M’Cheyne Bible Reading Plan

²⁰ “अगर तू पचे बुरा काम करब्या अउर आपन यहोवा स मुँह फेर लेब्या, तउ तू पचे अभिसाप पउब्या। तू पचे जउन कछू करब्या ओहमाँ तू पचन्क क अव्यवस्था अउ फटकार क सामना करइ क होइ। उ इ तब तलक करी जब तलक तू पचे हाली स अउ पूरी तरह स बरबाद नाहीं होइ जात्या। ²¹ अगर तू पचे यहोवा क हुकुम नाहीं मनत्या तउ उ तू पचन्क तब तलक महामारी स दुखी करत रही जब तलक तू उ देस मँ पूरी तरह बरबाद नाहीं होइ जात्या जेहमाँ तू पचे रहइ बरे प्रवेस करत अहा। ²² यहोवा तू पचन्क रोग स दुखी अउ दुर्बल होइ क दण्ड देइ। तू पचन्क बोखार अउ सूजन होइ। यहोवा तोहरे लगे भयंकर गर्मी पठइ अउर तोहरे हिआँ बर्खा नाहीं होइ। तोहार फसलन गर्मी अउ रोग^[a] स बरबाद होइ जइहीं। तू पचक इ सबइ मुसीबतन तब तलक अइहीं जब तलक तू पचे मर नाहीं जात्या। ²³ अकासे मँ कउनो बादल नाहीं रही अउर आकास काँसा सरीखा होइ जाइ। अउर तोहरे पचन्क खाले धरती लोहा क सरीखा होइ। ²⁴ बर्खा क बदले यहोवा तोहरे पास अकासे स रेत अउ धूरि पठइ। इ तोहे सबन पइ तब तलक आइ जब तलक तू पचे बरबाद नाहीं होइ जात्या। दुस्मनन स हार जाइ क अभिसाप

²⁵ “यहोवा तोहरे पचन्क दुस्मनन क जरिये तू पचन्क हराइ। तू पचे आपन दुस्मनन क खिलाफ एक राहे स जाब्या अउर ओनके समन्वा स सात ठु राहे स पराइ जाब्या। तोहरे सबन क ऊपर जउन मुसीबतन अइहीं उ सबइ सारी धरती क लोगन क डेरवाइ देइहीं। ²⁶ तोहार पचन्क क ल्हासियन क सबइ जंगली जनावर अउ पंछियन क चारा बनिहीं। कउनो मनई ओनका डेराइके तोहरी ल्हासियन स पराइवाला न होइ। दूसर रोगन क अभिसाप

²⁷ “अगर तू यहोवा क हुकुम क नाहीं मनत्या तउ उ तू पचन्क वइसेन फोड़ा होइ क सजा देइ जइसे फोड़न क उ मिस्री लोगन पइ पठए रहा। उ तू पचन्क ला-इलाज सूजन, पीड़ा युक्त फोड़न अउ खजुरी स दुःखी करी। ²⁸ यहोवा तू पचन्क पागल बनाइके सजा देइ। उ तू पचन्क आँधर बनाइ अउ उलझन मँ डाइ देइ। ²⁹ तू पचन्क दिन क प्रकास मँ आँधर क नाई आपन राह टटोलइ क होइ। तू पचे जउन कछू करब्या ओहमाँ तू पचे असफल रहब्या। लोग तू पचन्क बार बार प्रहार करिहीं अउर तोहार चिजियन क चोरइहीं। तू पचन्क बचावइवाला हुआँ कउनो भी न होइ। चीज हेराइ क अभिसाप

³⁰ “तोहार बियाह कउनो मेहरारु क संग पक्का होइ सकत ह, मुला कउनो दूसर मनई ओकरे संग बलत्कार करी। तू पचे कउनो घर बनाइ सकत ह, मुला तू पचे ओहमाँ रहब्या नाहीं। तू पचे अंगूरे क बगिया लगाइ सकत ह, मुला एहसे कछू भी बटोर नाहीं सकत्या। ³¹ तोहार बर्धा तोहरी आँखिन क समन्वा मारा जाइ मुला ओकर कछू भी गोस नाहीं खाइ सकत्या। तोहार पचन्क गदहा तू पचन्स जबरदस्ती हरिके लइ जावा जाइ इ तू पचन्क लउटा नाहीं जाइ। तोहार पचन्क भेड़ तोहरे दुस्मनन क दइ दीन्ह जइहीं। तोहार पचन्क क रच्छक कउनो भी मनई न होइ।

