◀ All Reading Plans / M’Cheyne Bible Reading Plan / Family: Deuteronomy 32; Psalm 119:121–144. Secret: Isaiah 59; Matthew 7. (Nepali Bible: Easy-to-Read Version)

Prev Day

June 27, 2025

Next Day

Use the calendar to view readings from this devotional.

June 2025
Su	Mo	Tu	We	Th	Fr	Sa
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Return to today's reading

M’Cheyne Bible Reading Plan

The classic M'Cheyne plan--read the Old Testament, New Testament, and Psalms or Gospels every day.

Duration: 365 days

व्यवस्था 32

32 “हे आकाश! सुन, म बोल्नेछु, हे पृथ्वी!
    मेरो मुखको वचनहरू सुन।
²मेरा शिक्षाहरू झरी झैं पर्नेछन्।
    भूईँमा खस्ने तुषारो
जस्तै झर्नेछन् नरम घाँसमा पर्ने पानी
    जस्तै झर्नेछन् हरिया बोटहरूमा पानी झैं पर्नेछन्।
³किनभने म परमप्रभुको नाउँ घोषणा गर्छु,
    हाम्रा परमेश्वरको महानताको प्रशंसा गर।

⁴“उहाँ चट्टान हुनुहुन्छ,
    कारण उहाँका बाटाहरू सही छन्,
    परमेश्वर सत्य र विश्वास योग्य हुनुहुन्छ।
उहाँ असल,
    र इमानदार हुनुहुन्छ।
⁵अनि तिमीहरू उहाँका असली बाल-बच्चाहरू होइनौ,
    तिमीहरूको पापले उहाँलाई धमिल्याउनेछ,
    कारण तिमीहरू धूर्त झूटा छौ।
⁶के परमप्रभुले तिमीहरूको निम्ति गरेकोमा
कृतज्ञता त्यसरी व्यक्त गर्नु पर्छ?
    होइन, तिमीहरू मूर्ख र बुद्धिहीन हौ।
परमप्रभु तिमीहरूका पिता हुनुहुन्छ।
    उहाँले तिमीहरूको सृष्टि गर्नुभयो।
उहाँ तिमीहरूका सृष्टिकर्ता हुनुहुन्छ।
    उहाँले तिमीलाई समर्थन गर्नुहुन्छ।

⁷“उहिले नै के भएको थियो सम्झना गर,
    धेरै-धेरै बर्षअघि भएका कुराहरू सम्झना गर।
तिमीहरूका पितालाई सोध
    तिमीहरूको अगुवाहरूलाई सोध, तिनीहरूले भन्नेछन्।
⁸सर्वोच्च परमेश्वरले पृथ्वीमा मानिसहरूलाई विभाजन गरी
    प्रत्येक जातिलाई आफ्नो आफ्नो भूमि दिनु भयो।
परमेश्वरले ती मानिसहरूको निम्ति सीमाना छुट्याउनु भयो,
    जति स्वर्गदूतहरू थिए उहाँले त्यति जातिको सृष्टि गर्नु भयो।
⁹परमप्रभुको निज हिस्सा उहाँका
    मानिसहरू हुन् याकूब परमप्रभुका हुन्।

¹⁰“परमप्रभुले याकूबलाई बीरानो
    अनि बतासले भरिएको मरुभूमिमा भेट्नुभयो।
परमप्रभुले हेर्नको निम्ति याकूबलाई घेर्नु भयो।
    उहाँले उसलाई आफ्नो आँखाको नानीलाई झैं जोगाउनु भयो।
¹¹इस्राएलको निम्ति परमप्रभु गरूड़ झैं हुनु हुन्थ्यो।
    गरूड़ले उड्न सिकाउनको निम्ति गुँडबाट बच्चाहरूलाई घँचेटेर निकाल्छ,
सुरक्षाको निम्ति ऊ आफ्ना बच्चाहरू सँगै उड्छे।
    उसले बच्चाहरूलाई खस्नुबाट जोगाउन आफ्नो पखेंटा फिँजाउँछे।
अनि उसले रक्षागर्न को निम्ति सुरक्षित ठाउँमा लिएर जान्छे।
    परमप्रभु त्यस्तै हुनुहुन्छ।
¹²कुनै अरू विदेशी देवताहरूले उसलाई सहायता गरेनन्
    परमप्रभु एक्लैले याकूबको नेतृत्व गर्नु भयो।
¹³परमप्रभुले याकूबलाई पहाडी देशलाई कब्जा गर्न लानु भयो
    अनि याकूबले खेतको उब्जनी लगे।
परमप्रभुले उसलाई पहराको मह दिनुभयो,
    अनि भद्राक्षको तेल चट्टानबाट निकालेर बनाउनु भयो।
¹⁴परमप्रभुले इस्राएललाई गाई-गोरूको बथानबाट
    र भेंडाहरूको बगालबाट घीऊ र दूध दिनु भयो;
उहाँले इस्राएललाई मोटा-मोटा थुमाहरू र बाख्राहरू बथानका असल भेंडाहरू र अति असल गहुँ दिनुभयो।
    इस्राएली तिमीहरूले दाखको रातो रस पियौ।

