Beginning

^4 (D)“Wali ludda wa nga nteekawo emisingi gy’ensi?
    Mbuulira bw’oba otegeera.
^5 (E)Ani eyasalawo ebipimo byayo? Ddala oteekwa okuba ng’omanyi!
    Oba ani eyagipima n’olukoba?
^6 (F)Entobo zaayo zaateekebwa ku ki?
⁷ Emunyeenye ez’oku makya bwe zaali ziyimba,
    era n’abaana ba Katonda bonna nga baleekaana olw’essanyu,
^8 (G)ani eyasiba enzigi n’aggalira ennyanja,
    bwe yava mu lubuto lwayo?

⁹ “Bwe nakolera ebire ekyambalo kyabyo,
    ne mbisibira mu kizikiza ekikwafu,
^10 (H)bwe n’abiteekerawo we bikoma
    ne mbiteerako emitayimbwa n’enzigi,
^11 (I)bwe nagamba nti, Wano we mutuuse we munaakoma temujja kweyongerayo,
    era wano amayengo gammwe ag’amalala we ganaakoma?

¹² “Oba wali olagidde ku budde okukya kasookedde obaawo ku nsi,
    oba emmambya okugiraga ekifo kyayo,
^13 (J)eryoke ekwate ensi w’ekoma
    eginyeenye esuule eri ababi bagiveeko bagwe eri?
¹⁴ Ensi eggyayo ebyafaayo byayo n’eba ng’ebbumba wansi w’akabonero,
    ebyafaayo ebyo ne byefaananyiriza olugoye.
^15 (K)Abakozi b’ebibi bammibwa ekitangaala kyabwe,
    n’omukono gwabwe gwe bayimusa gumenyebwa.

^16 (L)“Wali otuuseeko ku nsulo ennyanja w’esibuka,
    oba n’olaga mu buziba bw’ennyanja?
^17 (M)Wali obikuliddwa enzigi z’emagombe?
    Oba wali olabye enzigi z’ekisiikirize ky’okufa?
^18 (N)Wali otegedde obugazi bw’ensi?
    Byogere, oba bino byonna obimanyi.

¹⁹ “Ekkubo eridda mu nnyumba omusana gye gusula liri ludda wa?
    N’ekifo ekizikiza gye kisula kye kiruwa?
^20 (O)Ddala, osobola okubitwala gye bibeera?
    Omanyi ekkubo erigenda gye bisula?
^21 (P)Ddala oteekwa okuba ng’obimanyi,
    kubanga wali wazaalibwa dda!

^22 (Q)“Wali oyingidde amazzi agakwata mu butiti, gye gaterekebwa,
    oba wali olabye omuzira gye guterekebwa?
^23 (R)Bye nterekera ebiseera eby’emitawaana,
    bikozesebwe mu nnaku ez’entalo n’okulwana?
²⁴ Kkubo ki erituusa ekitangaala ky’omusana gye kisaasaanira,
    oba empewo ey’ebuvanjuba gy’esaasaanira ku nsi?
^25 (S)Ani akubira amataba emikutu mwe ganaayita,
    oba ekkubo eggulu eribwatuka mwe liyita?
^26 (T)Ani atonnyesa enkuba mu nsi abantu mwe batabeera,
    eddungu omutali muntu yenna,
^27 (U)n’okufukirira ettaka eryalekebwa awo, eryazika,
    n’okulimezaako omuddo?
^28 (V)Enkuba erina kitaawe waayo?
    Ani azaala amatondo ag’omusulo?
^29 (W)Omuzira guva mu lubuto lw’ani?
    Ani azaala obutiti obukwafu obw’omu ggulu,
^30 (X)amazzi mwe gakwatira ne gakaluba ng’amayinja,
    ne kungulu kw’obuziba ne kukwata?

^31 (Y)“Oyinza okuziyiza okwakaayakana kwa Kakaaga,
    oba okutaggulula enkoba za Ntungalugoye?
³² Oyinza okufulumya emunyeenye ziveeyo zaake ng’ekiseera kyazo kituuse,
    oba okuluŋŋamya eddubu n’abaana balyo?
^33 (Z)Omanyi amateeka n’obufuzi bw’eggulu?
    Oyinza okuteekawo obufuzi bw’alyo oba obwa Katonda ku nsi?

^34 (AA)“Oyinza okuyimusa eddoboozi lyo oleekaanire ebire,
    olyoke obiggyemu amataba gakubikke?
^35 (AB)Ggwe otuma eggulu limyanse era libwatuke?
    Lisobola okukweyanjulira nti, ‘Tuutuno tuli wano’?
^36 (AC)Ani eyateeka amagezi mu mutima gw’omuntu,
    oba eyateeka okutegeera mu mmeeme?
³⁷ Ani alina amagezi agabala ebire?
    Ani ayinza okuwunzika ebibya by’amazzi eby’omu ggulu,
³⁸ enfuufu ng’efuuse ettaka ekkalu,
    era amafunfugu ne geegattira ddala?

