Chronological

यहोवा कहेस, “जउन मेहरारू अकेल्ली अहइ,
    ओकर जियादा सन्तानन होइहीं
बनिस्बत उ मेहरारू क जेकरे लगे ओकर पति अहइ।”

² आपन तम्बू फइलावा,
    आपन दुआर पूरा खोला।
    आपन तम्बू क बढ़इ स जिन रोका।
आपन रस्सियन बढ़ावा अउर खूँटन मजबूत करा।
³     काहेकि तू आपन बंस-बेल दाहिन अउ बाएँ फइलाई।
तोहार सन्तानन अनेकानेक रास्ट्रन क धरती क लइ लेइहीं
    अउर उ सबइ सन्तानन ओन नगरन मँ फुन बसिहीं जउन बर्बाद भ रहेन।
⁴ तू ससाउ जिन, तू लज्जित नाहीं होबिउ।
    आपन मन जिन हारा
काहेकि तोहका अपमानित नाहीं होइ क होइ।
    जब तू जवान रहिउ,
तू लज्जित भइ रहिउ
    किन्तु उ लज्जा क अब तू बिसरब्या।
अब तोहका उ लाज नाहीं याद राखब अहइ तू जेका उ काल मँ भोग्या रहा
    जब तू आपन भतार खोया रह्या।
⁵ काहेकि तोहार भतार उहइ रहा!
    जउन तोहका रचे रहा।
    ओकर नाउँ सर्वसक्तिमान यहोवा अहइ।
उहइ इस्राएल क रच्छा करत ह, उहइ इस्राएल क पवित्तर अहइ
    अउर उहइ समूची धरती क परमेस्सर कहवावत ह।

⁶ तू एक ठु अइसी मेहरारू क जइसी रहिउ जेका ओकर ही भतार तलाक दिहे रहा।
    तोहार मन बहोत भारी रहा किन्तु तोहका यहोवा आपन बनावइ बरे बोलाए रहा।
    तू उहइ मेहरारू क समान अहा जेकर बचपने मँ ही बियाह भवा
अउर जेका ओकर भतार तलाक दिहेस ह।
    किन्तु परमेस्सर तू पचन्क आपन बनावइ बरे बोलाएस ह।
⁷ तोहार परमेस्सर कहत ह, “मइँ तोहका थोड़े समय बरे तजे रहेउँ।
    किन्तु अब मइँ तोहका फुन स अपने पास आउब अउर आपन महा करुणा तोह पइ दर्साउब।
⁸ मइँ बहोत कोहाइ गवा अउर थोड़े स समय क बरे तोहसे छुप गवा
    किन्तु आपन महाकरुणा स मइँ तोहका सदा चैन देब।”
    तोहार उद्धारकर्ता यहोवा इ कहेस ह। परमेस्सर आपन लोगन स सदा पिरेम करत ह

⁹ परमेस्सर कहत ह, “इ ठीक वइसा ही अहइ जइसे नूह क काल मँ मइँ बाढ़ क जरिये दुनिया क दण्ड दिहे रहेउँ।
    मइँ नूह क वरदान दिहेउँ कि फुन स मइँ दुनिया पइ बाढ़ नाहीं लाउब।
उहइ तरह तोहका, मइँ उ वचन देत हउँ, मइँ तोहसे कुपित नाही होब
    अउर तोहसे फुन कठोर बचन नाहीं बोलब।”

¹⁰ यहोवा कहत ह, “चाहे पर्वत लुप्त होइ जाइँ
    अउर इ पहाड़ियन रेत मँ बदल जाइँ
किन्तु मोर करुणा तोहका कबहुँ भी नाहीं तजी।
    मइँ तोहसे मेल करब
    अउर उ मेल क कबहुँ अंत न होइ।”
यहोवा तोह पइ करुणा देखावत ह अउर उ यहोवा ही उ सबइ बातन बताएस ह।

