Old/New Testament

Ang kabanalan ng pagiingat ng sabbath.

56 Ganito ang sabi ng Panginoon, Kayo'y mangagingat ng kahatulan, at magsigawa ng katuwiran; ^(A)sapagka't ang aking pagliligtas ay malapit nang darating, at ang aking katuwiran ay mahahayag.

² Mapalad ang taong gumagawa nito, at ang anak ng tao na nanghahawak dito; ^(B)na nangingilin ng sabbath upang huwag lapastanganin, at nagiingat ng kaniyang kamay sa paggawa ng anomang kasamaan.

^3 (C)At huwag ding magsalita ang taga ibang lupa, na nalakip sa Panginoon, na magsasabi, Tunay na ihihiwalay ako ng Panginoon sa kaniyang bayan; at huwag ding magsabi ang bating, Narito, ako'y ^(D)punong kahoy na tuyo.

⁴ Sapagka't ganito ang sabi ng Panginoon tungkol sa mga bating na nangingilin ng aking mga sabbath, at pumipili ng mga bagay na nakalulugod sa akin, at nagiingat ng aking tipan:

⁵ Sila'y bibigyan ko sa ^(E)aking bahay at sa loob ng aking mga kuta, ng alaala ^(F)at pangalan na maigi kay sa mga anak na lalake at babae; aking bibigyan sila ng walang hanggang pangalan, na hindi mapaparam.

⁶ Gayon din ang mga taga ibang lupa, na nakikilakip sa Panginoon, upang magsipangasiwa sa kaniya, at magsiibig sa pangalan ng Panginoon, upang magsipangasiwa sa kaniya, at magsiibig sa pangalan ng Panginoon, upang maging kaniyang mga lingkod, bawa't nangingilin ng sabbath upang huwag lapastangin, at nagiingat ng aking tipan;

⁷ Sila ay dadalhin ko ^(G)sa aking banal na bundok, at papagkakatuwain ko sila sa aking bahay na dalanginan: ^(H)ang kanilang mga handog na susunugin at ang kanilang mga hain ay tatanggapin sa aking dambana; ^(I)sapagka't ang aking bahay ay tatawaging bahay na panalanginan para sa ^(J)lahat ng mga bayan.

⁸ Ang Panginoong Dios ^(K)na pumipisan ng mga itinapon sa Israel ay nagsasabi, ^(L)Magpipisan pa ako ng mga iba sa kaniya, bukod sa kaniyang sarili na nangapisan.

Ang mga masasamang pinuno ay pinagwikaan.

⁹ Kayong lahat na mga hayop sa parang, kayo'y magsiparitong lumamon, oo, kayong lahat na mga hayop sa gubat.

¹⁰ Ang kaniyang mga ^(M)bantay ay mga bulag, silang lahat ay walang kaalaman; ^(N)silang lahat ay mga piping aso, sila'y hindi makatahol; mapanaginipin, mapaghiga, maibigin sa pagidlip.

¹¹ Oo, ang mga aso ay matatakaw, sila'y kailan man ay walang kabusugan; at ang mga ito ay mga ^(O)pastor na hindi nangakakaunawa: ^(P)sila'y nagsilikong lahat sa kanilang sariling daan na mula sa lahat ng dako, bawa't isa'y sa kaniyang pakinabang.

¹² Kayo'y magsiparito, sabi nila, ako'y magdadala ng alak, at magpatid-uhaw tayo sa matapang na inumin; ^(Q)at bukas ay magiging gaya ng araw na ito, dakilang araw, na walang kapantay.

Makaidolatria na ugali ng Israel.

57 Ang matuwid na namamatay, at walang taong nagdadamdam; at mga taong mahabagin ay pumapanaw, walang gumugunita na ang matuwid ay naalis sa kasamaan na darating.

² Siya'y nanasok sa kapayapaan; sila'y nagpapahinga sa ^(R)kanilang mga higaan bawa't lumalakad sa kaniyang katuwiran.

³ Nguni't magsilapit kayo rito, kayong mga anak ng babaing manghuhula, na lahi ng mangangalunya at ng patutot.