^39 (AD)“Empologoma enkazi, oyinza okugiyiggira ky’eneerya,
    oba okuliisa empologoma n’ozimalako enjala,
^40 (AE)bwe zeezinga mu mpuku zaazo,
    oba bwe zigalamira nga ziteeze mu bisaka?
^41 (AF)Ani awa namuŋŋoona emmere,
    abaana baayo bwe bakaabirira Katonda,
    nga batambulatambula nga babuliddwa emmere?”
39 ^(AG)“Omanyi ebiro embuzi z’oku nsozi mwe zizaalira?
    Oba oyinza okumanya empeewo we ziwakira?
² Oyinza okubala emyezi gye zimala zizaale?
    Omanyi obudde mwe zizaalira?
³ Zikutama ne zizaala abaana baazo,
    ne ziwona obulumi bw’okuzaala.
⁴ Abaana baazo bakula ne bagejjera ku ttale,
    batambula ne bagenda obutadda.

^5 (AH)“Ani eyaleka entulege okwetambulira mu ddembe lyayo?
    Ani eyasumulula emiguwa gyayo,
^6 (AI)gye nawa ensi ey’omuddo okuba amaka gaayo,
    n’ensi ey’omunnyo okubeerangamu?
^7 (AJ)Esekerera oluyoogaano lw’ekibuga,
    tewuliriza kulekaana kw’abavuzi ba bidduka.
⁸ Ebuna ensozi, ly’eddundiro lyayo,
    ng’enoonya ekintu kyonna ekibisi.

^9 (AK)“Embogo eyinza okukkiriza okuba omuweereza wo,
    n’esula ekiro mu kisibo kyo?
¹⁰ Oyinza okugisiba ku muguwa n’ogirimisa olubimbi?
    Eyinza okukuvaako emabega ng’erima mu kiwonvu.
¹¹ Oyinza okugyesiga olw’amaanyi gaayo amangi?
    Oyinza okugirekera emirimu gyo egy’amaanyi?
¹² Oyinza okugyesiga okukuleetera emmere yo ey’empeke,
    oba okukuleetera eŋŋaano mu gguuliro lyo?

¹³ “Ebiwaawaatiro bya maaya bisanyusa nga byewujja,
    naye ebiwaawaatiro n’ebyoya bya kalooli tebiraga kisa.
¹⁴ Kubanga emaaya ebiika amagi gaayo ku ttaka,
    n’egaleka ne gabugumira mu musenyu,
¹⁵ ne yeerabira nti, ekigere kisobola okugaasa,
    era nga ensolo ey’omu nsiko eyinza okugalinnya.
^16 (AL)Obwana bwayo ebuyisa bubi ng’obutali bwayo
    gy’obeera nti, yazaalira bwereere.
^17 (AM)Kubanga Katonda teyagiwa magezi
    wadde okutegeera.
¹⁸ Ate bw’eyanjuluza ebiwaawaatiro byayo edduke
    esoomooza embalaasi n’omugoba waayo.

¹⁹ “Embalaasi ggwe ogiwa amaanyi,
    oba ggwe oyambaza ensingo yaayo obwoya obwewumba?
^20 (AN)Ggwe ogisobozesa okubuuka ng’enzige
    n’ekanga n’okukaaba kwayo okw’entiisa?
^21 (AO)Etakula ettaka mu kiwonvu, nga yeeyagala olw’amaanyi gaayo,
    n’eryoka efuluma okusisinkana abalwanyi abakutte ebyokulwanyisa.
²² Esekerera okutya, n’eteba na kigitiisa.
    Ekitala tekigitiisa kugizza mabega.
²³ Omufuko ogujjudde obusaale gwesuukundira ku lubuto lwayo,
    awamu n’effumu erimasamasa, n’akasaale.
^24 (AP)Mu busungu obungi emira ettaka,
    tesobola kusigala mu kifo kimu ng’ekkondeere livuze.
^25 (AQ)Ekkondeere bwe livuga n’egamba nti, ‘Awo!’
    N’ewunyiriza olutalo olukyali ewala,
    n’ewulira n’okuleekaana kwa baduumizi b’amaggye.

²⁶ “Amagezi go ge gabuusa kamunye,
    n’ayanjuluza ebiwaawaatiro bye e bukiikaddyo?
^27 (AR)Ggwe olagira empungu okubuukira ewala mu bbanga,
    era n’ezimba n’ekisu kyayo waggulu ennyo?
²⁸ Ku lwazi kw’ezimba amaka gaayo ekiro n’esula okwo,
    ku lwazi olunywevu olutabetentebwa.
^29 (AS)Eyo gy’ekettera omuyiggo gw’eneerya,
    eriiso lyayo ligulengerera wala.
^30 (AT)Obwana bwayo bunywa omusaayi,
    era awali emirambo w’ebeera.”