Revised Common Lectionary (Semicontinuous)

Ang mali at ang matuwid na pagtupad ng pagpapakasakit.

58 ^(A)Humiyaw ka ng malakas, huwag kang magpigil, ilakas mo ang iyong tinig na parang pakakak, at iyong ipahayag sa aking bayan ang kanilang pagsalangsang, at sa sangbahayan ni Jacob ang kanilang mga kasalanan.

² Gayon ma'y hinahanap nila ako araw-araw, at kinalulugdan nilang maalaman ang aking mga daan: na gaya ng bansa na gumawang matuwid, at hindi lumimot ng alituntunin ng kanilang Dios, hinihingan nila ako ng mga palatuntunan ng katuwiran; ^(B)sila'y nangalulugod na magsilapit sa Dios.

³ Ano't kami ay nangagayuno, sabi nila, ^(C)at hindi mo nakikita? ano't ^(D)aming pinagdalamhati ang aming kaluluwa, at hindi mo napapansin? Narito, sa kaarawan ng inyong pagaayuno ay masusumpungan ninyo ang inyong sariling kalayawan, at inyong hinihingi ang lahat ninyong gawa.

⁴ Narito, kayo'y nangagaayuno para sa pakikipagkaalit at pakikipagtalo, at upang manakit ng suntok ng kasamaan: hindi kayo nangagaayuno sa araw na ito, ^(E)upang inyong iparinig ang inyong tinig sa itaas.

⁵ Iyan baga ang ayuno na aking pinili? ang araw na pagdadalamhatiin ng tao ang kaniyang kaluluwa? Ang iyuko ang kaniyang ulo na parang yantok, at maglatag ng magaspang na kayo at abo sa ilalim niya? iyo bang tatawagin ito na ayuno, at kalugodlugod na araw sa Panginoon?

⁶ Hindi baga ito ang ayuno na aking pinili: na kalagin ang mga tali ng kasamaan, ^(F)na pagaanin ang mga pasan at ^(G)papaging layain ang napipighati, at iyong alisin ang lahat na atang?

^7 (H)Hindi baga ang magbahagi ng iyong tinapay sa gutom, at dalhin mo sa iyong bahay ang dukha na walang tuluyan? pagka nakakakita ka ng hubad, na iyong bihisan; at huwag kang magkubli sa iyong kapuwa-tao?

⁸ Kung magkagayo'y sisikat ang iyong liwanag na parang umaga, ^(I)at ang iyong kagalingan ay biglang lilitaw; at ang iyong katuwiran ay mangunguna sa iyo; ^(J)ang kaluwalhatian ng Panginoon ay magiging iyong bantay likod.

⁹ Kung magkagayo'y tatawag ka, at ang Panginoon ay sasagot; ikaw ay dadaing, at siya'y magsasabi, Narito ako. Kung iyong alisin sa gitna mo ang atang, ^(K)ang pagtuturo, at ang ^(L)pagsasalita ng masama:

⁹ Kung magkagayo'y tatawag ka, at ang Panginoon ay sasagot; ikaw ay dadaing, at siya'y magsasabi, Narito ako. Kung iyong alisin sa gitna mo ang atang, ^(A)ang pagtuturo, at ang ^(B)pagsasalita ng masama:

¹⁰ At kung magmamagandang-loob ka sa gutom, at iyong sisiyahan ng loob ang nagdadalamhating kaluluwa; kung magkagayo'y sisilang ang iyong liwanag sa kadiliman, at ang iyong kadiliman ay magiging parang katanghaliang tapat;

¹¹ At papatnubayan ka ng Panginoon na palagi, at sisiyahan ng loob ang iyong kaluluwa sa mga tuyong dako, at palalakasin ang iyong mga buto; at ikaw ay magiging ^(C)parang halamang nadilig, at parang bukal ng tubig, na ang tubig ay hindi naglilikat.

¹² At ^(D)silang magiging iyo ay magtatayo ng mga dating sirang dako; ikaw ay magbabangon ng mga patibayan ng maraming sali't saling lahi; at ikaw ay tatawagin Ang tagapaghusay ng sira, Ang tagapagsauli ng mga landas na matatahanan.

Ang pananagana niyaong natatakot sa Panginoon.

2 At ako, mga kapatid, nang pumariyan sa inyo, ay ^(A)hindi ako napariyan na may kagalingan sa pananalita o sa karunungan, na nagbabalita sa inyo ^(B)ng patotoo ng Dios.

² Sapagka't aking pinasiyahang walang maalaman anoman sa gitna ninyo, ^(C)maliban na si Jesucristo, at siya na napako sa krus.

³ At ako'y nakisama sa inyo ^(D)na may kahinaan, at may katakutan, at may lubhang panginginig.