³² “तोहार पचन्क पूतन अउ बिटियन दूसर जाति क मनइयन क दइ दीन्ह जइहीं। तोहार अखियन गदेलन क निहारइ बरे सारे दिन टकटकी लगाए रइहीं काहेकि तू पचे गदेलन क लखइ चहब्या। मुला तू पचे जोहत जोहत कमजोर होइ जाब्या, तू पचे असहाय होइ जाब्या। दूसर अभिसाप

³³ “उ रास्ट्र जेका तू पचे नाहीं जनत्या, तोहरे पसीना क कमाई क फसिल खाब्या अउ आनन्दित होब्या। तोहार संग सदा दुरव्यवहार अउ दुरुपयोग कीन्ह जाब्या। ³⁴ जउन चिजियन क तू लखब तोहका दीवाना बनाइ देब। ³⁵ यहोवा तू पचन्क दर्दवाला फोड़न क सजा देइ। इ सबइ फोड़न तोहरे घुटनन अउ गोड़न पइ होइहीं। उ सबइ तोहरे पचन्क क तलवा स लइके मूड़े क ऊपर तलक फइल जइहीं अउर तोहार पचन्क इ फोड़न भरिहीं जाहीं।

³⁶ “यहोवा तू पचन्क अउ तोहरे राजा जेका तू आपन बरे चुनेस ह, क उ रास्ट्र म पठइ जेका तू पचे नाहीं जानत होब्या। तू पचे अउ तोहार पुरखन उ रास्ट्र क कबहुँ नाहीं लखे होइहीं। हुआँ तू पचे काठ अउ पाथर क बने भए दूसर देवतन क पूजब्या। ³⁷ जउने देसन मँ यहोवा तू पचन्क पठइ ओन देसन क लोग तू लोगन पइ आइ भइ मुसीबतन क सुनिके हक्का बक्का रहि जइहीं। उ पचे तोहार हंसी उड़इहीं अउर तोहार निन्दा करिहीं।

विफल होइ क अभिसाप

³⁸ “तू पचे आपन खेतन मँ बोवइ बरे जरुरत स जियादा बहोत जियादा बिआ लइ जाब्या। मुला तोहार उपज कमती होइ। काहेकि टिड्डियन तोहार फसिल चाट जइहीं। ³⁹ तू पचे अंगूरे क बगिआ लगउब्या अउ ओहमाँ कठिन मेहनत करब्या। मुला तू पचे ओहमाँ स अंगूर बटोरब्या नाहीं अउ न ही ओनसे दाखरस पीब्या। काहेकि ओनका किरवन खाइ लेइहीं। ⁴⁰ तोहरी सारी भुइँआ मँ जइतून क बृच्छ होइहीं। मुला तू पचे ओकरे कछू भी तेले क उपयोग नाहीं कइ सकब्या। काहेकि तोहरे जइतून क बृच्छ आपन फलन क बरबाद होइ बरे गिराइ देइहीं। ⁴¹ तोहरे पचन्क पूतन अउ बिटियन होइहीं, मुला तू पचे ओनका आपन लगे नाहीं रख सकब्या। काहेकि उ पचे धरिके दूर लइ जावा जइहीं। ⁴² टिड्डियन तोहरे सबहिं खेतन अउ फलन क नास कइ देइहीं। ⁴³ तोहरे बीच रहइवाले विदेसी जियादा स जियादा सक्ती बढ़ावत जइहीं अउर तू पचन मँ जउन भी सक्ती बाटइ ओका खोवत जाब्या। ⁴⁴ उ पचे तोहका उधार देइ, मुला तू पचन्क ओका उधार देइ क जोग्ग धन नाहीं होइ। उ पचे मूँड़े क नाईं होइ। तू पचे पूँछे क नाई बन जाब्या। अभिसाप इस्राएलियन क बरबाद करिहीं

⁴⁵ “इ सबइ अभिसाप तू पचन्प पड़िहीं। उ पचे तोहार पाछा तब तलक करत रइहीं अउर तू पचन्क गहियाइके धरे रइहीं जब तलक तू पचे बरबाद नाहीं होइ जात्या। काहेकि तू पचे यहोवा आपन परमेस्सर क कही भइ बातन क परवाह नाहीं किह्या। तू पचे ओकरे ओन आदेसन अउ नेमन क नाहीं मान्या जेका उ तू पचन्क दिहस। ⁴⁶ इ सबइ अभिसाप मनइयन क बतइहीं कि परमेस्सर तू अउर तोहरे पचन्क संतानन क संग सदा ही निआव किहस ह।

