Revised Common Lectionary (Semicontinuous)

16 Ingatan mo ako, Oh Dios; sapagka't sa iyo nanganganlong ako.
² Oh kaluluwa ko, iyong sinabi sa Panginoon, Ikaw ay aking Panginoon:
Ako'y walang kabutihan liban sa iyo.
³ Tungkol sa mga banal na nangasa lupa,
Sila ang maririlag na mga kinalulugdan kong lubos.
⁴ Ang mga kalumbayan nila ay dadami, na nangaghahandog sa ibang dios:
Ang kanilang inuming handog na dugo ay hindi ko ihahandog,
Ni sasambitin man ang kanilang mga pangalan ^(A)sa aking mga labi.
^5 (B)Ang Panginoon ay siyang bahagi ng aking mana at ng ^(C)aking saro:
Iyong inaalalayan ang aking kapalaran.
⁶ Ang pising panukat ay nangahulog sa akin sa mga maligayang dako;
Oo, ako'y may mainam na mana.
⁷ Aking pupurihin ang Panginoon na nagbibigay sa akin ng payo:
^(D)Oo, tinuturuan ako sa gabi ng ^(E)aking puso.
^8 (F)Aking inilagay na lagi ang Panginoon sa harap ko:
Sapagka't kung siya ay ^(G)nasa aking kanan, hindi ako makikilos.
⁹ Kaya't ang aking puso ay masaya, at ang aking kaluwalhatian ay nagagalak:
Ang akin namang katawan ay tatahang tiwasay.
^10 (H)Sapagka't hindi mo iiwan ang aking kaluluwa sa ^(I)Sheol;
Ni hindi mo man titiisin ang iyong ^(J)banal ay makakita ng kabulukan.
¹¹ Iyong ituturo sa akin ^(K)ang landas ng buhay:
Nasa iyong harapan ^(L)ang kapuspusan ng kagalakan;
Sa iyong kanan ay may mga ^(M)kasayahan magpakailan man.

⁸ Ang tinig ng aking sinta! narito, siya'y dumarating,
Na lumulukso sa mga bundok,
Lumulundag sa mga burol.
⁹ Ang aking sinta ^(A)ay gaya ng usa o ng batang usa: Narito, siya'y tumatayo sa likod ng ating bakod,
Siya'y sumusungaw sa mga dungawan,
Siya'y napakikita sa mga silahia.
¹⁰ Ang aking sinta ay nagsalita, at nagsabi sa akin,
^(B)Bumangon ka, sinta ko, maganda ko, at tayo na.
¹¹ Sapagka't narito, ang tagginaw ay nakaraan;
Ang ulan ay lumagpas at wala na;
¹² Ang mga bulaklak ay namumukadkad sa lupa;
Ang panahon ng pagaawitan ng mga ibon ay dumarating,
At ang tinig ng ^(C)batobato ay naririnig sa ating lupain;
¹³ Nahihinog ang sariwang mga bunga ng puno ng higos,
At ang mga puno ng ubas ^(D)ay namumulaklak,
Kanilang pinahahalimuyak ang kanilang bango.
^(E)Bumangon ka, sinta ko, maganda ko, at tayo na.
¹⁴ Oh kalapati ko, na nasa mga bitak ng malalaking bato,
Sa puwang ng matarik na dako,
Ipakita mo sa akin ang iyong mukha,
^(F)Iparinig mo sa akin ang iyong tinig;
Sapagka't matamis ang iyong tinig, at ang iyong mukha ay kahalihalina.
¹⁵ Hulihin ninyo para sa atin ^(G)ang mga sora, ang mga munting sora
Na naninira ng mga ubasan;
Sapagka't ang ating mga ubasan ay namumulaklak.