Chronological

^7 (D)“Basiga empewo,
    ne bakungula embuyaga.
Ekikolo olw’obutaba na mutwe,
    kyekiriva kirema okubala ensigo.
Naye ne bwe kyandibaze,
    bannaggwanga bandigiridde.
^8 (E)Isirayiri amaliddwawo;
    ali wakati mu mawanga
    ng’ekintu ekitagasa.
⁹ Bambuse ne bagenda eri Obwasuli,
    ng’endogoyi ey’omu nsiko eri yokka.
    Efulayimu aguliridde abaganzi.
^10 (F)Newaakubadde nga beetunze eri amawanga,
    ndibakuŋŋaanya,
era ndibawaayo eri okubonaabona
    nga banyigirizibwa kabaka ow’amaanyi.

^11 (G)“Newaakubadde nga Efulayimu baazimba ebyoto bingi eby’ebiweebwayo olw’ekibi,
    bifuuse byoto bya kukolerako bibi.
¹² Nabawandiikira ebintu bingi mu mateeka gange,
    naye ne babifuula ekintu ekigwira.
^13 (H)Bawaayo ebiweebwayo gye ndi,
    ne balya ennyama yaabyo,
    Mukama tabasanyukira.
Kaakano alijukira obutali butuukirivu bwabwe
    n’ababonereza olw’ebibi byabwe:
    Baliddayo e Misiri.
^14 (I)Isirayiri yeerabidde omutonzi we,
    n’azimba embiri,
    ne Yuda ne yeeyongera okuzimba ebibuga ebiriko bbugwe;
naye ndisindika omuliro ku bibuga byabwe,
    ne gwokya ebigo byabwe.”

^5 (N)Kiki ky’olikola ku lunaku olw’embaga ezaalondebwa,
    ku lunaku olw’embaga ya Mukama?
^6 (O)Ne bwe baliwona okuzikirira,
    Misiri alibakuŋŋaanya,
    ne Menfisi alibaziika.
Eby’obugagga byabwe ebya ffeeza birizika,
n’eweema zaabwe zirimeramu amaggwa.
^7 (P)Ennaku ez’okubonerezebwa zijja,
    ennaku ez’okusasulirwamu ziri kumpi.
    Ekyo Isirayiri akimanye.
Olw’ebibi byammwe okuba ebingi ennyo,
    n’obukambwe bwammwe obungi,
nnabbi ayitibwa musirusiru,
    n’oyo eyabikkulirwa mumuyita mugu wa ddalu.
^8 (Q)Nnabbi awamu ne Katonda wange
    ye mukuumi wa Efulayimu,^[a]
newaakubadde nga waliwo emitego mu kkubo lye,
    n’obukambwe mu nnyumba ya Katonda we.
^9 (R)Boonoonye nnyo nnyini
    nga mu nnaku ez’e Gibea.
Katonda alijjukira obutali butuukirivu bwabwe,
    n’ababonereza olw’ebibi byabwe.

^10 (S)We nasangira Isirayiri,
    kyali nga kulaba zabbibu mu ddungu.
Bwe nalaba bajjajjammwe,
    kyali nga kulaba ebibala ebisooka ku mutiini.
Naye bwe bajja e Baalipyoli,
    beewonga eri ekifaananyi eky’ensonyi,
    ne bafuuka ekyenyinnyalwa ng’ekifaananyi kye baayagala.
^11 (T)Ekitiibwa kya Efulayimu kiribuuka ne kigenda ng’ekinyonyi
    nga tewali kuzaala, newaakubadde okuba olubuto newaakubadde okufuna olubuto.
^12 (U)Ne bwe balikuza abaana baabwe,
    ndibabaggyako bonna.
Ziribasanga
    bwe ndibavaako.
^13 (V)Nalaba Efulayimu
    ng’asimbiddwa mu kifo ekirungi, nga Ttuulo bw’ali.
Naye Efulayimu alifulumya
    abaana be ne battibwa.