⁴⁷ “यहोवा तोहार परमेस्सर तू पचन्क बहोत स बरदान दिहस मुला तू पचे ओकर सेवा खुसी स अउ उल्लास स भरे भए हिरदय स नाहीं किह्या। ⁴⁸ एह बरे तू पचे आपन ओन दुस्मनन क सेवा करब्या जेनका यहोवा, तोहरे पचन्क खिलाफ पठइ। तू पचे भूखा, पिआसा अउर नंगा रहब्या। तोहरे लगे कछू भी न होइ। यहोवा तोहरी गर्दन पइ एक ठु लोहे क जुवा तब तलक धरी जब तलक तू पचन्क बरबाद नाहीं होइ जाइ।

दुस्मन रास्ट्र क अभिसाप

⁴⁹ “यहोवा तोहरे खिलाफ बहोत दूर स एक रास्ट्र क लिआइ। इ रास्ट्र पृथ्वी क दूसर कइँती स आइ। इ रास्ट्र तोहरे ऊपर अकासे स उतरत उकाब पंछी क नाई हाली स हमला करी। तू पचे इ रास्ट्र क भाखा नाहीं समुझ पउब्या। ⁵⁰ इ रास्ट्र क मनइयन क चेहरा कठोर होइहीं। उ पचे बुढ़वा लोगन क परवाह न करिहीं। उ पचे नान्ह नान्ह गदेलन पइ भी दयालु नाहीं होइहीं। ⁵¹ उ पचे तोहरे गोरुअन क बछवन अउ तोहरी धरती क फसिल तू पचे बरबाद होइ तलक खाइ। उ पचे तोहरे बरे अनाज, नई दाखरस, तेल, तोहरे गोरुअन क बछवन या तोहरे झुण्ड क भेड़ी क बच्चन क नाहीं छोड़िहीं। उ पचे इ तब तलक करत रइहीं जब तलक तू पचे नस्ट नाहीं होइ जात्या।

⁵² “इ रास्ट्र तोहरे सबहिं सहरन क घेरि लेइ। तू पचे आपन सहरन क चारिहुँ कइँती ऊँची अउ मजबूत देवारे पइ भरोसा रखत अहा। मुला तोहरे देस मँ इ सबइ देवारन हर जगह भहराइ जइहीं। हाँ, उ रास्ट्र तोहरे उ देस क सबहिं सहरन पइ हमला करी जेका यहोवा तोहार परमेस्सर तू पचन्क देत अहइ। ⁵³ जब तलक तोहार दुस्मन तोहरे सहर क घेरा डाए रही तब तलक तोहार बड़का नोस्कान होत रही। तू पचे ऍतना भूखा रहब्या कि आपन गदेलन क भी खाइ जाब्या। तू पचे आपन पूतन अउ बिटियन क गोस खाब्या जेनका यहोवा तोहार परमेस्सर तू पचन्क दिहे बाटइ।

⁵⁴ “तोहार बहोत विनम्र सज्जन मनई भी आपन गदेलन, भाइयन, आपन पियारि पत्नी अउ बचे भए गदेलन क संग निर्दयी होइके बेउहार करी। ⁵⁵ ओकरे लगे आपन सहरन पइ दुस्मन क हमला अउ घेराबन्दी क कारण कछू भी खाइ क नाहीं होइ। एह बरे उ आपन गदेलन क खाइ। मुला उ आपन परिवार क बचे भए सदस्सन क कछू नाहीं देइ!

