◀ All Reading Plans / M’Cheyne Bible Reading Plan / Family: Deuteronomy 12; Psalms 97–98. Secret: Isaiah 40; Revelation 10. (Awadhi Bible: Easy-to-Read Version)

Prev Day

June 8, 2025

Next Day

Use the calendar to view readings from this devotional.

June 2025
Su	Mo	Tu	We	Th	Fr	Sa
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Return to today's reading

M’Cheyne Bible Reading Plan

The classic M'Cheyne plan--read the Old Testament, New Testament, and Psalms or Gospels every day.

Duration: 365 days

व्यवस्था विवरण 12

परमेस्सर क उपासना क ठउर

12 “इ सबइ नेम अउर हुकुम अहइ जेका तोहका आपन नवा भुइँया मँ होसीयारी क साथ जरूर पालन करइ चाही। यहोवा तोहार पुरखन क परमेस्सर तोहका इ भुइँया दइ दिहा ह जब तलक तू पचन्क इ धरती पइ रही तोहका आपन अधिकार मँ रखइ बरे दिहेस ह। ²तू पचे उ पहँटा क ओन रास्ट्रन स लेब्या जउन अब हुआँ रहत अहइँ। तू पचन्क ओन सबहिं ठउरन क पूरी तरह नास कइ देइ चाही जहाँ इ सबइ रास्ट्र आपन देवतन क पूजत हीं। इ सबइ ठउर ऊँचे पहाड़न, पहाड़ियन अउ सबइ हरिअर बृच्छन क खाले अहइँ। ³तू पचन्क ओनकर वेदियन क बरबाद करइ चाही अउ ओनके स्मृति पाथरन क टूका-टूका कइ देइ चाही। तू पचन्क ओनके पवित्तर खम्भन क बार देइ चाही। ओनके देवतन क मूरतियन क काट डावइ चाही अउ ओनकर नाउँ हुआँ स मेट देइ चाही।

⁴“मुला तू पचन्क यहोवा आपन परमेस्सर क उपासना उ तरह नाहीं करइ चाही जउने तरह उ सबइ लोग आपन देवतन क पूजन हीं। ⁵यहोवा तोहार परमेस्सर तोहरे परिवार समूहे स खास ठउर चुनब। उ हुआँ आपन नाउँ क थापना करी। अउ हुआँ निवास करी तू पचन्क ओकर उपासना करइ बरे उ ठउर प जाइ चाही। ⁶हुआँ तू पचन्क आपन होमबलि, आपन सबइ बली, दसवाँ हींसा, आपन खास भेंट, यहोवा क बचन दीन्ह गइ भेंट, आपन क इच्छा स भेंट अउर झुण्ड अउ रेवड़ क पहिला पइदा भवा बच्चन क लियावइ चाही। ⁷तू अउर तोहार परिवार हुआँ यहोवा तोहार परमेस्सर क मौजूदगी मँ भोजन करिहीं। जउने अच्छी चिजियन बरे तू पचे काम किह्या ह आपन परमेस्सर क कारन स तू आनन्द पाउब्या। काहेकि यहोवा तोहार परमेस्सर तोहका आसीर्बाद दिहेस ह।