^14 (W)Bawe Ayi Mukama Katonda.
    Olibawa ki?
Leetera embuto zaabwe okuvaamu
    obawe n’amabeere amakalu.
^15 (X)Olw’ebibi byabwe byonna mu Girugaali,
    kyennava mbakyayira eyo.
Olw’ebikolwa byabwe ebitali bya butuukirivu,
    kyendiva mbagoba mu nnyumba yange.
Siribaagala nate;
    abakulembeze baabwe bonna bajeemu.
^16 (Y)Efulayimu balwadde,
    emirandira gyabwe gikaze,
    tebakyabala bibala.
Ne bwe balizaala abaana baabwe,
    nditta ezzadde lyabwe lye baagala ennyo.

^17 (Z)Katonda wange alibavaako
    kubanga tebamugondedde;
    baliba momboze mu mawanga.
10 ^(AA)Isirayiri yali muzabbibu ogwagaagadde,
    ogwabala ebibala byagwo.
Ebibala bye gye byeyongera obungi,
    naye gye yeeyongera okuzimba ebyoto;
n’ensi ye gye yeeyongera okuba engagga,
    gye yeeyongera okulungiya empagi ze.
^2 (AB)Omutima gwabwe mulimba,
    era ekiseera kituuse omusango gubasinge.
Mukama alimenya ebyoto byabwe,
    era alizikiriza empagi zaabwe.

³ Olwo balyogera nti, “Tetulina kabaka
    kubanga tetwatya Mukama.
Naye ne bwe twandibadde ne kabaka,
    yanditukoleddeyo ki?”
^4 (AC)Basuubiza bingi,
    ne balayirira obwereere
    nga bakola endagaano;
emisango kyegiva givaayo
    ng’omuddo ogw’obutwa mu nnimiro ennime.
^5 (AD)Abatuuze b’e Samaliya bali mu ntiisa
    olw’ennyana ensaanuuse ey’e Besaveni.
Abantu baayo baligikungubagira,
    ne bakabona baayo abaweereza bakatonda abalala,
abaasanyukanga olw’ekitiibwa kyayo baligikungubagira,
    kubanga ekitiibwa kyayo kigivuddeko.
^6 (AE)Erisutulibwa n’etwalibwa e Bwasuli
    n’eweebwa kabaka omukulu ng’ekirabo.
Efulayimu aliswazibwa
    ne Isirayiri alikwatibwa ensonyi olw’ekiteeso kye.
^7 (AF)Samaliya ne kabaka we balitwalibwa
    ng’ekibajjo eky’omuti ku mazzi n’azikirizibwa.
^8 (AG)Ebifo ebigulumivu eby’obutali butuukirivu birisaanyizibwawo,
    kye kibi kya Isirayiri.
Amaggwa n’amatovu galimera ku byoto byabwe,
    ne gabibikka.
Olwo ne bagamba ensozi nti, “Mutubuutikire,”
    n’obusozi nti, “Mutugweko.”

^9 (AH)Okuva mu nnaku za Gibea, wayonoona, ggwe Isirayiri
    era eyo gye wagugubira.
Entalo tezakwatira abakozi b’ebibi mu Gibea?
^10 (AI)Bwe ndiba nga njagadde, ndibabonereza;
    amawanga galikuŋŋaana okulwana nabo,
    ne basibibwa mu masanga olw’ebibi byabwe eby’emirundi ebiri.
¹¹ Efulayimu nnyana ntendeke
    eyagala okuwuula;
kyendiva nteeka ekikoligo
    mu nsingo ye ennungi.
Ndigoba Efulayimu
    ne Yuda ateekwa okulima
    ne Yakobo ateekwa okukabala.
^12 (AJ)Musige ensigo ez’obutuukirivu,
    mukungule ebibala eby’okwagala okutaggwaawo;
mukabale ettaka lyammwe eritali ddime,
    kubanga ekiseera kituuse okunoonya Mukama,
okutuusa lw’alidda
    n’abafukako obutuukirivu.
^13 (AK)Naye mwasimba obutali butuukirivu
    ne mukungula ebibi,
    era mulidde ebibala eby’obulimba.
Olw’okwesiga amaanyi go,
    n’abalwanyi bo abangi,
^14 (AL)olutalo kyeluliva lubawuumira mu matu,
    n’ebigo byammwe byonna ne bizikirizibwa,
nga Sulemaani bwe yazikiriza Beswaluberi ku lunaku olw’olutalo,
    abakyala ba nnakazadde lwe baggundwa ku ttaka n’abaana baabwe.
^15 (AM)Bwe kityo bwe kiribeera, ggwe Besweri
    kubanga ekibi kyo kinene nnyo.
Olunaku olwo bwe lulituuka,
    kabaka wa Isirayiri alizikiririzibwa ddala.

