Old/New Testament

¹³ હાં તું તારી જાતને તૈયાર કર, જેને તું મળવાનો છે
    તે પર્વતોને બનાવનાર, વાયુનો સર્જનહાર છે.
    એ જ છે જે મનુષ્ય શું વિચારે છે તે પ્રગટ કરે છે.
તે એ જ છે જે પ્રભાતને અંધકારમાં ફેરવી નાખે છે
    અને દુનિયાની ઉંચાઇ પર ચાલે છે.
    તેનું નામ સૈન્યોનો દેવ યહોવા છે.

² ઇસ્રાએલની વિશુદ્ધતા ભાંગી પડી છે.
    તે ફરીથી ઊભી થઇ શકશે નહિ;
તેણે તેની પોતાની જ જમીનનો ત્યાગ કર્યો છે.
    અને તેને ઊભા થવા માટે મદદ કરે તેવું કોઇ નથી.

“જે નગરમાંથી હજારો યોદ્ધાઓ કૂચ કરી બહાર નીકળતા હતા
    ત્યાં માત્ર સો જ રહ્યાં હશે.
અને જ્યાંથી સો કૂચ કરીને નીકળ્યા હતા
    ત્યાં પાછા ફરેલા માત્ર દસ જ હશે.”

⁴ ઇસ્રાએલના લોકોને યહોવા કહે છે:
“મને શોધો, તો તમે જીવશો;
⁵     પણ બેથેલની શોધ ન કરો,
ને ગિલ્ગાલમાં ન જશો,
    ને બેર-શેબા ન જાઓ;
કારણકે ગિલ્ગાલના લોકોને બંદીવાસમાં લઇ જવામાં આવશે
    અને બેથેલ અતિશય દુ:ખમાં આવી પડશે.
⁶ યહોવાને શોધો, તો તમે જીવશો,
    તેમ નહિ કરો તો તે અગ્નિની જેમ યૂસુફના ઘરની આરપાર, પ્રસરી જશે.
    તે ભસ્મ કરી નાખશે અને બેથેલ પાસે તેને ઓલવવા માટે કોઇ નહિ હોય.
⁷ હે દુષ્ટ લોકો, તમે ગરીબ અને પગતળે કચડાયેલા માટે ‘ન્યાય’
    એક કડવી ગોળી બનાવી છે.
સચ્ચાઇ એ તમારા માટે એક નિરર્થક શબ્દ છે.
⁸     જે કૃત્તિકા સપ્તષિર્ અને મૃગશિરનો રચનાર છે,
જે ગાઢ અંધકારને પ્રભાતમાં ફેરવી નાખે છે.
    અને દિવસને અંધારી રાતમાં ફેરવી નાખે છે,
જે સાગરના જળને બોલાવીને વરસાદ તરીકે
    પૃથ્વી પર વરસાવે છે, તેનું નામ યહોવા છે.”

⁹ અત્યંત શકિતશાળી વેગથી અને પૂર્ણ શકિતથી તે વિનાશકારક આક્રમણ સજેર્ છે.
    અને કિલ્લા તોડી પાડે છે.
¹⁰ જે પ્રબોધકો ન્યાયાલયમાં અન્યાયનો સામનો કરે છે તે પ્રામાણિક ન્યાયાધીશોને અને જે પ્રબોધકો સત્ય બોલે છે
    તેનો તમે તિરસ્કાર કરો છો.
¹¹ તમે ગરીબોને પગ તળે કચડો છો
    અને તેમની પાસેથી અનાજ પડાવી લો છો,
તેથી તમે ઘડેલા પથ્થરનાઁ જે ઘર બાંધ્યાં છે,
    તેમાં તમે રહેવા નહિ પામો.
તમે રમણીય દ્રાક્ષાવાડીઓ રોપી છે,
    પણ તેનો દ્રાક્ષારસ તમે પીવા નહિ પામો;
¹² કારણકે તમારાં પાપો ઘણા છે અને ખૂબ ત્રાસદાયક છે.
    હું જાણું છું કે જે ન્યાયના માર્ગને અનુસરે છે,
તેને હેરાન કરો છો,
    ને તમે લાંચ લો છો
    અને ગરીબને ન્યાયાલયમાં ન્યાયથી વંચિત રાખો છો.
¹³ આથી, એ કારણે શાણા લોકો તમારી શિક્ષાના
    ભયંકર દિવસે યહોવા સમક્ષ ચૂપ રહેશે,
કેમ કે આ સમય ભૂંડો છે.
¹⁴     જીવવું હોય તો ભલાઇને શોધો, બૂરાઇને નહિ,
જેથી તમે કહો છો તેમ,
    સૈન્યોનો દેવ યહોવા તમારી જોડે રહે.
¹⁵ બૂરાઇને ધિક્કારો, ને ભલાઇ ઉપર પ્રેમ રાખો,
    અને ન્યાયાલયમાં ન્યાયની પ્રતિષ્ઠા કરો.
તો કદાચ સૈન્યોનો દેવ યહોવા બાકી
    રહેલા લોકો ઉપર દયા કરે.