⁸“उ उहइ तरह उपासना करत नाहीं रहइ चाही जउने तरह हम उपासना करत आवत अही। अबहिं तलक हम माँ स हर एक जइसा चाहे परमेस्सर क उपासना करत रहा। ⁹काहे अबहिं तलक हम उ सान्त देस मँ नाहीं पहुँचे रहेन जेका यहोवा तोहार परमेस्सर तू पचन्क देत अहइ। ¹⁰मुला तू पचे यरदन नदी क पार करब्या अउ उ देस मँ रहब्या जेका यहोवा तोहार परमेस्सर तू पचन्क देत अहइ। हुआँ यहोवा तू पचन्क सबहिं दुस्मनन स चैन स रहइ देइ अउ तू सुरच्छित रहब्या। ¹¹तब यहोवा आपन बरे खास ठउर चुनी उ हुआँ आपन नाउँ क थापना करी अउर तू पचे ओन सबहिं चीजन्क हुअँइ लइ अउब्या जेनके बरे मइँ आदेस देत हउँ। हुअँइ तू पचे आपन क सबइ होम बलियन, आपन बलियन, दसवाँ हींसा,^[a] आपन इच्छा क भेंट, आपन खास भेंट, अउ आपन क स्वतंत्र इच्छा क भेंट, जउन तू यहोवा क देइ क बचन दिहस ह। ¹²उ ठउरे पइ तू पचे आपन सबहिं लोग, आपन बेटवन अउ बेटियन, मरद अउ मेहरारु नउकरन, अउर आपन सहर मँ बसइया सबहिं लेवीबंसियन क संग बटुर जा। (इ सबइ लेवीबंसी आपन बरे भुइँया क कउनो हींसा न पइहीं।) यहोवा आपन परमेस्सर क मौजूदगी मँ हुआँ आनंद मनावा। ¹³होसियारी बरता कि तू पचे आपन होम बलियन क जहाँ लखा हुआँ जिन चढ़ावा। ¹⁴तोहरे परिवार समूहे मँ स कउनो एक क इलाका मँ यहोवा आपन खास ठउर चुनी। हुआँ आपन होमबलि चढ़ावा अउ तू पचन्क बतावा गवा सबहिं आदेसन क हुअँइ करा।

¹⁵“जउने कउने जगह तू पचे रहा तू कउनो जनावर क मारिके खाइ सकत ह। तू हरिण या नील गाय क साथ ठीक वइसा ही करा। तू पचे ओतना माँस खाइ सकत ह जेतना तू चाहा, जेतना यहोवा तोहार परमेस्सर तू पचन्क देइ। कउनो भी मनई इ गोस क खाइ सकत ह, चाहे उ पवितर होइ या अपवितर होइ। ¹⁶मुला तू पचन्क रकत नाहीं खाइ चाही। तू पचन्क खून क पानी क तरह जमीन प बहाइ देइ चाही।

¹⁷“कछू अइसी चिजियन अहइँ जेनका तू पचन्क ओन ठउरन पइ नाहीं खाइ चाही जहाँ तू पचे रहत अहा। इ सबइ अहइँ: आपन अनाज क, दाखरस क, अउ तेल क दसवाँ हींसा। तोहार भेड़ अउ गोरुअन क पहिला पइदा भवा बच्चा, परमेस्सर क वचन दीन्ह गइ भेंट, कउनो आपन इच्छा भेंट या कउनो भी परमेस्सर क दूसर भेंट। ¹⁸तू पचन्क ओन भेंटन क सिरिफ यहोवा तोहार परमेस्सर क मौजूदगी मँ खाइ चाही यानी यहोवा तोहार परमेस्सर जउने ठउरे क चुनइ। तू पचन्क हुअँइ जाइ चाही अउर आपन पूतन, बिटियन, सबहिं मरद अउ मेहरारु नउकरन अउर तोहरे सहरन मँ बसइयन लेवी बंसियन क संग मिलिके खाइ चाही। यहोवा आपन परमेस्सर क मौजूदगी मँ आनन्द मनावा। जउने चिजियन बरे काम किहा ह ओनकर आनन्द ल्या। ¹⁹धियान रखा कि इ भोजनन क लेवी बंसियन क संग बाँटिके खा। इ तब तलक करा जब तलक आपन देस मँ रहा।

