Revised Common Lectionary (Semicontinuous)

⁹ परमेश्वरा, मी तू करत असलेल्या अद्भुत गोष्टींबद्दलचे नवे गाणे गाईन.
    मी तुझी स्तुती करेन आणि दहा तारांची वीणा वाजवेन.
¹⁰ परमेश्वर राजांना त्यांच्या लढाया जिंकायला मदत करतो.
    परमेश्वराने त्याचा सेवक दावीद याला त्याच्या शत्रूंच्या तलवारीपासून वाचवले.
¹¹ मला या परक्यांपासून वाचव.
    हे शत्रू खोटारडे आहेत.
    ते खऱ्या नसलेल्या गोष्टी सांगतात.

¹² आमची तरुण मुले बळकट झाडांसाखी आहेत.
    आमच्या मुली राजवाड्यातल्या सुंदर सजावटीप्राणे आहेत.
¹³ आमची धान्यांची कोठारे वेगवेगळ्या धान्यांनी भरलेली आहेत.
    आमच्या शेतात हजारो मेंढ्या आहेत.
¹⁴     आमचे सैनिक सुरक्षित आहेत.
कुठलाही शत्रू आत येण्याचा प्रयत्न करीत नाही.
    आम्ही लढाईवर जात नाही.
    आमच्या रस्त्यात लोक ओरडत नाहीत.

¹⁵ अशा वेळी लोक खूप आनंदी असतात.
    जर परमेश्वर त्यांचा देव असेल तर लोक खूप आनंदी असतात.

³ “मी माझा पोषाख काढून टाकला आहे.
    मला तो पुन्हा घालायचा नाही.
मी माझे पाय धुतले आहेत.
    मला ते पुन्हा घाण करायचे नाहीत.”

⁴ पण माझ्या प्रियकराने फटीतून हात घातला ^[a]
    आणि माझे हृदय त्याच्यासाठी हेलावले. ^[b]
5 माझ्या प्रियकराला दार उघडायला मी उठले.
    माझ्या हातातून गंधरस गळत होता.
इतर सुवासिक द्रव्ये माझ्या बोटांतून
    कुलुपाच्या कडीवर गळत होती.
⁶ मी माझ्या प्रियकरासाठी दार उघडले.
    पण माझा प्रियकर तोंड फिरवून निघून गेला होता.
तो गेला तेव्हा
    मी जवळ जवळ गतप्राण झाले. ^[c]
मी त्याला शोधले
    पण तो मला सापडू शकला नाही.
मी त्याला हाक मारली
    पण त्याने मला ओ दिली नाही.
⁷ शहरावर पहारा करणाऱ्या पहारेकऱ्यांना मी दिसले.
    त्यांनी मला मारले,
    इजा केली.
भिंतीवरच्या पहारेकऱ्यांनी
    माझा अंगरखा घेतला.

⁸ यरुशलेमच्या स्त्रियांनो! मी तुम्हाला सांगते,
    जर तुम्हाला माझा प्रियकर दिसला, तर त्याला सांगा की मी प्रेमविव्हळ झाले आहे. ^[d]

²² “त्याने कोणतेही पाप केले नाही,
    त्याच्या मुखात कपट नव्हते.” ^(A)