Old/New Testament

Hinulaan ang pagkagiba ng Jerusalem.

5 At ikaw, anak ng tao, magdala ka ng matalas na tabak; na parang pangahit ng manggugupit ang iyong dadalhin, at iyong pararaanin sa iyong ulo at sa iyong balbas: kung magkagayo'y kumuha ka ng timbangang panimbang, at bahagihin mo ang buhok.

² Ang ikatlong bahagi ay iyong susunugin sa apoy sa gitna ng bayan, pagka ang mga araw ng pagkubkob ay naganap; at iyong kukunin ang ikatlong bahagi, at susugatan mo ng tabak sa palibot; at ang ikatlong bahagi ay ^(A)iyong pangangalatin sa hangin, at ^(B)ako'y magbubunot ng tabak sa likuran nila.

³ At kukuha ka sa mga yaon ng kaunti sa bilang, at ipagtatali mo sa iyong mga tunika.

⁴ At sa mga ito'y kukuha ka uli, at ihahagis mo sa gitna ng apoy, at susunugin mo sa apoy; siyang panggagalingan ng apoy sa buong sangbahayan ni Israel.

⁵ Ganito ang sabi ng Panginoong Dios, Ito ay Jerusalem; inilagay ko siya sa gitna ng mga bansa, at mga lupain ay nangasa palibot niya.

⁶ At siya'y nanghimagsik laban sa aking mga kahatulan sa paggawa ng kasamaan na higit kay sa ginawa ng mga bansa, at laban sa aking mga palatuntunan na higit kay sa mga lupain na nangasa palibot niya; sapagka't kanilang itinakuwil ang aking mga kahatulan, at tungkol sa aking mga palatuntunan, hindi nila nilakaran.

⁷ Kaya't ganito ang sabi ng Panginoong Dios, Sapagka't kayo'y manggugulo na higit kay sa mga bansa na nangasa palibot ninyo, at hindi nagsilakad sa aking mga palatuntunan, ^(C)o iningatan man ang aking mga kahatulan, o nagsigawa man ng ayon sa mga ayos sa mga bansa na nangasa palibot ninyo;

⁸ Kaya't ganito ang sabi ng Panginoong Dios: Narito, ako, sa makatuwid baga'y ako, ay laban sa iyo; at ako'y maglalapat ng mga kahatulan sa gitna mo sa paningin ng mga bansa.

⁹ At aking gagawin sa iyo ^(D)ang hindi ko ginawa, at hindi ko na gagawin pa ang kaparis, dahil sa iyong lahat na kasuklamsuklam.

¹⁰ Kaya't ^(E)kakanin ng mga magulang ang mga anak sa gitna mo, at kakanin ng mga anak ang kanilang mga magulang; at ako'y maglalapat ng mga kahatulan sa iyo; at^[a] ang buong nalabi sa iyo ay aking pangangalatin sa lahat ng dako.

¹¹ Kaya't buháy ako, sabi ng Panginoong Dios, walang pagsala, na ^(F)sapagka't iyong nilapastangan ang aking santuario ng lahat mong kasuklamsuklam na bagay, at ng lahat mong karumaldumal, kaya't akin namang babawasan ka; ni hindi magpapatawad ang aking mata, at ako nama'y hindi mahahabag.

^12 (G)Ang ikatlong bahagi mo ay ^(H)mamamatay sa pamamagitan ng salot, at sa pamamagitan ng kagutom ay mauubos sila sa gitna mo; ^(I)at ang isang ikatlong bahagi ay mabubuwal sa pamamagitan ng tabak sa palibot mo; at ang ikatlong bahagi ay aking pangangalatin sa lahat ng dako, at magbubunot ako ng tabak sa likuran.

¹³ Ganito magaganap ang aking galit, at ^(J)aking lulubusin ang aking kapusukan sa kanila, at ako'y maaaliw: at kanilang malalaman na akong Panginoon ay nagsalita sa ^(K)aking pagsisikap, pagka aking naganap ang aking kapusukan sa kanila.

¹⁴ Bukod dito'y gagawin kitang kasiraan at ^(L)kapulaan, sa gitna ng mga bansa na nangasa palibot mo, ^(M)sa paningin ng lahat na nagsisidaan.