^20-21“यहोवा तोहार परमेस्सर इ बचन दिहे अहइ कि उ तोहरे देस क सीमा क अउर बढ़ाई। जब यहोवा अइसा करी तउ उ ओकरे चुने भए खास निवास स दूर रहि सकत ह अउर तोहे पचन्क गोस क भूख अहइ तउ तू पचे कउनो भी तरह क गोस क, जउन तोहरे लगे अहइ खाइ सकत ह। तू पचे यहोवा क दीन्ह झुण्ड अउ समूह मँ स कउनो भी जनावर क मारि सकत ह। इ वइसे ही करा जइसा करइ क हुकुम मइँ दिहे अहउँ। इ गोस, तू पचे जबहिं चाहा जहाँ भी रह्या, खाइ सकत ह। ²²तू पचे इ गोस क वइसे ही खाइ सकत ह जइसे नीलगाय अउर हिरन क गोस खात ह। कउनो भी मनई इ कइ सकत ह चाहे उ सबइ पवित्तर होइँ या अपवित्तर। ²³मुला निहचय ही खून जिन खा। काहेकि खून मँ जिन्नगी अहइ अउर तू पचन्क उ गोस नाहीं खाइ चाही जेहमाँ अबहिं जिन्नगी होइ। ²⁴खून जिन खा। तू पचन्क खून क पानी क नाई भुइँया पइ डाइ देइ चाही। ²⁵तू पचन्क उ सब कछू करइ चाही जेका परमेस्सर उचित समझत ह। एह बरे खून जिन खा। तब तोहार अउ तोहरे सन्तानन क भला होइ।

²⁶“कउनो भी तरह तोहका आपन पवित्तर बलिदान क अउर वचन क उपहारन क उ जगह पइ लावइ चाही जेका यहोवा चुनी। ²⁷तू पचन्क आपन होमबलि हुअँइ चढ़ावइ चाही। आपन होमबलि क गोस अउ रकत यहोवा आपन परमेसस्र क वेदी पइ चढ़ावा। रकत क बाहर निकाला। तब तू पचे गोस खाइ सकत ह। ²⁸जउन आदेस मइँ देत अहउँ ओनका मानइ मँ होसियार रहा। जब तू पचे उ सब कछू करत अहा जउन यहोवा तोहार परमेस्सर बाटइ अउ ठीक अउ अच्छा अहइ, तब हर चीज तोहरे बरे अउ तोहरे सन्ताने बरे भविस्य मँ सदा भला रही।

²⁹“जब यहोवा तोहार परमेस्सर उ रास्ट्रन क बरबाद करब्या अउ तो ओकर भुइँया पइ कब्जा करब्या। तू पचे हुआँ जाब्या अउ ओनसे भुइँया लेब्या। तू पचे ओनकइ भुइँया पइ रहब्या। ³⁰किन्तु ओकर पाछे होसियार रहा काहेकि उ तोहार समन्वा बरबाद भवा। ओकरे कैद मँ जिन फँसा जेहसा उ देवतन क पूजा करत अहइ। इ सीखइ क कोसिस न करा कि उ सबइ आपन देवतन क पूजा कइसे करत हीं। ‘उ सबइ जइसे पूजा करत ही वइसेन पूजा करइ क बारे मँ जिन सोचा।’ ³¹तू पचे यहोवा आपन परमेस्सर क वइसेन उपासना नाहीं करब्या जइसे उ पचे आपन देवतन क करत हीं। काहेकि उ पचे आपन पूजा मँ सब किसिम क बुरी चीजन करत हीं जेनसे यहोवा घिना करत ह। उ पचे आपन देवतन क बलि बरे आपन गदेलन क भी बार देत हीं।

³²“तू पचन्क ओन सबहिं काम क करइ बरे होसियार रहइ चाही जेनके बरे मइँ आदेस देत हउँ। जउन मइँ तू पचन्स कहत हउँ ओहमाँ न तउ कछू जोरा, न ही ओहमाँ स कछू कमती करा।

भजन संहिता 97-98

¹यहोवा सासन करत ह, धरती क खुस रहइ द्या;
    दूर क देसन क प्रसन्न होइ द्या।
²यहोवा क करिया गहिर बादर घेरे भए अहइँ।
    नेकी अउ निआउ ओकरे राज्ज क मजबूत किहे अहइँ।
³यहोवा क समन्वा आगी चला करत ह,
    अउर उ ओकरे आपन दुस्मनन क नास करत ह।
⁴ओकर बिजुरी संसार क प्रकासित करत ह।
    लोग ओका लखत हीं अउर डेरान रहत हीं।
⁵यहोवा क समन्वा पहाड़ अइसे पिघल जात हीं, जइसे मोम पिघल जात ह।
    उ समूचइ धरती क सुआमी अहइ।
⁶अकास ओकरी नेकी क बखान करत हीं।
    हर कउनो परमेस्सर क महिमा लखि लेइ।

