M’Cheyne Bible Reading Plan

Naghimagsik si Mesa. Magkaanib ang Juda at Israel.

3 Si Joram nga na anak ni Achab ay nagpasimulang maghari sa Israel sa Samaria nang ikalabing walong taon ni Josaphat na hari sa Juda, at nagharing labing dalawang taon.

² At siya'y gumawa ng masama sa paningin ng Panginoon; nguni't ^(A)hindi gaya ng kaniyang ama, at ng kaniyang ina: sapagka't kaniyang inalis ^(B)ang haligi na pinakaalaala kay Baal na ginawa ng kaniyang ama.

³ Gayon ma'y lumakip siya sa ^(C)mga kasalanan ni Jeroboam na anak ni Nabat, na ipinagkasala niya sa Israel; hindi niya hiniwalayan.

⁴ Si Mesa nga na hari sa Moab ay may mga tupa; at siya'y nagbubuwis sa hari sa Israel ng balahibo ng isang daang libong kordero at ng isang daang libong lalaking tupa.

⁵ Nguni't nangyari nang ^(D)mamatay si Achab, na ang hari sa Moab ay nanghimagsik laban sa hari sa Israel.

⁶ At ang haring Joram ay lumabas sa Samaria nang panahong yaon, at hinusay ang buong Israel.

⁷ At siya'y yumaon, at nagsugo kay Josaphat na hari sa Juda, na nagsasabi, Ang hari sa Moab ay nanghimagsik laban sa akin: yayaong ka ba na kasama ko laban sa Moab upang bumaka? At kaniyang sinabi, Ako'y aahon: ako'y ^(E)gaya mo, ang aking bayan ay gaya ng iyong bayan, ang aking mga kabayo ay gaya ng iyong mga kabayo.

⁸ At kaniyang sinabi, Sa aling daan magsisiahon tayo? At siya'y sumagot, Sa daan ng ilang ng Edom.

⁹ Sa gayo'y yumaon ang hari sa Israel, at ang hari sa Juda, at ang hari sa Edom: at sila'y nagsiligid ng pitong araw na paglalakbay; at walang tubig para sa hukbo, o sa mga hayop man na nagsisisunod sa kanila.

¹⁰ At sinabi ng hari sa Israel, Sa aba natin! sapagka't tinawag ng Panginoon ang tatlong haring ito na magkakasama upang ibigay sa kamay ng Moab.

¹¹ Nguni't sinabi ni ^(F)Josaphat, Wala ba ritong isang propeta ng Panginoon, upang tayo'y makapagusisa sa Panginoon sa pamamagitan niya? At isa sa mga lingkod ng hari sa Israel ay sumagot, at nagsabi, Si Eliseo na anak ni Saphat ay nandito na ^(G)nagbuhos ng tubig sa mga kamay ni Elias.

¹² At sinabi ni Josaphat, Ang salita ng Panginoon ay sumasa kaniya. Sa gayo'y binaba siya ng hari sa Israel, at ni Josaphat at ng hari sa Edom.

Ang payo ni Eliseo.

¹³ At sinabi ni Eliseo sa hari sa Israel, ^(H)Anong ipakikialam ko sa iyo? ^(I)pumaroon ka sa mga propeta ng iyong ama, at sa mga ^(J)propeta ng iyong ina. At sinabi ng hari sa Israel sa kaniya, Hindi; sapagka't tinawag ng Panginoon ang tatlong haring ito na magkakasama upang ibigay sila sa kamay ng Moab.

¹⁴ At sinabi ni Eliseo, ^(K)Buháy ang Panginoon ng mga hukbo, na nakatayo ako sa harap niya, tunay na kung wala akong pagtingin sa harap ni Josaphat na hari sa Juda, hindi kita lilingapin, ni titingnan man.

¹⁵ Nguni't ngayo'y dalhan ninyo ako ng isang manunugtog. At nangyari, nang ang ^(L)manunugtog ay tumugtog, na ang ^(M)kamay ng Panginoon ay suma kaniya.

¹⁶ At kaniyang sinabi, Ganito ang sabi ng Panginoon, Punuin ninyo ang libis na ito ng mga hukay.

¹⁷ Sapagka't ganito ang sabi ng Panginoon, Kayo'y hindi makakakita ng hangin, ni kayo'y makakakita man ng ulan; gayon ma'y ang libis na yaon ay mapupuno ng tubig, at kayo'y iinom, kayo at gayon din ang inyong mga baka, at ang inyong mga hayop.

¹⁸ At ito'y isang bagay na magaan sa paningin ng Panginoon: kaniya rin namang ibibigay ang mga Moabita sa inyong kamay.