¹⁵“तर यशूरून मोटाए अनि गोरूले झैं लात हाने।
    (हो, तिमीहरूलाई प्रशस्त खुवाइयो र मोटा र पुष्ट भयौ।)
तब उसले आफ्नै सृष्टि कर्तालाई त्यागे,
    अनि ऊ त्यस चट्टानबाट भागे जसले उसलाई बचाएको थियो।
¹⁶परमप्रभुको मानिसहरूले उहाँलाई ईर्ष्यालु बनाए तिनीहरूले अरू देवताहरूको पूजा गरे।
    तिनीहरूले ती भयानक मूर्तिहरू पूजेर परमेश्वरलाई रीस उठाए।
¹⁷तिनीहरूले भूतहरूलाई बलिदानहरू चढाए जो सत्य देवताहरू थिएनन् तिनीहरू नयाँ देवताहरू थिए।
    त्यो तिनीहरूले जान्दैन थिए,
    ती नयाँ देवताहरू तिमीहरूको पिता-पुर्खाहरूले जान्दैन थिए।
¹⁸जसले तिमीलाई बनायो, त्यस चट्टानलाई तिमीले छोड्यौ
    तिमीले ती परमेश्वरलाई बिर्सियौ जसले तिमीलाई जन्म दिनु भयो।

¹⁹“परमप्रभुले यो देखेर तिनीहरूसित निराश हुनु भयो।
    उहाँका आफ्नै छोरा-छोरीहरूले उहाँलाई रीस उठाए।
²⁰यसकारण परमप्रभुले भन्नुभयो,
‘म तिनीहरूलाई त्याग गर्नेछु
    तब हेरौं के हुन्छ!
तिनीहरू विद्रोही मानिसहरू हुन्।
    तिनीहरू नानीहरू जस्तै छन् जसले आफ्नो पाठ सिक्दैन।
²¹तिनीहरूले मलाई मूर्तिहरूद्वारा ईर्ष्यालु बनाए जो ईश्वरहरू होइनन्
    तिनीहरूले मलाई मूल्यहीन मूर्तिहरूसित रिसाउने बनाए।
म तिनीहरूलाई मानिसहरूसित रिसाउने बनाउनेछु जो साँचो राष्ट्र होइनन्।
    म तिनीहरूलाई मूर्ख जातिका मानिससित रिसाउने बनाउनेछु।
²²मेरो रीस आगो जस्तै बल्नेछ।
    चिहानको तल्लो सतहसम्म बलेर।
पृथ्वी अनि यसका अरू चिज नष्ट गर्दै
    बलेर पहाडको तलसम्म जलाई दिन्छु।

²³“‘म इस्राएलीहरूमाथि विपत्ति ल्याउनेछु,
    म तिनीहरू माथि आफ्ना सबै वाण चलाउनेछु।
²⁴तिनीहरू भोकले, दुर्बल हुनेछन्
    अनि भयङ्कर रोगहरूले तिनीहरूलाई नष्ट पार्नेछन्।
तिनीहरूको विरोधमा म जङ्गली जनावर पठाउनेछु।
    विषालु सर्पहरू र छेपाराहरूले तिनीहरूलाई टोक्ने छन्।
²⁵बाटा-घाटामा सैनिकहरूले तिनीहरूलाई मार्नेछन्।
    तिनीहरूका घरहरूमा भयंकर घटनाहरू हुनेछन्।
सैनिकहरूले युवा-युवतीहरूलाई मार्नेछन्।
    तिनीहरूले नानीहरू अनि बूढा-बूढीहरूलाई मार्नेछन्।

²⁶“‘मैले इस्राएलीहरूलाई नाश गर्ने विषयमा सोचें।
    यस कारण म मानिसहरूको बीचबाट तिनीहरूको सम्झना मेटिदिनेछु।
²⁷तर म जान्दछु, तिनीहरूका शत्रुहरूले के भन्नेछन्।
    शत्रुहरूले बुझ्ने छैनन्।
तिनीहरू सेखी गर्नेछन् अनि भन्नेछन्,
    “परमप्रभुले इस्राएललाई नष्ट गर्नुभएन
    हामीले हाम्रै शाक्तिले जित्यौं।”’

²⁸“इस्राएलका मनिसहरू मूर्ख छन्,
    तिनीहरूले केही बुझ्दैनन्।
²⁹यदि तिनीहरू ज्ञानी भए
    तिनीहरूले बुझ्ने थिए,
    तिनीहरूले जान्ने थिए तिनीहरूलाई के हुनेछ।
³⁰के एकजना मानिसले 1,000 मानिसहरूलाई लखेट्न सक्छ?
    के दुइजना मानिसहरूले 10,000 मानिसहरूलाई लखेट्न सक्छन्?
यो तब मात्र हुनेछ यदि परमप्रभुले तिनीहरूलाई शत्रुको हातमा सुम्पिनु हुन्छ।
    यो तब मात्र हुनेछ यदि तिनीहरूको चट्टान (परमेश्वरले) तिनीहरूलाई कमारा जस्तै बेच्नु हुन्छ।
³¹हाम्रा शत्रुहरूको ‘चट्टान’ हाम्रो चट्टान (परमप्रभु) जस्तो शक्तिशाली छैन
शत्रुहरूलाई पनि यो थाहा छ।
³²सदोम र गमोरा जस्तै तिनीहरूको अङ्गुरको लहरा र खेती नष्ट हुनेछ।
तिनीहरूको अङ्गुर विष जस्तै तीतो हुनेछ।
³³    तिनीहरूको दाखरस सर्पको विष झैं छ।

³⁴“परमप्रभु भन्नुहुन्छ,
‘म त्यस दण्डलाई साँच्दैछु।
    मैले यसलाई मेरो भण्डारमा जम्मा गरेको छु।
³⁵तिनीहरूले गरेको नराम्रा कार्यहरूको निम्ति,
म नै तिनीहरूलाई दण्ड दिन्छु।
    तर त्यो दण्ड त्यस समयको निम्ति जोगाई राखेकोछु
    जब तिनीहरू चिप्लन्छन् र नराम्रो कार्यहरू गर्छन्।
तिनीहरूको निम्ति कष्टको समय नजिकै छ।
    तिनीहरूको दण्ड चाँडै आउनेछ।’

³⁶“परमप्रभुले आफ्नो मानिसहरूको न्याय गर्नुहुनेछ।
    तिनीहरू उहाँका सेवकहरू हुन्
    अनि उहाँ तिनीहरू प्रति दया देखाउनु हुन्छ।
उहाँले तिनीहरू शाक्तिहीन भएको थाहा पाउनु हुनेछ।
    कमारा-कमारीहरू र मुक्त मानिसहरू पनि,
    असाहाय भएको उहाँले थाहा पाउनु हुनेछ।
³⁷तब परमप्रभुले भन्नु हुनेछ,
    ‘झूटा देवताहरू कहाँ छन्?
    त्यो “चट्टान” कहाँ छ शरण गर्न तिमीहरू दगुरेका थियौ?
³⁸ती झूटा देवताहरूले तिमीहरूको बलिको बोसो खाए
    अनि तिनीहरूले चढाएको अर्घका दाखरस पिए।
यसकारण तिनीहरू उठ्न तिमीहरूको सहायता गरून्
    तब तिमीहरूको रक्षा गरून्।

³⁹“‘अब हेर, एक मात्र म नै परमेश्वर हुँ!
    अरू कुनै ईश्वर छैन।
म नै मानिसलाई मार्दछु,
    अनि मानिसहरूलाई जीवित पार्दछु,
म मानिसहरूलाई चोट पुर्याउन सक्छु,
    अनि तिनीहरूलाई निको पार्न सक्छु।
कसैले मानिसलाई मेरा शक्तिबाट बचाउँन सक्दैन।
⁴⁰म स्वर्गतिर हात उठाउँछु अनि यो कसम खान्छु।
म सधैँ निश्चित हुन्छु
    यी कुराहरू हुनेछन्।
⁴¹म प्रतिज्ञा गर्छु,
    म मेरो चम्किने तरवार उधाउँनेछु,
    मेरा शत्रुहरूलाई दण्ड दिन यसको प्रयोग गर्नेछु।
    म तिनीहरूलाई तिनीहरूको कर्म अनुसार दण्ड दिनेछु।
⁴²मेरा शत्रुहरू मारिनेछन् अनि बन्दी हुन्छन्।
    मेरो काँडहरू तिनीहरूको रगतले रंगीने छन्।
    मेरो तरवारले तिनीहरूका सैनिकहरूका शिर काटूनेछ।’

⁴³“सारा संसार मानिसहरूका परमेश्वरको निम्ति खुशी हुनुपर्छ।
    किनभने उहाँले तिनीहरूलाई सहायता गर्नुहुन्छ,
    उहाँले मानिसहरूलाई दण्ड दिनु हुनेछ जसले आफ्ना सेवकहरूलाई मार्छन्।
उहाँले शत्रुहरूको अपराध अनुसार दण्ड दिनुहुन्छ।
    अनि उहाँले आफ्नो भूमि र मानिसहरूलाई शुद्ध बनाउनु हुनेछ।”

मोशाले मानिसहरूलाई आफ्नो गीत सिकाउँछन्

⁴⁴मोशा र नूनको छोरो यहोशू आए अनि इस्राएलका मानिसहरूले सुनून् भनी यस गीतका शब्दहरू गाए। ⁴⁵जब मोशाले मानिसहरूलाई यो वचनहरू दिई सके, ⁴⁶तब उनले भने, “तिमीहरूले निश्चय गर्नु पर्छ आज मैले बताएका सबै आज्ञाहरू तिमीहरू सम्झना राख्छौ र यस व्यवस्थामा रहेका आज्ञाहरू तिनीहरूले पालन गर्नै पर्छ भनी आफ्ना छोरा-छोरीहरूलाई बताउँनेछौ। ⁴⁷नसोच यी उपदेशहरू महत्वहीन छन् ती तिमीहरूको जीवन हुन्। यी शिक्षाहरूद्वारा तिमीहरू यर्दन नदी पारिको देश जुन देशमा तिमीहरू बस्न जान तयार छौ त्यहाँ धेरै समयसम्म बस्न सक्छौ।”

मोशा नबो डाँडामा

⁴⁸त्यही दिन परमप्रभुले मोशासित बोल्नु भयो। परमप्रभुले भन्नुभयो, ⁴⁹“अबारिम पहाडमा जाऊ। मोआब देशमा नबो पर्वतमा जाऊ जो यर्दन नदीपारि यरीहो शहर छ। तब तिमीले त्यो कनान देशलाई देख्न सक्छौ जुन देश म इस्राएलीहरूलाई बस्न दिंदैछु। ⁵⁰तिमी त्यही पर्वतमाथि मर्नेछौ। तिमी पनि त्यसरी नै आफ्नो मानिसहरूसित मिल्नेछौ जसरी तिम्रा दाज्यू हारून होर पर्वतमा मरे र आफ्नो मानिसहरूसित मिले। ⁵¹किनभने जब तिमी सीनको मरुभूमिमा कादेशको नजिक मरीबा पानीमा थियौ तब तिमी दुवैले मेरो विरूद्ध इस्राएलीहरूको अघि पाप गरेको थियौ। तिमीले मेरो सम्मान गरेनौ अनि ‘म पवित्र हुँ’, भनी मानिसहरूलाई बुझाएनौ। ⁵²यस कारण अब मैले इस्राएलका मानिसहरूलाई दिंदै गरेको भूमि तिमीले हेर्न सक्छौ तर त्यहाँ पस्न सक्दैनौ।”

भजनसंग्रह 119:121-144

ऐन्

¹²¹मैले के सही र के राम्रो त्यही गरेकोछु।
    हे परमप्रभु, मलाई ती मानिसहरूकहाँ नदिनु होस्,
    जसले मलाई आघात पुर्याउन चाहन्छन्।
¹²²मप्रति असल रहने कसम खानुहोस् किनकि म तपाईंको दास हुँ।
    हे परमप्रभु, ती अंहकारीसहरूलाई मप्रति आघात पुर्याउन नदिनुहोस्।
¹²³हे परमप्रभु, तपाईंबाट सहायताको र तपाईंको राम्रो वचनको निम्ति बाटो हेर्दा हेर्दा
    मेरो आँखाहरू टट्टाई सके।
¹²⁴म तपाईंको दास हुँ,
तपाईंको स्नेहपूर्ण करूणा मलाई देखाउनु होस्।
    मलाई तपाईंको विधिहरू सिकाउनु होस्।
¹²⁵म तपाईंको दास हुँ, मलाई बुझ्ने सामर्थ पार्नुहोस,
    ताकि तपाईंको करार-वचन म बुझ्न सकुँ।
¹²⁶हे परमप्रभु, यो तपाईंले केही गर्ने समय हो।
    मानिसहरूले तपाईंको विधिहरू भङ्ग गरे।
¹²⁷हे परमप्रभु, म खाटी सुन भन्दा पनि
    तपाईंको आज्ञाहरू मन पराउँछु।
¹²⁸म खुब होशियारीसँग तपाईंको आज्ञाहरू पालन गर्छु।
    म झूटो शिक्षाहरूलाई घृणा गर्दछु।

