Revised Common Lectionary (Semicontinuous)

Sa Pangulong Manunugtog; Awit ng mga anak ni Core.

Ang Ephraim at ang Juda ay napapanganib sa panghihimagsik ng Israel.

6 Magsiparito kayo, at tayo'y manumbalik sa Panginoon; sapagka't ^(A)siya'y lumapa, at pagagalingin niya tayo; siya'y nanakit, at kaniyang tatapalan tayo.

² Pagkatapos ng dalawang araw ay muling ^(B)bubuhayin niya tayo: sa ikatlong araw ay ibabangon niya tayo, at tayo'y mangabubuhay sa harap niya.

³ At ^(C)ating kilalanin, tayo'y magpatuloy upang makilala ang Panginoon: ang kaniyang paglabas ay tunay na ^(D)parang umaga; at siya'y paririto sa atin na parang ulan, na ^(E)parang huling ulan na dumidilig ng lupa.

⁴ Oh Ephraim, ano ang gagawin ko sa iyo? Oh Juda, ^(F)ano ang gagawin ko sa iyo? sapagka't ang inyong kabutihan ay parang ulap sa umaga, ^(G)at parang hamog na lumalabas na maaga.

⁵ Kaya't aking pinutol sila sa pamamagitan ng mga propeta; aking pinatay sila ng mga salita ng aking bibig; at ang iyong mga kahatulan ay parang liwanag na lumalabas.

⁶ Sapagka't ako'y nagnanasa ng kaawaan, ^(H)at hindi hain; at ng pagkakilala sa Dios higit kay sa mga handog na susunugin.

^2 (A)Nangagpapasalamat kaming lagi sa Dios dahil sa inyong lahat, ^(B)na aming binabanggit kayo sa aming mga panalangin;

³ Na aming inaalaalang walang patid sa harapan ng ating Dios at Ama, ^(C)ang inyong gawa sa pananampalataya at pagpapagal sa pagibig at ^(D)pagtitiis sa pagasa sa ating ^(E)Panginoong Jesucristo;

⁴ Yamang aming nalalaman, mga kapatid na minamahal ng Dios, ^(F)ang pagkahirang sa inyo,

⁵ Kung paanong ang ^(G)aming evangelio ay hindi dumating sa inyo sa salita lamang, kundi sa kapangyarihan din naman, at sa Espiritu Santo, at ^(H)sa lubos na katiwasayan; na gaya ng ^(I)inyong nalalaman kung anong pagkatao namin ang aming ipinakita sa inyo dahil sa inyo.

⁶ At kayo'y nagsitulad sa amin, at sa Panginoon, ^(J)nang inyong tanggapin ang salita sa malaking kapighatian, ^(K)na may katuwaan sa Espiritu Santo;

⁷ Ano pa't kayo'y naging ^(L)uliran ng lahat ng nangananampalatayang nangasa ^(M)Macedonia at nangasa Acaya.

⁸ Sapagka't mula sa inyo'y nabansag ang salita ng Panginoon, hindi lamang sa Macedonia at Acaya, kundi ^(N)sa lahat ng mga dako ay natanyag ang inyong pananampalataya sa Dios; ano pa't kami ay wala nang kailangang magsabi pa ng anoman.

⁹ Sapagka't sila rin ang nangagbalita tungkol sa amin ^(O)kung paanong nangakapasok kami sa inyo; at ^(P)kung paanong nangagbalik kayo sa Dios mula sa mga ^(Q)diosdiosan, upang mangaglingkod sa ^(R)Dios na buhay at tunay,

^10 (S)At upang hintayin ang kaniyang Anak na mula sa langit, na kaniyang ibinangon sa mga patay, si Jesus nga ^(T)na nagligtas ^(U)sa atin mula sa galit na darating.