Revised Common Lectionary (Semicontinuous)

2 इतर राष्ट्रांचे लोक इतके का रागावले आहेत?
    ती राष्ट्रे अशा मूर्खासारख्या योजना का आखीत आहेत?
² त्यांचे राजे आणि पुढारी एकत्र येऊन परमेश्वराशी
    आणि त्याने निवडलेल्या राजांशी भांडले.
³ ते पुढारी म्हणाले, “आपण देवाविरुध्द आणि त्याने निवडलेल्या राजाविरुद्ध उभे राहू
    आपण त्यांच्यापासून स्वतंत्र होऊ.”

⁴ परंतु माझे स्वामी स्वर्गातील राजा
    त्या लोकांना हसतो.
^5-6 देव रागावला आहे आणि तो
    त्या लोकांनाच सांगत आहे, “मी या माणसाची राजा म्हणून निवड केली
तो सियोन पर्वतावर राज्य करेल सियोन हा माझा खास पर्वत आहे.”
    यामुळे ते दुसरे पुढारी भयभीत झाले आहेत.

⁷ आता मी तुम्हाला परमेश्वराच्या कराराविषयी सांगतो
परमेश्वर मला म्हणाला, “आज मी तुझा बाप झालो!
    आणि तू माझा मुलगा झालास.
⁸ जर तू विचारले तर मी तुला राष्ट्रे देईन
    या पृथ्वीवरची सगळी माणसे तुझी होतील.
⁹ लोखंडाची कांब जशी मातीच्या भांड्याचा ^[a] नाश करते
    तसा तू त्या राष्ट्रांचा नाश करू शकशील.”

¹⁰ म्हणून राजांनो तुम्ही शहाणे व्हा
    राज्यकर्त्यांनो हा धडा शिका.
¹¹ परमेश्वराच्या आज्ञांचे भीतीयुक्त पालन करा.
¹² तुम्ही देवपुत्रासी प्रामाणिक आहात हे दाखवा.
    तुम्ही जर असे केले नाही तर तो रागावेल आणि तुमचा नाश करेल जे परमेश्वरावर विश्वास ठेवतात ते सुखी असतात.
पण इतरांनी मात्र सावधगिरी बाळगली पाहिजे.
    तो आता आपला राग प्रकट करण्याच्या बेतात आहे.

“दुसऱ्या राष्ट्रांना हा प्रश्न विचारा.
    ‘इस्राएलने केलेल्या पापाप्रमाणे, पापे आणखी कोणी केल्याचे तुम्ही ऐकले आहे का?’ आणि इस्राएल तर देवाच्या दृष्टीने विशेष आहे. ती देवाच्या वधूप्रमाणे आहे.
¹⁴ तुम्हाला हेही माहीत आहे की लबानोनमधील पर्वतांवरचे बर्फ कधीच वितळत नाही
    व थंड व सतत वाहणारे झरे कधीच सुकत नाहीत.
¹⁵ पण माझे लोक मला विसरले आहेत.
    ते कवडी मोलाच्या मूर्तींना वस्तू अर्पण करतात.
ते जे काय करतात, त्यालाच अडखळतात
    त्यांच्या पूर्वजांच्या जुन्या रस्त्यांपाशी ते अडखळतात माझी माणसे,
माझ्यामागून चांगल्या मार्गाने येण्याऐवजी,
    आडवळणाने व वाईट मार्गाने जाणे पसंत करतील.
¹⁶ म्हणून यहूदाचा देश म्हणजे
    एक निर्जन वाळवंट होईल.
ह्या देशाच्या जवळून जाताना, प्रत्येकवेळी लोक धक्क्याने मान हलवून नि:श्वास सोडतील.
    ह्या देशाचा, अशा रीतीने, नाश झालेला पाहून त्यांना धक्का बसेल.
¹⁷ मी यहूदाच्या लोकांची फाटाफूट करीन.
ते त्यांच्या शत्रूंपासून पळ काढतील.
    पूर्वेकडचा वारा ज्याप्रमाणे सर्व वस्तू दूर उडवून देतो, त्याप्रमाणे मी यहूदातील लोकांना दूर पसरवून देईन.
मी त्या लोकांचा नाश करीन.
    मी त्यांच्या मदतीला येत आहे, असे त्यांना दिसण्याऐवजी, मी त्यांना सोडून जाताना दिसेन.”

¹⁹ परमेश्वरा, माझे ऐक!
    माझे म्हणणे ऐकून घे आणि कोण बरोबर आहे ते ठरव.
²⁰ चांगल्याची परतफेड लोकांनी दुष्टाव्याने करावी का?
    नाही! देवा, मी केलेल्या गोष्टी तुला आठवतात का?
मी तुझ्यासमोर उभा राहिलो आणि ह्या लोकांना तू शिक्षा करु नये म्हणून
    त्यांच्याविषयी चांगल्या गोष्टी मी तुला सांगितल्या.
    पण ते मला सापळ्यात पकडून ठार मारायला बघत आहेत.
²¹ म्हणून दुष्काळात त्यांच्या मुलांची उपासमार होऊ देत.
    त्यांचे शत्रू तलवारीने त्यांचा पराभव करु देत.
त्यांच्या बायका वांझ होऊ देत. यहूदातील पुरुषांना मृत्यू येऊ देत.
    त्यांच्या बायकांना विधवा कर युद्धात तेथील तरुण मारले जाऊ देत.
²² त्यांच्या घरांत शोककळा पसरु देत.
    शत्रूला, अचानक, त्यांच्यावर आक्रमण करायला लावून त्यांना रडव.
माझ्या शत्रूंनी मला सापळ्यात पकडण्याचा प्रयत्न केला, म्हणून हे सर्व घडू देत.
    मी सापळ्यात अडकावे म्हणून त्यांनी आपला सापळा लपवून ठेवला आहे.
²³ परमेश्वरा, मला मारण्यासाठी त्यांनी रचलेले बेत तुला माहीत आहेतच.
    त्यांना त्यांच्या अपराधांबद्दल क्षमा करु नकोस.
    त्यांची पापे पुसून टाकू नकोस.
माझ्या शत्रूंचा नाश कर.
    तू रागावला असतानाच त्या लोकांना शिक्षा कर.

तो मानवी शरीरात दिसला;
    आत्म्याने तो नीतिमान ठरविला गेला,
देवतूतांनी त्याला पाहीले होते;
    राष्ट्रांमध्ये तो गाजविला गेला.
जगाने त्याच्यावर विश्वास ठेवला
    आणि स्वर्गामध्ये तो गौरवाने घेतला गेला.