⁴ Laban kanino nakipagaglahian kayo? laban kanino nagluluwang kayo ng bibig, at naglalawit ng dila? hindi baga kayo mga anak ng pagsalangsang, ^(S)lahing sinungaling,

⁵ Kayong mga nangagaalab ^(T)sa inyong sarili sa gitna ng mga encina, ^(U)sa ilalim ng bawa't sariwang punong kahoy; na ^(V)pumapatay ng mga anak sa mga libis, sa mga bitak ng mga bato sa mga bangin?

⁶ Nasa gitna ng mga makinis na bato sa libis ang iyong bahagi; sila, sila ang iyong bahagi; sa kanila ka nga nagbuhos ng inuming handog, ikaw ay naghandog ng alay. Matatahimik baga ako sa mga bagay na ito?

⁷ Sa isang mataas ^(W)at matayog na bundok ay inilagay mo ang ^(X)iyong higaan; doon ka naman sumampa upang maghandog ng hain.

⁸ At sa likod ng mga pintuan at ng mga tukod ay itinaas mo ang iyong alaala: sapagka't ikaw ay nagpakahubad ^(Y)sa iba kay sa akin, at ikaw ay sumampa; iyong pinalaki ang iyong higaan, at nakipagtipan ka sa kanila: ^(Z)iyong inibig ang kanilang higaan saan mo man makita.

⁹ At ikaw ay naparoon sa hari na may pahid na langis, at iyong pinarami ang iyong mga pabango, at iyong sinugo ang iyong mga sugo sa malayo, at ikaw ay nagpakababa hanggang sa Sheol.

¹⁰ Ikaw ay napagod sa kahabaan ng iyong lakad; gayon ma'y hindi mo sinabi, ^(AA)Walang kabuluhan: ikaw ay nakasumpong ng kabuhayan ng iyong lakas; kaya't hindi ka nanglupaypay.

Ang pagpapakababa at pagtitiis ng Panginoon.

¹¹ At ^(AB)kanino ka nangilabot at natakot, ^(AC)na ikaw ay nagsisinungaling, at hindi mo ako inalaala, o dinamdam mo man? ^(AD)hindi baga ako tumahimik na malaong panahon, at hindi mo ako kinatatakutan.

¹² Aking ipahahayag ang iyong katuwiran; at tungkol sa iyong mga gawa, ang mga yaong hindi makikinabang sa iyo.

¹³ Pagka ikaw ay humihiyaw, iligtas ka nila na iyong pinisan; nguni't tatangayin sila ng hangin, isang hinga ay tatangay sa kanila: ^(AE)nguni't siyang naglalagak ng kaniyang tiwala sa akin ay ^(AF)magaari ng lupain, at magmamana ng aking banal na ^(AG)bundok.

¹⁴ At kaniyang sasabihin, ^(AH)Inyong patagin, inyong patagin, inyong ihanda ang lansangan, inyong alisin ang katitisuran sa lansangan ng aking bayan.

¹⁵ Sapagka't ganito ang sabi ng Mataas at Matayog na tumatahan sa walang hanggan, ^(AI)na ang pangalan ay ^(AJ)Banal; Ako'y tumatahan sa mataas at banal na dako na ^(AK)kasama rin niya na may pagsisisi at pagpapakumbabang-loob, upang bumuhay ng loob ^(AL)ng nagpapakumbaba, at upang bumuhay ng puso ng nagsisisi.

¹⁶ Sapagka't hindi ako ^(AM)makikipagtalo magpakailan man, o mapopoot man akong lagi; sapagka't ang diwa ay manglulupaypay sa harap ko, at ang mga kaluluwa na aking ginawa.

^17 (AN)Dahil sa kasamaan ng kaniyang kasakiman ay napoot ako, at sinaktan ko siya; aking ikinubli ang aking mukha at ako'y napoot; at siya'y yumaong nanghimagsik ng lakad ng kaniyang puso.

¹⁸ Aking nakita ang kaniyang mga lakad, at pagagalingin ko ^(AO)siya; akin ding papatnubayan siya, at bibigyan ko ng mga kaaliwan siya, at ang ^(AP)kaniyang nangananangis.

¹⁹ Aking nililikha ang ^(AQ)bunga ng mga labi: ^(AR)Kapayapaan, kapayapaan, sa kaniya ^(AS)na malayo at sa kaniya na malapit, sabi ng Panginoon; at aking pagagalingin siya.

²⁰ Nguni't ang masama ^(AT)ay parang maunos na dagat; sapagka't hindi maaring humusay, at ang kaniyang tubig ay umaalimbukay ng burak at dumi.