¹¹ “हे नगरी, हे दुखियारी!
    तोहका तूफानन सतायन ह
    अउर कउनो तोहका चैन नाहीं दिहेस ह।
मइँ तोहार कीमती पाथरन स फुन स निर्माण करब।
    मइँ तोहार नींव फिरोजन
    अउ नीलम स धरब।
¹² मइँ तोहार देवारन चुनइ मँ माणिक क लगाउब।
    तोहरे दुआरन पइ दमकत भए रत्नन क जड़ब।
    तोहरी सबहिं देवारन मइँ कीमती पाथरन स उठाउब।
¹³ तोहार सन्तानन यहोवा ब्दारा सिच्छित होइहीं।
    तोहार सन्तानन क सम्पन्नता महान होइ।
¹⁴ मइँ तोहार निर्माण खरेपन स करब
    ताकि तू दमन अउर अन्याय स दूर रहा।
फुन कछू नाहीं होइ जेहसे तू डरब्या।
    तोहका नोस्कान पहोंचावइ कउनो भी नाहीं आई।
¹⁵ मोर कउनो भी सेना तोहसे कबहुँ जुद्ध नाहीं करी।
    अउर जदि कउनो सेना तोह पइ चढ़ बइठइ क प्रयत्न करइ तउ तू उ सेना क पराजित कइ देब्या।

⁵ अनेक अग्यात देसन मँ अनेक अनजानी जातियन अहइँ।
    तू ओन सबहिं जातियन क बोलउब्या,
जउन जातियन तोहसे अपरिचित अहइँ
    किन्तु उ पचे पराइके तोहरे पास अहइ।
अइसा घटी काहेकि तोहार परमेस्सर यहोवा अइसा ही चाहत ह।
    अइसा घटी काहेकि उ इस्राएल क पवित्तर तोहका मान देत ह।
⁶ तउ तू पचे यहोवा क हेरा।
    कहूँ बहोत देर न होइ जाइ।
अब तू पचे ओका गोहराइ ल्या
    जब तलक उ तोहरे पचन्क लगे अहइ।
⁷ हे पापियो! आपन पापपूर्ण जिन्नगी क तजा।
    तू पचन्क चाही कि तू पचे बुरी बातन सोचब तजि द्या।
तू पचन्क चाही कि तू पचे यहोवा क लगे लउटि आवा।
    जब तू पचे अइसा करब्या तउ यहोवा तू पचन्क क सुख देइ।
ओन सबहिं क चाही कि उ पचे यहोवा क सरन मँ आवइँ
    काहेकि परमेस्सर हमका छिमा करत ह।

¹⁰ अकासे स बर्खा अउर हिम गिरा करत हीं अउर उ पचे फुन नाहीं लउट जातेन जब तलक उ पचे धरती क नाहीं छुइ लेत हीं,
    अउर धरती क गीला नाहीं कइ देत हीं।
फुन धरती पउधन क अंकुरित करत ह अउर ओनका बढ़ावत ह अउर उ सबइ पउधन किसानन क बरे बीज उपजावत हीं
    अउर लोग ओन बीजन स खाइ बरे रोटियन बनावत हीं।
¹¹ अइसे ही मोर मुख मँ स मोर सब्द निकसत हीं अउर जब तलक घटनन क घटाइ नाहीं लेतेन,
    उ पचे वापस नाहीं आवत हीं।
मोर सब्द अइसी घटनन क घटावत हीं जेनका मइँ घटवावइ चाहत हउँ।
    मोर सब्द उ सबइ सबहिं बातन पूरी कराइ लेत हीं जेनका करवावइ क मइँ ओनका पठवत हउँ।

