Chronological

Pawlo tik Troas

20 Kwak tamik ne kumunilis, ne Pawlo kalinnutzki ne mumachtianimet wan kinnapaluj wan kinhilwij "niawa tel" wan yajki ka Makedonia. ² Panuk tik uni takutun, wan tanutzki wey wan ne tukniwan, wan nemanha yajki ka Grecia, ³ wan nemik ka né yey metzti. Kwak yaja yasneki ka Siria, ne Yudayujmet tajtaketzket pal kitat ken yawit kichiwat pal kitzkiat; wan yaja inak ka mas yek yawi mukwepa tik Makedonia.

1 Naja ni Pawlo, ne itekitini ne Mawaltijtuk, Yeshu; ne nutztuk pal muchiwa titanijtuk; ne ishtemujtuk ipal ne iyeknawatilis ne Teut ² ne inatuya ka yawi techmaka itech ne itajtaketzani tik ne ajamat ipal Teut ³ se yeknawatilis ipanpa ne ikunew, ne kiski tik ne ishinach Dawid itech inakayu.

⁴ Kwak Yeshu Mawaltijtuk mikik wan muyulkwepki, ne Ijiutzin ipal Teut kituktij ken ikunew Teut iwan itajpal, ⁵ wan itech yaja tikwijtiwit tetasujtalis wan tetitanilis ipal tetakamatilis ipal tayulmatilis tik muchi ne tejtechan tik itukay.

⁶ Wan ijtik yejemet, anmejemet nusan metzinnutztuk Yeshu Mawaltijtuk! ⁷ Muchi ne nemit tik Roma, yejyektasujtatuk ipal Teut, nujnutztuk pal muchiwat ipal Teut: ma metzinmaka ne tuteku Teut, wan tutajtzin Yeshu Mawaltijtuk, itetasujtalis wan inejmachnemilis.

⁸ Achtu, nikilwia panpadiush ne Teut, itech Yeshu Mawaltijtuk, anmupanpa muchi, ika ne anmutayulmatilis munawatia nujme ne taltikpak. ⁹ Ika ne Teut, ká ipal nitekiti iwan muchi nuyulu wan nitayeknawatia tay ipal ne ikunew, kimati ka senpa nimetzinhelnamiki. ¹⁰ Kwak niknutza ne Teut, senpa niktajtani su ashan weli nechajkawa niaw nipashalua, iwan itaelewilis ne Teut, pal niajsi anmutech, ¹¹ ika nikelewia nimetzinhita pal nimetzintakulia chiupi Ijiutzin pal metzinpalewia, ¹² pal kiane welit timusennapaluat anmuwan ijtik anmutayulmatilis wan ijtik ne nupal.

¹³ Nikneki ma shikmatikan, nukniwan, ka ninak seujseujti ka niasneki anmutech, melka te niwelik hasta ashan, pal nusan nikpia sejse nutakil anmuwan kenha ken iwan uksejse techan. ¹⁴ Greciajtakamet wan Indiojmet, ne kimatit wey wan ne melemet, nikinwikilia muchi! ¹⁵ Kiane tel, naja niknekiskia nimetzinmaka anmejemet nusan ne yeknawatilis.

¹⁶ Ika te nishpinawa ipanpa ne yeknawatilis. Yaja ne itajpal Teut pal kimakishtia muchi ne tayulmatit: ne Yudayujmet achtu, ne Greciajtakamet nusan. ¹⁷ Ijtik yaja muneshtia ne itamelakchiwalis ne Teut, sejsenpa iwan tayulmatilis, ken nemi ijkwilujtuk:

Muchi titateyekchiwat

¹⁸ Muneshtia ikwalan Teut ka ilwikak ipanpa tay kichiwat takamet ne inte kitasujtat ne Teut wan kichiwat tay teyek, ne kichiwat ne inteyek wan te kiajkawat ma kisa ne tejkia, ¹⁹ ika tay ne tikmatit ipanpa ne Teut muneshtijtuk inpal, ka ne Teut kinneshtilija: ²⁰ ika tay ne kipia ne inte weli muita, tiwelit tikejketzat ika tikmatit ka yaja kichijtuk muchi, wan ne itajpal ne inte tami, wan ka yaja Teut.

