Revised Common Lectionary (Semicontinuous)

¹ જ્યારે ઇસ્રાએલીઓ વર્ષો પૂવેર્ મિસરમાંથી નીકળ્યા,
    તેથી પરભાષા બોલનાર લોકોમાંથી યાકૂબનું કુટુંબ નીકળ્યું.
² પછી યહૂદિયા દેવનું નવું ઘર
    અને ઇસ્રાએલ દેશ તેમનું રાજ્ય બન્યાં.
³ તેઓને આવતા જોઇને લાલ સમુદ્ર બે ભાગમાં વહેંચાઇ ગયો;
    યર્દન નદી પાછી વળી અને દૂર દોડી ગઇ.
⁴ પર્વતો ઘેટાંઓની માફક કૂદ્યા
    અને ડુંગરો ગાડરની જેમ કૂદ્યા.

⁵ અરે લાલ સમુદ્ર! તને શું થઇ ગયું કે તું બે ભાગમાં વહેંચાઇ ગયો?
    યર્દન નદી, શું થયું તારા પાણીનું?
    શા માટે તમે પાછા હઠી ગયા?
⁶ અરે પર્વતો, તમે શા માટે ઘેટાંની જેમ કૂદ્યા?
    અને ડુંગરો તમે કેમ હલવાનોની જેમ કૂદ્યા?

⁷ હે પૃથ્વી, પ્રભુની સમક્ષ, યાકૂબના દેવની સમક્ષ,
    તું થરથર કાંપ.
⁸ તેણે ખડકમાંથી પાણી વહેતું કર્યું.
    તેણે ચકમકમાંથી જળનાં ઝરણા વહાવ્યાં.

³ “કારણકે તમે મને સમુદ્રના ઊંડાણમાં ફેંક્યો,
    પાણીના મોજાઓએ મને બધી બાજુથી ઢાંકી દીધો.
⁴ ત્યારે મને થયું, ‘મને તમારી નજર આગળથી ફેંકી દેવામાં આવ્યો છે;’
    તો પણ હું ફરીથી તમારા પવિત્રમંદિર તરફ જોઇશ.

⁵ “પાણીની ભીંસથી હું
    મરવા જેવો થઇ ગયો હતો,
    મહાસાગર મને ચોમેરથી ઘેરી વળ્યો હતો,
મારા માથા ફરતે દરિયાઇ
    વેલા વીંટાઇ ગયા હતા.
⁶ હું નીચે પર્વતોના મૂળ તરફ ગયો,
    પૃથ્વીએ સદા માટે મને બંધી કર્યો.
તોપણ હે મારા દેવ,
    યહોવા તેઁ મને ઉંડી
કબરમાંથી બહાર કાઢયો.

⁷ “જ્યારે મારું જીવન તાજગી ગુમાવી રહ્યું હતું.
    મેં યહોવાને યાદ કર્યાં;
મારી પ્રાર્થના તારા
    પવિત્ર મંદિરમાં તારા કાને પહોંચી.

⁸ “લોકો કે જેઓ દેવની નકામી મુતિઓર્ પૂજે છે
    તેઓ તે જ એકને ત્યાગી દે છે જે વફાદારીથી તેમની દરકાર કરત.
⁹ પણ હું બલિઓ અપીર્શ
    અને તમને ધન્યવાદ આપીશ.
હું મારા વચનો જાળવીશ.
    તારણ યહોવાથી છે.”