⁷सबइ लोग जउन मूरतियन क पूजा करत हीं
    अउर ओकरे बियर्थ बातन बरे डींग हाँकत हीं,
लजाइ जाइहीं।
    सबइ देवतन ओकरे समन्वा निहुरिहीं।
⁸हे सिय्योन, सुना अउ खुस ह्वा।
    हे यहूदा क सहरन, खुस ह्वा,
    तोहार निआउ क कारण, हे यहोवा।
⁹हे सर्वोच्च यहोवा, फुरइ तू ही धरती पइ सासन करत ह।
    तू दूसर “देवतन” स जियादा उत्तिम अहा।
¹⁰जउन लोग यहोवा स पिरेम रखत हीं, उ पचे पाप स घिना करत हीं।
    एह बरे उ आपन लोगन क रच्छा करत ह।
    उ ओन लोगन क दुट्ठ लोगन स बचावत ह जउन ओकरे बिस्सासी अहइँ।
¹¹धर्मी लोगन पइ जोति छितराएस ह
    अउ इमानदार-जन बरे आनन्द फइलाएस ह।
¹²हे धर्मी लोगो, परमेस्सर मँ खुस रहा।
    ओकरे पवित्तर नाउँ क धन्यवाद द्‌या।

एक ठु स्तुति गीत।

¹यहोवा बरे एक नवा गीत गावा,
    काहेकि उ नई अउ अद्भुत बातन क किहस ह।
ओकर पवित्तर दाहिन भुजा
    ओकरे बरे फुन बिजय बनाई।
²यहोवा रास्ट्रन क समन्वा आपन रच्छा क सक्ती क परगट किहेस ह।
    उ ओनका आपन बिजय देखाँएस ह।
³उ इस्राएल पइ आपन पिरेम अउर बिस्सास क स्मरण किहेस ह।
    दूर रास्ट्रन क लोग हमरे परमेस्सर क रच्छासक्ती निहारेन।
⁴हे धरती क हर मनई, चिचियाइके स्तुति कइके यहोवा क सुआगत करा।
    फूट पड़ा! चिचियावा! गावा!
⁵वीणन क संग यहोवा बरे गावा।
    मधुर स्वर स वीणा बजाइके, ओकर महिमा क स्तुति करा।
⁶वीणाओ, यहोवा क गुण गावा।
    हे बिगुल के मधुर संगीत ओकर गुण गावा, ओकर महिमा क स्तुति करा।
⁷बाँसुरी बजावा अउर नरसिंगन क फूँका।
    आनन्द स यहोवा, हमरे राजा क जय जयकार करा।
⁸हे सागर अउ धरती,
    अउ ओनमाँ क सबइ चिजियन ऊँच सुर मँ गावा।
⁹इ यहोवा क समन्वा होइ, काहेकि उ संसार क निआव करइ बरे जात ह।
    उ संसार क धार्मिकता स अउर ओकरे लोगन क इमानदारी स निआव करी।
तू यहोवा क समन्वा गावा, काहेकि उ जगत क सासन करइ जात अहइ,
    उ जगत क निआउ नेकी अउ सच्चाई स करी।

यसायाह 40

इस्राएल क सजा क अन्त

40 “चैन द्या, मोरे लोगन क चैन द्या!
    तोहार पचन्क परमेस्सर कहत ह।
²तू यरूसलेम स दाया स बातन करा।
    यरूसलेम क बताइ द्या, ‘तोहरी सेवा क समय पूरा होइ चुका।
    तू आपन पापन क कीमत दइ दिहे अहा।’
यहोवा यरूसलेम क कीन्ह भए पापन क
    दुइ गुणा दण्ड ओका दिहेस ह।”

³सुना! एक मनई क जोर स गोहरावत भए सुर:
“यहोवा बरे बियाबान मँ एक राह बनावा।
    हमार परमेस्सर बरे बियाबान मँ एक रास्ता चौरस करा।
⁴हर घाटी क भरि द्या
    हर एक पर्वत अउ पहाड़ी क समथर करा।
टेढ़-मेढ़ राहन क सोझ करा।
    उबड़-खाबड़ क चौरस बनाइ द्या।
⁵तब यहोवा क महिमा परगट होइ।
    सब लोग एकट्ठा यहोवा क तेज क लखिहीं।
हाँ, यहोवा खुद इ सबइ कहेस ह।”

