Beginning

¹⁰ “Kyenva ŋŋamba nti, Mumpulirize,
    nange mbabuulire kye mmanyi.
¹¹ Nassizzaayo omwoyo nga mwogera,
    nawulirizza ensonga ze mwawadde nga munoonya eby’okwogera.
¹² Nabawulirizza bulungi.
Kyokka tewali n’omu ku mmwe yalaze Yobu bw’ali omukyamu;
    tewali n’omu ku mmwe eyayanukudde ebigambo bye.
^13 (F)Mwegendereze temugamba nti, ‘Tusanze omuntu ow’amagezi;
    muleke Katonda amuwangule so si bantu.’
¹⁴ Kyokka Yobu ebigambo bye tabyolekezza nze,
    era sijja kumuddamu na bigambo byammwe.

¹⁵ “Basobeddwa, tebalina kya kwogera,
    ebigambo bibaweddeko.
¹⁶ Kaakano nsirike busirisi,
    nga bayimiridde buyimirizi, nga tebalina kye boogera?
¹⁷ Nange nnina eky’okwogera,
    era nnaayogera kye mmanyi,
¹⁸ kubanga nzijjudde ebigambo,
    era omwoyo ogwange gumpaliriza okwogera.
¹⁹ Munda mu nze omutima guli nga wayini, asaanikiddwa mu ccupa,
    ng’amaliba amaggya agalindiridde okwabika.
²⁰ Nteekwa okwogera, nsobole okufuna eddembe,
    nteekwa okwasamya akamwa kange mbeeko kye njogera.
^21 (G)Sijja kubaako gwe nkwatirwa nsonyi,
    era sijja na kuwaana muntu yenna.
²² Kubanga singa mpaaniriza,
    Omutonzi wange yandyanguye okunziggyawo.”
33 ^(H)“Kaakano ggwe Yobu, wuliriza ebigambo byange:
    ssaayo omwoyo ku byonna bye njogera.
² Laba nnaatera okwasamya akamwa kange,
    ebigambo byange bindi ku lulimi.
^3 (I)Ebigambo byange biva mu mutima omulongoofu;
    olulimi lwange, mu bwesimbu, lwogera bye mmanyi.
^4 (J)Omwoyo wa Katonda ye yankola,
    era omukka gw’oyo Ayinzabyonna gumpa obulamu.
^5 (K)Onnyanukule nno bw’oba osobola,
    teekateeka ebigambo byo onjolekere.
^6 (L)Laba, nange ndi ggwe mu maaso ga Katonda.
    Nange nava mu bbumba.
^7 (M)Tobaako ky’otya,
    sijja kukunyigiriza.
⁸ Ddala ddala oyogedde mpulira,
    ebigambo byennyini mbiwulidde ng’ogamba nti,
^9 (N)Ndi mulongoofu sirina kibi,
    siriiko musango so mu nze temuli butali butuukirivu.
^10 (O)Kyokka Katonda anteekako omusango,
    anfudde omulabe we.
^11 (P)Asiba ebigere byange mu nvuba,
    antwala okuba omulabe we.

^12 (Q)“Naye leka nkubuulire, mu kino toli mutuufu.
    Katonda asinga omuntu.
^13 (R)Lwaki omwemulugunyiza nti,
    taddamu bigambo bya muntu yenna?
^14 (S)Kubanga Katonda ayogerera mu ngeri emu, n’awalala n’ayogerera mu ngeri endala,
    wadde ng’omuntu tassaayo mwoyo.
^15 (T)Mu kirooto mu kwolesebwa ekiro
    ng’otulo tungi tukutte abantu
    nga beebase ku bitanda byabwe,
^16 (U)aggula amatu g’abantu,
    n’abalabula n’ebyekango,
¹⁷ alyoke akyuse omuntu okumuggya mu bikolwa ebibi
    n’amalala,
^18 (V)aziyize emmeeme ye okukka mu bunnya,
    n’obulamu bwe buleme okuzikirira n’ekitala.

^19 (W)“Omuntu ayinza okubonerezebwa, olumbe ne lumulumira ku kitanda kye,
    n’alumwa olutatadde mu magumba ge,
^20 (X)obulamu bwe ne bwetamira ddala emmere,
    emmeeme ye n’ekyayira ddala ebyassava.
^21 (Y)Omubiri gwe gugwako ku magumba,
    n’amagumba ge ne gafubutukayo gye gaali geekwese,
^22 (Z)emmeeme ye n’esembera kumpi n’obunnya;
    obulamu bwe ne bulaga eri abo abaleeta okufa.
^23 (AA)Singa wabaawo malayika ku ludda lwe,
    amuwolereza, omu ku lukumi,
    okubuulira omuntu ekigwanidde;
^24 (AB)yandimukwatiddwa ekisa n’amugamba nti,
    ‘Muwonye aleme kusuulibwa magombe,
    mmusasulidde omutango,’
^25 (AC)omubiri gwe guzzibwa buggya ng’ogw’omwana omuwere,
    era guddayo ne gubeera nga bwe gwali mu nnaku ze ez’obuvubuka.
^26 (AD)Omuntu asaba Katonda, Katonda n’amukwatirwa ekisa.
    Alaba amaaso ga Katonda n’ajaguza n’essanyu,
    Katonda n’amuddiza nate ekifo kye eky’obutuukirivu.
^27 (AE)Awo omuntu n’akomawo eri abantu n’abagamba nti,
    Nayonoona, ne nkola ekyo ekitaali kirungi,
    naye ne sibonerezebwa nga bwe kyali kiŋŋwanidde.
^28 (AF)Yanunula emmeeme yange n’amponya okukka mu bunnya;
    kyenaava mbeera omulamu ne nsigala nga mpoomerwa ekitangaala.

