Beginning

36 بُرا شخص بہت بُرا کرتا ہے جب وہ خود سے کہتا ہے ،
    “میں خدا کی تعظیم نہیں کروں گا اس سے نہ ڈروں گا۔”
² وہ شخص خود سے جھو ٹ بولتا ہے۔
    وہ شخص خود اپنی غلطیوں کو نہیں دیکھتا۔
    اِ سی لئے وہ معافی نہیں مانگتا۔
³     اس کے الفا ظ بیکا ر اور جھو ٹے ہو تے ہیں۔
    نہ ہی وہ دانشمند ہو گا اور نہ ہی اچھا کر نا سیکھے گا۔
⁴ رات کو وہ اپنے بستر پر بدی کے منصوبے بناتے ہیں۔
    اور بیدار ہو کر کوئی بھی اچھا عمل نہیں کرتا۔ وہ بدی کو چھو ڑنا نہیں چاہتا۔
⁵ اے خداوند! تیری سچّی محبت آسمان سے بھی بلند ہے۔
    اے خدا! تیری وفا داری بادلوں سے بھی اونچی ہے۔
⁶ اے خداوند! تیری صداقت بلند پہا ڑ سے بھی بلند ہے
    تیرا انصاف گہرے سمندر سے بھی زیادہ گہرا ہے۔
اے خداوند تو انسانوں اور حیوانوں کا محا فظ ہے۔
⁷     تیری شفقت سے زیادہ بیش قیمت کچھ بھی نہیں ہے۔
    انسان اور فرشتے تیرے سایہ میں پناہ لیتے ہیں۔
⁸ اے خداوند! تیرے گھر کی اچھی چیزوں سے وہ نئی قوّت پا تے ہیں۔
    تو انہیں اپنی حیرت انگیز ندی کے پا نی کو پینے دیتا ہے۔
⁹ اے خداوند! تجھ سے زندگی کا چشمہ پھوٹتا ہے۔
    تیرا نور ہی ہمیں روشنی دکھا تا ہے۔
¹⁰ اے خداوند! جو تجھے سچا ئی سے جانتے ہیں،اُن سے محبت کرتا رہ۔
    اُن لوگوں پر توُ اپنی رحمت برسا جو تیرے سچّے ہیں۔
¹¹ اے خداوند! تو مغروروں کو مجھے روندنے نہ دے۔
    نہ ہی مجھے شریر نقصان پہنچا ئیں۔

37 بدکرداروں سے پریشان نہ ہو وہ جو بُرا کرتے ہیں
    ایسے لوگوں سے حسد نہ کر۔
² بدکردار لوگ گھاس اور ہرے پودوں کی طرح
    جلد زرد پڑ جا تے ہیں اور مر جا تے ہیں۔
³ اگر تو خداوند پر توکّل رکھے گا اور بھلے کام کرے گا تو زندہ رہے گا۔
    اور ان چیزوں سے لطف اندوز ہو گا۔ جو زمین دیتی ہے۔
⁴ خداوند کی خدمت میں خوشی حاصل کر تا رہ،
    اور خدا تجھے تیرا من چاہا دے گا۔
⁵ خداوند کے بھروسے رہ۔ اس پر توکّل کر۔
    وہ ویسا کر ے گا جیسے کرنا چاہئے۔
⁶ خداوند تیری صداقت اور انصاف کو
    دوپہر کے سورج کی طرح روشن کرے گا۔
⁷ خداوند پر توکّل کر اور اُس کی مدد کا منتظر رہ۔
    شریر لوگوں کی کامیابی پر پریشان مت ہو۔ شریر لوگوں کے شریر ارادوں کی کامیابی پر پریشان نہ ہو۔
⁸ قہر سے باز آ اور تشّدد کو چھوڑ دے۔
    تو اتنا پریشان نہ ہو کہ تو بھی بُرے کام کرنا شروع کردے۔
⁹ کیوں کہ بُرے لوگوں کو نیست و نابود کیا جائے گا۔
    لیکن وہ لوگ جو خداوند کو مدد کے لئے پکارتے ہیں۔
    اُس زمین کو پا ئیں گے جسے دینے کا خدا نے عہد کیا تھا۔
¹⁰ کیوں کہ تھوڑی دیر میں شریر لوگ نیست و نابود ہو جا ئیں گے۔
    ڈھونڈنے سے بھی تم کو کو ئی شریر نہیں ملے گا۔
¹¹ حلیم لوگ وہ زمین پا ئیں گے جسے خدا نے دینے کا وعدہ کیا تھا۔
    وہ سلا متی سے شادماں رہیں گے۔

²⁶ نیک لوگ ہمیشہ رحم دلی سے خیرات دیتے ہیں۔
    نیک لوگوں کی اولاد میں برکت ہوا کرتی ہے۔
²⁷ اگر تو بُری چیزوں کو مسترد کر دے،
    اور اگر تُو اچھے کاموں کو کرتا رہے توپھر توہمیشہ کے لئے زندہ رہے گا۔
²⁸ خداوند انصاف سے محبت کر تا ہے۔
    وہ اپنے مقدّسوں کوبے سہا را نہیں چھو ڑتا ہے۔
خدا اپنے چاہنے وا لوں کی ہمیشہ حفا ظت کر تا ہے۔
    اور وہ بُرے لوگوں کو فنا کر دیتا ہے۔
²⁹ نیک لوگ اُس زمین کو پا ئیں گے جسے خدا نے دینے کا وعدہ کیا ہے۔
    وہ اُس میں ہمیشہ کے لئے مقیم رہیں گے۔
³⁰ نیک شخص اچھی نصیحت دیتا ہے۔
    اُس کا انصاف سب کے لئے بہتر ہوتا ہے۔
³¹ صادق کے دِل میں خداوند کی شریعت بسی ہو ئی ہے۔
    وہ سیدھی راہ پر چلنا نہیں چھو ڑے گا۔