Kiane, inte welit inat tatka! ²¹ Kishmatit ne Teut, wan te kiweychijket nian kilwijket panpadiush. Yajika muchi tay inat inte tatka ipatiw; ne inyujyulu kunyuakistiwit wan te kimatit tatka: ²² ika inat ka kimatit wey, wan tzujtzuntet, ²³ wan kipataket ne itawilyu ne Teut inte wilewi wan kitalijket se tachialis ipal ne iishkalyu ne takat wilewini, wan tujtutut wan nawikshimet wan ulininimet.

²⁴ Neka ne Teut kintemakak iwan tay ne susulnaj ipanpa ne itajtaelewilis ne inyujyulu, wan kinhajkaw kisusulwiat ne inwejweyka ijtik yejemet: ²⁵ kipataket tejkia tik sanka, wan mutankwaketzket wan muchijket tekitinimet ipal ne chijtuk wan te ne kichijki ne yektenejtuk pal senpa, amen!

²⁶ Yajika ne Teut kintemakak iwan tajtaelewilis teyek, wan kiane ne insijsiwawan muejenchiwat ken te ijkiuni wan te ken muneki, ²⁷ wan ne ukichmet nusan tea kinnapalujket ne siwatket ken muneki wan pejket tatat muelewiat se ukich iwan ukse ukich, wan tatzinhejenchiwat ken te munekit ijtik yejemet; wan kikwit ijtik yejemetsan tay ne tamaka ne inmushijshikulis.

²⁸ Wan ken inte kinekiket kishmatit ne Teut, ne Teut kinhajkaw yultaketzat ken inte muita yek wan ma kichiwakan tay inte nemi yek, ²⁹ tejtentuk iwan muchi tay inte yek: tepalelewilis, kwalan, temiktilis, musujsumalis, teshijshikulis, inteyeknemilis; yejemet chachalakat, ³⁰ tatejtenewat, teuishijiat, taijilwiat, muweymatit, muweytenewat, tamatinimet ipal tay teyek wan inte kitakamatit ne intejteku; ³¹ yejemet ne te kimatit tatka wan ne te kichiwat ken sentaketztiwit; ne te kipiat tetasujtalis wan te kinekit kipalewiat ne sekit; ³² ká ne melka kimati tay ina ne Teut ka yek, wan ka ká kichiwa ijkiuni nemi pal miki, inte sema kichiwa, asunte hasta kinhita yek ne ijkiuni kichiwat.

Ne Yudayujmet nusan tateyekchijtiwit

2 Neka taja, takat, su tiktenewaskia seki ipanpa tay kichijtuk, inte tiweli tina tatka, ika kwak tikchiwa juzgar seuk, timuchiwa juzgar taja nusan. Ika kenha tikchiwa tajasan ká titatenewa. ² Tikmatit ka ne Teut kichiwa juzgar muchi ne kichiwat ijkiuni wan ka tejkia. ³ Tay tina, takat? Ka su tikchiwa juzgar ká ne kichiwa ijkiuni melka taja nusan tikchiwa, ne Teut inte yawi metzchiwa juzgar? Tina ka tiaw tichulua?

⁴ Ini tay wey ipatiw: ka yek ne Teut, wan ka yaja kipia tasejselilis wan techchia. Wan yajika taja tikijilwia? Anka te tikmati ka su taja timuyulpata, yaja ika yek ne Teut? ⁵ Iwan ne muyulu takwawak ne inte muyulpata, tikana tinemi kwalan tik ne tunal kwak witz ne kwalan wan ne taneshtilis ipal tay ina ne Teut kwak yawi kichiwa juzgar muchi ken muneki.

