te tatka ipatiw, te ika kineki, sute ipanpa ká ne kituktij iwan tejchialis, ²¹ ika nusan muchi tay muchijtuk yawi mumakishtia itech ne tekitilis ipal ne puliwilis wan yawi tzitzinaka tik ne tamakishtilis ipal ne ikukunew ne Teut. ²² Ika tikmatit ka muchi tay muchijtuk ijiumiki wan kikinaka iwan takukulis hasta ashan: ²³ inte sema ne sejseuk, nusan tejemetsan ne tikpiat ne achtu ipal ne Ijiutzin; tejemet nusan tijiumikit ika titejchiat hasta ma techchiwa ipilawan wan ma mumakishtikan ne tujtuweyka. ²⁴ Ika ne tejchialis techpalewia. Asu tikitat tay ne tikchiat, inte uni tejchialis, ika asu tikitat, tay ne tikchiat? ²⁵ Asu tikyulmatit tay ne inte tikitat, kwakuni titejchiat iwan tanejmachselilis.

²⁶ Ne Ijiutzin nusan techpalewia kenhaya kwak tisutawat, ika melka te tikmatit tay tiktajtaniskiat ne Teut ken muneki, ne Ijiutzin isel tajtani tupanpa: yaja ijiumiki pal taneshtia tay ne te aka weli ina. ²⁷ Ká ne tatejtemua ijtik tuyujyulu, yaja kimati tay kineki ne Ijiutzin ika tajtani ipanpa ne yejyek ken kielewia ne Teut.

²⁸ Tikmatit ka ipal ká ne kitasujta ne Teut, ipal ká ne munutztuk ipal ne itajshitilis, muchi tekiti ipal tay yek. ²⁹ Ika ká ne yaja kimatiaya achtu, nusan tachtutuktijtuk ma muchiwakan ken ne itachialis ne ikunew, pal kiane yaja yawi muchiwa ne achtupunijtuk ijtik miak tekniwan. ³⁰ Ká ne yaja kiachtutuktij, nusan kinutzki; wan ká ne kinutzki, nusan kimelakchijki; wan ká ne kimelakchijki, nusan kiweychijki.

Ká weli techkupewa itech ne itetasujtalis ne Mawaltijtuk?

³¹ Tay tinasket tel pal tinankiliat? Su ne Teut yawi techpalewia, ká weli techchiwilia tatka? ³² Yaja ká hasta temakak ne ikunew tupanpa muchi, ken inte yawi techtakulia muchi tay timunekit? ³³ Ká yawi kintenewa ne ijishpejpentuk ipal Teut, su Teut ne kinhilwia yejyek? ³⁴ Ká yawi ina ka yejemet te yejyek, su tajtani tupanpa ne Mawaltijtuk Yeshu ká mikik — mas yek, ká muketzki — wan ká mutalia ka imayekkan ne Teut? ³⁵ Ká tel weli techkupewa itech ne itetasujtalis ne Mawaltijtuk? Anka pejpenaj, o ijiumikilis, o taejekulis, o mayan, o petztikayu, o uijkayu, o espadaj? ³⁶ Ken muijkwilujtuk:

³⁷ Melka uni, senpa tiwelitiwit ipanpa yaja ká techtasujtak. ³⁸ Ika nina ka nian mikilis, nian nemilis; nian tanawatianimet, nian tatuktianimet; nian ne ashkan, nian ne musta; nian ne sujsul welit; ³⁹ nian wejkapan, nian miktan; nian seuk tay muchijtuk welis techkupewa itech ne itetasujtalis ne Teut itech ne Mawaltijtuk Yeshu, tutajtzin.

Ken ijtuk iwan Israel

9 Nina ne tejkia itech ne Mawaltijtuk, te nitashijshikua, ijkiuni ina ne nutasenmatilis itech ne Ijiutzin: ² nina ka sujsul wey ne numutechtilis wan te tami nechkukua nuyulu, ³ ika nitajtaniskia ma najasan nimuchiwa maldictar itech ne Mawaltijtuk ka inmaku nukniwan ká nuechkawan itech tunakayu, ⁴ ne Israeltakamet. Yejemet kipiat ne kunetalilis, wan ne wey tzitzinakalis, wan ne sejsentaketzat, wan ne tajtulmakalis, wan ne tekitilis, wan ne projpromesaj. ⁵ Israeltakamet ne tetekuwan, wan ijtik yejemet ne Mawaltijtuk itech inakayu. Yektenejtuk pal senpa ne ká nemi ijpak muchi, ne Teut, amen!

⁶ Inte kineki ina ka inte yekawtuk ne ipalabraj ne Teut, ika inte Israel muchi ne kistiwit itech Israel. ⁷ Nusan ika ishinach Abraham, yaja inte muchi ipilawan, asunte "itech Itzak munutzas mushinach". ⁸ Kineki ina tel, inte ne ikukunew ne inakayu yejemetsan ikukunew ne Teut; sema ne ikukunew ne ká ne sentaketzat muishketzat ipal ishinach, ⁹ ika ne sentaketzat ina: "Tik ini metzti niwalas, wan ne Sara kipias se ipiltzin." ¹⁰ Inte yaja isel, nusan Rebeka sema se wipta muteleksak iwan Itzak tuteku; ¹¹ kwak inteuk takattiwit ne ujume tik ne iijti wan teuk kichijtiwit tatka, nian yek nian teyek, pal kiane ma naka ken itajshitilis ne Teut itech ishpejpenka — ¹² inte ipanpa itejtekiw asunte ipanpa ne kinutza — kilwijket ka ne achtu yawi tekiti ipal ne chinpe, ¹³ kenha ken muijkwilujtuk:

¹⁴ Tay inasket tel? Weli kisa itech ne Teut se tay inte melawak? Intesu! ¹⁵ Ika kilwia ne Moshe:

¹⁶ Kiane tel, inte ká ne kineki, nian ká ne muishtemua, asunte ne Teut ká techpalewia. ¹⁷ Ika ne ijkwilujtuk kilwia ne Parao:

¹⁸ Ijkiuni tel, kipalewia ne ká kineki wan kichiwa ka takwawaya ne ká yaja kineki.