¹² “जब तू पचन्क आनन्द स भरिके सान्ति अउर एकता क साथ मँ उ धरती स छुड़ाइके लइ जावा जाइ रहा होइ जेहमाँ तू पचे बन्दी रह्या,
    तउ तोहरे पचन क समन्वा खुसी मँ पहाड़ फट पडिहीं अउर थिरकइ लगिहीं।
पहाड़ियन नाच मँ फूटि पड़िहीं।
    तोहार पचन्क समन्वा जंगल क सबहिं बृच्छ अइसे हलइ लगिहीं जइसे तालियन पीट रहा होइँ।
¹³ जहाँ कँटेरी झाड़ियन जमा करत हीं हुवाँ देवदार क बिसाल बृच्छ जमिहीं।
    जहाँ खरपतवार जमा करत रहेन, हुवाँ हिना क बृच्छ जमिहीं।
इ सबइ बातन यहोवा क प्रसिद्ध करिहीं।
    इ सबइ बातन प्रमाणित करिहीं कि यहोवा सक्तिपूर्ण अहइ, इ प्रमाण कबहुँ नस्ट नाहीं होइ।”

लोग समुझतेन नाहीं कि बिपत्तियन आवत अहइँ।
    ओनका पता तलक नाहीं अहइ कि भले लोग रच्छा बरे बटोरा गएन।
² किन्तु सान्ति आइ अउर लोग अराम स आपन बिछउनन मँ सोइहीं
    अउर लोग उहइ तरह जिइहीं जइसे परमेस्सर ओनसे चाहत ह।

³ “हे चुड़ैलियन क गदेलनों, एँह कइँती आवा।
    तोहार पचन्क पिता बिभिचार क पापी अहइ।
    तोहार पचन्क महतारी आपन देह यौन बइपार मँ बेचा करत ह। एहर आवा।
⁴ हे विद्रोहियो अउर झूठी सन्तानों,
    तू पचे मोर हँसी उड़ावत अहा।
मोह पइ आपन मुँह चिढ़ावत अहा।
    तू पचे मोह पइ जिभिया निकारत अहा।
⁵ तू पचे सबहिं हरिअर बृच्छन क खाते
    लबार देवतन क कारण कामातुर होत अहा।
हर नदी क तीर पइ तू पचे बाल बध करत अहा
    अउर चट्टानी जगहियन पइ ओनकर बलि देत अहा।
⁶ नदी क गोल बट्टियन क तू पूजइ चाहत अहा।
    तू ओन पइ दाखरस ओनकर पूजा बरे चढ़ावत अहा।
तू ओन पइ बलियन क चढ़ावा करत अहा किन्तु तू ओनके बदले बस पाथर ही पावत अहा।
    का तू इ सोचत अहा कि मइँ एहसे खुस होत हउँ? नाहीं।
इ मोका खुस नाहीं करत अहइ।
    तू हर कउनो पहाड़ी अउर हर ऊँच पर्वत पइ आपन बिछउना बनावत अहा।
⁷ तू ओन ऊँची जगहन पइ जावा करत अहा
    अउर तू हुवाँ बलियन चढ़ावत अहा।
⁸ अउर फुन तू ओन बिछउनन क बीच जात अहा
    अउर मोरे विरुद्ध तू पाप करत अहा।
ओन देवन स तू पिरेम करत अहा।
    उ पचे देवता तोहका भावत हीं।
तू मोरे संग रह्या किन्तु ओनके संग होइ क बरे तू मोका तजि दिहा।
    ओन सबहिं बातन पइ तू परदा डाइ दिहा जउन तोहका मोर याद दिआवत ह।
तू ओनके दुआरन क पाछे अउर दुआर क चउखटन क पाछे छुपाया
    अउर तू ओन लबार देवतन क लगे ओनके संग वाचा करइ जात अहा।
⁹ तू आपन तेल अउ फुलेल लगावत अहा
    ताकि तू आपन लबार देवता मोलक क समन्वा नीक देखाअ।
तू आपन दूत दूर-दूर देसन क पठया ह
    अउर एहसे तू ही नरक मँ, मउत क देस मँ गिरब्या। इस्राएल क परमेस्सर पइ बिस्सास करइ चाही मूरति यन पइ नाहीं
¹⁰ एन बातन क करइ मँ तू परिस्रम किहा ह।
    फुन भी तू कबहुँ नाहीं थक्या।
तोहका नई सक्ति मिलत रही
    काहेकि एन बातन मँ तू रस लिहा।
¹¹ तू मोका कबहुँ नाहीं याद किहा
    हिआँ तलक कि तू मोह पइ धियान तलक नाहीं दिहा।
तउ तू केकरे बारे मँ चिन्तित रहा करत रह्या?
    तू केहसे भयभीत रहत रह्या?
    तू झूठ काहे कहत रह्या?
लखा मइँ बहोत दिनन स चुप रहत आवा हउँ
    अउर फुन तू मोर आदर नाहीं किहा।
¹² मोका तोहार ‘अच्छे कर्मन’ अउर तोहरे ओन उपलब्धियन क तारीफ करत रहइ क लाइके होइ चाही।
    किन्तु उ सबइ बातन जउन तू किहेस ह बेकार अहइ अउर तोहका कउनो लाभ नाहीं देत ह।
¹³ जब तोहका सहारा चाटी तउ
    तू ओन लबार देवन क जेनका तू आपन चारिहुँ कइँती जुटाया ह,
    काहे नाहीं गोहरावत अहा।
किन्तु मइँ तोहका बतावत हउँ कि ओन सब क आँधी उड़ाइ देइ।
    हवा क एक झोका ओनका तोहसे छोर लइ जाइ।
किन्तु उ मनई जउन मोरे सहारे अहइ,
    धरती क पाई।
    अइसा ही मनई मोर पवित्तर पर्वते क पाई।”

