Revised Common Lectionary (Semicontinuous)

Ang Panginoon ay nagpakita ng habag at pagtulong.

¹⁸ Noong ang Panginoon ay naging masikap sa kanilang lupain, at nahabag sa kaniyang bayan.

¹⁹ At ang Panginoon ay sumagot, at nagsabi sa kaniyang bayan, Narito, ako'y magdadala sa inyo ng trigo, at ^(A)alak, at langis, at inyong kabubusugan; at hindi ko na gagawin pa kayo na kakutyaan sa gitna ng mga bansa;

²⁰ Kundi aking ihihiwalay na malayo sa inyo ^(B)ang hukbo sa hilagaan, at aking itataboy siya sa isang lupaing basal at sira, ang kaniyang unaha'y ^(C)sa dagat silanganan, ^(D)at ang kaniyang pinakahuling bahagi ay sa dagat kanluran; at ang kaniyang baho ay aalingasaw, at ang masamang amoy ay iilanglang, sapagka't siya'y gumawa ng mga malaking bagay.

²¹ Huwag kang matakot, Oh lupain, ikaw ay matuwa at magalak; sapagka't ang Panginoon ay gumawa ng dakilang mga bagay.

²² Huwag kayong mangatakot, kayong mga hayop sa parang; sapagka't ^(E)ang mga pastulan sa ilang ay lumalago, sapagka't ang punong kahoy ay nagbubunga, ang puno ng higos at ang puno ng ubas ay nagbubunga.

²³ Kayo nga'y mangatuwa, kayong mga anak ng Sion, at mangagalak sa Panginoon ninyong Dios; sapagka't kaniyang ibinibigay sa inyo ang maagang ulan sa tapat na sukat, ^(F)at kaniyang pinalalagpak ang ulan dahil sa inyo, ang maagang ulan at ang huling ulan, sa unang buwan.

²⁴ At ang mga lapag ay mangapupuno ng trigo, at ^(G)ang mga kamalig ay aapawan ng alak at langis.

²⁵ At aking isasauli sa inyo ang mga taon ^(H)na kinain ng balang, ng uod, at ng kuliglig, at ng tipaklong na siyang aking malaking hukbo, na aking sinugo sa gitna ninyo.

²⁶ At kayo'y magsisikaing sagana, at mangabubusog, at inyong pupurihin ang pangalan ng Panginoon ninyong Dios, na gumawa ng kababalaghan sa inyo; at ^(I)ang aking bayan ay hindi mapapahiya kailan man.

²⁷ At inyong malalaman na ako'y ^(J)nasa ^(K)gitna ng Israel, at ako ang Panginoon ninyong Dios, at wala nang iba; at ang aking bayan ay hindi mapapahiya magpakailan man.

Ipinangako ang pagbubuhos ng Espiritu ng Panginoon.

²⁸ At mangyayari pagkatapos, na ^(L)ibubuhos ko ang aking Espiritu sa lahat ng laman; at ^(M)ang inyong mga anak na lalake at babae ay manganghuhula, ang inyong mga matanda ay magsisipanaginip ng mga panaginip, ang inyong mga binata ay mangakakakita ng mga pangitain:

²⁹ At sa mga lingkod na lalake at babae naman ay ibubuhos ko sa mga araw na yaon ang aking Espiritu.

⁴ Ngayo'y ^(A)may iba't ibang mga kaloob, datapuwa't ^(B)iisang Espiritu.

⁵ At may ^(C)iba't ibang mga pangangasiwa, datapuwa't iisang Panginoon.

⁶ At may iba't ibang paggawa, datapuwa't iisang ^(D)Dios na gumagawa ng lahat ng mga bagay sa lahat.

⁷ Datapuwa't sa bawa't isa ^(E)ay ibinibigay ang paghahayag ng Espiritu, upang pakinabangan naman.

⁸ Sapagka't sa isa, sa pamamagitan ng Espiritu ay ibinibigay ang salita ng ^(F)karunungan; at sa iba'y ang salita ng ^(G)kaalaman ayon din sa Espiritu:

⁹ Sa iba'y ang ^(H)pananampalataya, sa gayon ding Espiritu; at sa iba'y ang ^(I)mga kaloob na pagpapagaling, sa iisang Espiritu.

¹⁰ At sa iba'y ang mga paggawa ng mga himala; at sa iba'y hula; at sa iba'y ang ^(J)pagkilala sa mga espiritu; at sa iba'y ang ^(K)iba't ibang wika; at sa iba'y ang ^(L)pagpapaliwanag ng mga wika.

¹¹ Datapuwa't ang lahat ng ito ay ginagawa ng isa at ng gayon ding Espiritu, na binabahagi sa bawa't isa ayon sa kaniyang ibig.