⁴ At ang aking pananalita at ang aking pangangaral ay hindi sa mga salitang panghikayat ng karunungan, kundi ^(E)sa patotoo ng Espiritu at ng kapangyarihan:

⁵ Upang ang inyong pananampalataya ay huwag masalig sa karunungan ng mga tao, kundi ^(F)sa kapangyarihan ng Dios.

⁶ Gayon man, ay nangagsasalita kami ng karunungan ^(G)sa mga may gulang: bagaman hindi ng karunungan ^(H)ng sanglibutang ito, o ng mga may kapangyarihan sa sanglibutang ito, na ang mga ito'y nangauuwi sa wala:

⁷ Kundi sinasalita namin ang karunungan ng Dios sa hiwaga, ^(I)yaong karunungan na itinalaga ng Dios, bago nilalang ang mga sanglibutan sa ikaluluwalhati natin:

^8 (J)Na hindi napagkilala ng sinomang pinuno sa sanglibutang ito: sapagka't ^(K)kung nakilala sana nila, ay dising di ipinako sa krus ang ^(L)Panginoon ng kaluwalhatian:

⁹ Datapuwa't gaya ng nasusulat,

¹⁰ Nguni't ang mga ito ay ipinahayag sa atin ^(O)ng Dios sa pamamagitan ng Espiritu; sapagka't nasisiyasat ng Espiritu ang lahat ng mga bagay, oo, ang malalalim na mga bagay ng Dios.

¹¹ Sapagka't sino sa mga tao ang nakakakilala ng mga bagay ng tao, kundi ang espiritu ng tao, na nasa kaniya? gayon din naman ang mga bagay ng Dios ay hindi nakikilala ng sinoman, maliban na ^(P)ng Espiritu ng Dios.

¹² Nguni't ^(Q)ating tinanggap, hindi ang espiritu ng sanglibutan, kundi ang espiritung mula sa Dios; upang ating mapagkilala ang mga bagay na sa atin ay ibinigay na walang bayad ng Dios.

¹³ Na ang mga bagay na ito ay atin namang sinasalita, ^(A)hindi sa mga salitang itinuturo ng karunungan ng tao, kundi sa itinuturo ng Espiritu; na ^(B)iniwawangis natin ang mga bagay na ayon sa espiritu sa mga pananalitang ayon sa espiritu.

¹⁴ Nguni't ang ^(C)taong ayon sa laman ay hindi tumatanggap ng mga bagay ng Espiritu ng Dios: ^(D)sapagka't ang mga ito ay kamangmangan sa kaniya; at ^(E)hindi niya nauunawa, sapagka't ang mga yaon ay sinisiyasat ayon sa espiritu.

¹⁵ Nguni't ang sa espiritu ay nagsisiyasat sa lahat ng mga bagay, at siya'y hindi sinisiyasat ng sinoman.

¹⁶ Sapagka't ^(F)sino ang nakakilala ng pagiisip ng Panginoon, upang siya'y turuan niya? Datapuwa't ^(G)nasa atin ang pagiisip ni Cristo.

¹³ Kayo ang asin ng lupa: ^(A)nguni't kung ang asin ay tumabang, ay ano ang ipagpapaalat? wala nang ano pa mang kabuluhan, kundi upang itapon sa labas at yurakan ng mga tao.

¹⁴ Kayo ang ilaw ^(B)ng sanglibutan. Ang isang bayan na natatayo sa ibabaw ng isang bundok ay hindi maitatago.

¹⁵ Hindi rin nga pinaniningasan ang isang ilawan, ^(C)at inilalagay sa ilalim ng isang takalan, kundi sa talagang lalagyan ng ilaw; at lumiliwanag sa lahat ng nangasa bahay.

¹⁶ Lumiwanag na gayon ang inyong ilaw sa harap ng mga tao; ^(D)upang mangakita nila ang inyong mabubuting gawa, at ^(E)kanilang luwalhatiin ang inyong Ama na nasa langit.

¹⁷ Huwag ninyong isiping ^(F)ako'y naparito upang sirain ang kautusan o ang mga propeta: ako'y naparito hindi upang sirain, kundi upang ganapin.

¹⁸ Sapagka't katotohanang sinasabi ko sa inyo, ^(G)Hanggang sa mangawala ang langit at ang lupa, ang isang tuldok o isang kudlit, sa anomang paraan ay hindi mawawala sa kautusan, hanggang sa maganap ang lahat ng mga bagay.

¹⁹ Kaya't ang ^(H)sinomang sumuway sa isa sa kaliitliitang mga utos na ito, at ituro ang gayon sa mga tao, ay tatawaging kaliitliitan sa kaharian ng langit: datapuwa't ang sinomang gumanap at ituro, ito'y tatawaging dakila sa kaharian ng langit.

²⁰ Sapagka't sinasabi ko sa inyo, na kung hindi hihigit ang inyong katuwiran sa katuwiran ng mga eskriba at mga Fariseo, sa anomang paraan ay hindi kayo magsisipasok sa kaharian ng langit.