²¹ Walang kapayapaan, ^(AU)sabi ng aking Dios, sa mga masama.

Ang mali at ang matuwid na pagtupad ng pagpapakasakit.

58 ^(AV)Humiyaw ka ng malakas, huwag kang magpigil, ilakas mo ang iyong tinig na parang pakakak, at iyong ipahayag sa aking bayan ang kanilang pagsalangsang, at sa sangbahayan ni Jacob ang kanilang mga kasalanan.

² Gayon ma'y hinahanap nila ako araw-araw, at kinalulugdan nilang maalaman ang aking mga daan: na gaya ng bansa na gumawang matuwid, at hindi lumimot ng alituntunin ng kanilang Dios, hinihingan nila ako ng mga palatuntunan ng katuwiran; ^(AW)sila'y nangalulugod na magsilapit sa Dios.

³ Ano't kami ay nangagayuno, sabi nila, ^(AX)at hindi mo nakikita? ano't ^(AY)aming pinagdalamhati ang aming kaluluwa, at hindi mo napapansin? Narito, sa kaarawan ng inyong pagaayuno ay masusumpungan ninyo ang inyong sariling kalayawan, at inyong hinihingi ang lahat ninyong gawa.

⁴ Narito, kayo'y nangagaayuno para sa pakikipagkaalit at pakikipagtalo, at upang manakit ng suntok ng kasamaan: hindi kayo nangagaayuno sa araw na ito, ^(AZ)upang inyong iparinig ang inyong tinig sa itaas.

⁵ Iyan baga ang ayuno na aking pinili? ang araw na pagdadalamhatiin ng tao ang kaniyang kaluluwa? Ang iyuko ang kaniyang ulo na parang yantok, at maglatag ng magaspang na kayo at abo sa ilalim niya? iyo bang tatawagin ito na ayuno, at kalugodlugod na araw sa Panginoon?

⁶ Hindi baga ito ang ayuno na aking pinili: na kalagin ang mga tali ng kasamaan, ^(BA)na pagaanin ang mga pasan at ^(BB)papaging layain ang napipighati, at iyong alisin ang lahat na atang?

^7 (BC)Hindi baga ang magbahagi ng iyong tinapay sa gutom, at dalhin mo sa iyong bahay ang dukha na walang tuluyan? pagka nakakakita ka ng hubad, na iyong bihisan; at huwag kang magkubli sa iyong kapuwa-tao?

⁸ Kung magkagayo'y sisikat ang iyong liwanag na parang umaga, ^(BD)at ang iyong kagalingan ay biglang lilitaw; at ang iyong katuwiran ay mangunguna sa iyo; ^(BE)ang kaluwalhatian ng Panginoon ay magiging iyong bantay likod.

⁹ Kung magkagayo'y tatawag ka, at ang Panginoon ay sasagot; ikaw ay dadaing, at siya'y magsasabi, Narito ako. Kung iyong alisin sa gitna mo ang atang, ^(BF)ang pagtuturo, at ang ^(BG)pagsasalita ng masama:

¹⁰ At kung magmamagandang-loob ka sa gutom, at iyong sisiyahan ng loob ang nagdadalamhating kaluluwa; kung magkagayo'y sisilang ang iyong liwanag sa kadiliman, at ang iyong kadiliman ay magiging parang katanghaliang tapat;

¹¹ At papatnubayan ka ng Panginoon na palagi, at sisiyahan ng loob ang iyong kaluluwa sa mga tuyong dako, at palalakasin ang iyong mga buto; at ikaw ay magiging ^(BH)parang halamang nadilig, at parang bukal ng tubig, na ang tubig ay hindi naglilikat.

¹² At ^(BI)silang magiging iyo ay magtatayo ng mga dating sirang dako; ikaw ay magbabangon ng mga patibayan ng maraming sali't saling lahi; at ikaw ay tatawagin Ang tagapaghusay ng sira, Ang tagapagsauli ng mga landas na matatahanan.