¹⁹ Tiaw tinechilwia: "Tay kineki tel? Su te aka welituk kichiwa tatka su yaja te kielewia!" ²⁰ Takat! Shina: ká taja, ma shinajnankili iwan ne Teut? Anka ne kumal weli kitajtanilia ne ká kichijki: "Taika tinechchijki ijkiuni?"

²¹ Anka ne kumalchiwani inte kipia tatuktilis ijpak ne isukiw, pal ma kichiwa iwan sanse chipusti, su kineki, se kumit wey ipatiw wan seuk chiupi ipatiw? ²² Ken ijtuk su ne Teut, pal kilwitia ne ikwalan wan pal kineshtia keski weli yaja, kiselij iwan weytejchialis kujkumit ipal kwalan ne nemit pal puliwit, ²³ wan nusan, pal kilwitia ne itzitzinakalis wey, kujkumit ipal tetasujtalis ne kiekchijtuk pal tzitzinakat? ²⁴ Yaja technutztuk, te sema ijtik ne Yudayujmet, nusan ijtik ne tejtechan, ²⁵ ken ina tik Hoshea:

²⁷ Ishaya tzajtzi ipanpa Israel:

²⁹ Wan kenha inak Ishaya tay yawi panu:

³⁰ Tay tinasket tel? Ka tejtechan ne inte kitemuat tamelakchiwalis kiajsitiwit tamelakchiwalis: tamelakchiwalis kistuk tik tayulmatilis, ³¹ wan Israel, ká kikwi ne tajtuli ipal tamelakchiwalis, inte weli kitema ne tajtuli. ³² Taika? Ika inte tik tayulmatilis asunte tik tay kichijket. Mukshitasket ijpak ne tet tik ne ujti, ³³ ken muijkwilujtuk:

Muchi ne tayulmatit welit mumelakchiwat

10 Nukniwan, nuyulu kielewia wan niktajtani ne Teut ma mumakishtikan yejemet, ² ika nikmati ka kipiat devocion ipal Teut, melka te ika kishmatit. ³ Te kishmatit ne itamelakchiwalis ne Teut, wan melka kitemuat isel ne tamelakchiwalis te kitakamatit ne itamelakchiwalis ne Teut. ⁴ Ika ne Mawaltijtuk ne itamilis ne tajtuli; kimelakchiwa muchi ká tayulmatit.

⁵ Ika Moshe tajkwilua ka ne ká tamelakchiwa ijtik ne tajtuli, yawi yultuk ijkiuni. ⁶ Ne tamelakchiwalis ipal ne tayulmatilis ina kiane: Maka shina tik muyulu, "Ká yawi tejku ka ilwikak?" Kineki ina: pal kalwika ne Mawaltijtuk katani. ⁷ Nian, "Ká yawi temu ka miktan?" Kineki ina: pal kishtia ne Mawaltijtuk ijtik ne miktiwit wan kalwika. ⁸ Tay ina tel? Munawak nemi, tik ne muten wan tik ne muyulu. Né nemi ne tay ipal ne tayulmatilis ne titanajnawatiat. ⁹ Ika su tina iwan ne muten ka ijkia ne tajtzin Yeshu wan tikmati iwan ne muyulu ka ne Teut kiyulkwepki kwak mikik, tiaw timumakishtia. ¹⁰ Ika iwan ne tuyulu tikmatit ne tamelakchiwalis, wan iwan ne tuten tinat ka ijkia wan timumakishtiat.

¹¹ Ne ijkwilujtuk ina:

¹² Ika Yudayujmet wan Greciajtakamet muchi kenhat, ika muchi kipiat sanse tajtzin wan yaja kimaka muchi ká kinutzat, ¹³ wan muchi ká kinutzat ne itukay ne Tajtzin yawit mupalewiat.

¹⁴ Kwakuni, ken kinutzasket ne Tajtzin su te kiyulmatit? Wan ken kiyulmatisket su te kikaktiwit? Wan ken takakisket su te aka tanajnawatia? ¹⁵ Wan ken tanajnawatisket su te mutitaniat?

Ken muijkwilujtuk:

¹⁶ Te muchi kitakamattiwit ne yeknawatilis. Ishaya ina:

¹⁷ Muyulmati, tel, ipanpa tay mukaki, wan mukaki itech ne ipalabraj ne Mawaltijtuk. ¹⁸ Wan nina: anka te takaktiwit? Tejkia ka:

¹⁹ Wan nina: anka te kimati katka Israel? Achtu Moshe inak:

²⁰ Ishaya te majmawi wan ina:

²¹ Kilwia Israel: