Old/New Testament

Ang pagtatapat ng kahinaan ng bansa.

59 Narito, ang kamay ng Panginoon ^(A)ay hindi umiksi, na di makapagligtas; ni hindi man mahina ang kaniyang pakinig, na di makarinig.

^2 (B)Kundi pinapaghiwalay ng inyong mga kasamaan kayo at ang inyong Dios, at ang inyong mga kasalanan ay siyang nagpakubli ng kaniyang mukha sa inyo, upang siya'y huwag makinig.

³ Sapagka't ang ^(C)inyong mga kamay ay nadumhan ng dugo, at ang inyong mga daliri ng kasamaan; ang inyong mga labi ay nangagsalita ng mga kasinungalingan, ang inyong dila ay nagsasalita ng kasamaan.

⁴ Walang dumadaing ng katuwiran ^(D)at walang nanananggalang ng katotohanan: sila'y nagsisitiwala sa walang kabuluhan, at nangagsasalita ng mga kasinungalingan; ^(E)sila'y nangaglilihi ng kalikuan, at nanganganak ng kasamaan.

⁵ Sila'y pumipisa ng mga itlog ng ahas, at gumagawa ng bahay gagamba: ang kumakain ng kanilang itlog ay namamatay; at ang napipisa ay nilalabasan ng ulupong.

⁶ Ang kanilang mga bahay gagamba ay hindi magiging mga kasuutan, o magsusuot man sila ng kanilang mga gawa: ang kanilang mga gawa ay mga gawa ng kasamaan, at ang kilos ng karahasan ay nasa kanilang mga kamay.

⁷ Tinatakbo ng kanilang mga paa ang kasamaan, ^(F)at sila'y nangagmamadaling magbubo ng walang salang dugo: ang kanilang mga pagiisip ay mga pagiisip ng kasamaan; kawasakan at kagibaan ay nasa kanilang mga landas.

⁸ Ang daan ng kapayapaan ay hindi nila nalalaman: at walang kahatulan sa kanilang mga lakad: ^(G)sila'y nagsigawa para sa kanila ng mga likong landas; sinomang lumalakad doon ay hindi nakakaalam ng kapayapaan.

⁹ Kaya't ang kahatulan ay malayo sa amin, o umaabot man sa amin ang katuwiran: ^(H)kami'y nagsisihanap ng liwanag, nguni't narito, kadiliman; ng kaliwanagan, nguni't nagsisilakad kami sa kadiliman.

¹⁰ Kami'y nagsisikapa sa bakod na ^(I)parang bulag, oo, kami'y nagsisikapa na gaya nila na walang mga mata: kami'y nangatitisod sa katanghaliang tapat na gaya sa gabi; sa gitna ng mga malakas, kami'y parang mga patay.

¹¹ Kaming lahat ay nagsisiungol na parang mga oso, at ^(J)lubhang dumadaing na parang mga kalapati: kami'y nagsisihanap ng kahatulan, nguni't wala; ng kaligtasan, nguni't malayo sa amin.

¹² Sapagka't ang aming mga pagsalangsang ay dumami sa harap mo, at ang aming mga kasalanan ay nagpapatotoo laban sa amin; sapagka't ang aming mga pagsalangsang ay sumasaamin, at tungkol sa aming mga kasamaan ay nababatid namin.

¹³ Pagsalangsang at pagsisinungaling sa Panginoon at sa pagtigil ng pagsunod sa aming Dios, sa pagsasalita ng pagpighati at panghihimagsik, sa pagaakala at ^(K)paghango sa puso ng mga salitang kasinungalingan.

¹⁴ At ang kahatulan ay tumatalikod, at ang katuwiran ay tumatayo sa malayo; sapagka't ang katotohanan ay nahulog sa lansangan, at ang karampatan ay hindi makapasok.

Ang paghihiganti at pagliligtas ng Panginoon.

¹⁵ Oo, ang katotohanan ay nagkukulang, at siyang humihiwalay sa kasamaan ay nagiging sa kaniyang sarili na huli. At nakita ng Panginoon, at isinama ng kaniyang loob na walang kahatulan.

^16 (L)At kaniyang nakita na walang tao, at namangha na walang tagapamagitan: kaya't ang kaniyang sariling bisig ay nagdala ng kaligtasan sa kaniya; at ang kaniyang katuwiran ay umalalay sa kaniya.

¹⁷ At siya'y nagsuot ng katuwiran na ^(M)wari sapyaw, at ng turbante ng kaligtasan sa kaniyang ^(N)ulo at siya'y nagsuot ng mga bihisan ng panghihiganti na pinakadamit, at nagbihis ng sikap na wari balabal.

¹⁸ Ayon sa kanilang mga gawa, ay gayon ^(O)niya gagantihin, pusok ng loob sa kaniyang mga kaaway, kagantihan sa kaniyang mga kaalit; sa mga ^(P)pulo ay gaganti siya ng kagantihan.

¹⁹ Sa gayo'y ^(Q)katatakutan nila ang pangalan ng Panginoon mula sa kalunuran, at ang kaniyang kaluwalhatian ay mula sa sikatan ng araw sapagka't siya'y darating na ^(R)parang bugso ng tubig na pinayaon ng hinga ng Panginoon.

²⁰ At isang Manunubos ay ^(S)paroroon sa Sion, at sa kanila, na nangaghihiwalay sa Jacob ng pagsalangsang, sabi ng Panginoon.

²¹ At tungkol sa akin, ^(T)ito ang aking tipan sa kanila, sabi ng Panginoon: ang aking Espiritu na nasa iyo, at ang ^(U)aking mga salita na inilagay ko sa iyong bibig, hindi hihiwalay sa iyong bibig, o sa bibig man ng iyong lahi, o sa bibig man ng angkan ng iyong lahi, sabi ng Panginoon, mula ngayon at magpakailan pa man.

Ang paghihiganti at pagliligtas ng Panginoon.

60 Ikaw ay bumangon, sumilang ka: sapagka't ang iyong liwanag ay dumating, at ^(V)ang kaluwalhatian ng Panginoon ay sumikat sa iyo.

² Sapagka't narito, tatakpan ng kadiliman ang lupa, at ng salimuot na dilim ang mga bayan: nguni't ang Panginoon ay sisikat sa iyo, at ang kaniyang kaluwalhatian ay makikita sa iyo.

³ At ang mga bansa ay ^(W)paroroon sa iyong liwanag, ^(X)at ang mga hari sa ningning ng iyong sikat.

⁴ Imulat mo ang iyong mata sa palibot, at ikaw ay tumingin: silang lahat ay nangagpipisan, ^(Y)sila'y nagsiparoon sa iyo: ang iyong mga anak na lalake ay mangagmumula sa malayo at ang iyong mga anak na babae ay kakalungin.

⁵ Kung magkagayon ikaw ay makakakita at maliliwanagan ka, at ang iyong puso ay titibok at lalaki; sapagka't ^(Z)ang kasaganaan ng dagat ay mababalik sa iyo, ang kayamanan ng mga bansa ay darating sa iyo.

⁶ Tatakpan ka ng karamihan ng kamelyo, ng mga dromedario sa Madian at sa ^(AA)Epha; magsisipanggaling na lahat mula sa Seba: mangagdadala ng ^(AB)ginto at kamangyan, at magtatanyag ng mga kapurihan ng Panginoon.

⁷ Lahat ng kawan sa ^(AC)Cedar ay mapipisan sa iyo, ang mga lalaking tupa sa Nebayoth ay mangahahain sa akin: sila'y kalugodlugod, na ^(AD)tatanggapin sa aking dambana, at aking luluwalhatiin ang bahay ng aking kaluwalhatian.

⁸ Sino ang mga ito na lumalakad na parang alapaap at parang mga kalapati sa kanilang mga dungawan?

⁹ Tunay na ang mga pulo ay mangaghihintay ^(AE)sa akin, at ang mga sasakyang dagat ng Tarsis ay siyang mangunguna, upang ^(AF)dalhin ang iyong mga anak mula sa malayo, ^(AG)ang kanilang pilak at kanilang ginto na kasama nila, dahil ^(AH)sa pangalan ng Panginoon mong Dios, at dahil sa Banal ng Israel, ^(AI)sapagka't kaniyang niluwalhati ka.

¹⁰ At itatayo ^(AJ)ng mga taga ibang lupa ang iyong mga kuta, at ang ^(AK)kanilang mga hari ay magsisipangasiwa sa iyo: sapagka't ^(AL)sa aking poot ay sinaktan kita, ^(AM)nguni't sa aking biyaya ay naawa ako sa iyo.

¹¹ Ang iyo namang mga ^(AN)pintuang-bayan ay mabubukas na lagi; hindi masasara sa araw o sa gabi man; upang ang mga tao ay mangagdala sa iyo ng kayamanan ng mga bansa, ^(AO)at ang kanilang mga hari ay makakasama nila.

¹² Sapagka't yaong bansa ^(AP)at kaharian na hindi maglilingkod sa iyo ay mamamatay; oo, ang mga bansang yaon ay malilipol na lubos.

¹³ Ang kaluwalhatian ng Libano ay ^(AQ)darating sa iyo, ^(AR)ang puno ng abeto, ng pino, at ng boj na magkakasama, upang pagandahin ang dako ng aking santuario; at aking ^(AS)gagawin ang dako ng aking mga paa na maluwalhati.

¹⁴ At ang mga anak nila na dumalamhati sa iyo ay magsisiparoong yuyuko sa iyo; ^(AT)at silang lahat na nagsisihamak sa iyo ay magpapatirapa sa mga talampakan ng iyong mga paa; at tatanawin ka nila ^(AU)Ang bayan ng Panginoon, ^(AV)Ang Sion ng Banal ng Israel.

Ang maluwalhating Sion.

¹⁵ Yamang ikaw ay ^(AW)napabayaan at ipinagtanim, na anopa't walang tao na dumadaan sa iyo, gagawin kitang walang hanggang ^(AX)karilagan, na kagalakan ng maraming sali't saling lahi.

¹⁶ Ikaw naman ay iinom ng gatas ng mga bansa, at sususo sa ^(AY)mga suso ng mga hari; at iyong malalaman na ^(AZ)akong Panginoon ay Tagapagligtas sa iyo, at Manunubos sa iyo, ^(BA)Makapangyarihan ng Jacob.

¹⁷ Kahalili ng tanso ay magdadala ako ng ginto, at kahalili ng bakal ay magdadala ako ng pilak, at kahalili ng kahoy ay tanso, at kahalili ng mga bato ay bakal. Akin namang gagawin na iyong mga pinuno ang kapayapaan, at ang iyong mga maniningil ay katuwiran.

¹⁸ Karahasan ay hindi na maririnig sa iyong lupain, ni ang kawasakan o kagibaan sa loob ng iyong mga hangganan; ^(BB)kundi tatawagin mo ang iyong mga kuta ng Kaligtasan, ^(BC)at ang iyong mga pintuang-bayan na Kapurihan.

¹⁹ Ang araw ay ^(BD)hindi na magiging iyong liwanag sa araw; o ang buwan man ay magbibigay sa iyo ng liwanag: kundi ang Panginoon ay magiging sa iyo ay walang hanggang ^(BE)liwanag, at ang iyong Dios ay iyong kaluwalhatian.

²⁰ Ang iyong araw ay ^(BF)hindi na lulubog, o ang iyo mang buwan ay lulubog; sapagka't ang Panginoon ay magiging iyong walang hanggang liwanag, at ang mga kaarawan ng iyong pagtangis ay matatapos.

²¹ Ang iyong bayan naman ay magiging matuwid na ^(BG)lahat; sila'y mangagmamana ng lupain magpakailan man, ^(BH)ang sanga ng aking pananim, ang ^(BI)gawa ng aking mga kamay, upang ako'y luwalhatiin.

²² Ang munti ay magiging isang libo, at ^(BJ)ang maliit ay magiging matibay na bansa: akong Panginoon, ay papapangyarihin kong madali sa kapanahunan.

Ang pagkakataas ng mga nagbabata.

61 Ang ^(BK)Espiritu ng Panginoong Dios ay sumasa akin; ^(BL)sapagka't pinahiran ako ng Panginoon upang ^(BM)ipangaral ang mabubuting balita sa mga ^(BN)maamo; kaniyang sinugo ako upang ^(BO)magpagaling ng mga bagbag na puso, ^(BP)upang magtanyag ng kalayaan sa mga bihag, at magbukas ng bilangguan sa nangabibilanggo;

^2 (BQ)Upang magtanyag ng kalugodlugod na taon ng Panginoon, at ^(BR)ng kaarawan ng panghihiganti ng ating Dios; ^(BS)upang aliwin yaong lahat na nagsisitangis;

³ Upang iukol sila na nagsisitangis sa Sion, ^(BT)upang bigyan sila ng putong na bulaklak na kahalili ng mga abo, ng ^(BU)langis ng kagalakan na kahalili ng pagtangis, ng damit ng kapurihan na kahalili ng kabigatan ng loob; upang sila'y matawag na mga ^(BV)punong kahoy ng katuwiran, na ^(BW)pananim ng Panginoon upang siya'y luwalhatiin.

^4 (BX)At sila'y magtatayo ng mga dating sira, sila'y magbabangon ng mga dating giba, at kanilang huhusayin ang mga sirang bayan, ang mga nagiba sa maraming sali't saling lahi.

⁵ At ang mga taga ibang lupa ^(BY)ay magsisitayo at mangagpapastol ng inyong mga kawan, at ang mga taga ibang lupa ay magiging inyong mga mangaararo at mangungubasan.

^6 (BZ)Nguni't kayo'y tatawaging mga saserdote ng Panginoon; tatawagin kayo ng mga tao na mga tagapangasiwa ng ating Dios: ^(CA)kayo'y magsikain ng kayamanan ng mga bansa, at sa kanilang kaluwalhatian ay mangagmamapuri kayo.

⁷ Kahalili ng ^(CB)inyong kahihiyan ay nagtatamo kayo ng ibayong karangalan; at kahalili ng pagkalito ay magagalak sila sa kanilang bahagi: kaya't sa kanilang lupain ay mangagaari sila ng ibayong kasaganaan, walang hanggang kagalakan ang mapapasa kanila.

⁸ Sapagka't ako, ang Panginoon, ay umiibig ng kahatulan, ^(CC)aking ipinagtatanim ang pagnanakaw sangpu ng kasamaan; at aking ibibigay sa kanila ang kanilang kagantihan sa katotohanan, at ako'y makikipagtipan sa kanila ng walang hanggan.

^9 (CD)At ang kanilang lahi makikilala sa gitna ng mga bansa, at ang kanilang lahi sa gitna ng mga bayan: lahat na nangakakakita sa kanila ay mangakakakilala sa kanila, na sila ang lahi na pinagpala ng Panginoon.

¹⁰ Ako'y magagalak na mainam sa Panginoon, ang aking kaluluwa ay magagalak sa aking Dios; sapagka't binihisan niya ^(CE)ako ng mga damit ng kaligtasan; kaniyang tinakpan ako ng balabal ng katuwiran, ^(CF)gaya ng kasintahang lalake na nagpuputong ng putong na bulaklak, at gaya ng kasintahang babae na naggagayak ng kaniyang mga hiyas.

¹¹ Sapagka't kung paanong ang lupa'y nagsisibol ng pananim, at kung paanong ang halamanan ay nagsisibol ng mga bagay na natanim sa kaniya; gayon pasisibulin ng Panginoong Dios ang katuwiran at kapurihan sa harap ng lahat na bansa.

3 Katapustapusan, mga kapatid, ay ^(A)inyong idalangin kami, upang ang salita ng Panginoon ay lumaganap at luwalhatiin nawa na gaya rin naman sa inyo;

² At upang kami ay mangaligtas sa mga taong walang katuwiran at masasama; ^(B)sapagka't hindi lahat ay mayroong pananampalataya.

³ Nguni't ^(C)tapat ang Panginoon na magpapatibay sa inyo, at sa inyo'y ^(D)magiingat sa masama.

⁴ At may pagkakatiwala kami sa Panginoon tungkol sa inyo, na inyong ginagawa at gagawin naman ang mga bagay na aming iniuutos.

⁵ At ^(E)patnubayan nawa ng Panginoon ang inyong mga puso sa pagibig ng Dios, at sa ^(F)pagtitiis ni Cristo.

⁶ Aming inuutos nga sa inyo, mga kapatid, sa pangalan ng ating Panginoong Jesucristo, ^(G)na kayo'y magsihiwalay sa bawa't ^(H)kapatid ^(I)na lumalakad ng walang kaayusan, at hindi ayon ^(J)sa aral na tinanggap nila sa amin.

⁷ Sapagka't kayo rin ang nangakakaalam kung paano kami ay inyong dapat tularan: sapagka't kami ay ^(K)hindi nangagugali ng walang kaayusan sa inyo;

⁸ Ni nagsikain man kami ng walang bayad ng tinapay ng sinoman; kundi ^(L)sa pagpapagal at sa pagdaramdam na gumagawa gabi't araw, upang kami ay huwag maging pasanin sa kanino man sa inyo:

^9 (M)Hindi dahil sa kami ay walang karapatan, kundi upang kami ay mangakapagbigay sa inyo ng isang uliran, upang kami ay inyong tularan.

¹⁰ Sapagka't noon pa mang kami ay kasama ninyo, ay aming iniutos ito sa inyo, ^(N)Kung ang sinoman ay ayaw gumawa, ay huwag din namang kumain.

¹¹ Sapagka't aming nababalitaan ang ilan sa inyo na nagsisilakad ng walang kaayusan, na hindi man lamang nagsisigawa, kundi mga mapakialam sa mga bagay ng iba.

¹² Sa mga gayon nga ay aming iniuutos at ipinamamanhik sa Panginoong Jesucristo, na ^(O)sila'y magsigawang may katahimikan, at magsikain ng kanilang sariling tinapay.

¹³ Nguni't kayo, mga kapatid, huwag kayong mangapagod sa paggawa ng mabuti.

¹⁴ At kung ang sinoma'y hindi tumalima sa aming salita sa pamamagitan ng sulat na ito, inyong tandaan ang taong yaon, upang ^(P)huwag kayong makisama sa kaniya, nang siya'y mahiya.

¹⁵ At gayon ma'y ^(Q)huwag ninyong ariin siyang kaaway, kundi inyo siyang paalalahanan tulad sa kapatid.

¹⁶ Ngayon ang ^(R)Panginoon din ng kapayapaan ay magbigay nawa sa inyo ng kapayapaan sa buong panahon at sa lahat ng paraan. Ang Panginoon ay sumainyo nawang lahat.

^17 (S)Ang bati na sinulat ng aking sariling kamay, akong si Pablo, na siyang tanda sa bawa't sulat: gayon sumusulat ako.

¹⁸ Ang ^(T)biyaya ng ating Panginoong Jesucristo ay sumainyo nawang lahat.