^13 (BJ)Kung iyong iurong ang iyong paa sa sabbath, sa paggawa ng iyong kalayawan sa aking banal na kaarawan; at iyong tawagin ang sabbath na kaluguran, at ang banal ng Panginoon na marangal; at iyong pararangalan, na hindi ka lalakad sa iyong mga sariling lakad, ni hahanap ng iyong sariling kalayawan, ni magsasalita ng iyong mga sariling salita:

¹⁴ Kung magkagayo'y malulugod ka nga sa Panginoon; at ^(BK)pangangabayuhin kita sa mga mataas na dako sa lupa; at pakakanin kita ng mana ni Jacob na iyong ama; ^(BL)sapagka't sinalita ng bibig ng Panginoon.

2 Ngayon aming ipinamamanhik sa inyo, mga kapatid, ^(A)tungkol sa pagparito ng ating Panginoong Jesucristo, ^(B)at sa ating pagkakatipon sa kaniya:

² Upang huwag kayong madaling makilos ^(C)sa inyong pagiisip, at huwag din naman kayong mabagabag maging sa pamamagitan man ng espiritu, o ^(D)sa pamamagitan ng salita, o sa pamamagitan ng sulat na waring mula sa amin, na wari bagang nalalapit na ^(E)ang kaarawan ng Panginoon;

³ Huwag kayong padaya kanino man ^(F)sa anomang paraan: sapagka't ito'y hindi darating, ^(G)maliban nang dumating mula ang pagtaliwakas, at ^(H)mahayag ang taong makasalanan, ^(I)ang anak ng kapahamakan,

⁴ Na sumasalangsang at nagmamataas ^(J)laban sa lahat na tinatawag na Dios o sinasamba; ano pa't siya'y nauupo sa templo ng Dios, na siya'y nagtatanyag sa kaniyang sarili na tulad sa Dios.

⁵ Hindi baga ninyo naaalaala nang ako'y kasama ninyo pa, ay sinabi ko sa inyo ang mga bagay na ito?

⁶ At ngayo'y nalalaman ninyo ang nakapipigil, upang siya'y mahayag sa kaniyang talagang kapanahunan.

⁷ Sapagka't ^(K)ang hiwaga ng kasamaan ay gumagawa na: lamang ay may pumipigil ngayon, hanggang sa alisin ito.

⁸ At kung magkagayo'y mahahayag ang tampalasan, ^(L)na papatayin ng Panginoong Jesus ^(M)ng hininga ng kaniyang bibig, at ^(N)sa pamamagitan ng pagkahayag ng kaniyang pagparito ay lilipulin;

⁹ Siya, na ang kaniyang pagparito ay ^(O)ayon sa paggawa ni Satanas na may buong kapangyarihan at ^(P)mga tanda at mga kahangahangang kasinungalingan,

¹⁰ At may buong daya ng kalikuan sa ^(Q)nangapapahamak; sapagka't hindi nila tinanggap ang pagibig sa katotohanan, upang sila'y mangaligtas.

¹¹ At dahil dito'y ipinadadala sa kanila ng Dios ang paggawa ng kamalian, ^(R)upang magsipaniwala sila sa ^(S)kasinungalingan:

¹² Upang mangahatulan silang lahat na ^(T)hindi nagsisampalataya sa katotohanan, kundi ^(U)nangalugod sa kalikuan.

¹³ Nguni't ^(V)kami ay nararapat magpasalamat sa Dios dahil sa inyo, mga kapatid na minamahal ng Panginoon, sa pagkakahirang sa inyo ng Dios ^(W)buhat nang pasimula sa ikaliligtas ^(X)sa pagpapabanal ng Espiritu at pananampalataya sa katotohanan:

¹⁴ Sa kalagayang ito'y tinawag niya kayo sa pamamagitan ng aming evangelio, ^(Y)upang magkamit ng kaluwalhatian ng ating Panginoong Jesucristo.

¹⁵ Kaya nga, mga kapatid, kayo'y mangagpakatibay, at inyong panghawakan ^(Z)ang mga aral na sa inyo'y itinuro, maging ^(AA)sa pamamagitan ng salita, o ng aming sulat.

¹⁶ Ngayon ang ating Panginoong Jesucristo rin, at ang Dios na ating Ama ^(AB)na sa amin ay umibig at sa amin ay nagbigay ng walang hanggang kaaliwan at ^(AC)mabuting pagasa sa pamamagitan ng biyaya,

^17 (AD)Aliwin nawa ang inyong puso, ^(AE)at patibayin kayo sa bawa't mabuting gawa at salita.