^29 (AG)“Bw’atyo Katonda bw’akola omuntu
    emirundi ebiri oba esatu,
^30 (AH)okuzza emmeeme ye ng’agiggya emagombe,
    ekitangaala eky’obulamu kimwakire.

³¹ “Yobu, weetegereze nnyo, ompulirize;
    siriikirira nkubuulire.
³² Bw’oba ng’olina eky’okwogera kyonna, nziraamu;
    yogera kubanga njagala wejjeerere.
^33 (AI)Bwe kitaba kityo, mpuliriza;
    sirika nange nnaakuyigiriza amagezi.”

^5 (AL)“Yobu agamba nti, ‘Siriiko musango,
    naye Katonda agaanye okusala omusango gwange mu mazima.
^6 (AM)Wadde nga ndi mutuufu,
    ntwalibwa okuba omulimba,
wadde nga siriiko musango,
    akasaale ke kanteseeko ekiwundu ekitawonyezeka.’
^7 (AN)Musajja ki ali nga Yobu,
    anywa okunyoomebwa ng’anywa amazzi?
^8 (AO)Atambula n’abakozi b’ebibi,
    mukwano gw’abo abakola ebitali bya butuukirivu.
^9 (AP)Kubanga agambye nti, ‘Omuntu talina kyaganyulwa
    bw’agezaako okusanyusa Katonda.’
^10 (AQ)Noolwekyo mumpulirize mmwe abasajja abalina okutegeera.
    Kikafuuwe Katonda okukola ebibi,
    wadde Ayinzabyonna okukola ebikyamu.
^11 (AR)Asasula omuntu olw’ekyo ky’aba akoze;
    n’amutuusaako ebyo ebimusaanidde olw’empisa ze.
^12 (AS)Weewaawo amazima gali nti, Katonda tasobya.
    Ayinzabyonna tasaliriza musango.
^13 (AT)Obuyinza yabuggya eri ani okukulembera ensi?
    Ani eyamuwa olukusa okufuga ensi yonna?
^14 (AU)Singa asalawo n’atwala omwoyo gw’omuntu
    awamu n’omukka gwe,
^15 (AV)abantu bonna bandizikiriridde wamu,
    era omuntu yandizzeeyo mu nfuufu.

¹⁶ “Bw’oba olina okutegeera, wuliriza kino;
    wuliriza kye ŋŋamba.
^17 (AW)Oyo atayagala bwenkanya asobola okufuga?
    Onoosalira abatuukirivu n’oyo ow’amaanyi omusango?
^18 (AX)Oyo si ye agamba bakabaka nti, ‘Tolina mugaso,’
    n’abakungu nti, ‘Oli mukozi wa bibi,’
^19 (AY)atattira balangira ku liiso
    era nga tafa ku bagagga kusinga bw’afa ku baavu,
    kubanga egyo gye mirimu gy’emikono gye?
^20 (AZ)Mu kaseera buseera baba bafiiridde wakati mu ttumbi.
    Abantu banyeenyezebwa ne baggyibwawo.
    Abo ab’amaanyi batwalibwa n’omukono ogutali gw’abantu.

^21 (BA)“Amaaso ge gatunuulira amakubo g’abantu;
    atunuulira buli kigere kye batambula.
^22 (BB)Teri kifo kikwafu wadde ekisiikirize eky’amaanyi,
    ababi gye bayinza okwekweka.
^23 (BC)Katonda teyeetaaga kwongera kwekebejja bantu
    okulabika mu maaso ge okusalirwa omusango.
^24 (BD)Awatali kwebuuza ku muntu yenna, amenyaamenya ab’amaanyi
    n’ateekawo abalala mu kifo kyabwe.
²⁵ Olw’okubanga amanyi ebikolwa byabwe,
    abamalamu amaanyi ekiro ne babetentebwa.
²⁶ Ababonereza olw’ebikolwa byabwe ebibi
    abantu bonna nga balaba,
^27 (BE)kubanga baamuvaako ne balekeraawo okumugoberera
    ne bataddayo kufaayo n’akatono ku makubo ge gonna.
^28 (BF)Baleetera abaavu okukaaba, ne kumutuukako
    era n’awulira okukaaba kw’abanyigirizibwa.
²⁹ Naye bw’asalawo obutabaako ky’ayogera, ani ayinza okumunenya?
    Bwakweka amaaso ge ani ayinza okumulaba?
Eggwanga n’omuntu abalinako obuyinza bwe bumu;
^{30     (BG)}aziyiza omuntu atatya Katonda okufuga,
    aleme okutega abantu emitego.

³¹ “Singa omuntu agamba Katonda nti,
    gunsinze, sikyaddayo kwonoona,
^32 (BH)kye sitegeera kinjigirize,
    bwe mba nga nsobezza sikyaddayo kukikola,
^33 (BI)olwo Katonda akuddemu nga bw’oyagala,
    akuleke ng’ogaanye okwenenya?
Kaakano ggwe olina okusalawo, so sinze;
    noolwekyo mbuulira ggwe ky’omanyi.

³⁴ “Abantu abalina okutegeera mumbuulire,
    abasajja abagezi abawulira muntegeeze,
^35 (BJ)‘Yobu ayogeza butamanya
    ebigambo bye tebiriimu kwolesebwa.’
^36 (BK)Singa Yobu agezesebbwa okutuusa ku nkomerero,
    olw’okwogera ng’abasajja abakozi b’ebibi!
^37 (BL)Kubanga ku kibi kye ayongeddeko obujeemu,
    n’akuba mu ngalo wakati mu ffe,
    n’ayongera okwogera ng’awakanya Katonda.”