पे

¹²⁹हे परमप्रभु, तपाईंको करार अद्भूत छ।
    यसकारण म त्यसको अनुशरण गर्दछु।
¹³⁰कुनै ज्योतिले तिनीहरूलाई बाँच्ने ठीक तरिका देखाए झैं मानिसहरूले तपाईंको शब्दहरू बुझ्न शुरू गरे।
    तपाईंका वचनले सामान्य भन्दा सामान्य मानिसहरूलाई सम्म बुद्धिमानी बनाउँदछ।
¹³¹हे परमप्रभु, म साँच्चो रूपले तपाईंका आज्ञाहरू मनन गर्न चाहन्छु,
    म त्यो स्वास रोकिएर अधैर्यपूर्ण पर्खिरहेको मानिस जस्तो छु।
¹³²हे परमेश्वर, मलाई हेर्नुहोस र म प्रति कृपालु बन्नु होस्।
    जसले तपाईंको नाउँको पुकारा गर्छन्,
    ती मानिसहरूका लागि असल काम गरिदिनुहोस्।
¹³³हे परमप्रभु, तपाईंले कसम खाए झैं मलाई डोर्याउनु होस्
    मतर्फ कुनै प्रकारको दुर्घटना घट्न नदिनुहोस्।
¹³⁴हे परमप्रभु, मलाई दुःख-कष्ट दिने मानिसहरूबाट बचाउनु होस्
    अनि म तपाईंको आज्ञाहरू पालन गर्ने छु।
¹³⁵हे परमप्रभु, मलाई ग्रहण गर्नुहोस्,
    अनि आफ्नो नियमहरू सिकाउनुहोस्।
¹³⁶म आँसुका बलिन्द्रधारा नदी सरी बहाएर रोएँ
    किनभने कसैले पनि तपाईंको शिक्षाहरू पालन गरेनन्।

त्साधे

¹³⁷हे परमप्रभु, तपाईं धर्मी हुनुहुन्छ।
    तपाईंका नियमहरू सही र ईमान्दार छन्।
¹³⁸तपाईंले हामीलाई आफ्ना करारमा धार्मिक नियमहरू दिनुभयो।
    हामी साँच्चै नै तिनीहरूमा भरोसा गर्न सक्छौं।
¹³⁹मेरो उत्साहले मलाई ध्वंश पारिरहेछ।
    म अत्यन्त उदास छु किनभने मेरो शत्रुहरूले तपाईंको आज्ञाहरू भूले।
¹⁴⁰परमप्रभु, हामीले प्रमाण पनि दियौं कि हामी तपाईंकै वचनमा विश्वास गर्छौं।
    अनि म यसलाई मन पराउँछु।
¹⁴¹म क्षुद्र र तुच्छ छु, अनि मानिसहरूले मेरो आदर गर्दैनन्।
    तर म तपाईंको आज्ञाहरू भुल्ने छैन।
¹⁴²परमप्रभु, तपाईंको धार्मिकता चिरस्थायी छ।
    अनि तपाईंको उपदेशहरू विश्वास गर्न सकिन्छ।
¹⁴³मसँग सङ्कट र दुःखका दिनहरू छँदै थिए
    तर म तपाईंको आज्ञाहरूमा आनन्द लिन्छु।
¹⁴⁴तपाईंको करार अनन्तको लागि असल छ।
    यसलाई समझशक्ति दिनुहोस् ताकि म बाँच्न सकुँ।

यशैया 59

दुष्ट मानिसहरूले आफ्ना जीवाईहरू परिवर्तन गर्नु पर्छ

59 हेर, तिमीहरूलाई बचाउनको निम्ति परमप्रभुको शक्ति नै प्रयाप्त छ। उहाँले सुन्नु हुनेछ जब तिमीहरूले उहाँको साथ माँग्छौ। ²तर तिमीहरूको पापले गर्दा तिमीहरू र परमेश्वर माझ एउटा तगारो छ। परमप्रभुले तिम्रा पापहरू देख्नु हुन्छ अनि अनुहार अर्को तिर फर्काउनु हुन्छ। ³तिमीहरूका हातहरू मैला छन्, तिनीहरू रगतमा लतपतिएकाछन्। तिमीहरूले आफ्ना मुखबाट झूटो बोल्यौ। तिमीहरूका जिब्राहरूले दुष्ट कुराहरू भन्छन्। ⁴कसैले पनि अरूहरूको बारेमा साँच्चो कुरा भन्दैन्। मानिसहरूले न्यायलयमा झूटो मामला दायर गर्छन अनि आफ्ना मुद्दाहरू जित्नको लागि झूटो तर्कहरू मा भर पर्दछन्। तिनीहरू परस्परमा झूटो बोल्दछन्। तिनीहरू कष्टले पूर्ण छन् अनि पापलाई जन्म दिन्छन्। ⁵तिनीहरूले अनिष्ट कर्म जन्माउँछन् जसरी विषालु सर्पहरूले आफ्ना अण्डाबाट विषालु बच्चा निकाल्छन्। यदि तिमीहरूले तिनीहरू मध्ये एउटा अण्डा पनि खायौ भने मर्नेछौ। अनि यदि तिमीहरूले एउटा पनि अण्डा फुटायौ भने त्यहाँबाट विषालु सर्प बाहिर निस्कनेछ।