^5 (AR)“Tebaliddayo mu nsi ya Misiri,
    era Obwasuli tebulibafuga
    kubanga baagaana okwenenya?
^6 (AS)Ekitala kirimyansiza mu bibuga byabwe
    ne kizikiriza ebisiba ebya wankaaki waabwe,
    ne kikomya enteekateeka zaabwe.
^7 (AT)Abantu bange bamaliridde okunvaako.
    Ne bwe banaakoowoola oyo Ali Waggulu Ennyo,
    taabagulumize.

^8 (AU)“Nnyinza ntya okukuleka ggwe Efulayimu?
    Nnyinza ntya okukuwaayo ggwe Isirayiri?
Nnyinza ntya okukufuula nga Aduma?
    Nnyinza ntya okukukola nga Zeboyimu?
Omutima gwange gwekyusiza munda yange,
    Mpulira nkukwatiddwa ekisa kingi.
^9 (AV)Siikole ng’obusungu bwange obungi bwe buli,
    so siridda kuzikiriza Efulayimu;
kubanga siri muntu wabula ndi Katonda,
    Omutukuvu wakati mu mmwe:
    sirijja na busungu.
^10 (AW)Baligoberera Mukama;
    era aliwuluguma ng’empologoma.
Bw’aliwuluguma,
    abaana be balijja nga bakankana okuva ebugwanjuba.
^11 (AX)Balijja nga bakankana
    ng’ebinyonyi ebiva e Misiri,
    era ng’enjiibwa eziva mu Bwasuli.
Ndibafuula abatuuze mu maka gaabwe,”
    bw’ayogera Mukama.

^7 (BF)Omusuubuzi akozesa ebipimo eby’obulimba,
    era anyumirwa okukumpanya.
^8 (BG)Efulayimu yeewaana ng’ayogera nti,
    “Ndi mugagga nnyo, nfunye ebintu bingi.
Mu bugagga bwange bwonna, tebayinza kundabamu kibi
    wadde okwonoona kwonna.”

^9 (BH)Nze Mukama Katonda wo,
    eyakuggya mu Misiri;
ndikuzzaayo n’obeera mu weema nate,
    nga mu nnaku ez’embaga ezaalagirwa.
^10 (BI)Nayogera eri bannabbi,
    ne mbawa okwolesebwa kungi,
    ne mbagerera engero nga mpita mu bo.
^11 (BJ)Gireyaadi butali butuukirivu
    era n’abantu baamu butaliimu.
Mu Gireyaadi basalirayo ente ennume ne baziwaayo nga ssaddaaka,
    era ebyoto byabwe binaaba ng’entuumo ey’amayinja mu nnimiro ennime.
^12 (BK)Yakobo yaddukira mu nsi ya Alamu;^[b]
    Isirayiri yaweereza okufuna omukazi,
    era okumufuna yalundanga ndiga.
^13 (BL)Mukama yakozesa nnabbi okuggya Isirayiri mu Misiri,
    era n’akozesa nnabbi okumukuuma.
^14 (BM)Naye Efulayimu amusoomoozezza era amusunguwazizza,
    Mukama we kyaliva amutekako omusango olw’omusaayi gwe yayiwa,
    n’amusasula olw’obunyoomi bwe.