¹⁵ Sa gayo'y magiging kadustaan at kapulaan, aral at katigilan sa mga bansang nangasa palibot mo, pagka ako'y maglalapat ng mga kahatulan sa iyo sa galit at sa kapusukan, at sa mababagsik na pagsaway (akong Panginoon ang nagsalita);

¹⁶ Pagka ako'y magpapasapit sa kanila ^(N)ng mga masamang pana ng kagutom na ikasisira nila, na siyang aking pasasapitin upang sirain kayo. At aking palalalain ang kagutom sa inyo, at aking babaliin ^(O)ang inyong tungkod ng tinapay;

¹⁷ At ako'y magpapasapit sa inyo ng kagutom at mga ^(P)masamang hayop, at kanilang aalisan ka ng anak; at salot at dugo ay daraan sa iyo; at aking pararatingin ang tabak sa iyo; ako ang Panginoon na nagsalita.

Tinutulan ang pagkaidolatria.

6 At ang salita ng Panginoon ay dumating sa akin, na nagsasabi,

² Anak ng tao, ^(Q)itingin mo ang iyong mukha sa ^(R)mga bundok ng Israel, at ikaw ay manghula tungkol sa mga yaon.

³ At magsabi, Kayong mga bundok ng Israel, pakinggan ang salita ng Panginoong Dios. Ganito ang sabi ng Panginoong Dios sa mga bundok at ^(S)sa mga burol, ^(T)sa mga batis at ^(U)sa mga libis: Narito, ako sa makatuwid baga'y ako, magpaparating ng tabak sa inyo, at ^(V)aking sisirain ang inyong mga mataas na dako.

⁴ At ang inyong mga dambana ay masisira, at ang inyong mga larawang araw ay mababasag; at ^(W)aking ibubulagta ang inyong mga patay na tao sa harap ng inyong mga diosdiosan.

⁵ At aking ilalapag ang mga bangkay ng mga anak ni Israel sa harap ng kanilang mga diosdiosan; at aking ikakalat ang inyong mga buto sa palibot ng inyong mga dambana.

⁶ Sa lahat ng inyong mga tahanang dako ay mawawasak ang mga bayan, at ang mga mataas na dako ay mangasisira; upang ang inyong mga dambana ay mangawasak at mangagiba, at ang inyong mga diosdiosan ay mangabasag at mangaglikat, at ang inyong mga larawang araw ay mangabagsak, at ang inyong mga gawa ay mangawawala.

⁷ At ang mga patay ay mangabubuwal sa gitna ninyo, ^(X)at inyong malalaman na ako ang Panginoon.

⁸ Gayon ma'y ^(Y)magiiwan ako ng nalabi, upang magkaroon sa inyo ng ilan na nakatanan sa tabak sa gitna ng mga bansa, pagka kayo'y mangangalat sa mga lupain.

⁹ At silang nangakatanan sa inyo ay aalalahanin ako sa gitna ng mga bansa na pagdadalhan sa kanilang bihag, kung paanong ako'y nakipagkasira sa kanilang masamang kalooban na humiwalay sa akin, at ^(Z)sa kanilang mga mata, ^(AA)na yumaong sumamba sa kanilang mga diosdiosan; at sila'y magiging kasuklamsuklam sa kanilang sariling paningin dahil sa mga kasamaan na kanilang nagawa sa lahat nilang kasuklamsuklam.

¹⁰ At kanilang malalaman na ako ang Panginoon: hindi ako nagsalita ng walang kabuluhan na aking gagawin ang kasamaang ito sa kanila.

¹¹ Ganito ang sabi ng Panginoong Dios, Saktan mo ^(AB)ng iyong kamay, at ^(AC)sikaran mo ng iyong paa, at iyong sabihin, Sa aba nila! dahil sa lahat na masamang kasuklamsuklam ng sangbahayan ni Israel; sapagka't sila'y mangabubuwal sa pamamagitan ng tabak, ng kagutom, at ng salot.

¹² Ang malayo ay mamamatay sa salot; at ang malapit ay mabubuwal sa pamamagitan ng tabak; at ang malabi at makubkob ay mamamatay sa pamamagitan ng kagutom: ganito ko gaganapin ang aking kapusukan sa kanila.

¹³ At inyong malalaman na ako ang Panginoon, ^(AD)pagka ang kanilang mga patay na tao ay mangalalagay sa gitna ng kanilang mga diosdiosan sa palibot ng kanilang mga dambana, ^(AE)sa ibabaw ng bawa't mataas na burol, ^(AF)sa lahat na taluktok ng mga bundok, at sa ilalim ng bawa't sariwang punong kahoy, at sa ilalim ng bawa't mayabong na ^(AG)encina, na kanilang pinaghandugan ng masarap na amoy sa lahat nilang diosdiosan.