38 اے خداوند اپنے قہر میں مجھ پر تنقید نہ کر۔
    جب تو مجھے تر بیت دیتا ہے اس وقت تو غصّہ میں نہ رہ۔
² اے خداوند تو نے مجھے چوٹ دی ہے۔
    تیرے تیر مجھ میں گہرے اترے ہیں۔
³ تو نے مجھے سزا دی اور اب میرے سارے جسم میں درد ہو رہا ہے۔
    میں نے گناہ کیا اور تو نے مجھے سزا دی۔ اس لئے میری ہڈیاں دکھ رہی ہیں۔
⁴ میں برے کام کر نے کی وجہ سے گنہگارہوں، اور وہ گناہ ایک بڑے بوجھ کی طرح ہے۔
    میں اپنا سر اٹھا تے ہوئے بڑی شرمندگی محسوس کرتا ہوں۔
⁵ میں نے احمقانہ کام کیا۔
    اب میرے زخم سے بدبو آتی ہے اور وہ سڑ رہے ہیں۔
⁶ میں جھکا اور دبا ہوا ہوں۔
    میں سارا دن اُداس رہتا ہوں۔
⁷ مجھ کو بخار چڑھا ہے
    اور پورا جسم گھائل ہے۔
⁸ میں اس قدر چوٹ کھا یا ہوا ہوں کہ میں کچھ بھی محسوس نہیں کرتا۔
    میرا بوجھ بھرا دل مجھے چیخنے چلاّنے پر مجبور کر تا ہے۔
⁹ اے خدا ، تو نے میرا کراہنا سن لیا۔
    میری آہیں تو تجھ سے چھپی ہو ئی نہیں ہیں۔
¹⁰ میرا دل دھڑک رہا ہے میری قوّت گھٹتی جا تی ہے۔
    میری آنکھوں کی روشنی بھی مجھ سے جا تی رہی۔
¹¹ کیوں کہ میں بیمار ہوں، اس لئے میرے دوست اور پڑوسی مجھ سے ملنے نہیں آتے ہیں۔
    میرے خاندان کے لوگ تومیرے قریب تک نہیں آتے ہیں۔
¹² میرے دشمن میرے بارے میں بُرا کہتے ہیں۔
    وہ جھو ٹی باتوں اور افواہوں کو پھیلا تے رہتے ہیں۔
    میرے ہی بارے میں وہ ہر دم بات چیت کرتے رہتے ہیں۔
¹³ لیکن میں بہرہ کی مانند کچھ نہیں سنتا ہوں
    میں ایک گونگے شخص کی مانند ہوں۔
¹⁴ میں اُس شخص کی مانند بن گیا ہوں جو کچھ نہیں سن سکتا کہ لوگ اس کے بارے میں کیا کہہ رہے ہیں۔
    اور میں حجّت نہیں کرسکتا اور ثابت بھی نہیں کر سکتا کہ میرے دُشمن غلط ہیں۔
¹⁵ پس اے خداوند! مجھے تو ہی بچا سکتا ہے۔
    میرے خدا اور میرے خدا وند، میرے دُشمنوں کو تو ہی سچ بتا دے۔
¹⁶ اگر میں کچھ بھی نہ کہوں تو میرے دُشمن مجھ پر ہنسیں گے۔
    مجھے بیما ر دیکھ کر وہ کہنے لگیں گے کہ میں اپنے بُرے اعما ل کا پھل کھا رہا ہوں۔
¹⁷ میں جانتا ہوں کہ میں اپنے بُرے اعما ل کے لئے مجرم ہوں۔
    میں اپنے درد کو بھول نہیں سکتا ہوں۔
¹⁸ اے خداوند، میں نے اپنے بُرے اعمال کے با رے میں تیرے آگے اعتراف کیا ہے۔
    میں اپنے گناہوں کے لئے دُ کھی ہوں۔
¹⁹ میرے دُشمن چست اور زبردست ہیں۔
    انہوں نے بہت ساری جھو ٹی باتیں بولی ہیں۔
²⁰ میرے دُشمن میرے ساتھ بُرا سلوک کر تے ہیں،
    جبکہ میں نے اُن کے لئے بھلا ہی کیا ہے۔
    میں صرف بھلا کر نے کا جتن کر تا رہا، لیکن وہ سب لوگ میرے خلاف ہو گئے ہیں۔
²¹ اے خداوند مجھ کو مت چھوڑ،
    میرے خدا، مجھ سے تو دور مت رہ۔
²² دیر مت کر ، جلدی میری مدد کے لئے آگے بڑھ،
    اے میرے خدا، مجھ کو تو نجات دے۔

39 میں نے کہا، “جب تک یہ شریر میرے سامنے رہیں گے
    میں اپنے منہ کو لگام دئیے رہوں گا۔
جو کچھ میں کہوں گا میں بہت محتاط رہوں گا
    تا کہ میں اپنی زبان کو اپنے گناہوں کا سبب نہ بننے دوں۔”