Beginning

² Ye nga bw’alaba yeewaanawaana n’atasobola kutegeera
    oba okukyawa ekibi kye.
^3 (B)Ebigambo ebiva mu kamwa ke biba bibi era nga bya bulimba;
    takyalina magezi era takyakola birungi.
^4 (C)Ne ku kitanda kye afumiitiriza ebibi by’anaakola;
    amalirira okutambuliranga mu kkubo ekyamu,
    era ebitali bituufu tabyewala.

⁵ Okwagala kwo, Ayi Mukama, kutuuka ne ku ggulu;
    obwesigwa bwo butuuka ku bire.
^6 (D)Obutuukirivu bwo bugulumivu ng’agasozi aganene,
    n’obwenkanya bwo buwanvu nnyo ng’ennyanja ennene ennyo.
Ayi Mukama, olabirira abantu n’ebisolo.
^{7     (E)}Okwagala kwo okutaggwaawo nga tekugeraageranyizika.
Ab’ebitiibwa n’abatali ba bitiibwa
    baddukira mu biwaawaatiro byo.
^8 (F)Balya ku bingi eby’omu nnyumba yo ne bakkuta;
    obawa ebyokunywa by’omugga gwo ogwesiimisa.
^9 (G)Kubanga gw’olina ensulo ey’obulamu,
    era gw’otwakiza omusana.

¹⁰ Yongeranga okwagala abo abakutegeera,
    era n’obutuukirivu bwo eri abo abalina emitima emirongoofu.
¹¹ Ab’amalala baleme okunninnyirira,
    wadde ababi okunsindiikiriza.
^12 (H)Laba, ababi nga bwe bagudde!
    Basuuliddwa wansi era tebasobola na ku golokokawo.

^3 (K)Weesigenga Mukama okolenga bulungi,
    onoobeeranga n’emirembe mu nsi n’ofuna ebirungi.
^4 (L)Sanyukiranga mu Mukama,
    anaakuwanga omutima gwo bye gwetaaga.

^5 (M)By’okola byonna byesigamyenga ku Mukama;
    mwesigenga, anaakukoleranga ky’oyagala.
^6 (N)Anaayolekanga obutuukirivu bwo ng’omusana,
    n’obwenkanya bw’ebikolwa byo ne bwakaayakana ng’enjuba ey’omu ttuntu.

^7 (O)Siriikirira awali Mukama,
    ogumiikirize ng’olindirira ky’anaakola.
    Tofangayo ng’abalala bafunye ebirungi nga bayita mu kutetenkanya kwabwe okubi.

^8 (P)Tonyiiganga era weewale ekiruyi;
    teweeraliikiriranga kubanga bivaamu bibi byereere.
^9 (Q)Kubanga ababi balisalibwako,
    naye abeesiga Mukama baligabana ensi.

^10 (R)Wanaayitawo akabanga katono ababi baggweerewo ddala;
    wadde mulibanoonya temulibalabako.
^11 (S)Naye abateefu baligabana ensi
    ne beeyagalira mu ddembe eritatendeka.

^12 (T)Ababi basalira abatuukirivu enkwe,
    ne babalumira obujiji.
^13 (U)Naye Mukama asekerera ababi,
    kubanga amanyi ng’entuuko zaabwe ziri kumpi.

^14 (V)Ababi basowoddeyo ebitala byabwe
    ne baleega emitego gy’obusaale,
batte abaavu n’abali mu kwetaaga
    era basaanyeewo abo abatambulira mu kkubo eggolokofu.
^15 (W)Naye ebitala byabwe birifumita mitima gyabwe gyennyini,
    n’emitego gyabwe egy’obusaale girimenyebwa.

^16 (X)Ebitono omutuukirivu by’alina
    bisinga obugagga bw’ababi abangi;
^17 (Y)kubanga amaanyi g’abakola ebibi galikoma,
    naye Mukama anaawaniriranga abatuukirivu.

^18 (Z)Ennaku z’abataliiko kya kunenyezebwa, zimanyibwa Mukama,
    era omugabo gwabwe gunaabanga gwa lubeerera.
¹⁹ Mu biseera eby’akabi ebyakatyabaga tebaayongoberenga,
    ne mu biro eby’enjala banakkusibwanga.

^20 (AA)Naye ababi balizikirira;
    abalabe ba Mukama balifaanana ng’obulungi bwe ttale,
    era baliggwaawo, baliggwaawo ng’omukka.

^21 (AB)Ababi beewola, ne batasasula;
    naye abatuukirivu basaasira era bagaba bingi.
^22 (AC)Abo Mukama b’awa omukisa baligabana ensi,
    naye abo b’akolimira balizikirizibwa.

^23 (AD)Mukama bw’asanyukira ekkubo ly’omuntu,
    aluŋŋamya entambula ye.
^24 (AE)Ne bw’aneesittalanga, taagwenga wansi,
    kubanga omukono gwa Mukama gumuwanirira.

^25 (AF)Nnali muto kati nkaddiye,
    naye sirabanga batuukirivu nga balekeddwa ttayo,
    wadde abaana baabwe nga basabiriza ekyokulya.
^26 (AG)Bagaba bingi bulijjo, era baazika ku byabwe n’essanyu.
    Abaana baabwe banaaweebwanga omukisa.

^27 (AH)Muve mu bibi, mukolenga ebirungi,
    munaabanga balamu emirembe gyonna.
^28 (AI)Kubanga Mukama ayagala ab’amazima,
    n’abeesigwa be taabaabulirenga.
Banaalabirirwanga emirembe gyonna;
    naye ezzadde ly’ababi lirizikirizibwa.
^29 (AJ)Abatuukirivu baligabana ensi
    ne babeeranga omwo emirembe gyonna.

³⁰ Akamwa k’omutuukirivu koogera bya magezi,
    n’olulimi lwe lwogera bya mazima.
^31 (AK)Amateeka ga Katonda we gali mu mutima gwe,
    era ebigere bye tebiseerera.

^32 (AL)Omubi ateega omutuukirivu
    ng’anoonya okumutta,
^33 (AM)naye Mukama taliganya babi kuwangula,
    wadde okukkiriza abatuukirivu okusingibwa omusango.

^34 (AN)Lindirira Mukama n’okugumiikiriza,
    otambulirenga mu makubo ge;
naye alikugulumiza n’akuwa ensi;
    ababi bwe balisalirwako olikitegeera.

^35 (AO)Nalaba omuntu omubi era omukambwe ennyo, naye nga buli ky’akola kimugendera bulungi,
    ng’agimuse ng’omuti ogukulidde mu ttaka eggimu,
^36 (AP)naye teyalwawo n’abula,
    ne mmumagamaga buli wantu, nga talabikako.

^37 (AQ)Tunuulira omuntu ataliiko kya kunenyezebwa, wekkaanye oyo omulongoofu;
    obulamu bwe bunajjulanga emirembe.
^38 (AR)Naye aboonoonyi bonna balizikirizibwa;
    ezzadde ly’ababi lirisaanyizibwawo.

^39 (AS)Obulokozi bw’abatuukirivu buva eri Mukama;
    ye ky’ekigo kyabwe ekinywevu gye baddukira mu kiseera eky’emitawaana.
^40 (AT)Mukama abayamba n’abalokola;
    abaggya mu mikono gy’ababi n’abalokola,
    kubanga gy’ali gye baddukira.

^5 (AY)Ebiwundu byange bitanye era biwunya,
    olw’okwonoona kwange okw’obusirusiru.
^6 (AZ)Nkootakoota era mpweddemu ensa,
    ŋŋenda nsinda obudde okuziba.
^7 (BA)Omugongo gunnuma nnyo,
    ne mu mubiri gwange temukyali bulamu.
^8 (BB)Sikyalimu maanyi era nzenna mmenyesemenyese;
    nsinda buli bbanga olw’obulumi mu mutima.

^9 (BC)Mukama, bye neetaaga byonna obimanyi,
    n’okusinda kwange okuwulira.
^10 (BD)Omutima gumpejjawejja, amaanyi gampweddemu;
    n’okulaba sikyalaba.
^11 (BE)Mikwano gyange ne be nayitanga nabo banneewala olw’amabwa gange;
    ne bannange tebakyansemberera.
^12 (BF)Abaagala okunzita bantega emitego,
    n’abo abangigganya bateesa okummalawo.
    Buli bbanga baba bateesa kunkola kabi.

¹³ Ndi ng’omuggavu w’amatu, atawulira;
    nga kiggala, atayogera.
¹⁴ Nfuuse ng’omuntu atalina ky’awulira,
    atasobola kwanukula.
^15 (BG)Ddala ddala nnindirira ggwe, Ayi Mukama,
    onnyanukule, Ayi Mukama Katonda wange.
^16 (BH)Tobakkiriza kunneeyagalirako,
    oba okunneegulumirizaako ng’ekigere kyange kiseeredde.

¹⁷ Kubanga nsemberedde okugwa,
    era nga nnumwa buli kiseera.
^18 (BI)Ddala ddala njatula ebyonoono byange;
    nnumirizibwa ekibi kyange.
^19 (BJ)Abalabe bange bangi era ba maanyi;
    n’abo abankyayira obwereere bangi nnyo.
^20 (BK)Abalabe bange bankyawa olw’okuba omulongoofu,
    era bwe nkola ebirungi banjogerako ebitasaana.

^21 (BL)Ayi Mukama, tonjabulira;
    tobeera wala nange, Ayi Katonda wange.
^22 (BM)Ayi Mukama Omulokozi wange,
    yanguwa okumbeera.

^4 (BP)“Ayi Mukama, ntegeeza entuuko zange nga bwe ziriba,
    n’ennaku ze nsigazza;
    ommanyise ebiseera byange mu bulamu buno bwe biri ebimpi ennyo.”
^5 (BQ)Ennaku z’obulamu bwange wazitegeka ziri ng’oluta.
    Obungi bw’emyaka gyange tobulabamu kantu.
    Buli muntu, mukka bukka.

^6 (BR)Ddala ddala omuntu ku nsi ali ng’ekisiikirize.
    Atawaana mu kino ne mu kiri, naye byonna butaliimu.
    Akuŋŋaanya obugagga, so nga tamanyi agenda kubutwala.

^7 (BS)Naye kaakano, Ayi Mukama, nnoonya ki? Essuubi lyange liri mu ggwe.
^8 (BT)Ondokole mu bibi byange byonna,
    abasirusiru baleme okunsekerera.
^9 (BU)Nasirika busirisi, saayasamya kamwa kange;
    kubanga kino ggwe wakikola.
^10 (BV)Olekere awo okunkuba,
    emiggo gy’onkubye giyitiridde!
^11 (BW)Onenya omuntu ng’omukangavvula olw’ekibi kye ky’akola,
    omumaliramu ddala ensa, ng’ennyenje bw’ekola olugoye.
    Ddala omuntu mukka bukka.

^12 (BX)Ayi Mukama, wulira okusaba kwange,
    owulire okukaaba kwange onnyambe.
    Tonsiriikirira nga nkukaabirira.
Kubanga ndi mugenyi bugenyi, omutambuze,
    nga bajjajjange bonna bwe baali.
^13 (BY)Ndeka nsanyukemu, nga sinnava mu nsi muno,
    ne mbulirawo ddala.