¹⁹ At inyong sasaktan ang bawa't bayang nakukutaan, at ang bawa't piling bayan, at inyong ibubuwal ang bawa't mabuting punong kahoy, at inyong patitigilin ang lahat na bukal ng tubig, at inyong ^(N)sisirain ng mga bato ang bawa't mabuting bahagi ng lupain.

²⁰ At nangyari, sa kinaumagahan, ^(O)sa may panahon ng paghahandog ng alay, na, narito, humuho ang tubig sa daan ng Edom, at ang lupain ay napuno ng tubig.

Tinalo si Mesa.

²¹ Nang mabalitaan nga ng lahat na Moabita na ang mga hari ay nagsiahon upang magsilaban sa kanila, ay nagpipisan silang lahat na makapagsasakbat ng sandata at hanggang sa katandatandaan, at nagsitayo sa hangganan.

²² At sila'y nagsibangong maaga nang kinaumagahan, at ang araw ay suminag sa tubig, at nakita ng mga Moabita ang tubig sa tapat nila na mapulang gaya ng dugo: at kanilang sinabi,

²³ Ito'y dugo; ang mga hari ay walang pagsalang lipol, at sinaktan ng bawa't isa sa kanila ang kaniyang kasama: ngayon nga, Moab, sa pagsamsam.

²⁴ At nang sila'y dumating sa kampamento ng Israel, ang mga taga Israel ay nagsitindig, at sinaktan ang mga Moabita, na anopa't sila'y tumakas sa harap nila; at sila'y nagpatuloy sa lupain na sinasaktan ang mga Moabita.

²⁵ At kanilang giniba ang mga bayan at ^(P)sa bawa't mabuting bahagi ng lupain ay naghagis ang bawa't tao ng kaniyang bato, at pinuno; at kanilang pinatigil ang lahat ng bukal ng tubig, at ibinuwal ang lahat na mabuting punong kahoy, hanggang sa ^(Q)Cir-hareseth lamang nagiwan ng mga bato niyaon; gayon ma'y kinubkob ng mga manghihilagpos, at sinaktan.

²⁶ At nang makita ng hari sa Moab na ang pagbabaka ay totoong malala sa ganang kaniya ay nagsama siya ng pitong daang lalake na nagsisihawak ng tabak, upang dumaluhong sa hari sa Edom: nguni't hindi nila nagawa.

²⁷ Nang magkagayo'y kinuha niya ang kaniyang pinaka matandang anak na maghahari sana na kahalili niya, at inihandog niya na pinakahandog na susunugin sa ibabaw ng kuta. At nagkaroon ng malaking galit laban sa Israel: at kanilang nilisan siya, at bumalik sa kanilang sariling lupain.

3 Katapustapusan, mga kapatid, ay ^(A)inyong idalangin kami, upang ang salita ng Panginoon ay lumaganap at luwalhatiin nawa na gaya rin naman sa inyo;

² At upang kami ay mangaligtas sa mga taong walang katuwiran at masasama; ^(B)sapagka't hindi lahat ay mayroong pananampalataya.

³ Nguni't ^(C)tapat ang Panginoon na magpapatibay sa inyo, at sa inyo'y ^(D)magiingat sa masama.

⁴ At may pagkakatiwala kami sa Panginoon tungkol sa inyo, na inyong ginagawa at gagawin naman ang mga bagay na aming iniuutos.

⁵ At ^(E)patnubayan nawa ng Panginoon ang inyong mga puso sa pagibig ng Dios, at sa ^(F)pagtitiis ni Cristo.

⁶ Aming inuutos nga sa inyo, mga kapatid, sa pangalan ng ating Panginoong Jesucristo, ^(G)na kayo'y magsihiwalay sa bawa't ^(H)kapatid ^(I)na lumalakad ng walang kaayusan, at hindi ayon ^(J)sa aral na tinanggap nila sa amin.

⁷ Sapagka't kayo rin ang nangakakaalam kung paano kami ay inyong dapat tularan: sapagka't kami ay ^(K)hindi nangagugali ng walang kaayusan sa inyo;

⁸ Ni nagsikain man kami ng walang bayad ng tinapay ng sinoman; kundi ^(L)sa pagpapagal at sa pagdaramdam na gumagawa gabi't araw, upang kami ay huwag maging pasanin sa kanino man sa inyo:

^9 (M)Hindi dahil sa kami ay walang karapatan, kundi upang kami ay mangakapagbigay sa inyo ng isang uliran, upang kami ay inyong tularan.

¹⁰ Sapagka't noon pa mang kami ay kasama ninyo, ay aming iniutos ito sa inyo, ^(N)Kung ang sinoman ay ayaw gumawa, ay huwag din namang kumain.

¹¹ Sapagka't aming nababalitaan ang ilan sa inyo na nagsisilakad ng walang kaayusan, na hindi man lamang nagsisigawa, kundi mga mapakialam sa mga bagay ng iba.

¹² Sa mga gayon nga ay aming iniuutos at ipinamamanhik sa Panginoong Jesucristo, na ^(O)sila'y magsigawang may katahimikan, at magsikain ng kanilang sariling tinapay.

¹³ Nguni't kayo, mga kapatid, huwag kayong mangapagod sa paggawa ng mabuti.

¹⁴ At kung ang sinoma'y hindi tumalima sa aming salita sa pamamagitan ng sulat na ito, inyong tandaan ang taong yaon, upang ^(P)huwag kayong makisama sa kaniya, nang siya'y mahiya.

¹⁵ At gayon ma'y ^(Q)huwag ninyong ariin siyang kaaway, kundi inyo siyang paalalahanan tulad sa kapatid.

¹⁶ Ngayon ang ^(R)Panginoon din ng kapayapaan ay magbigay nawa sa inyo ng kapayapaan sa buong panahon at sa lahat ng paraan. Ang Panginoon ay sumainyo nawang lahat.

^17 (S)Ang bati na sinulat ng aking sariling kamay, akong si Pablo, na siyang tanda sa bawa't sulat: gayon sumusulat ako.

¹⁸ Ang ^(T)biyaya ng ating Panginoong Jesucristo ay sumainyo nawang lahat.

Si Daniel ay nanaginip ng apat na hayop.

7 Nang unang taon ni ^(A)Belsasar na hari sa Babilonia, ay nagtaglay si Daniel ng isang panaginip at mga pangitain ng kaniyang ulo sa kaniyang higaan: nang magkagayo'y kaniyang isinulat ang panaginip, at isinaysay ang kabuoan ng mga bagay.

² Si Daniel ay nagsalita, at nagsabi, May nakita ako sa aking pangitain sa kinagabihan, at, narito, ^(B)ang apat na hangin ng langit ay nagsisihihip sa malaking dagat.

³ At apat na malaking hayop na magkakaiba ay ^(C)nagsiahon mula sa dagat,

⁴ Ang una'y ^(D)gaya ng leon, at may mga pakpak ng aguila: aking minasdan hanggang sa ang mga pakpak niyao'y nahugot, at ito'y nataas mula sa lupa, at pinatayo sa dalawang paa na gaya ng isang tao; at puso ng tao ang nabigay sa kaniya.

⁵ At, narito, ang ibang ^(E)hayop, na ikalawa, na gaya ng isang oso; at lumitaw sa isang tagiliran, at tatlong tadyang ang nasa kaniyang bibig sa pagitan ng kaniyang mga ngipin: at sinabi ng mga ito ang ganito sa kaniya, Bumangon ka, manakmal ka ng maraming laman.

⁶ Pagkatapos nito'y tumingin ako, at narito ang iba, gaya ng isang leopardo, na mayroon sa likod niyaon na apat na pakpak ng ibon; ang hayop ay mayroon din namang ^(F)apat na ulo; at binigyan siya ng kapangyarihan.

⁷ Pagkatapos nito'y may nakita ako sa pangitain sa gabi, at, narito, ^(G)ang ikaapat na hayop, kakilakilabot at makapangyarihan, at totoong malakas; at may ^(H)malaking mga ngiping bakal; nananakmal at lumuluray, at niyuyurakan ng kaniyang mga paa ang nalabi: at kaiba sa lahat na hayop na una sa kaniya; ^(I)at siya'y may sangpung sungay.

⁸ Aking pinagdilidili ang mga sungay, at, narito, sumibol sa gitna ng mga yaon ang ^(J)ibang sungay, isang munti, na sa harap niyao'y tatlo sa mga unang sungay ay nabunot sa mga ugat: at, narito, sa sungay na ito ay may mga mata na parang mga mata ^(K)ng tao, ^(L)at isang bibig na nagsasalita ng mga dakilang bagay.

⁹ Aking minasdan ^(M)hanggang sa ang mga luklukan ay nangaglagay, at ^(N)isa na matanda sa mga araw ay nakaupo: ^(O)ang kaniyang suot, maputing parang niebe, at ang buhok ng kaniyang ulo ay parang taganas na lana; ang kaniyang luklukan ay mga liab na apoy, at ang mga gulong ^(P)niyaon ay nagniningas na apoy.

¹⁰ Isang mabangis na sigalbo ay lumabas at nagmula sa harap niya: ^(Q)mga libo libo ang naglilingkod sa kaniya, at makasangpung libo na sangpung libo ang nagsitayo sa harap niya: ^(R)ang kahatulan ay nalagda, at ^(S)ang mga aklat ay nangabuksan.

¹¹ Ako'y tumingin nang oras na yaon dahil sa tinig ng mga dakilang salita na sinalita ng sungay; ako'y tumingin ^(T)hanggang sa ang hayop ay napatay, at ang kaniyang katawan ay nagiba, at siya'y nabigay upang sunugin sa apoy.

¹² At tungkol sa nalabi sa mga hayop, ang kanilang kapangyarihan ay naalis: gayon ma'y ang kanilang mga buhay ay humaba sa isang kapanahunan at isang panahon.

¹³ Ako'y nakakita sa pangitain sa gabi, at, narito, lumabas na kasama ng mga alapaap sa langit ang isang ^(U)gaya ng anak ng tao, at siya'y naparoon sa ^(V)matanda sa mga araw, at inilapit nila siya sa harap niya.

^14 (W)At binigyan siya ng kapangyarihan, at kaluwalhatian, at isang kaharian, upang ^(X)lahat ng mga bayan, bansa, at mga wika ay mangaglingkod sa kaniya: ^(Y)ang kaniyang kapangyarihan ay walang hanggang kapangyarihan, na hindi lilipas, at ang kaniyang kaharian ay hindi magigiba.

Ang panaginip ay ipinaliwanag.

¹⁵ Tungkol sa aking si Daniel, ang aking kalooban ay namanglaw sa loob ng aking katawan, at binagabag ako ng mga pangitain ng aking ulo.

¹⁶ Ako'y lumapit sa ^(Z)isa sa kanila na nakatayo, at itinanong ko sa kaniya ang katotohanan tungkol sa lahat na ito. Sa gayo'y kaniyang isinaysay sa akin, at ipinaaninaw niya sa akin ang kahulugan ng mga bagay.

¹⁷ Ang mga dakilang hayop na ito na apat, ay apat na hari, na magbabangon sa lupa.

¹⁸ Nguni't ang mga banal ng Kataastaasan ay magsisitanggap ng kaharian, at aariin^[a] ang kaharian magpakailan man, sa makatuwid baga'y magpakakailan-kailan man.

¹⁹ Nang magkagayo'y ninasa kong maalaman ang katotohanan tungkol sa ikaapat na hayop, na kaiba sa lahat ng yaon, na totoong kakilakilabot, na ang mga ngipin ay bakal, at ang mga kuko ay tanso; na nananakmal, lumalamuray, at niyuyurakan ng kaniyang mga paa ang nalabi;

²⁰ At tungkol sa sangpung sungay na nangasa kaniyang ulo, at ^(AA)sa isa na sumibol, at sa harap niyao'y nabuwal ang tatlo, sa makatuwid baga'y yaong sungay na may mga mata, at bibig na nagsalita ng dakilang mga bagay, na ang anyo ay lalong dakila kay sa kaniyang mga kasama.

²¹ Ako'y tumingin, at ang sungay ding ^(AB)yaon ay nakipagdigma sa mga banal, at nanaig laban sa kanila;

²² Hanggang sa ^(AC)ang matanda sa mga araw ay dumating, at ang kahatulan ay ibinigay sa mga banal, ng Kataastaasan; at ang panaho'y dumating na inari ng mga banal ang kaharian.

²³ Ganito ang sabi niya, Ang ikaapat na hayop ay magiging ikaapat na kaharian sa ibabaw ng lupa, na magiging kaiba sa lahat ng kaharian, at sasakmalin ang buong lupa, at yuyurakan, at pagluluraylurayin.

²⁴ At tungkol sa sangpung sungay, mula sa kahariang ito ay sangpung hari ang babangon: at ang isa'y babangong kasunod nila; at siya'y magiging kaiba kay sa mga una, at kaniyang ibabagsak ay tatlong hari.

²⁵ At siya'y magbabadya ng mga salita laban ^(AD)sa Kataastaasan, at lilipulin niya ang mga banal ng Kataastaasan; at ^(AE)kaniyang iisiping baguhin ang panahon at ang kautusan; at sila'y mangabibigay sa kaniyang kamay ^(AF)hanggang sa isang panahon, at mga panahon at kalahati ng isang panahon.

²⁶ Nguni't ang kahatulan ay matatatag, at kanilang aalisin ang kaniyang kapangyarihan, upang patayin at ibuwal hanggang sa wakas.

²⁷ At ang kaharian, at ang kapangyarihan, at ang kadakilaan ng mga kaharian sa silong ng buong langit, mabibigay sa bayan ng mga banal ng Kataastaasan: ^(AG)ang kaniyang kaharian ay walang hanggang kaharian, at ang lahat na kapangyarihan ay maglilingkod at tatalima sa kaniya.

²⁸ Narito ang wakas ng bagay. ^(AH)Tungkol sa aking si Daniel, ay binabagabag akong mabuti ng aking mga pagiisip, at ang aking pagmumukha ay nabago: nguni't iningatan ko ang bagay sa aking puso.

Ang pagliligtas ng Panginoon sa Israel mula sa Egipto.

Ang ibang mga Dios ay ipinaris sa Panginoon.