झूटा मानिसहरूले भनेका कुराहरू माकुराको जाल जस्तै हुन्छ। ⁶माकुराका जालहरूबाट लुगा बनाउन सकिदैन्। तिमीहरूले स्वयंलाई ती जालहरूसँग ढाक्न सक्दैनौ।

कतिपय मानिसहरूले अधर्म कामहरू गर्छन् र आफ्ना हातहरूले अरूलाई चोट पुर्याउँछन्। ⁷तिनीहरूले आफ्ना खुट्टाहरू पापमा दगुर्न चलाउँछन्। कुनै पनि निर्दोष मानिसलाई मार्नको लागि तिनीहरू हतारिन्छन्। तिनीहरूले दुष्टकुराहरू सोच्दछन्। उपद्रव र चोरी गर्नु नै तिनीहरूको जीवनको बाटो हो।

⁸ती मानिसहरूले शान्तिको बाटो जान्दैनन्। ती मानिसहरू निष्पक्ष छैनन्। तिनीहरू कपटी जीवन जिउँछन्। अनि जो मानिसहरू त्यस्तो प्रकारले बाँच्दछन् तिनीहरूले कहिल्यै शान्ति पाउने छैनन्।

पापले इस्राएलमा सङ्कट ल्याउँदछ

⁹सबै न्याय र धार्मिकता हराएर गयो।
यहाँ हाम्रा सामु अन्धकार मात्र छ।
    यसर्थ उज्यालोकोलागि हामीले पर्खनु पर्छ।
हामी चहकिलो प्रकाशको आशा गर्दछौं
    तर हामी सबैमा अन्धकार मात्र छ।
¹⁰हामी आँखाहरू नभएका मानिसहरू जस्ता छौं
    हामी अन्धाहरू झैं भित्ता छाम्दै हिँड्छौ।
हामी ठोकिन्दै लड्छौं मानौ यो रात हो,
    हामी दिनको उज्यालोमा पनि देख्न सक्तैनौ
    मध्यदिनमा हामी मृत मानिस जस्तै लड्छौं।
¹¹हामी सबै अत्यन्त उदास छौं,
    ढुकुरहरू र भालूहरूले झैं हामी आवाजहरू निकाल्छौ।
मानिसहरू कहिले निष्पक्ष हुन्छन् भन्ने समयलाई हामी पर्खिरहेका छौं।
    तर अझ सम्म त्यहाँ सत्य भन्ने नै छैन।
हामी सुरक्षित हुन पर्खिरहेका छौं
    तर मुक्ति भने अझै टाढा छ।
¹²किनभने हामीले धेरै पल्ट,
    गल्ती कुराहरू परमेश्वरका विरूद्ध गर्यौ।
हाम्रा पापहरूले हामी गल्ती भएको देखाउँछ।
    हामी जान्दछौ त्यस्ता कामहरू गरेर हामी दोषी छौं।
¹³हामीले पाप गर्यौ
    र परमप्रभुको विरोधमा कर्म गर्यौ।
हामीले उहाँबाट मुख फर्कायौं
    र उहाँलाई त्याग्यौं।
हामीले परमेश्वरको विरूद्ध
    पापपूर्ण कुराहरू गर्यौं।
हामीले त्यस्ता कुभलो हुने कुराहरू
    मनमनै सोच्यौं त्यस्तो योजना बनायौं।
¹⁴न्याय हामीबाट फर्केर टाढा गयो।
    सत्य टाढा नै उभिन्छ।
सत्यता भन्ने कुराहरू गल्लीहरूमा खसे।
    धार्मिकता भन्ने कुरा शहरमा प्रवेश गर्न निषेध भयो।
¹⁵सत्य हराएर गयो।
    अनि मानिसहरू जसले राम्रो काम गर्न प्रयास गरे तिनीहरू लुटिए।

परमप्रभुले हेर्नु भयो अनि उहाँले धार्मिकता कतै पाउन सक्नु भएन्।
    परमप्रभुले ती सबै मन पराउनु भएन।
¹⁶परमप्रभुले हेर्नु भयो र कतै पनि कुनै मानिस नभएकोले
    उहाँ छक्क पर्नुभयो जससँग उभिएर बोल्न सकिन्छ।
यसकारण परमप्रभुले आफ्नो शक्ति प्रयोग गर्नु भयो
    र साथै आफ्नै धार्मिकता चलाउनु भयो,
    अनि मानिसहरूलाई उद्धार गर्नु भयो।
¹⁷परमप्रभुले युद्ध तयार गर्नुभयो।
    परमप्रभुले धार्मिकताको हतियार भिर्नु भयो।
मुक्तिको टोपी लगाउनु भयो दण्डको पोषाक
    र प्रबल प्रेमको लुगा लगाउनु भयो।
¹⁸परमप्रभु आफ्ना शत्रुहरूमाथि क्रोधित हुनुहुन्छ।
    यसैले परमप्रभुले तिनीहरूलाई दण्ड दिनुहुनेछ,
    जसको हकदार तिनीहरू छन्।
परमप्रभु आफ्ना शत्रुहरूसँग क्रोधित हुनुहुन्छ।
    यसकारण टाढा-टाढामा भएका सबै मानिसहरूलाई उहाँले दण्ड दिनुहुनेछ।
¹⁹तब नै पश्चिमका मानिसहरू परमप्रभुसित डराउँछन्
    अनि उहाँलाई सम्मान गर्छन्।
पूर्वका मानिसहरू डराउनेछन्,
    अनि उहाँको महिमाको आदर गर्नेछन्।
तेज बग्ने नदी प्रवल हावाले हुत्याए झैं,
    परमप्रभु झट्टै आउनु हुनेछ।
²⁰तब सियोनमा मुक्तिदाता आउनेछ।
    उहाँ याकूबको सन्तानहरूकहाँ आउनु हुनेछ,
    जसले पापगरे तर परमप्रभु कहाँ फर्केर आए।

