Revised Common Lectionary (Semicontinuous)

81 आनंदी राहा आणि आमची शक्ती असलेल्या देवासमोर गाणे गा,
    इस्राएलाच्या देवासमोर आनंदाने ओरडा.

¹⁰ मी, परमेश्वरच तुमचा देव आहे
    मी तुम्हाला मिसरच्या प्रदेशातून बाहेर आणले.
इस्राएल, तुझे तोंड उघड मग मी तुला खायला घालीन.”

12 परमेश्वरा, जेव्हा मी तुझ्याशी वाद घालतो,
    तेव्हा तुझेच म्हणणे बरोबर ठरते.
पण काही गोष्टी बरोबर वाटत नाहीत.
त्याबद्दल मला तुला विचारावेसे वाटते.
    दुष्ट लोकच यशस्वी का होतात?
    तू ज्यांच्यावर विश्वास ठेवू शकत नाहीस, अशांना सुखाचे आयुष्य का मिळते?
² त्या दुष्टांना तूच इथे वसविलेस ती माणसे मजबूत मुळे असलेल्या झाडांप्रमाणे आहेत.
    ती वाढतात आणि फळे देतात.
तोंडाने, तू त्यांना जवळचा व प्रिय असल्याचे, ते सांगतात.
    पण मनाने ते तुझ्यापासून फार दूर आहेत.
³ पण, परमेश्वरा, तू माझे मन जाणतोस.
    तू मला पाहतोस आणि माझ्या मनाची परीक्षा घेतोस.
कत्तल करण्यासाठी मेंढ्यांना जसे फरपटत आणतात, तसे त्यांना फरपटत आण.
    कत्तलीच्या दिवसासाठी त्यांची निवड कर.
⁴ किती काळ जमीन कोरडी राहणार?
    किती काळ गवत वाळून मरणार?
त्या दुष्ट लोकांच्या चुकीमुळे प्राणी
    आणि पक्षी मरुन गेले.
तरीसुद्धा ते लोक म्हणतात,
    “आमचे काय होईल हे पाहण्याइतक्या
    दीर्घकाळ यिर्मया जगणार नाही.”

⁵ “यिर्मया, माणसांबरोबर धावण्याच्या शर्यतीत जर तू दमतोस,
    तर मग घोड्यांशी तू कशी स्पर्धा करणार?
जर तू सुरक्षित ठिकाणी कंटाळलास,
    तर धोकादायक ठिकाणी काय करशील?
यार्देन नदीकिनारी वाढणाऱ्या कांटेरी झुडुंपात
    तू काय करशील?
⁶ ही सर्व माणसे तुझेच भाऊबंद आहेत.
    तुझ्याच कुटुंबातील माणसे तुझ्याविरुद्ध कट करीत आहेत.
    तुझ्याच घरातील माणसे तुझ्याविरुद्ध आवाज उठवीत आहेत.
जरी ते तुझ्याशी मित्रांसारखे बोलत असले,
    तरी तू त्यांच्यावर विश्वास ठेवू नकोस.”

⁷ “मी परमेश्वराचा माझ्या घराचा त्याग केला आहे.
    मी माझी मालमत्ता ^[a] सोडली आहे.
मी माझी प्रियतमा (यहूदा) तिच्या वैऱ्यांच्या ताब्यात दिली आहे.
⁸ माझे स्वतःचेच लोक जंगली सिंहाप्रमाणे माझ्याविरुद्ध उलटले.
ते माझ्याकडे पाहून डरकाळ्या फोडू
    लागल्याने मी त्यांच्याकडे पाठ फिरविली.
⁹ मरायला टेकल्यामुळे गिधाडांनी घेरलेल्या प्राण्याप्रमाणे
    माझ्या लोकांची स्थिती आहे.
गिधाडे तिच्याभोवती (यहूदाभोवती) घिरट्या घालतात.
    वन्य प्राण्यांनो, तुम्हीसुध्दा
    या आणि काही खाद्य मिळवा.
¹⁰ पुष्कळ मेंढपाळांनी (नेत्यांनी) माझ्या द्राक्षमळ्याचा नाश केला आहे.
    त्यांनी द्राक्षेवेली पायदळी तुडविल्या.
    त्यांनी माझ्या द्राक्षमळ्याचे वैराण वाळवंट केले.
¹¹ त्यांनी माझा मळा उजाड केला.
    तो सुकून मरुन गेला.
    तेथे कोणीही राहत नाही.
सर्व देश म्हणजे एक निर्जन वाळवंट झाले आहे.
    त्या मळ्याची काळजी घेण्यासाठी एकही माणूस उरला नाही.
¹² त्या रिकाम्या वाळवंटाच्या हिरवळीतून
    लूट करण्याकरिता सैन्य आले.
परमेश्वराने त्या सैन्याचा उपयोग
    त्या देशाला शिक्षा करण्यासाठी केला.
देशाच्या एका टोकापासून दुसऱ्या टोकापर्यंत राहणाऱ्या सर्वांना शिक्षा केली.
    कोणीही वाचला नाही.
¹³ लोकांनी गहू पेरला,
    तर तिथे काटे उगवतील.
लोक दमेपर्यंत खूप कष्ट करतील,
    पण या अफाट मेहनतीचे फळ त्यांना मिळणार नाही.
त्यांच्या पिकाबाबत ते खजिल होतील.
    परमेश्वराच्या कोपामुळे या गोष्टी घडतील.”