⁶ Yaja yawi kikwepilia sejse tay ipal ipatka tay yajasan kichijtuk. ⁷ Ká ne tekitit nejnejmach wan yek, wan kinekit ma inakan ka wey, kinekit kipiat ipatiw, wan te keman kinekit wilewit, yawi kinhajkawa ma yujyultuk senpa. ⁸ Wan ká ne musumat pal kitemuat tay kinekit wan te kitakamatit ne tejkia asunte semaya tay teyek, kiselisket ikwalan.

⁹ Yawit ijiumikit iwan penaj muchi ne takamet wan siwatket ne kichiwat tay teyek. Achtu ne Yudayuj, wan nusan ne Greciajtakat. ¹⁰ Wan yawit inat ka wey wan yawi wey inpatiw wan yawit nejmachnemit muchi ne kichiwat tay yek. Achtu ne Yudayuj, wan nusan ne Greciajtakat. ¹¹ Ika muchi tikenhat ipal ne Teut.

¹² Muchi ká te kishmatit ne tajtuli wan tateyekchijtiwit puliwisket ijkiunisan. Wan muchi ká kishmatit ne tajtuli wan tateyekchijtiwit, iwan ne tajtuli yawit muchiwat juzgar. ¹³ Ika ipal ne Teut inte ne takakit ne tajtuli ká yejyek, sute ne kichiwat tay ina ne tajtuli. ¹⁴ Ika kwak ne tejtechan te kipiat ne tajtuli wan kichiwat tay ina ne tajtuli ijkiunisan, melka te kipiat tajtuli, yejemetsan muchiwat tajtuli. ¹⁵ Yejemet kilwitiat ne itekiw ne tajtuli ijkwilujtuk tik inyujyulu; nusan ne intamatilis ina kenha. Wan tay ne muilwiat tik inyujyulu weli kintenewa pal teyek wan nusan pal yek, ¹⁶ tik ne tunal kwak ne Teut yawi kichiwa juzgar tay ne kipiat ne takamet minashtuk, ken ina ne nuyeknawatilis, itech ne Mawaltijtuk Yeshu.

Ne itajtuli Moshe

¹⁷ Su taja Yudayuj timunutza, wan timusewia tik ne tajtuli, wan timuweymati iwan Teut, ¹⁸ wan tikmati ne taelewilis, wan tay kineki ina, wan timutajtulmachtijtuk, ¹⁹ wan tina ka taja teujilwitiani ipal pupuyumet, se tawil ipal ne kunyuanemit, ²⁰ se tiskaliani ipal melemet, se tamachtiani ipal sulinmet, se kipia ne tetzilnaj ipal ne tamatilis wan ipal ne tejkia ijtik ne tajtuli: ²¹ su tikmachtia ne sekit, ken ka te timumachtia?

Titanajnawatia ma inte titechtekikan, wan taja titechteki; ²² tina ma inte timawiltikan, wan timawiltia; tikijia ne teujteutzitzin, wan titeupantapana; ²³ tikweymati ne tajtuli, wan te tikchiwa tay ina nian tiktakamati ne Teut, ²⁴ ika ken muijkwilujtuk:

²⁵ Yajika tel, metzpalewia ma shimuyawalteki su tikchiwa tay ina ne tajtuli. Su taja se te kichiwa tay ina ne tajtuli, te tatka ipatiw ne mutayawaltekilis. ²⁶ Wan su se kipia itzuntepul tajpia muchi tay ina ne tajtuli ka yek, taika te yawi mupua ne itzuntepul ken tayawaltekilis? ²⁷ Wan su ijkiuni, metztenewa ne kipia itzuntepul wan kichiwa tay ina ne tajtuli taja ká te tikchiwa tay ina melka timuyawaltektuk.

²⁸ Ika te se Yudayuj ká ne muita ken se, nian ne tayawaltekilis tay ne muita tik munakayu, ²⁹ sute ká ne Yudayuj ichtaka, wan ne tayawaltekilis tik muyulu, tesu tik amat: yaja kwak te yawit inat ne takamet ka taja tiyek sute yawi ina ne Teut.