²¹परमप्रभु भन्नुहुन्छ, “म ती मानिसहरूसँग करार गर्नेछु। म वचन दिँदछु कि मेरो आत्मा र वचनहरू जुन म तिमीहरूको मुखमा राख्नेछु त्यसले तिमीहरूलाई कहिल्यै त्याग्ने छैन। तिनीहरू तिमीहरूका छोरा छोरी र नाती पनाती सम्म रहनेछन्। तिनीहरू अहिले तिमीहरूसँग हुनेछन् र सर्वदा रहनेछन्।

मत्ती 7

येशूद्वारा निसाफ बारे शिक्षा

(लूका 6:37-38,41-42)

7 “अरू प्रति निसाफ नगर, जस्तो कि परमेश्वरले पनि तिमीहरूको निसाफ गर्नु हुनेछैन। ²जुन नियम उपयोग गरी तिमीहरू अरूको निसाफ गर्दछौ, उसैगरी तिमीहरू पनि निसाफ गरिनेछौ। अनि जुन उपाय प्रयोग गरी अरूलाई तिमीरू क्षमा गर्नेछौ त्यही उपाय उपयोग गरी तिमीहरूलाई क्षमा प्रदान गरिनेछ।

³“किन तिमी आफ्नो भाइको आँखामा भएको सानो कसिङ्गर देख्छौ, तर तिम्रो आफ्नै आँखामा भएको ठूलो काठको चोइटो भने देख्दैनौ। ⁴अथवा कसरी तिमीले तिम्रो भाइलाई भन्नसक्छौ, ‘मलाई तिम्रो आँखाबाट कसिङ्गर निकाल्नदेऊ,’ जब तिम्रो आफ्नै आँखामा त्यो काठको ठूलो चोइटो रहेकोछ? ⁵ए कपटी हो! पहिले तिम्रो आफ्नै आँखामा भएको त्यो ठूलो काठको चोइटो निकाल त्यसपछि मात्र तिमीले आफ्ने भाइको आँखामा भएको कसिङ्गर देख्नेछौ।

⁶“कुकुरहरूलाई पवित्र चीजहरू नदेऊ। तिमीहरूले तिमीलाई झम्टने छन् अनि टुक्रा-टुक्रा पारी च्यात्नेछन्। आफ्ना मोतीहरू सुँगुरका अगाडी नफाल। तिनीहरूले केवल त्यसलाई कुल्चने छन्।

जे चाहन्छौ परमेश्वरलाई माग

(लूका 11:9-13)

⁷“माँग, तब परमेश्वरले तिमीहरूलाई दिनुहुनेछ। खोजी गर तब तिमीहरूले पाउनेछौ। ढक्ढकाऊ, तब ढोका तिमीहरूको लागि उघ्रनेछ। ⁸साँच्चो हो, जसले माग्छ त्यसले पाउँदछ। जसले खोज्दछ उसले भेट्टाउँदछ। अनि जसले ढक्ढक्याउँछ उसको निम्ति ढोका खोलिनेछ।

⁹“तिमीहरूमध्येको बाबु होला? यदि तिमीहरूको छोरोले रोटी मागे, के तिमीहरू उसलाई ढुङ्गा दिन्छौ? अँहँ। ¹⁰अथवा, जब तिम्रो छोरोले माछा माग्छ भने के तिमीले उसलाई सर्प दिन्छौ? अँहँ! ¹¹तिमी परमेश्वर झैं होइनौ-तिमी दुष्ट हौ र पनि तिमीहरूका छोरा-छोरीहरूलाई असल कुराहरू दिन जान्दछौ। यसकारण तिमीहरूका पिताले उहाँसित माग्नेहरूलाई कति बढी भरेर असल चीजहरू दिनु हुनुहुनेछ।