⁶एक वाणी मुखरित भइ, उ कहेस, “बोला।”
    तउ मनई पूछेस, “मइँ का कहउँ?”
वाणी कहेस, “लोग सदा जिअत नाहीं रहिहीं।
    उ सबइ रेगिस्ताने क घास क नाई अहइँ।
    ओनकर धार्मिकता जंगली फूल क समान अहइ।
⁷एक सक्तिसाली आँधी यहोवा कइँती स उ घासे पइ चलत ह,
    अउर घास झुराइ जात ह, जंगली फूल नस्ट होइ जात ह।
    हाँ सबहिं लोग घास क समान अहइँ।
⁸घास मरि जात ह अउर जंगली फूल नस्ट होइ जात ह।
    किन्तु हमरे परमेस्सर क बचन सदा बने रहत हीं।”

मुक्ति: परमेस्सर क सुसंदेस

⁹हे, सिय्योन, तोहरे लगे सुसंदेस कहइ क अहइ।
    तु पहाड़े पइ चढ़ि जा अउर ऊँचे सुर स ओका गोहरावा।
यरूसलेम, तोहरे लगे एक सुसंदेस कहइ क अहइ।
    भयभीत जिन ह्वा, तू ऊँच सुर मँ बोला।
यहूदा क सारे नगरन क तू इ सबइ बातन बताइ द्या:
    “लखा, इ रहा तोहार परमेस्सर!”
¹⁰मोर सुआमी यहोवा सक्ति क संग आवत अहइ।
    उ आपन सक्ति क उपयोग लोगन पइ सासन करइ मँ लगाइ।
यहोवा आपन लोगन क प्रतिफल देइ।
    ओकरे लगे देइ क ओनकर मजदूरी होइ।
¹¹यहोवा आपन लोगन क वइसे ही अगुवाई करी जइसे कउनो गड़रिया आपन भेड़िन क अगुवाई करत ह।
    यहोवा आपन बाहु क काम मँ लिआई अउर आपन भेड़िन क बटोरी।
    यहोवा नान्ह भेड़िन क उठाइके गोद मँ थामी, अउर ओनकर महतारिन ओकरे संग संग चलिहीं।

संसार क परमेस्सर रचेस: उ एकर सासक अहइ

¹²कउनो अँजुरी मँ भरिके समुद्र क नाप दिहेस?
    कउन हाथे स अकास क नाप दिहस?
कउन कटोरा मँ भरिके धरती क सारी धूरि क नाप दिहस?
    कउन नापइ क धागा स पर्वतन अउर चोटियन क नाप दिहेस?
    इ यहोवा किहे रहा।
¹³यहोवा क आतिमा क कउनो मनई इ नाहीं बताएस कि ओका का करब रहा।
    यहोवा क कउनो इ नाहीं बताएस कि ओका जउन उ किहेस ह, कइसे करब रहा।
¹⁴का यहोवा कउनो स मदद माँगेस?
    का यहोवा क कउनो निस्पच्छता क पाठ पढ़ाएस ह?
का कउनो मनई यहोवा क गियान सिखाएस ह?
    का कउनो मनई यहोवा क बुद्धि स काम लेब सिखाएस ह? नाहीं।
    एन सबहिं बातन क यहोवा क पहिले ही स गियान अहइ।
¹⁵लखा, जगत क सारे देस गगरी मँ एक नान्ह बूँद जइसे अहइँ।
    जदि यहोवा सुदूरवर्ती देसन तलक क लइके आपन तराजू पइ धइ देइ,
    तउ उ पचे नान्ह स रजकन जइसे लगिहीं।
¹⁶लबानोन क सारे बृच्छन भी काफी नाहीं अहइ
    कि ओनका यहोवा बरे बारा जाइ।
लबानोन क सारे पसु काफी नाहीं अहइँ
    कि ओनका ओकर एक बलि बरे मारा जाइ।
¹⁷परमेस्सर क तुलना मँ बिस्व क सबहिं रास्ट्र कछु भी नाहीं अहइँ।
    परमेस्सर क तुलना मँ विस्व क सबहिं रास्ट्र बिल्कुल बगैर कीमत क अहइँ।

