Revised Common Lectionary (Semicontinuous)

⁵ At nangyari nang kinabukasan, na nangagkatipon sa Jerusalem ang kanilang mga pinuno at mga matanda at mga eskriba;

⁶ At si Anas, na ^(A)dakilang saserdote, at ^(B)si Caifas, at si Juan, at si Alejandro, at ang lahat ng kalipian ng dakilang saserdote.

⁷ At nang kanilang mailagay na sila sa gitna nila, ay sila'y tinanong, Sa anong kapangyarihan, o sa anong pangalan ginawa ninyo ito?

⁸ Nang magkagayo'y si Pedro, na ^(C)puspos ng Espiritu Santo, ay nagsabi sa kanila, Kayong mga pinuno sa bayan, at matatanda,

⁹ Kung kami sa araw na ito'y sinisiyasat tungkol sa mabuting gawa na ginawa sa isang taong may-sakit, na kung sa anong paraan gumaling ito;

¹⁰ Talastasin ninyong lahat, at ng buong bayan ng Israel, ^(D)na sa pangalan ni Jesucristong taga Nazaret, na inyong ipinako sa krus, ^(E)na binuhay ng Dios na maguli sa mga patay, dahil sa kaniya ay nakatindig ang taong ito sa inyong harap na walang sakit.

¹¹ Siya ang bato na itinakuwil ^(F)ninyong mga nagtayo ng bahay, na naging pangulo sa panulok.

¹² At sa kanino mang iba ay walang kaligtasan: sapagka't walang ibang pangalan sa silong ng langit, na ibinigay sa mga tao, na sukat nating ikaligtas.

Ang Panginoon ay pastol ng mangaawit. Awit ni David.

^16 (A)Dito'y nakikilala natin ang pagibig, ^(B)sapagka't kaniyang ibinigay ang kaniyang buhay dahil sa atin; at nararapat nating ibigay ang ating mga buhay dahil sa mga kapatid.

¹⁷ Datapuwa't ang ^(C)sinomang mayroong mga pagaari sa sanglibutang ito, at nakikita ang kaniyang kapatid na nangangailangan, at doo'y ipagkait ^(D)ang kaniyang awa, ^(E)paanong mananahan ang pagibig ng Dios sa kaniya?

¹⁸ Mumunti kong mga anak, ^(F)huwag tayong magsiibig ng salita, ni ng dila man; kundi ng gawa at katotohanan.

¹⁹ Dito'y makikilala nating ^(G)tayo'y sa katotohanan, at ^(H)papapanatagin natin ang ating mga puso sa harapan niya.

²⁰ Sapagka't ^(I)kung hinahatulan tayo ng ating puso, ang Dios ay lalong dakila kay sa ating puso, at nalalaman niya ang lahat ng mga bagay.

²¹ Mga minamahal, kung tayo'y hindi hinahatulan ng ating puso, ^(J)ay may pagkakatiwala tayo sa Dios;

^22 (K)At anomang ating hingin ay tinatanggap natin sa kaniya, sapagka't tinutupad natin ang kaniyang mga utos at ginagawa natin ang mga bagay na kalugodlugod sa kaniyang paningin.

²³ At ito ang kaniyang utos, ^(L)na manampalataya tayo sa pangalan ng kaniyang Anak na si Jesucristo, at tayo'y mangagibigan, ayon sa ibinigay niyang utos sa atin.

²⁴ At ang tumutupad ng kaniyang mga utos ^(M)ay mananahan sa kaniya, at ^(N)siya ay sa kaniya. At ^(O)dito'y nakikilala natin na siya'y nananahan sa atin, sa pamamagitan ng Espiritu na kaniyang ibinigay sa atin.

¹¹ Ako ang mabuting pastor: ^(A)ibinibigay ng mabuting pastor ang kaniyang buhay dahil sa mga tupa.

¹² Ang nagpapaupa, at hindi ang pastor, na hindi may-ari ng mga tupa, ay nakikitang dumarating ang lobo, at ^(B)pinababayaan ang mga tupa, at tumatakas, at inaagaw sila ng lobo, at pinapangangalat:

¹³ Siya'y tumatakas sapagka't siya'y upahan, at hindi ipinagmamalasakit ang mga tupa.

¹⁴ Ako ang mabuting pastor; at ^(C)nakikilala ko ang sariling akin, at ang sariling akin ay nakikilala ako,

¹⁵ Gaya ng pagkakilala ^(D)sa akin ng Ama, at ng sa Ama ay pagkakilala ko; ^(E)at ibinibigay ko ang aking buhay dahil sa mga tupa.

¹⁶ At mayroon akong ^(F)ibang mga tupa, na hindi sa kulungang ito: ^(G)sila'y kailangan din namang dalhin ko, at kanilang diringgin ang aking tinig; at sila'y magiging isang kawan, at magkakaroon ng isang pastor.

^17 (H)Dahil dito'y sinisinta ako ng Ama, ^(I)sapagka't ibinibigay ko ang aking buhay, upang kunin kong muli.

¹⁸ Sinoma'y hindi nagaalis sa akin nito, kundi kusa kong ibinibigay. May kapangyarihan akong magbigay nito, at ^(J)may kapangyarihan akong kumuhang muli. Tinanggap ko ang utos na ^(K)ito sa aking Ama.