प्रमुख नियम

¹²“अरू मानिसहरूले तिमीहरूलाई जे जसो गरून् भन्ने तिमीहरू चाहन्छौ, तिमीहरूले पनि तिमीहरूलाई त्यसै गर। यहीनै मोशाको व्यवस्थाको अर्थ र अगमवक्ताहरूको उपदेश हो।

स्वर्ग र नर्कको बाटो

(लूका 13:24)

¹³“साँघुरो ढोकाबाट भित्र पस, जसले स्वर्गमा पुर्याउँछ। नर्कमा जाने बाटो एकदमै सजिलो छ। अनि ढोका पनि फराकिलो छ। धेरै मानिसहरू त्यसबाट भित्र पस्दछन्। ¹⁴जीवनको बाटोमा लाने ढोका साँघुरो छ अनि बाटो अति कठिन छ। केवल केही मानिसहरूले मात्र त्यो बाटो पैलाउन सक्छन्।

अरूहरू जे गर्दछन् त्यो हेर्नु

(लूका 6:43-44; 13:25-27)

¹⁵“झूटा अगमवक्ताहरूबाट होशियार बस। तिनीहरू भेंडा़, का भेषमा तिमीहरूकहाँ आउँछन्। तर वास्तावमा तिनीहरू खतरनाक ब्वाँसाहरू झैं हुन्छन्। ¹⁶तिनीहरूले गरेका कामहरूबाट तिनीहरूलाई चिन्न सकिन्छ। जसरी मानिसले काँडाका बोटबाट अंगूर अथवा काँडादार पोथ्राबाट नेभारा पाउन सकिंदैन। त्यसरी नै नराम्रो मानिसहरूबाट राम्रा कामहरू हुँदैनन्। ¹⁷त्यसरी नै, प्रत्येक असल रूखले राम्रो फल दिन्छ। अनि नराम्रो रूखले नराम्रै फल दिन्छ। ¹⁸एउटा असल रूखले खराब फल फलाउँदैन अनि नराम्रो रूखले कहिल्यै असल फल फलाउँदैन।” ¹⁹असल फल दिन नसक्ने प्रत्येक रूख काटेर ढालिन्छ र आगोमा फालिन्छ। ²⁰यसकारण तिनीहरूका कर्मबाट तिमीहरूले झूटा अगमवक्ताहरूलाई चिन्नेछौ।

²¹“मलाई प्रभु, प्रभु, भन्ने हरेक मानिस स्वर्गको राज्यमा प्रवेश गर्न पाउनेछैन। तर जसले स्वर्गमा हुनुहुने मेरो पिताको इच्छा पालन गर्छ। उसले स्वर्गको राज्यमा प्रवेश गर्न पाउनेछ। ²²अन्तिम दिनमा धेरैले मलाई भन्नेछन्, ‘तपाईं नै हाम्रा प्रभु हुनुहुन्छ। हामीले तपाईंकै नाउँमा अगमवाणी बोल्यौ; अनि तपाईंकै नाउँमा हामीले ती दुष्टहरूलाई निकाली पठायौं अनि अनेक अनौठा चमत्काहहरू गर्यौ।’ ²³तब म तिनीहरूलाई स्पष्ट रूपले भन्नेछु, ‘तिमी त्यो पाप काम गर्नेहरू म देखि टाढा होओ मैले तिमीहरूलाई कहिल्यै चिनेको छैन।’

बुद्धिमान र मूर्ख मानिसहरू

(लूका 6:47-49)

²⁴“हरेक मानिस जसले मैले भनेका यी कुराहरू सुन्छ र पालन गर्छ उनै बुद्धिमान हो। बुद्धिमान मानिसले आफ्नो घर चट्टानमाथि निर्माण गरेको छ। ²⁵त्यहाँ घनघोर पानी पर्यो अनि बाढी आयो। तुफान हुरीले त्यो घरलाई हान्यो। तर पनि त्यो घर ढलेन। किनकि त्यो घर चट्टानमाथि निर्माण गरिएको थियो।

²⁶“तर प्रत्येक मानिस जसले मेरा कुरा सुन्छ तर मेरो अनुशरण गर्दैन, त्यो एउटा मूर्ख मानिस जस्तै हो। उसले आफ्नो घर बालुनामाथि बनायो। ²⁷अति बृष्टिको कारणले बाढी आयो, आँधीले घरलाई हान्यो र त्यो ठूलो आवाज सहित ढल्यो।”

²⁸येशूले उपदेश दिनु भएको सुनेर मानिसहरू छक्क परे। ²⁹किनभने येशूले तिनीहरूका व्यवस्थाको शास्त्रीहरूले झैं सिकाउनु भएन। तर अख्तियार भएको मानिसले जस्तो सिकाउनु भयो।

Nepali Bible: Easy-to-Read Version (ERV-NE)