Revised Common Lectionary (Semicontinuous)

Pagpuri sa Panginoon at babala laban sa di pagsampalataya.

⁸ Huwag kang magalak laban sa akin, Oh aking kaaway: pagka ako'y nabuwal, ako'y babangon; ^(A)pagka ako'y naupo sa kadiliman, ^(B)ang Panginoo'y magiging ilaw sa akin.

⁹ Aking babatahin ang kagalitan ng Panginoon, ^(C)sapagka't ako'y nagkasala laban sa kaniya, hanggang sa kaniyang ipagsanggalang ang aking usap, at lapatan ako ng kahatulan: ^(D)kaniyang ilalabas ako sa liwanag, at aking mamasdan ang kaniyang katuwiran.

¹⁰ Kung magkagayo'y makikita ng aking kaaway, at kahihiyan ang tatakip sa kaniya, na nagsabi sa akin, ^(E)Saan nandoon ang Panginoon mong Dios? Makikita ng aking mga mata ang nais ko sa kaniya; siya nga'y yayapakan na parang putik sa mga lansangan.

¹¹ Kaarawan ng pagtatayo ng ^(F)iyong mga kuta! sa kaarawang yaon ay malalayo ang pasiya.

¹² Sa kaarawang yaon ay magsisiparoon sila sa iyo mula sa Asiria at sa mga bayan ng Egipto, at mula sa Egipto hanggang sa ilog, at mula sa dagat at dagat, at sa bundok at bundok.

¹³ Gayon ma'y masisira ang lupain dahil sa kanila na nagsisitahan doon, dahil sa bunga ng kanilang mga gawa.

¹⁴ Pakanin mo ang iyong bayan sa pamamagitan ng iyong tungkod, ^(G)ang kawan na iyong mana, ^(H)na tumatahang magisa, sa ^(I)gubat sa gitna ng Carmelo: pakanin mo sila sa Basan at sa Galaad, gaya ng mga araw nang una.

¹⁵ Gaya ng mga araw ng iyong paglabas sa lupain ng Egipto ay aking pagpapakitaan ^(J)sila ng mga kagilagilalas na bagay.

¹⁶ Makikita ng mga bansa, at mangapapahiya sa buo nilang kapangyarihan; kanilang ilalagay ang kanilang kamay sa kanilang bibig, ang kanilang mga pakinig ay mabibingi.

¹⁷ Sila'y magsisihimod sa ^(K)alabok na parang ahas; parang nagsisiusad na hayop sa lupa sila'y magsisilabas na nagsisipanginig mula sa kanilang mga kulungan; sila'y magsisilapit na may takot sa Panginoon nating Dios, at mangatatakot dahil sa iyo.

^18 (L)Sino ang Dios na gaya mo, ^(M)na nagpapatawad ng kasamaan, at pinalalagpas ang pagsalansang ng nalabi sa kaniyang mana? hindi niya pinipigil ang kaniyang galit ng magpakailan man, sapagka't siya'y nalulugod sa kagandahang-loob.

¹⁹ Siya'y muling magtataglay ng habag sa atin; ^(N)kaniyang yayapakan ang ating kasamaan: at kaniyang ihahagis ang lahat nilang kasalanan sa mga kalaliman ng dagat.

²⁰ Iyong isasagawa ^(O)ang katotohanan kay Jacob, at ang kagandahang-loob kay Abraham, na iyong isinumpa sa aming mga magulang mula sa mga araw nang una.

²⁶ At ^(A)pagkaawit nila ng isang imno, ay nagsiparoon sila sa bundok ng mga Olivo.

²⁷ At sinabi sa kanila ni Jesus, Kayong lahat ay mangatitisod: sapagka't nasusulat, ^(B)Sasaktan ko ang pastor, at mangangalat ang mga tupa.

²⁸ Gayon ma'y pagkapagbangon ko, ay mauuna ako sa inyo sa Galilea.

²⁹ Datapuwa't sinabi sa kaniya ni Pedro, Bagama't mangatitisod ^(C)ang lahat, nguni't ako'y hindi.

³⁰ At sinabi sa kaniya ni Jesus, Katotohanang sinasabi ko sa iyo, na ngayon, sa gabi ring ito, bago tumilaok ang manok ^(D)ng makalawa, ay ikakaila mo akong makaitlo.

³¹ Datapuwa't lalo nang nagmatigas siya na sinabi, Kahima't kailangang mamatay akong kasama mo, ay hindi kita ikakaila. At sinabi rin naman ng lahat ang gayon din.