¹⁵ उ जउन ऊँच अहइ अउर जेहका ऊपर उठावा गवा ह,
    उ जउन अमर अहइ,
    उ जेकर नाउँ पवित्तर अहइ,
उ इ कहत ह: “मइँ एक ऊँच अउर पवित्तर जगह पइ रहा करत हउँ
    किन्तु मइँ ओन लोगन क बीच रहा करत हउँ जउन दुःखी अउर विनम्र अहइँ।
अइसे ओन लोगन क मइँ नई जिन्नगी देब जउन मने स विनम्र अहइँ।
    अइसे ओन लोगन का मइँ नई जिन्नगी देब जउन हिरदय स दुःखी अहइँ।
¹⁶ मइँ सदा-सदा ही मुकद्दमा लड़त रहब।
    सदा-सदा ही मइँ तउ किरोधित नाहीं रहब।
जदि मइँ कोहान ही रहउँ
    तउ मनई क आतिमा यानी उ जिन्नगी जेका मइँ ओनका दिहेउँ ह, मोरे समन्वा ही मरि जाई।
¹⁷ उ पचे लालच स हिंसा स भरा स्वारथ साधे रहेन
    अउर मोका किरोधित कइ दिहे रहेन।
मइँ इस्राएल क दण्ड दिहेउँ।
    मइँ ओका निकार दिहेउँ
काहेकि मइँ ओह पइ कोहान रहेउँ अउर इस्राएल मोका तजि दिहस।
    जहाँ कहूँ इस्राएल चाहत रहा, चला गवा।
¹⁸ मइँ इस्राएल क राहन लखि लिहे रहेउँ।
    किन्तु मइँ ओका छिमा करब।
मइँ ओका चैन देब अउर अइसे बचन बोलब जेहसे ओका आराम मिलइ अउर मइँ ओका राह देखाउब।
    फुन ओका अउर ओकरे लोगन क दुःख नाहीं छुइ पाई।
¹⁹ ओन लोगन्क मइँ एक नवा सब्द सान्ति सिखाउब।
    अउर मइँ ओन सबहिं लोगन क आसीर्बाद देब जउन सान्ति क साथ मोरे पास या दूर अहइँ।”
यहोवा इ सब कहेस,
    “मइँ ओन सबहिं लोगन क छिमा करब!”

²⁰ किन्तु दुट्ठ लोग किरोधित सागरे क जइसे होत हीं।
    उ पचे चुप या सान्त नाहीं रहि सकतेन।
उ पचे किरोधित रहत हीं
    अउर समुद्र क तरह कींचा उछारत रहत हीं।
²¹ मोर परमेस्सर क कहब अहइ:
    “दुट्ठ लोगन बरे कहूँ कउनो सान्ति नाहीं अहइ।”