परमेस्सर का अहइ, लोग कल्पना नाहीं कइ सकतेन

¹⁸का तू परमेस्सर क तुलना कउनो भी चीज स कइ सकत ह? नाहीं।
    का तू परमेस्सर क चित्र बनाइ सकत ह? नाहीं।
¹⁹किन्तु कछू लोग अइसे अहइँ जउन पाथर अउर काठे क मूरतियन बनावत हीं
    अउर ओनका देवता कहत हीं।
एक कारीगर मूरति क बनावत ह।
    फुन दूसर कारीगर ओह पइ सोना मढ़ देत ह अउर ओकरे बरे चाँदी क जंजीरन बनावत ह।
²⁰तउ उ मनई आधार बरे एक खास तरह क काठ चुनत ह
    जउन सड़त नाहीं ह।
तब उ एक अच्छे काठे क कारीगर क हेरत ह।
    उ कारीगर एक अइसा देवता बनावत ह जउन लुढ़कत नाहीं ह।
²¹निहचय ही, तू पचे फुरइ जानत अहा, बोला?
    निहचय ही तू पचे सुन्या ह।
    निहचइ ही बहोत पहिले कउनो तू पचन्क बनाएस ह।
    निहचइ ही तू पचे जानत अहा कि धरती क कउन बताएस ह।
²²यहोवा ही सच्चा परमेस्सर अहइ। उहइ धरती क चक्र क ऊपर बइठत ह।
    ओकर तुलना मँ लोग टिड्डी स लगत हीं।
उ अकासन क कउने कपड़े क टूकन क नाई खोल दिहस।
    उ अकासे क ओकरे खाले बइठइ क एक तम्बू क नाई तान दिहस।
²³सच्चा परमेस्सर सासकन क महत्वहीन बनावत ह।
    उ इ जगत क निआवकर्त्तन क पूरी तरह बियर्थ बनाइ देत ह।
²⁴उ सबइ सासक अइसे अहइँ जइसे उ पचे पउधन जेनका धरती मँ रोपा गवा होइ,
    किन्तु एहसे पहिले कि उ पचे आपन जड़न धरती मँ जमाइ पावइँ,
परमेस्सर ओनका बहाइ देत ह
    अउर उ सबइ झुराइके मरि जात हीं।
    आँधी ओनका तिनका सा उड़ाइके लइ जात ह।
²⁵“का तू कउनो स भी मोर तुलना कइ सकत ह नाहीं।
    कउनो भी मोरे बराबर क नाहीं अहइ।”

²⁶ऊपर अकासन क लखा।
    कउन ऍन सबहिं तारन क बनाएस?
कउन उ सबइ अकास क सेना बनाएस?
    केका सबहिं तारन नाम-बनाम मालूम अहइँ?
सच्चा परमेस्सर बहोत ही सुदृढ़ अउर सक्तीसाली अहइ
    एह बरे कउनो तारा कबहुँ निज मार्ग नाहीं बिसरा।

²⁷हे याकूब, इ सच अहइ।
हे इस्राएल, तोहका एका बिस्सास करइ चाही।
तउ तू काहे अइसा कहत ह कि “जइसी जिन्नगी मइँ जिअत हउँ ओका यहोवा नाहीं लखि सकत।
परमेस्सर मोका धइ नाहीं पाइ अउर न सजा दइ पाई।”