¹⁴ At aking iuunat ang kamay ko laban sa kanila, at gagawin kong sira at giba ang lupa, mula sa ilang hanggang sa ^(AH)Diblah, sa lahat nilang tahanan; at kanilang malalaman na ako ang Panginoon.

Ang parusa sa pangbansang kasalanan ay ipinagpauna.

7 Bukod dito'y ang salita ng Panginoon ay dumating sa akin, na nagsasabi,

² At ikaw, anak ng tao, ganito ang sabi ng Panginoong Dios sa lupain ng ^(AI)Israel, ^(AJ)May wakas: ang wakas ay dumating sa apat na sulok ng lupain.

³ Ngayon ang wakas ay sumasaiyo at aking pararatingin ang aking galit sa iyo, at hahatulan ka ayon sa iyong mga lakad; at ipadadanas ko sa iyo ang lahat ng iyong kasuklamsuklam.

⁴ At hindi ka patatawarin ng ^(AK)aking mata, o kahahabagan man kita; kundi aking parurusahan ang iyong mga lakad, at ang iyong mga kasuklamsuklam na gawa ay malilitaw; ^(AL)at inyong malalaman na ako ang Panginoon.

⁵ Ganito ang sabi ng Panginoong Dios, Ang kasamaan, ang tanging kasamaan; narito, dumarating.

⁶ Ang wakas ay dumating, ang wakas ay dumating; ito'y gumigising laban sa iyo; narito, dumarating.

^7 (AM)Ang parusa sa iyo ay dumarating, Oh mananahan sa lupain: ang panahon ay dumarating, ang kaarawan ay malapit na, kaarawan ng pagkakagulo, at hindi ng kagalakang may hiyawan, sa ibabaw ng mga bundok.

⁸ Bigla ko ngang ibubugso sa iyo ang aking kapusukan, at aking gaganapin ang aking galit laban sa iyo, at hahatulan kita ayon sa iyong mga lakad; at ipadadanas ko sa iyo ang lahat ng iyong kasuklamsuklam.

⁹ At ang aking mata ay hindi magpapatawad, o mahahabag man ako: padadatnin ko sa iyo ang ayon sa iyong mga lakad; at ang iyong mga kasuklamsuklam ay dadanasin mo; at inyong malalaman na ako ang Panginoon ^(AN)na nananakit.

¹⁰ Narito, ang kaarawan, narito, dumarating; ang hatol sa iyo ay ipinasiya; ^(AO)ang tungkod ay namulaklak, ang kapalaluan ay namuko.

¹¹ Pangdadahas ay bumangon na naging pamalo ng kasamaan; walang malalabi sa kanila, o sa kanilang karamihan man, o sa kanilang kayamanan man: ^(AP)at hindi magkakaroon ng kahit karangalan sa kanila.

¹² Ang panahon ay dumarating, ang kaarawan ay nalalapit: huwag ^(AQ)magalak ang mamimili, o tumangis man ang manininda: sapagka't ang poot ay nasa lahat ng karamihan niyaon.

¹³ Sapagka't hindi na pagbabalikan ng manininda ang ipinagbili, bagaman sila'y buhay pa: sapagka't ang pangitain ay tungkol sa buong karamihan niyaon, walang babalik; at sinoman ay hindi magpapakalakas pa sa kasamaan ng kaniyang buhay.

¹⁴ Nagsihihip sila ng pakakak, at nagsihanda; nguni't walang naparoroon sa pagbabaka; sapagka't ang aking poot ay nasa buong karamihan niyaon.

¹⁵ Ang tabak ay nasa labas, at ang salot at ang kagutom ^(AR)ay nasa loob: siyang nasa parang ay mamamatay sa tabak; at siyang nasa bayan, kagutom at salot ay lalamon sa kaniya.

¹⁶ Nguni't ^(AS)silang nagsisitanan sa mga yaon ay tatanan, at mangapapasa mga bundok, na parang mga kalapati sa mga libis, silang lahat ay nagsisitangis, bawa't isa'y dahil sa kaniyang kasamaan.

¹⁷ Lahat ng kamay ay ^(AT)manghihina, at lahat ng tuhod ay manglalata na gaya ng tubig.

¹⁸ Sila'y mangagbibigkis din naman ng ^(AU)kayong magaspang, at pangingilabot ay sasa kanila; at kahihiyan ay sasa lahat ng mukha, ^(AV)at pagkakalbo sa lahat nilang ulo.

