Revised Common Lectionary (Semicontinuous)

¹⁵ तुला माझ्याबद्दल सारे माहीत आहे
    माझे शरीर आईच्या गर्भात लपून आकार घेत होते तेव्हा तू माझी हाडे वाढत असताना पाहिलीस.
¹⁶ माझे अवयव वाढत असताना तू पाहिलेस तू तुझ्या पुस्तकात त्यांची यादी केलीस.
    तू माझी रोज पाहणी केलीस.
    त्यातला एकही अवयव हरवलेला नाही.
¹⁷ तुझे विचार मला महत्वाचे आहेत,
    देवा तुला खूप माहिती आहे.
¹⁸ मी जर ती मोजू लागलो तर ती वाळूच्या कणांपेक्षाही जास्त असेल.
    आणि जेव्हा माझी झोप संपेल तेव्हा मी तुझ्याजवळच असेन.

¹⁵ परमेश्वरा, तू मला जाणतोस माझी आठवण ठेव
    व माझी काळजी घे.
लोक मला दुखवत आहेत
    त्यांना योग्य ती शिक्षा कर.
त्या लोकांशी तू संयमाने वागतोस.
    पण त्यांना संयम दाखविताना,तू माझा नाश करू नकोस.त्यांच्याशी त्यांच्याशी संयमाने वागताना,
    माझा, मी तुझ्यासाठी भोगत असलेल्या दु:खाचा परमेश्वरा विचार कर.
¹⁶ मला तुझा संदेश मिळाला व मी तो खाल्ला (आत्मसात केला.)
    तुझ्या संदेशाने मला खूप आनंद झाला.
तुझ्या नावाने ओळखले जाण्यात मला आनंद वाटतो कारण तुझे नावच सर्वशक्तिमान परमेश्वर असे आहे.
¹⁷ लोकांच्या हसण्याखिदळण्यात
    आणि जल्लोशांत मी कधीच सामील झालो नाही.
माझ्यावर तुझा प्रभाव असल्याने मी एकटाच बसून राहिलो.
आजूबाजूला असलेल्या दुष्टाईबद्दल तू माझ्यात क्रोध भरलास.
¹⁸ पण तरीसुद्धा मी दुखावला का जातो?
    माझ्या जखमा भरुन येऊन बऱ्या का होत नाहीत,
ते मला समजत नाही.
    देवा, मला वाटते तू बदललास पाणी आटून गेलेल्या झऱ्याप्रमाणे तू झालास.
    ज्यातून पाणी वाहायचे थांबले आहे अशा प्रवाहाप्रमाणे तू झालास.

¹⁹ मग परमेश्वर म्हणाला, “यिर्मया, तू बदललास आणि माझ्याकडे परत आलास,
    तर मी शिक्षा करणार नाही.
मगच तू माझी सेवा करु शकतोस वायफळ बडबड न करता, महत्वाचे तेवढेच बोललास,
    तर तू माझे शब्द बोलू शकतोस.
यहूदातील लोकांनी बदलावे
    व तुझ्याकडे परत यावे.
यिर्मया! पण तू मात्र त्यांच्यासारखा होऊ नकोस.
²⁰ त्या लोकांना तू काश्याची भिंत वाटशील,
एवढा मी तुला बलवान करीन.
    ते तुझ्याविरुद्ध लढतील,
पण ते तुझा पराभव करु शकणार नाहीत.
    का? कारण मी तुझ्या पाठीशी आहे
मी तुला मदत करीन आणि तुझे रक्षण करीन.”

हा परमेश्वराकडून आलेला संदेश आहे.
²¹ “त्या दुष्ट लोकांपासून मी तुझे रक्षण करीन.
    ते लोक तुला घाबरवितात.
    पण त्यांच्यापासून मी तुला वाचवीन.”