Revised Common Lectionary (Complementary)

²⁴ O Herr Gott, woo fäl sent diene Wundasch! Du hast dee aula enn Weisheit jemoakt; de Ead es foll fonn dien Rikjet.

²⁵ Doa es dee See, groot aun beid Siede; doa sent krupende Kjräte buta Zol; läwendja Dinje kjlien un groot.

²⁶ Doa foare dee Schäp; dee groote See Tieren dee du jemoakt hast dee doabenne späle.

²⁷ Dee luare aula no die, an äa Äte to jäwe to rajchte Tiet –

²⁸ Du deist an jäwe un dee saumle sikj toop; Du deist diene Haunt op moake un dee sent met Goodet jefelt-

²⁹ Du deist dien Jesejcht festäakje un dee sent enn Trubbel; du saumelst äa Odem, un dee kome om un gone trigj no äa Stoff.

³⁰ Du schekjst dien Jeist rut, un dee woare erschaufe; un du deist daut Butaschte fonn dee Ead nie moake.

³¹ Däm Herr Gott siene Harlichkjeit saul fa emma senne; dee Herr Gott deit sikj friehe enn siene Oabeit.

³² Hee kjikjt no dee Ead un dee deit schedre; Hee scheat dee Boaj aun un dee reakjre.

³³ Ekj woa to däm Herr Gott sinje enn mien Läwe; ekj woa Preis sinje to Gott soo lang aus ekj Läw.

³⁴ Miene Jedanke fonn am selle Seet senne, ekj woa mie freihe enn däm Herr Gott.

³⁵ Lot Sinda omkome fonn dee Ead; un lot dee Gottloose nich meeha senne; säajen däm Herr Gott, O miene Seel; preis däm Herr Gott.

⁵ To dee Tiet aus Heroodes Kjeenich wea enn Judaea, wea doa en jewesa Priesta dee heet Sacharias ut Abia sien Deenstgrupp; en siene Fru wea eent fonn Aroon siene Dajchta, dee heet Eliesabet.

⁶ Dee weare beid from fer Gott, en waundelde enn daem Herr siene Jeboote en Leare oone Fael.

⁷ En see haude kjeene Kjinja, wiel Eliesabet kunn nich Kjinje habe; en see weare nu uk aul beid enn huaget Ella.

⁸ Nu pasead daut es hee fer Gott enn sien Priesta-aumt deend,

⁹ soo aus dee Jewanheit wea, jinkj hee enn daem Herr sien Tempel enenn om en seete Ruak to brenne.

¹⁰ En daut gaunse Menj Mensche stunnt buete en baede waearent dee Reakjestunnd.

¹¹ Meteemol kjeem en Enjel fom Herr en stunnt aune rachte sied fom Ruak Aultoa.

¹² Aus Sacharias am sajch, fefead hee sikj en am kjeem ne groote Angst enn.

¹³ Oba dee Enjel saed to am: "Engst die nich, Sacharias, dan dien Jebaed es jeheat, en diene Fru Eliesabet woat die en Saen jaewe, en du saust am daem Nome Jehaun jaewe.

¹⁴ En du woascht die freie en jleklich senne, en faele woare sikj freie to siene Jeburt.

¹⁵ Dan hee woat enn Gott siene Uage groot senne, en hee saul nich Wien oda stoakjet Jedrenkj drinkje, en hee woat sogoa fonn sien Muttalief met daem Heilje Jeist jefelt senne.

¹⁶ En fael fonn dee Iesrael Saens woat hee trig dreie no Gott aea Herr,

¹⁷ en hee woat faearwauts gone enn daem Jeist en Krauft dee Elia haud, omm dee Fodasch aeare Hoate no dee Kjinje to dreie, en dee Onnjehuarsaume no de Jerachte, daem Herr en Folkj reed to moake, dee reed sent fa daem Herr."