⁵⁶ “तोहरे पचन्क बीच सब त जियादा विनम्र अउ सुकुमार मेहरारु भी उहइ करी। अइसी धन्नासेठ अउ सुकुमार मेहरारु भी जउन कहूँ जाइ बरे भुइँया पइ गोड़ भी न रखे होइ। उ आपन पियारा भतार या गदेलन क संग हींसा बँटावइ क विरोध करी। ⁵⁷ उ जनम क बाद आपन ही गरभ क खेड़ी क खाइ अउ उ गदेला क भी जेका उ जन्मी। उ ओका छिपा रुप स खाइ। काहेकि हुआँ कछू भी खइया क नाहीं बचा बाटइ। इ तब होइ जब तोहार दुस्मन तोहरे सहरन क खिलाफ घेरा डाली अउर बहोत जियादा कस्ट पहोंचाइ।

⁵⁸ “इ किताबे मँ जेतना सब्दन अउ नेम लिखा बाटेन ओन सबन्क तू पचन्क मानइ चाही। तू पचन्क यहोवा आपन परमेस्सर क सम्मानित अउर महिमामय नाउँ क सम्मान करइ चाही। अगर तू पचे ऍनका नाहीं मनत्या ⁵⁹ तउ यहोवा तू पचन्क खउफनाक मुसीबत मँ डाइ देइ अउर तोहार सन्तानन खउफनाक मुसीबत उठइहीं अउर ओनका भयंकर रोग होइ जइहीं जउन लम्बे समइ तलक रइहीं ⁶⁰ यहोवा मिस्र स सबहिं बेरमियन क लिआइ जेनसे तू पचे डेरात अहा। इ सबइ बेरमियन तू लोगन मँ रइहीं। ⁶¹ यहोवा ओन बेरमियन अउ परेसानियन क तोहरे बीच लिआइ जउन इ व्यव्सथा क किताब मँ नाहीं लिखी गइ अहइँ। उ इ तब तलक करत रही जब तलक तू पचे नस्ट नाहीं होइ जात्या। ⁶² तू पचे ऍतना जियादा होइ सकत ह जेतना अकासे मँ तारा अहइँ। मुला तू पचन मँ कछू ही बचा रइहीं। तू पचन्क संग इ काहे होइ? काहेकि तू पचे यहोवा आपन परमेस्सर क बात नाहीं मान्या।

⁶³ “पहिले यहोवा तोहार भलाइ करइ अउ तोहरे रास्ट्र क बढ़ावइ मँ खुस रहा। उहइ तरह यहोवा तू पचन्क नस्ट अउ बरबाद करइ मँ खुस होइ। तू पचे उ देस स बाहेर लइ जावा जाब्या जेका तू पचे आपन बनावइ बरे ओहमाँ प्रवेस करत अहा। ⁶⁴ यहोवा तू पचन्क पृथ्वी क एक छोरे स दूसर छोर तलक संसार क सबहिं लोगन मँ बिखेर देइ। हुआँ तू पचे दूसर काठ अउ पाथर क देवतन क पूजब्या जेनका तू पचे अउ तोहार पुरखन कबहुँ नाहीं पूजेन।

⁶⁵ “तू पचन्क ऍन रास्ट्रन क बीच तनिकउ भी सान्ति नाहीं मिली। तू पचन्क आराम क कउनो जगह नाहीं मिली। यहोवा तू पचन्क दिमागन्क सबइ चिन्ता स भरि देइ। तोहार सबन्क आँखिन पथराइ जइहीं। तू पचे आपन क उखड़ा भवा महसूस करब्या। ⁶⁶ तू पचे संकट मँ रहब्या। तू पचे दिन-रात डेरान रहब्या। सदा ह सन्देह मँ घिरा रहब्या। तू पचे आपन जिन्नगी मँ कबहुँ सुरच्छित नाहीं रहब्या। ⁶⁷ भिन्सारे तू पचे कहब्या, ‘अच्छा होत, इ साँझ होत।’ साँझ क तू पचे कहब्या, ‘अच्छा होत, इ भिन्सार होत!’ काहेकि उ भय क कारण अउर ओकरे कारण जउन तू पचे लखब्या। ⁶⁸ यहोवा तू पचन्क जहाजन मँ मिस्र वापस पठइ। मइँ इ कहेउँ कि तू पचे उ जगह पइ दुबारा कबहुँ नाहीं जाब्या। मुला यहोवा तू पचन्क हुआँ पठइ। अउर हुआँ तू पचे आपन क आपन दुस्मनन क हाथे मनसेधु अउ मेहरारू दास क रुप मँ बेचंइ क कोसिस करब्या, मुला कउनो मनई तू पचन्क बेसही नाहीं।”

दालथ

हे

वाव

परमेस्सर अइसा भोजन देत ह जेहसे सच्ची तृप्ति मिलत ह

लोग परमेस्सर क नाहीं समुझ पइहीं

बपतिस्मा देइवाला यूहन्ना क काम

(मरकुस 1:1-8; लूका 3:1-9,15-17; यूहन्ना 1:19-28)