3 Kwakuni, tay kipia ne Yudayuj tay yek, wan tay ipatiw ne tayawaltekilis? ² Yaja sujsul wey! Achtu: ika yejemet kikwijket ne ipajpalabraj ne Teut pal tajpiat. ³ Melka uni, sejse inte tajpishket. Anka yajika yawi mupulua ne ipromesaj ne Teut? ⁴ Tesu keman! Tinakan mas yek ka ne yekkaya Teut, wan muchi ne takamet sankataketzat! Ken muijkwilujtuk:

⁵ Ashan, su tay ne tikchiwat tay teyek kilwitia ka yek ne Teut, tay tinasket? Anka ne Teut inte yek ika kwalani? Nina ken takat. ⁶ Tesu keman! Su te, ne Teut ken yawi kichiwa juzgar ne taltikpak? ⁷ Asu ne tejkia ipal ne Teut muchiwa mas wan yaja tzitzinaka ijtik ne nusanka, taika nechtenewat ken tateyekchiwani kenhayuk? ⁸ Wan te ken kukujtaketzat tupanpa wan sejse inat ka tejemet tinat: "Tikchiwakan tay teyek, pal witz ne tay yek"? Melawak ma kichiwakan juzgar.

Muchi ne takamet tateyekchiwat

⁹ Tay tina? Techpalewia? Te tatka! Tikilwitijtiwita ka ne Yudayujmet wan ne Greciajtakamet muchi nemit itan tateyekchiwalis. ¹⁰ Ken muijkwilujtuk:

¹⁹ Tikmatit ka muchi tay ina ne tajtuli, kinhilwia ne takamet ne nemit itan ne tajtuli, pal ma mutzakwakan itejten muchi wan ma muchiwakan muchi tejtenejtuk iishpan ne Teut, ²⁰ ika iwan ne tajtuli nian se weli ina ka yek; iwan ne tajtuli semaya tiwelit tikishmatit tay ne teyek.

Sema ne tayulmatilis weli techpalewia

²¹ Ashan muneshtijtuk ne itamelakchiwalis Teut, inte ijtik ne tajtuli asunte ukse ujti tay ipanpa taketzat ne tajtuli wan ne taketzanimet: ²² ne itamelakchiwalis Teut ne witz ika tikyulmatit Yeshu Mawaltijtuk. Yaja ipal muchi ne tayulmatit, inte sema sejse wan sejse inte. ²³ Ika muchi tateyekchijtiwit wan kinchiwa faltaj ne itawilyu ne Teut, ²⁴ ma inakan ka yejyek melka inte kipiat taika, ipanpa ne itetasujtalis, ika kinmakishtia ne Mawaltijtuk Yeshu, ²⁵ ká ne Teut techtalilij ken se mutemaka wan miki ka tumaku, ijtik tayulmatilis, pal kilwitia ne itamelakchiwalis ika techtapupulwia melka titateyekchijtiwit ikman. ²⁶ Yaja ipanpa ne itasejselilis ne Teut. Kiane, ashan kilwitia ne itamelakchiwalis, pal ma yek wan pal tinakan ka yek ká ne kiyulmati Yeshu.

²⁷ Yajika, kan nemi ne muweymatilis? Te kanaj! Uni ipanpa se tajtuli? Ken uni tajtuli? Se tajtuli ne techilwia tay tinemit pal tikchiwat? Inte. Se tajtuli ne techilwia ma titayulmatikan. ²⁸ Tinat tel ka muilwitia ka yek se ipanpa ne itayulmatilis, inte ipanpa tay kichiwa tay ina ne tajtuli. ²⁹ Yaja ne Teut ipal ne Yudayujmet isel? Anka yaja inte nusan ipal ne tejtechan? Kiane, nusan ipal ne tejtechan; ³⁰ su sema sechin ne Teut, wan ipal ne Teut yek ne tayawaltekilis ipanpa tayulmatilis, wan kenhaya yek ne tzuntepul ika tayulmati. ³¹ Kwakuni, tikpuluat ne tajtuli iwan ne tayulmatilis? Intesu! Tiketzat ne tajtuli!