^4 (BQ)“Nze Mukama Katonda wo
    eyakuggya mu nsi ya Misiri;
so tolimanya Katonda mulala wabula nze,
    so tewali mulokozi wabula nze.
⁵ Nakulabirira mu ddungu,
    mu nsi ey’ekyeya ekingi.
^6 (BR)Bwe nabaliisa, bakkuta;
    bwe bakkuta ne beegulumiza,
    bwe batyo ne banneerabira.
⁷ Kyendiva mbalumba ng’empologoma,
    era ndibateegera ku kkubo ng’engo.
^8 (BS)Ng’eddubu erinyagiddwako abaana baalyo,
    ndibalumba ne mbataagulataagula.
Era okufaananako ng’empologoma bw’ekola ndibaliira eyo,
    ensolo ey’omu nsiko eribataagulataagula.
^9 (BT)Ndibazikiriza mmwe Isirayiri,
    kubanga munnwanyisa.
^10 (BU)Kabaka wammwe ali wa, abalokole?
    Abafuzi ab’omu bibuga byo byonna bali ludda wa,
be wayogerako nti,
    ‘Tuwe kabaka n’abafuzi?’
^11 (BV)Nabawa kabaka nga nsunguwadde,
    ate ne mmubaggyako nga ndiko ekiruyi.
^12 (BW)Omusango gwa Efulayimu guterekeddwa,
    era n’ekibi kye kimanyiddwa.
^13 (BX)Obubalagaze ng’obw’omukyala alumwa okuzaala bumujjira,
    naye omwana olw’obutaba n’amagezi,
ekiseera bwe kituuka,
    tavaayo mu lubuto.

^14 (BY)“Ndibanunulayo mu maanyi g’emagombe,
    era ndibalokola mu kufa.
Ggwe kufa, endwadde zo ziri ludda wa?
    Ggwe Magombe, okuzikiriza kwo kuli ludda wa?

“Sirimusaasira,
^{15     (BZ)}ne bw’anaakulaakulana mu baganda be.
Empewo ey’ebuvanjuba erijja okuva eri Mukama,
    ng’eva mu ddungu,
n’ensulo ze ne zikalira,
    n’oluzzi lwe ne lukalira.
Eggwanika lye lirinyagibwa,
    eby’omuwendo byonna ne bitwalibwa.
^16 (CA)Abantu b’e Samaliya balivunaanibwa omusango gwabwe
    kubanga bajeemedde Katonda waabwe.
Balittibwa n’ekitala, n’abaana baabwe abato balibetentebwa,
    n’abakyala baabwe abali embuto balibaagibwa.”

^4 (CE)Ndibalekesaayo empisa zaabwe embi,
    ne mbaagala awatali kye mbasalidde kya kusasula.
    Kubanga obusungu bwange butanudde okubavaako.
^5 (CF)Ndifaanana ng’omusulo eri Isirayiri:
    alimulisa ng’eddanga,
era alisimba emirandira ng’emivule gy’e Lebanooni.
^{6     (CG)}Amatabi ge amato galikula;
n’obulungi bwe buliba ng’omuzeyituuni,
    n’akaloosa ke kaliba ng’akaloosa k’omuvule gw’e Lebanooni.
^7 (CH)Abantu balibeera nate wansi w’ekisiikirize kye,
    era alibala ng’emmere ey’empeke.
Alimulisa ng’omuzabbibu,
    era alyatiikirira nga wayini ow’e Lebanooni.
^8 (CI)Ggwe Efulayimu mugabo ki gwe nnina mu bakatonda bo?
    Ndimwanukula ne mulabirira.
Nninga omuberosi omugimu, era n’ebibala byo biva mu nze.

^9 (CJ)Abalina amagezi bategeera ensonga zino,
    era abakabakaba balibimanya.
Amakuba ga Mukama matuufu,
    n’abatuukirivu bagatambuliramu,
    naye abajeemu bageesittaliramu.