Revised Common Lectionary (Complementary)

Beth

⁹ Derjch waut saul en junja Maun sien wajch rein moake? Doaropp Oobacht jäwe no dien Wuat no!

¹⁰ Ekj ha die jesocht met mien gaunset Hoat; lot mie nijch wajch waundre fonn diene Jeboote.

¹¹ Ekj ha dien Wuat enn mien Hoat bewoat, soo daut ekj nijch jäajen die sindje wudd.

¹² Jesäajent best du, O Herr Gott, doo mie enn diene Jerejchte unjarejchte.

¹³ Ekj ha fonn aul diene Jerejchte ut dien Mul jerät met miene Leppe;

¹⁴ Ekj ha mie jefreit enn dän Wajch fonn diene Zeijchnisse meeha aus aulet Hab un goot.

¹⁵ Ekj woa diene Fäaschrefte derjch denkje, un woa acht jäwe opp diene Wäaj.

¹⁶ Ekj woa mie fejneaje enn diene Jerejchte, un ekj woa dien Wuat nijch fejäte.

¹⁴ Oba Peeta stunnt opp met dee Twalw, en met ne lude Stem saed to an: "Mana ut Judaea, en aula dee jie enn Jerusalem wone, dit sel jie weete, en horcht waut ekj saj;

¹⁵ dan dise Mana sent nich bedrunke so aus jie meene, dan daut es noch mau de dredde Stund em Dach,

¹⁶ Oba dit es daut waut derch daem Profeet Joel jesajcht es:

¹⁷ 'Daut saul enne latste Doag paseare, sajcht Gott, daut ekj mien Jeist woa aewa aule Mensche utjeete, en june Saens en june Dachta woare profetseihe, en june junje Mana woare Jesechte seene, en oole Mana woare Dreem dreeme;

¹⁸ en opp miene Mana Sklowe en Fruehes Sklowe woa ekj enn dee Doag mien Jeist utjeete, en dee woare Profitseihe;

¹⁹ en bowe em Himel woa ekj Wunndateakjen jaewe, en Teakjens unje oppe Ead: Bloot en Fia, en Daump fonn Ruak.

²⁰ De Sonn woat enn diestannes fewaundelt woare, en de Mon enn Bloot, eeha daem Herr sien groota en harlicha Dach kome woat.

²¹ En daut woat soo senne daut waeaemma daem Herr sien Nome aunroope woat, woat jerat woare.'

²² Jie Mana, Iesraelita, horcht waut ekj saj: Jesus fonn Natsaret, dee Maun daem Gott fer junt utstald derch majchte Woakje en Wunndateakjen, dee Gott derch am deed mank ju so aus jie selfst weete:

²³ dis Maun haud Gott derch sien ferhaea beschlotna Plon hanjejaeft, en jie ha daem nu derch jesatsloose Mana jekjrietsicht en Doot jemoakt;

²⁴ daem haft Gott fom Doot oppjewakjt, en haft am frie jemoakt fonn dee Doodesnoot, dan daut wea ommaeajlich daut dee Doot am kunn faust hoole.