¹⁹ Kanilang ihahagis ang kanilang pilak sa mga lansangan, at ang kanilang ginto ay magiging parang isang maruming bagay; ang kanilang pilak at ang kanilang ginto ay hindi makapagliligtas sa kanila sa kaarawan ng poot ng Panginoon: hindi nila maaaliw ang kanilang mga kaluluwa, o mabubusog man ang kanilang mga tiyan; sapagka't naging ^(AW)katitisuran ng kanilang kasamaan.

²⁰ Tungkol sa ganda ng kaniyang gayak, inilagay niya sa kamahalan; nguni't ^(AX)kanilang ginawang mga larawan ang kanilang mga kasuklamsuklam at karumaldumal na mga bagay: kaya't ginawa ko sa kanila na parang maruming bagay.

²¹ At aking ibibigay sa mga kamay ng mga taga ibang lupa na pinakahuli, at sa mga masama sa lupa na pinakasamsam; at kanilang ^(AY)lalapastanganin.

²² Ang aking mukha ay aking itatalikod naman sa kanila, at kanilang lalapastanganin ang aking lihim na dako: at mga magnanakaw ay magsisipasok doon, at lalapastangan.

²³ Gumawa ka ng tanikala; ^(AZ)sapagka't ang lupain ay puno ng mga sala sa pagbububo ng dugo, at ang bayan ay puno ng pangdadahas.

²⁴ Kaya't aking dadalhin ang mga pinakamasama ng mga bansa, at aariin nila ang kanilang mga bahay: akin namang patitigilin ang kapalaluan ng malakas, at ang kanilang mga dakong banal ay lalapastanganin.

²⁵ Kagibaan ay dumarating; at sila'y magsisihanap ng kapayapaan, at wala doon.

^26 (BA)Kapanglawan at kapanglawan ay darating, at balita at balita ay darating; at sila'y magsisihanap ng pangitain ng propeta; nguni't ang kautusa'y ^(BB)mawawala sa saserdote, at ang payo'y mawawala sa mga matanda.

²⁷ Ang hari ay tatangis, at ang prinsipe ay mananamit ng kapahamakan, at ang mga kamay ng mga tao ng lupain ay mababagbag: aking gagawin sa kanila ang ayon sa kanilang lakad, ^(BC)at ayon sa kanilang kaugalian ay hahatulan ko sila; at kanilang malalaman na ako ang Panginoon.

12 Kaya't yamang nakukubkob tayo ng makapal na bilang ng mga saksi, itabi namang walang liwag ang bawa't ^(A)pasan, at ang pagkakasalang pumipigil sa atin, at ^(B)ating takbuhing may pagtitiis ang takbuhing inilagay sa harapan natin,

² Na masdan natin si Jesus na gumawa at ^(C)sumakdal ng ating pananampalataya, ^(D)na siya dahil sa kagalakang inilagay sa harapan niya ay nagtiis ng krus, na niwalang bahala ang kahihiyan, at ^(E)umupo sa kanan ng luklukan ng Dios.

³ Sapagka't ^(F)dilidilihin ninyo yaong nagtiis ng ^(G)gayong pagsalangsang ng mga makasalanan laban sa kaniyang sarili, upang kayo'y huwag magsihina, na manglupaypay sa inyong mga kaluluwa.

⁴ Hindi pa kayo ^(H)nakikipaglaban hanggang sa mabubo ang dugo, na nakikipagaway laban sa kasalanan:

⁵ At inyong nilimot ang iniaral na ipinakikipagtalo sa inyong tulad sa mga anak,

⁷ Na dahil sa ito'y parusa kayo'y nagtitiis; inaari kayo ng ^(J)Dios na tulad sa mga anak; sapagka't alin ngang anak ang hindi pinarurusahan ng kaniyang ama?

⁸ Datapuwa't kung kayo'y hindi pinarurusahan, ^(K)na pawang naranasan ng lahat, kung gayo'y mga anak sa ligaw kayo, at hindi tunay na anak.

⁹ Bukod dito, tayo'y nangagkaroon ng mga ama ng ating laman upang tayo'y parusahan, at sila'y ating iginagalang: hindi baga lalong tayo'y pasasakop ^(L)sa Ama ng mga espiritu, at tayo'y mabubuhay?

¹⁰ Sapagka't katotohanang tayo'y pinarusahan nilang ilang araw ayon sa kanilang minagaling; nguni't siya'y sa kapakinabangan natin, ^(M)upang tayo'y makabahagi ng kaniyang kabanalan.

