Beginning

^3 (C)“Ompe, Ayi Katonda akakalu k’onsaba.
    Ani omulala ayinza okunneeyimirira?
⁴ Ozibye emitima gyabwe obutategeera;
    noolwekyo toobakkirize kuwangula.
^5 (D)Omusajja avumirira mikwano gye olw’empeera
    alireetera amaaso g’abaana be okuziba.

^6 (E)“Katonda anfudde ekisekererwa eri buli omu,
    anfudde buli omu gw’afujjira amalusu mu maaso.
^7 (F)Amaaso gange gayimbadde olw’okunakuwala;
    omubiri gwange gwonna kaakano guli nga kisiikirize.
^8 (G)Abantu ab’amazima beesisiwala olwa kino;
    atalina musango agolokokedde ku oyo atatya Katonda.
^9 (H)Naye era abatuukirivu banaakwatanga amakubo gaabwe,
    n’abo ab’emikono emirongoofu baneeyongeranga amaanyi.

^10 (I)“Naye mukomeewo mwenna kaakano, mujje,
    naye siraba muntu mugezi mu mmwe!
^11 (J)Ennaku zange ziyise entegeka zange zoonoonese,
    era bwe kityo n’okwegomba kw’omutima gwange.
¹² Abantu bano ekiro bakifuula emisana;
    mu kizikiza mwennyini mwe bagambira nti, Ekitangaala kinaatera okujja.
^13 (K)Amagombe bwe gaba nga ge maka mwe nnina essuubi,
    bwe njala obuliri bwange mu kizikiza,
^14 (L)ne ŋŋamba amagombe nti, ‘Ggwe kitange,’
    era n’eri envunyu nti, ‘Ggwe mmange,’ oba nti, ‘Ggwe mwannyinaze,’
^15 (M)kale essuubi lyange liba ludda wa?
    Ani ayinza okuliraba?
^16 (N)Nalyo lirigenda eri enzigi z’emagombe
    Oba tuligenda ffenna mu nfuufu?”

^5 (Q)“Ddala etabaaza y’omukozi w’ebibi ezikidde,
    era n’omuliro gw’ekyoto kye tegukyayaka.
⁶ Ekitangaala kivudde mu weema ye;
    n’ettaala eri ku mabbali ge nayo ezikidde.
^7 (R)Amaanyi gamuwedde, ebigere bye tebikyali bya maanyi,
    era enkwe ze, ze zimusuula.
^8 (S)Eky’amazima ebigere bye byamusuula mu kitimba
    era n’atangatanga mu butimba.
⁹ Omutego gumukwata ekisinziiro;
    akamasu ne kamunyweeza.
¹⁰ Omuguwa gumukwekerwa mu ttaka;
    akatego kamulindirira mu kkubo lye.
^11 (T)Entiisa emukanga enjuuyi zonna
    era n’emugoba kigere ku kigere.
^12 (U)Emitawaana gimwesunga;
    ekikangabwa kirindiridde okugwa kwe.
^13 (V)Kirya ebitundu by’olususu lwe;
    omubereberye wa walumbe amulyako emikono n’ebigere.
^14 (W)Aggyibwa mu bukuumi bwa weema ye
    era n’atwalibwa eri kabaka w’ebikangabwa.
^15 (X)Omuliro gumalirawo ddala byonna eby’omu weema ye;
    ekibiriiti kyakira mu kifo mw’abeera.
^16 (Y)Emirandira gye gikala wansi,
    n’amatabi ge gakala waggulu.
^17 (Z)Ekijjukizo kye kibula ku nsi;
    talina linnya mu nsi.
^18 (AA)Agobebwa okuva mu kitangaala, agenda mu kizikiza
    n’aggyibwa mu nsi.
^19 (AB)Talina mwana wadde omuzzukulu mu bantu be,
    newaakubadde ekifo mwabeera.
^20 (AC)Abantu ab’ebugwanjuba beewuunya ebyamutuukako;
    n’ab’ebuvanjuba ne bakwatibwa ekikangabwa.
^21 (AD)Ddala bw’etyo bw’ebeera ennyumba y’omukozi w’ebibi;
    bwe gaba bwe gatyo amaka g’oyo atamanyi Katonda.”

^7 (AH)“Wadde nga nkaaba nti, ‘Mpisiddwa bubi,’ siddibwamu;
    ne bwe nkuba enduulu, tewali antaasa.
^8 (AI)Azibye ekkubo lyange sisobola kuyita;
    amakubo gange agalese mu kizikiza.
^9 (AJ)Anziggyeeko ekitiibwa kyange
    n’anziggyako n’engule ku mutwe gwange.
^10 (AK)Anjuzaayuza ku buli ludda okutuusa lwe watasigalawo kantu,
    asigula essuubi lyange ng’omuti.
^11 (AL)Obusungu bwe bumbubuukirako;
    ambala ng’omu ku balabe be.
^12 (AM)Amaggye ge galumba n’amaanyi;
    ganzimbako enkomera
    ne gagumba okwetooloola weema yange.

^13 (AN)“Anziggyeeko baganda bange;
    abo bwe twali tumanyiganye banviiriddeko ddala.
¹⁴ Ab’ekika kyange banviiriddeko ddala,
    mikwano gyange ginneerabidde.
¹⁵ Abagenyi bange n’abaweereza bange abawala, bampisa nga gwe batamanyi,
    ne bandaba nga munnagwanga.
¹⁶ Mpita omuddu wange naye tawulira,
    wadde nga mwegayirira n’akamwa kange.
¹⁷ Omukka gwange gwe nzisa, guwunyira bubi mukyala wange;
    nakyayibwa baganda bange bennyini.
^18 (AO)N’obulenzi obuto bunsekerera;
    buli lwe bundaba bunvuma.
^19 (AP)Mikwano gyange gyonna enfirabulago gya nkyawa;
    abo be nnayagalanga banneefuukira.
^20 (AQ)Siriiko bwe ndi wabula ndi ddiba na magumba:
    nsigazzaawo bibuno byokka.

