Revised Common Lectionary (Semicontinuous)

77 Ako'y dadaing ng aking tinig sa Dios;
Sa Dios ng aking tinig; at kaniyang didinggin ako.
^2 (A)Sa kaarawan ng aking kabagabagan ay hinahanap ko ang Panginoon:
Ang kamay ko'y nakaunat sa gabi, at hindi nangangalay;
^(B)Tumatangging maaliw ang kaluluwa ko.
³ Naaalaala ko ang Dios, at ako'y nababalisa:
Ako'y ^(C)nagdaramdam, at ang diwa ko'y nanglulupaypay. (Selah)
⁴ Iyong pinupuyat ang mga mata ko:
Ako'y totoong nababagabag na hindi ako makapagsalita.
^5 (D)Aking ginunita ang mga araw ng una,
Ang mga taon ng dating mga panahon.
⁶ Aking inaalaala ang awit ko ^(E)sa gabi:
Sumasangguni ako sa aking sariling puso;
At ang diwa ko'y masikap na nagsiyasat.
^7 (F)Magtatakuwil ba ang Panginoon magpakailan man?
At ^(G)hindi na baga siya lilingap pa?
⁸ Ang kaniya bang kagandahangloob ay lubos na nawala magpakailan man?
Natapos na bang walang hanggan ^(H)ang kaniyang pangako?
⁹ Nakalimot na ba ang Dios na ^(I)magmaawain?
Kaniya bang tinakpan ng kagalitan ang kaniyang malumanay na mga kaawaan? (Selah)
¹⁰ At aking sinabi, ^(J)Ito ang sakit ko;
Nguni't aalalahanin ko ang mga taon ng kanan ng Kataastaasan.
^11 (K)Babanggitin ko ang mga gawa ng Panginoon;
Sapagka't aalalahanin ko ang mga kabagabagan mo ng una.
¹² Bubulayin ko ang lahat ng iyong gawa,
At magmumuni tungkol sa iyong mga gawa.
¹³ Ang iyong daan, Oh Dios, ay ^(L)nasa santuario:
^(M)Sino ang dakilang dios na gaya ng Dios?
¹⁴ Ikaw ay Dios na gumagawa ng mga kagilagilalas:
Iyong ipinakilala ang kalakasan mo sa gitna ng mga tao.
¹⁵ Iyong tinubos ^(N)ng kamay mo ang iyong bayan,
Ang mga anak ng Jacob ^(O)at ng Jose. (Selah)
^16 (P)Nakita ka ng tubig, Oh Dios;
Nakita ka ng tubig, sila'y nangatakot:
Ang mga kalaliman din naman ay nanginig.
¹⁷ Ang mga alapaap ay nangaglagpak ng tubig;
^(Q)Ang langit ay humugong:
Ang mga ^(R)pana mo naman ay nagsihilagpos.
¹⁸ Ang ^(S)tinig ng iyong kulog, ay nasa ipoipo;
Tinanglawan ^(T)ng mga kidlat ang sanglibutan:
Ang lupa ay nayanig at umuga.
¹⁹ Ang daan mo'y ^(U)nasa dagat,
At ang mga landas mo'y nasa malalawak na tubig,
At ang bakas mo'y hindi nakilala.
^20 (V)Iyong pinapatnubayan ang iyong bayan na ^(W)parang kawan,
Sa pamamagitan ng kamay ni Moises at ni Aaron.

⁸ Nguni't sa ganang akin, ay hahanapin ko ang Dios,
At sa Dios ay aking ihahabilin ang aking usap:
⁹ Na siyang gumagawa ng mga dakilang bagay at ng mga hindi magunita;
Ng mga kamanghamanghang bagay na walang bilang:
^10 (A)Na siyang nagbibigay ng ulan sa lupa,
At nagpapahatid ng tubig sa mga bukid;
¹¹ Na anopa't kaniyang iniuupo sa mataas ^(B)yaong nangasa mababa;
At yaong nagsisitangis ay itinataas sa katiwasayan.
^12 (C)Kaniyang sinasayang ang mga katha-katha ng mapagkatha,
Na anopa't hindi maisagawa ng kanilang mga kamay ang kanilang panukala.
^13 (D)Kaniyang hinuhuli ang pantas sa kanilang sariling katha:
At ang payo ng suwail ay napapariwara.
¹⁴ Kanilang nasasalunuan ang kadiliman sa araw,
^(E)At nagsisikapa sa katanghaliang tapat na gaya sa gabi.
^15 (F)Nguni't kaniyang inililigtas sa tabak ng kanilang bibig,
Sa makatuwid baga'y ang maralita sa kamay ng malakas.
¹⁶ Na anopa't ang dukha ay may pagasa,
^(G)At ang kasamaan ay nagtitikom ng kaniyang bibig.

¹⁷ Narito, ^(H)maginhawa ang tao na sinasaway ng Dios:
Kaya't ^(I)huwag mong waling kabuluhan ang pagsaway ng Makapangyarihan sa lahat.
^18 (J)Sapagka't siya'y sumusugat, at nagtatapal;
Siya'y sumusugat, at pinagagaling ng kaniyang mga kamay.
¹⁹ Kaniyang ililigtas ka sa ^(K)anim na kabagabagan.
Oo, sa pito, ay walang kasamaang kikilos sa iyo.
^20 (L)Sa kagutom ay tutubusin ka niya sa kamatayan;
At sa pagdidigma ay sa kapangyarihan ng tabak.
²¹ Ikaw ay makukubli ^(M)sa talas ng dila;
Na hindi ka man matatakot sa paggiba pagka dumarating.
²² Sa kagibaan at sa kasalatan ay tatawa ka;
Ni hindi ka matatakot sa mga ganid sa lupa.
^23 (N)Sapagka't ikaw ay makakasundo ng mga bato sa parang;
At ang mga ganid sa parang ay makikipagpayapaan sa iyo.
²⁴ At iyong makikilala na ang iyong tolda ay nasa kapayapaan;
At iyong dadalawin ang iyong kulungan, at walang mawawala na anoman.
²⁵ Iyo rin namang makikilala na ang ^(O)iyong binhi ay magiging dakila,
At ang iyong lahi ay gaya ng damo sa lupa.
²⁶ Ikaw ay ^(P)darating sa iyong libingan sa lubos na katandaan.
Gaya ng bigkis ng trigo na dumarating sa kaniyang kapanahunan.
²⁷ Narito, aming siniyasat, at gayon nga;
Dinggin mo, at talastasin mo sa iyong ikabubuti.

^(G)Ang magnais umibig sa buhay,
At makakita ng mabubuting araw,
Ay magpigil ng kaniyang dila sa masama,
At ang kaniyang mga labi ay huwag magsalita ng daya:
¹¹ At tumalikod siya sa masama, at gumawa ng mabuti;
Hanapin ang kapayapaan, at kaniyang sundan.
¹² Sapagka't ang mga mata ng Panginoon ay nasa mga matuwid,
At ang kaniyang mga pakinig ay sa kanilang mga daing:
Nguni't ang mukha ng Panginoon ay laban sa mga nagsisigawa ng masama.