²⁸सचमुच तू सुन्या ह
    अउर जानत ह कि यहोवा परमेस्सर बुद्धिमान अहइ।
जउन कछू उ जानत ह ओन सबहिं बातन क मनई नाहीं सीख सकत।
    यहोवा कबहुँ थकत नाहीं,
ओका कबहुँ विस्राम क जरूरत नाहीं होत।
    यहोवा ही सबहिं दूरदराज क ठउर धरती पइ बनाएस।
    यहोवा सदा जिअत ह।
²⁹यहोवा सक्तीहीनन क सक्तीसाली बनइ मँ सहायता देत ह।
    उ अइसे ओन लोगन क जेनके लगे सक्ति नाहीं अहइ, प्रेरित करत ह कि उ सक्तीसाली बनइ।
³⁰नउजवान थक जात हीं अउर ओनका विस्राम क जरूरत पड़जात ह।
    हिआँ तलक कि किसोर भी ठोकर खात हीं अउर गिरत हीं।
³¹किन्तु उ सबइ जउन यहोवा क भरोसा करत अहइँ आपन सक्ति क प्राप्त कइ लेइ।
    उ पचे उँचाई पइ उड़ि ओकर पखना बाज़ क नाई होइ।
उ पचे दौड़ी किन्तु कमज़ोर नाहीं होइ।
    उ पचे चली किन्तु थकी नाहीं

प्रकासित वाक्य 10

सरगदूत अउर छोटी पोथी

10 फिन मइँ आकास स नीचे उतरत एक अउर बलवान सरगदूत क देखेउँ उ बादर क ओड़े रहा अउर ओकरे मूँड़े क आस पास एक मेघधनुस रहा। ओकर मुख मण्डल सूरज क तरह अउर टांग आग क खंभा जइसे रहेन। ²आपने हाथे मँ उ एक छोटी स खुली पोथी लिहे रहा। ³आपन दहिना पैर समुद्दर मँ अउर बांया पैर धरती प रखेस। फिन उ सेर क तरह दहाड़त जोर स चिल्लाएस। ओकरे चिल्लाए प सातउ गरजन तरजन क आवाज सुनाई देइ लाग जउन सातउ गरजन होइ चुकेन।

⁴अउर मइँ लिखइवाला रहेउँ, तबइ मइँ एक आकासावाणी सुनेउँ, “सातउ गरजन जउन कछू कहे अहइ, ओका छिपाय ल्या अउर ओका न लिखा।”

⁵फिन उ सरगदूत जउने क मइँ समुद्दर मँ अउर धरती प खड़ा देखे रहेउँ, अकास मँ ऊपर दाहिन हाथ उठाएस। ⁶अउर जउन हमेसा स जीवित अहइ, जे अकास क अउर अकास क सब चीजन क, धरती अउर धरती प किहेस अउर समुद्दर अउर जउन कछू ओहमाँ अहइ, ओनकइ सबनक रचना करे अहइ, ओकर सपथ लइके सरगदूत कहेस, “अब अउर जियादा देर न होइ! ⁷मुला जउ सातवाँ सरगदूत क सुनइ क समइ आइ अर्थात जब उ आपन तुरही बजावइवाला होइ, तबइ परमेस्सर क उ छिपी योजना (सुसमाचार) पूरी होइ जाइ जेका उ अपने सेवक अउर नबियन क बताए रहा।”

⁸उ आकासवाणी जउने कि मइँ सुने रहेउँ, उ आवाज फिन मोसे कहेस, “जा अउर उ सरगदूत स जउन समुद्दर मँ अउर धरती प खड़ा अहइ ओकरे हाथे स खुली पोथी क लइ ल्या।”

⁹इ बरे मइँ उ सरगदूत क पास गएउँ अउर मइँ ओसे कहेउँ कि उ छोट क पोथी मोका दइ देइ। उ मोसे कहेस, “एक ल्या अउर खाइ ल्या। एहसे तोहार पेट कड़वा होइ जाइ मुला दोहरे मुँहे मँ इ सहदउ स जिआदा मीठा बन जाइ।” ¹⁰फिन उ सरगदूत क हाथ स मइँ उ छोट क पोथी लइ लीन्ह अउर ओका खाइ लीन्ह। मोरे मुँहे मँ इ सहद क तरह मीठ लाग मुला जब मइँ खाइ चुकेउँ तब मोर पेट कड़वा होइ गवा। ¹¹एह प उ मोसे बोला, “तोहका तमाम मनई, देस, जातियन क भाखा अउर राजा क बावत भविस्सवाणी करइ क पड़ी।”

Awadhi Bible: Easy-to-Read Version (ERV-AWA)