Revised Common Lectionary (Semicontinuous)

Ang kapalaran ng katakutan sa Panginoon. Awit sa mga Pagsampa.

Ang Israel ay babaguhin alangalang sa Panginoon.

²² Kaya't sabihin mo sa sangbahayan ni Israel, Ganito ang sabi ng Panginoong Dios; ^(A)Hindi ko ginawa ito dahil sa inyo, Oh sangbahayan ni Israel, ^(B)kundi dahil sa aking banal na pangalan, na inyong nilapastangan sa mga bansa na inyong pinaroonan.

²³ At aking babanalin ang aking dakilang pangalan, na nalapastangan sa mga bansa, na inyong nilapastangan sa gitna nila; at malalaman ng mga bansa na ako ang Panginoon, sabi ng Panginoong Dios, pagka ako'y ^(C)aariing banal sa inyo sa harap ng kanilang mga mata.

²⁴ Sapagka't aking kukunin ^(D)kayo sa mga bansa, at pipisanin ko kayo na mula sa lahat ng lupain, at dadalhin ko kayo sa inyong sariling lupain.

²⁵ At ^(E)ako'y magwiwisik ng malinis na tubig sa inyo, at kayo'y magiging malinis: sa buo ninyong karumihan, at sa lahat ninyong mga diosdiosan, lilinisin ko kayo.

²⁶ Bibigyan ko rin naman kayo ng bagong ^(F)puso, at lalagyan ko ang loob ninyo ng bagong diwa; at ^(G)aking aalisin ang batong puso sa inyong katawan, at aking bibigyan kayo ng pusong laman.

²⁷ At ^(H)aking ilalagay ang aking Espiritu sa loob ninyo, at palalakarin ko kayo ng ayon sa aking mga palatuntunan, at inyong iingatan ang aking mga kahatulan, at isasagawa.

²⁸ At kayo'y magsisitahan sa lupain na ibinigay ko sa inyong mga magulang; at ^(I)kayo'y magiging aking bayan, at ako'y magiging inyong Dios.

²⁹ At lilinisin ko kayo sa lahat ninyong karumihan: at aking patutubuin ang trigo, at aking pararamihin, at hindi na ako magpaparating ng kagutom sa inyo.

³⁰ At aking pararamihin ang bunga ng punong kahoy, at ang ani sa bukid, upang huwag na kayong tumanggap pa ng kadustaan ng kagutom sa mga bansa.

^31 (J)Kung magkagayo'y inyong maaalaala ang inyong mga masamang lakad, at ang inyong mga gawa na hindi mabuti; at ^(K)kayo'y mayayamot sa inyong sarili sa inyong paninging sarili, dahil sa inyong mga kasamaan at dahil sa inyong mga kasuklamsuklam.

³² Hindi dahil sa inyo ginagawa ko ^(L)ito, sabi ng Panginoong Dios, tantuin ninyo: kayo'y mangahiya at mangalito dahil sa inyong mga lakad, Oh sangbahayan ni Israel.

⁵³ Ang bawa't tao'y umuwi sa kanikaniyang sariling bahay:

8 Datapuwa't si Jesus ay napasa bundok ng mga Olivo.

² At ^(A)pagka umaga ay nagbalik siya sa templo, at ang buong bayan ay lumapit sa kaniya; at siya'y ^(B)naupo, at sila'y tinuruan.

³ At dinala sa kaniya ng mga eskriba at ng mga Fariseo ang isang babaing nahuli sa pangangalunya; at nang mailagay siya sa gitna,

⁴ Ay sinabi nila sa kaniya, Guro, nahuli ang babaing ito sa kasalukuyan ng pangangalunya.

⁵ Sa kautusan nga ay ^(C)ipinagutos sa amin ni Moises na batuhin ang mga ganyan: ano nga ang iyong sabi tungkol sa kaniya?

⁶ At ito'y kanilang sinabi, na siya'y sinusubok, upang sa kaniya'y may maisumbong sila. Datapuwa't yumuko si Jesus, at sumulat ng kaniyang daliri sa lupa.

⁷ Datapuwa't nang sila'y nangagpatuloy ng pagtatanong sa kaniya, ay umunat siya, at sa kanila'y sinabi, ^(D)Ang walang kasalanan sa inyo, ay siyang unang ^(E)bumato sa kaniya.

⁸ At muli siyang yumuko, at sumulat ng kaniyang daliri sa lupa.

⁹ At sila, nang ito'y kanilang marinig, ay ^(F)nagsialis na isa-isa, na nagpasimula sa katandatandaan, hanggang sa kahulihulihan: at iniwang magisa si Jesus at ang babae, sa kinaroroonan nito, sa gitna.

¹⁰ At umunat si Jesus, at sa kaniya'y sinabi, Babae, saan sila nangaroroon? wala bagang taong humatol sa iyo?

¹¹ At sinabi niya, Wala sinoman, Panginoon. At sinabi ni Jesus, Ako man ay hindi rin hahatol sa iyo: humayo ka ng iyong lakad; mula ngayo'y ^(G)huwag ka nang magkasala.