¹⁶ આથી સૈન્યોનો યહોવા મારા માલિક કહે છે,
“શેરીને ખૂણે ખૂણે શોક થશે, શેરીએ શેરીએ હાય! હાય! ના પોકારો સંભળાશે.
    લોકો ધંધાદારી રાજિયા ગાનારાઓ સાથે ખેડૂતોને
    પણ આક્રંદ કરવા બોલાવશે;
¹⁷ દ્રાક્ષની બધી વાડીઓમાં શોક થશે.
    કારણ કે હું આ સર્વ જગ્યાઓથી પસાર થઇશ
    અને બધી વસ્તુનો નાશ કરીશ.”
એમ યહોવ્ કહે છે.
¹⁸ “તમે કહેશો, યહોવાનો દિવસ પાસે હોત તો કેવું સારું;
    દેવ સર્વ શત્રુઓથી અમારો બચાવ કરે.
પણ તમને તે દિવસનો સ્પષ્ટ ખ્યાલ નથી.
    તે દિવસ પ્રકાશ અને સમૃદ્ધિ નહિ પરંતુ અંધકાર અને ન્યાય શાસન લાવશે.
¹⁹ તે તો જેમ કોઇ માણસ સિંહથી ભાગી જાય;
    ને તેને રીંછ ભેટે,
અથવા ઘરમાં જઇને ભીંતનો ટેકો લે,
    ને તેને સાપ કરડે તેવો.
²⁰ યહોવાનો દિવસ સાચે જ અંધકારભર્યો છે,
    પ્રકાશભર્યો નથી; એનો અંધકાર એવો ગાઢ છે કે જેમાં પ્રકાશનું એકે કિરણ નથી.”

²¹ યહોવા કહે છે:
“હું ધિક્કારુ છું, હા,
    હું તમારા ઉત્સવોને ધિક્કારું છું,
    મને તમારી ધામિર્ક સભાઓ ગમતી નથી.
²² હા, જો કે તમે તમારાં દહનાર્પણ
    અને ખાદ્યાર્પણ લાવશો.
તોયે હું તેનો સ્વીકાર કરીશ નહિ.
    હું તમારા હૃષ્ટપુષ્ટ શાંત્યર્પણોની સામે પણ જોઇશ નહિ.
²³ તમારા ગીતો મારાથી દૂર કરો.
    મારા કાનમાં તે ઘોંઘાટ સમાન છે.
તમારું વાદ્યસંગીત તમને ગમે તેટલું કર્ણપ્રિય લાગે
    પણ હું તે સાંભળીશ નહિ.
²⁴ પણ ભલે સચ્ચાઇને સદા વહેતા ઝરણાંની જેમ
    અને ન્યાય ને પાણીથી ભરપૂર નદીની જેમ વહેવા દો.
²⁵ હે ઇસ્રાએલના વંશજો, જ્યારે તમે ચાળીસ વર્ષ સુધી વન પ્રદેશમાં હતાં,
    શું તમે મને યજ્ઞબલિ અર્પણ કર્યા હતાં?
    મને બલિદાનો અર્પણ કર્યાં હતાં?
²⁶ તમે હંમેશા તમારા રાજા સિક્કૂથને અને તારારૂપી દેવ કીયૂનની મૂર્તિઓને માથે ચઢાવી છે.
    આ મૂર્તિઓને તમે જ બનાવેલી હતી.
²⁷ તેથી હું તમને દમસ્કની હદ પાર દૂર દેશવાટે મોકલી દઇશ.”
    આ વચનો તેના છે
    જેનું નામ સૈન્યોનો દેવ યહોવા છે.