3 उ दिनन बपतिस्मा देइवाला यूहन्ना यहूदिया क बियाबान उसरे मँ उपदेस देत भवा हुवाँ आवा। ² उ इ प्रचार करइ लाग, “मन फिरावा काहेकि सरग क राज्य जल्दी आवइ क अहइ।” ³ इ उहइ यूहन्ना बाटइ जेकरे बारे मँ नबी यसायाह बात बतावत कहेस ह:

⁴ यूहन्ना क ओढ़ना ऊँटे क ऊन स बना रहा अउर करिहाउँ प चमड़ा क पेटी बाँधे रहा। ओकर खइया क टिड्डन अउर जंगली सहद रहा। ⁵ उ समइ यरूसलेम, समूचा यहूदिया छेत्र अउर यरदन नदी क नगिचे मनई ओकरे लगे ओका सुनइ ऍकट्ठा भएन। ⁶ उ पचे आपन पापन्क कबूलेन्ह अउर यरदन नदी मँ ओकरे जरिये बपतिस्मा^[a] दीन्ह गवा।

⁷ जब उ लखेस कि ढेर फरीसियन^[b] अउर सदूकियन^[c] ओकरे लगे बपतिस्मा लेइ आवत अहइँ तउ उ ओनसे कहेस, “ओ सरप क बच्चा लोग! तू पचन क कउन चिताउनी दिहस ह कि परमेस्सर क होइवाला किरोध स बच जा? ⁸ तोहका इ बात क प्रमान देइ पड़ी कि तू पचे फुरे फुरे मनफिराया ह। ⁹ अउर इ जिन सोचा कि खुद अपने स कहे बिना इ बात काफी होइ जाई, ‘हम पचे इब्राहीम क संतान अही’। मइँ तोसे कहत हउँ कि परमेस्सर इब्राहीम बरे इ पथरन स बचवन क पइदा कइ सकत ह। ¹⁰ बृच्छन^[d] क जरे प कुल्हाड़ा रखा बाटइ अउर हर एक बृच्छ जउन फर पइदा नाहीं करतेन, उ काटिके गिराइ दीन्ह जइहीं; अउर फिन कोका आडी मँ झोंकि दीन्ह जाई।

¹¹ “मइँ तउ तू पचन क तोहरे मनफिराव बरे पानी स बपतिस्मा देत हउँ; मुला उ जउन मोरे पाछे आवइवाला अहइ उ मोसे जियादा बरिआर अहइ। मइँ तउ ओकर पनही खोलइ क जोग्ग नाहीं। उ तू पचन क पवित्तर आतिमा अउर आगी स बपतिस्मा देइ। ¹² ओकरे हाथ मँ सूप अहइ, जेहसे उ अनाजे क भूसा स अलग करी। अपने खरिहाने स उ साफ कीन्ह अनाजे क उठाइ क, ऍकट्ठा कइके कोठिला मँ भरि देइ अउर भूसा क अइसी आगी मँ नाइ दीन्ह जाई कि बुझाए प न बुझी।”

ईसू क यूहन्ना स बपतिस्मा लेब

(मरकुस 1:9-11; लूका 3:21-22)

¹³ उ समइ ईसू गलील स चलिके यरदन क किनारे यूहन्ना क नगिचे ओसे बपतिस्मा लेइ बरे आवा। ¹⁴ मुला यूहन्ना ईसू क निर्नय बदले क जतन करत कहेस, “मोका तउ खुद तोसे बपतिस्मा लेइ क दरकार अहइ फिन तू काहे मोरे नगिचे आया ह।”

¹⁵ ईसू जवाबे मँ ओसे कहेस, “अबाहिन तउ ऍका अइसे होइ द्या। जउन परमेस्सर चाहत अहइ, हमका उ पूरा करब नीक बाटइ।” फिन उ वइसे होइ दिहस।

¹⁶ अउर तबहिं ईसू बपतिस्मा लइ लिहस। जइसे उ पानी स बाहेर आवा, अकास खुलि गवा। उ परमेस्सर क आतिमा क एक ठु कबूतरे क नाईं खाले उतरत अउर ऊपर आवत देखेस। ¹⁷ तबहिन अकासवाणी भइ: “इ मोर पिआरा पूत अहइ। जेसे मइ खूब खुस हउँ।”