Revised Common Lectionary (Semicontinuous)

Ayi Mukama Katonda wange, oli mukulu nnyo;
    ojjudde obukulu n’ekitiibwa.

^2 (B)Yeebika ekitangaala ng’ayeebikka ekyambalo
    n’abamba eggulu ng’eweema,
^{3     (C)}n’ateeka akasolya k’ebisulo bye eby’oku ntikko kungulu ku mazzi;
ebire abifuula amagaali ge,
    ne yeebagala ebiwaawaatiro by’empewo.
^4 (D)Afuula empewo ababaka be,
    n’ennimi z’omuliro ogwaka abaweereza be.

^5 (E)Yassaawo ensi ku misingi gyayo;
    teyinza kunyeenyezebwa.
^6 (F)Wagibikkako obuziba ng’ekyambalo;
    amazzi ne gatumbiira okuyisa ensozi ennene.
^7 (G)Bwe wagaboggolera ne gadduka;
    bwe gaawulira okubwatuka kwo ne gaddukira ddala;
^8 (H)gaakulukutira ku nsozi ennene,
    ne gakkirira wansi mu biwonvu
    mu bifo bye wagategekera.
⁹ Wagassizaawo ensalo ze gatasaana kusukka,
    na kuddayo kubuutikira nsi.

^24 (A)Ayi Mukama, ebintu bye wakola nga bingi nnyo!
    Byonna wabikola n’amagezi ag’ekitalo;
    ensi ejjudde ebitonde byo.

Weebaze Mukama, gwe emmeeme yange.

Mumutenderezenga Mukama.

^5 (B)“Ani eyaleka entulege okwetambulira mu ddembe lyayo?
    Ani eyasumulula emiguwa gyayo,
^6 (C)gye nawa ensi ey’omuddo okuba amaka gaayo,
    n’ensi ey’omunnyo okubeerangamu?
^7 (D)Esekerera oluyoogaano lw’ekibuga,
    tewuliriza kulekaana kw’abavuzi ba bidduka.
⁸ Ebuna ensozi, ly’eddundiro lyayo,
    ng’enoonya ekintu kyonna ekibisi.

^9 (E)“Embogo eyinza okukkiriza okuba omuweereza wo,
    n’esula ekiro mu kisibo kyo?
¹⁰ Oyinza okugisiba ku muguwa n’ogirimisa olubimbi?
    Eyinza okukuvaako emabega ng’erima mu kiwonvu.
¹¹ Oyinza okugyesiga olw’amaanyi gaayo amangi?
    Oyinza okugirekera emirimu gyo egy’amaanyi?
¹² Oyinza okugyesiga okukuleetera emmere yo ey’empeke,
    oba okukuleetera eŋŋaano mu gguuliro lyo?

¹³ “Ebiwaawaatiro bya maaya bisanyusa nga byewujja,
    naye ebiwaawaatiro n’ebyoya bya kalooli tebiraga kisa.
¹⁴ Kubanga emaaya ebiika amagi gaayo ku ttaka,
    n’egaleka ne gabugumira mu musenyu,
¹⁵ ne yeerabira nti, ekigere kisobola okugaasa,
    era nga ensolo ey’omu nsiko eyinza okugalinnya.
^16 (F)Obwana bwayo ebuyisa bubi ng’obutali bwayo
    gy’obeera nti, yazaalira bwereere.
^17 (G)Kubanga Katonda teyagiwa magezi
    wadde okutegeera.
¹⁸ Ate bw’eyanjuluza ebiwaawaatiro byayo edduke
    esoomooza embalaasi n’omugoba waayo.

¹⁹ “Embalaasi ggwe ogiwa amaanyi,
    oba ggwe oyambaza ensingo yaayo obwoya obwewumba?
^20 (H)Ggwe ogisobozesa okubuuka ng’enzige
    n’ekanga n’okukaaba kwayo okw’entiisa?
^21 (I)Etakula ettaka mu kiwonvu, nga yeeyagala olw’amaanyi gaayo,
    n’eryoka efuluma okusisinkana abalwanyi abakutte ebyokulwanyisa.
²² Esekerera okutya, n’eteba na kigitiisa.
    Ekitala tekigitiisa kugizza mabega.
²³ Omufuko ogujjudde obusaale gwesuukundira ku lubuto lwayo,
    awamu n’effumu erimasamasa, n’akasaale.
^24 (J)Mu busungu obungi emira ettaka,
    tesobola kusigala mu kifo kimu ng’ekkondeere livuze.
^25 (K)Ekkondeere bwe livuga n’egamba nti, ‘Awo!’
    N’ewunyiriza olutalo olukyali ewala,
    n’ewulira n’okuleekaana kwa baduumizi b’amaggye.

²⁶ “Amagezi go ge gabuusa kamunye,
    n’ayanjuluza ebiwaawaatiro bye e bukiikaddyo?
^27 (L)Ggwe olagira empungu okubuukira ewala mu bbanga,
    era n’ezimba n’ekisu kyayo waggulu ennyo?
²⁸ Ku lwazi kw’ezimba amaka gaayo ekiro n’esula okwo,
    ku lwazi olunywevu olutabetentebwa.
^29 (M)Eyo gy’ekettera omuyiggo gw’eneerya,
    eriiso lyayo ligulengerera wala.
^30 (N)Obwana bwayo bunywa omusaayi,
    era awali emirambo w’ebeera.”