²¹ “Munkwatirwe ekisa mikwano gyange, munkwatirwe ekisa,
    kubanga omukono gwa Katonda gunkubye.
^22 (AR)Lwaki munjigga nga Katonda bw’anjigga?
    Omubiri gwe mufunye tegumala?

^23 (AS)“Singa nno ebigambo byange byawandiikibwa,
    Singa byawandiikibwa ku muzingo, bandiguwadde ani?
²⁴ Singa byawandiikibwa n’ekyuma ku lubaati,
    oba okuwandiikibwa ku lwazi ne bibeerawo emirembe n’emirembe!
^25 (AT)Mmanyi nga Omununuzi wange mulamu,
    era nga ku nkomerero aliyimirira ku nsi.
^26 (AU)Era ng’olususu lwange bwe luweddewo,
    kyokka mu mubiri gwange ndiraba Katonda;
^27 (AV)nze mwene ndimulaba,
    n’amaaso gange, Nze, so si mulala.
    Emmeeme yange ng’eyaayaana munda mu nze!

²⁸ “Bwe mugamba nti, ‘Tujja kumuyigganya,
    kubanga ensibuko y’emitawaana eri mu ye;’
^29 (AW)nammwe bennyini musaana mutye ekitala.
    Kubanga obusungu buleeta okubonereza okw’ekitala,
    olwo mulyoke mumanye ng’eriyo okusalirwa omusango.”

⁴ “Ddala omanyi nga bwe byali okuva edda,
    okuva omuntu lwe yateekebwa ku nsi,
^5 (AY)nti Enseko z’omwonoonyi ziba z’akaseera katono,
    era n’essanyu ly’abatamanyi Katonda terirwawo.
^6 (AZ)Newaakubadde ng’amalala ge gatuuka ku ggulu
    n’omutwe gwe ne gutuuka ku bire,
^7 (BA)alizikirira emirembe n’emirembe nga empitambi ye:
    abo abamulaba babuuze nti, ‘Ali ludda wa?’
^8 (BB)Abulawo ng’ekirooto, n’ataddayo kulabika;
    abuzeewo ng’okwolesebwa kw’ekiro.
^9 (BC)Eriiso eryamulaba teririddayo kumulaba,
    taliddayo kulaba kifo kye nate.
^10 (BD)Abaana be basaana bakolagane n’abaavu,
    emikono gye gyennyini gye gisaana okuwaayo obugagga bwe.
^11 (BE)Amaanyi ag’ekivubuka agajjudde amagumba ge,
    ge ganaagalamiranga naye mu nfuufu.

¹² “Okukola ebibi kuwoomerera mu kamwa ke
    era akukweka wansi w’olulimi lwe,
^13 (BF)tayagala kukuleka,
    wadde okukuta era akukuumira mu kamwa ke.
¹⁴ Naye emmere ye erimwonoonekera mu byenda,
    era erifuuka butwa bwa nsweera munda ye.
¹⁵ Aliwandula eby’obugagga bye yamira;
    Katonda alireetera olubuto lwe okubisesema.
^16 (BG)Alinywa obutwa bw’ensweera;
    amannyo g’essalambwa galimutta.
^17 (BH)Alisubwa obugga,
    n’emigga egikulukuta n’omubisi gw’enjuki n’amata.
¹⁸ Bye yateganira alina okubiwaayo nga tabiridde;
    talinyumirwa magoba ga kusuubula kwe,
^19 (BI)kubanga yanyigiriza abaavu n’abaleka nga bakaaba,
    yawamba amayumba g’ataazimba.

^20 (BJ)“Ddala ddala talifuna kikkusa mululu gwe,
    wadde okuwonya n’ebyo bye yeeterekera.
^21 (BK)Tewali kimulekeddwawo ky’anaalya;
    obugagga bwe tebujja kusigalawo.
²² Wakati mu kufuna ebingi okulaba ennaku kumujjira;
    alibonaabonera ddala nnyo.
^23 (BL)Ng’amaze okujjuza olubuto lwe,
    Katonda alyoke amusumulurire obusungu bwe amukube ebikonde ebitagambika.
^24 (BM)Bw’alidduka ekyokulwanyisa eky’ekyuma,
    akasaale ak’ekikomo kalimufumita.
^25 (BN)Akasaale kaliviirayo mu mugongo gwe,
    omumwa gwako ogumasamasa gusikibwe mu kibumba.
Entiisa erimujjira.
^{26     (BO)}Ekizikiza ekikutte kye kirindiridde obugagga bwe.
Omuliro ogutazikira gwe gulimumalawo,
    gwokye ebisigadde mu weema ye.
^27 (BP)Eggulu liryolesa obutali butuukirivu bwe;
    ensi erimusitukirako n’emujeemera.
^28 (BQ)Ebintu by’ennyumba biritwalibwa,
    biribulira ku lunaku lw’obusungu bwa Katonda.
^29 (BR)Eyo y’engeri Katonda gy’asasulamu abakozi b’ebibi,
    nga gwe mugabo Katonda gwe yabategekera.”