¹¹ Lahat ng parusa sa ngayon ay tila man din hindi ikaliligaya kundi ikalulungkot; ^(N)gayon ma'y pagkatapos ay namumunga ng bungang mapayapa ng katuwiran sa mga nagsipagsanay sa pamamagitan nito.

¹² Kaya't itaas ninyo ^(O)ang mga kamay na nakababa, ang mga tuhod namang nanginginig;

¹³ At magsigawa kayo ng matuwid na landas ^(P)sa inyong mga paa, upang huwag maligaw ang pilay, ^(Q)kundi bagkus gumaling.

¹⁴ Sundin ninyo ^(R)ang kapayapaan sa lahat ng mga tao, ^(S)at ang pagpapakabanal ^(T)na kung wala ito'y sinoman ay di makakakita sa Panginoon:

¹⁵ Na pakaingatan na baka ang sinoma'y di makaabot sa biyaya ng Dios; baka kayo'y bagabagin ng anomang ugat ng kapaitan na sumisibol, at dahil dito'y mahawa ang marami;

¹⁶ Baka magkaroon ng sinomang ^(U)mapakiapid, ^(V)o mapaglapastangan, gaya ni ^(W)Esau, na sa isang pinggang pagkain ay ipinagbili ang kaniyang sariling pagkapanganay.

¹⁷ Sapagka't nalalaman ninyo na bagama't pagkatapos ay ninanasa niyang magmana ng pagpapala, siya'y itinakuwil; sapagka't wala na siyang nasumpungang pagkakataon ng pagsisisi sa kaniyang ama, bagama't pinagsisikapan niyang mapilit ^(X)na lumuluha.

¹⁸ Sapagka't hindi kayo nagsilapit ^(Y)sa bundok na nahihipo, at nagliliyab sa apoy, at sa kapusikitan, at sa kadiliman, at sa unos,

¹⁹ At ^(Z)tunog ng pakakak, at tinig ng mga salita; na ang nakarinig ng tinig na ito ay ^(AA)nagsipamanhik na huwag nang sa kanila'y salitain pa ang anomang salita;

²⁰ Sapagka't hindi matiis ang iniuutos, ^(AB)Kahit ang isang hayop kung tumungtong sa bundok ay babatuhin;

²¹ At totoong kakilakilabot ^(AC)ang napanood, ano pa't sinabi ni Moises, Ako'y totoong nasisindak at nanginginig:

²² Datapuwa't ^(AD)nagsilapit kayo sa bundok ng Sion, at sa ^(AE)bayan ng Dios na buhay, ang ^(AF)Jerusalem sa kalangitan, at sa mga di mabilang na hukbo ng mga anghel,

²³ Sa pangkalahatang ^(AG)pulong at iglesia ng mga ^(AH)panganay ^(AI)na nangatatala sa langit, at sa Dios na Hukom ng lahat, at mga espiritu ng mga taong ganap na pinasakdal,

²⁴ At kay Jesus ^(AJ)na tagapamagitan ng bagong tipan, at ^(AK)dugong pangwisik na nagsasalita ng ^(AL)lalong mabuti kay sa dugo ni Abel.

²⁵ Pagingatan ninyong kayo'y huwag tumanggi sa nagsasalita. Sapagka't ^(AM)kung hindi nakatanan ang mga nagsitanggi sa ^(AN)nagbalita sa kanila sa ibabaw ng lupa, ay lalo pa tayong hindi makatatanan na nagsisihiwalay Doon sa nagbabalitang buhat sa langit:

^26 (AO)Na ang tinig na yaon ay nagpayanig noon ng lupa: datapuwa't ngayo'y nangako siya, na nagsasabi, ^(AP)Minsan pang yayanigin ko, hindi lamang ang lupa, kundi pati ng langit.

²⁷ At itong salita, Minsan pang, ay pinakakahuluganan ang pagaalis niyaong mga bagay na niyanig, gaya ng mga bagay na ginawa, upang mamalagi ang mga hindi niyanig.

²⁸ Kaya't pagkatanggap ng isang kahariang hindi magagalaw, ay magkaroon tayo ng biyayang sa pamamagitan nito ay makapaghahandog tayong may paggalang at katakutan ng paglilingkod na nakalulugod sa Dios:

²⁹ Sapagka't ang Dios natin ay isang ^(AQ)apoy na mamumugnaw.