6 સિયોનમાં એશઆરામમાં અને આનંદમાં રહેનારા
    તથા સમરૂનના પર્વતોમાં નિર્ભયપણે રહેનારા “મુખ્ય” રાષ્ટના
નામાંકિત માણસો જેઓ પાસે “ઇસ્રાએલના લોકો” આવે છે.
    કેવી ત્રાસજનક તમારી દશા થશે! દુર્ભાગ્ય તમારું!
² કાલ્નેહ નગર જઇને જુઓ,
    ત્યાંથી મહાન હમાથનગર જાઓ,
    અને ત્યાંથી પલિસ્તીઓના ગાથ શહેરમાં જાઓ,
એ રાજ્યો કરતાં તમારી દશા શું સારી છે?
    અથવા તેમનો વિસ્તાર તમારા કરતાં શું વિશાળ છે?
³ જે આફતનો દિવસ તમે પાછો ઠેલવા ધારો છો, પણ હિંસાનું રાજ્ય નજીક લાવો છો.
    અને તમારા કાર્યોથી ન્યાયકાળના દિવસોને પાસે લાવો છો.
⁴ તમે એશઆરામથી હાથીદાંતના
    પલંગો પર સૂઓ છો વળી
તમે ટોળામાંથી કુમળા હલવાનો
    અને પસંદ કરેલા વાછરડાનું ભોજન ખાઓ છો.
⁵ તમે અર્થ વગરના ગીતો કામચલાઉ તંતુવાદ્ય વીણાના સૂર સાથે ગાઓ છો;
    તમે પોતા માટે દાઉદની માફક નવાં નવાં વાજિંત્રો બનાવો છો.
⁶ તમે પ્યાલા ભરીને દ્રાક્ષારસ પીઓ છો
    અને પોતાના શરીરે મોંઘામાં મોંઘા અત્તર લગાવો છો,
પણ દેશ ઉપર ઝઝૂમતી
    પાયમાલીની તમને પડી નથી!

“હું ઇસ્રાએલના અભિમાનને અને જૂઠા મહિમાને ધિક્કારું છૂં.
    અને તેમના મહેલોનો મને તિરસ્કાર છે.
એટલે એમના શહેરને અને તેમાં જે કઇં છે તે બધાને હું દુશ્મનોના હાથમાં સોંપી દઇશ,
    આ યહોવા સૈન્યોનો દેવના વચન છે.”

¹¹ કેમકે, જુઓ, યહોવા આદેશ આપી રહ્યા છે.
    તે મોટા ઘરોને ભાંગીને ભૂક્કો કરી નાંખશે
    અને નાના ઘરના નાના ટૂકડાં કરી નાખશે.
¹² શું ઘોડો ખડક માર્ગ પર દોડી શકે?
    શું બળદ ખડકો પર ખેડી શકે?
એવું પૂછવું તે પણ મૂર્ખતા છે.
    તમે તો તેના કરતા પણ વધારે મૂર્ખ હતા?
તમે ન્યાયને વિકૃત કરીને ઝેર જેવો બનાવ્યો છે અને દુષ્ટ વાતવરણ પેદા કર્યુ છે.
    અને પ્રામાણિકતાના ફળોને કડવા બનાવ્યા છે.
¹³ તમે કે જે શુન્યવત જગ્યા પર આનંદ પામો છો,
    અને તમે જ કહો છો, “શું આપણે આપણી પોતાની જ તાકાતથી શિંગો ધારણ કર્યાં નથી?”