Revised Common Lectionary (Semicontinuous)

⁴⁶ At sinabi ni Maria,

Si Elcana at ang dalawa niyang asawa.

1 May isa ngang lalake na taga Ramathaim-sophim, sa lupaing maburol ng Ephraim, at ang pangalan niya'y ^(A)Elcana, na anak ni Jeroham, na anak ni Eliu, na anak ni Thohu, na anak ni Suph na Ephraimita:

² At siya'y may dalawang asawa; ang pangalan ng isa'y Ana, at ang pangalan ng isa'y Peninna: at si Peninna ay may mga anak nguni't si ^(B)Ana ay walang anak.

³ At ang lalaking ito ay umaahon sa ^(C)taon-taon mula sa kaniyang bayan upang ^(D)sumamba at maghain sa Panginoon ng mga hukbo sa ^(E)Silo. At ang dalawang anak ni Eli, na si Ophni at si Phinees, na mga saserdote sa Panginoon, ay nangandoon.

⁴ At pagka dumarating ang araw na si Elcana ay ^(F)naghahain, ay kaniyang binibigyan ng mga bahagi si Peninna na kaniyang asawa, at ang lahat ng kaniyang mga anak na lalake at babae:

⁵ Nguni't si Ana ay binibigyan niya ng ibayong bahagi: sapagka't minamahal niya si Ana, bagaman sinarhan ng Panginoon ang kaniyang bahay-bata.

⁶ At ^(G)minumungkahi siyang mainam ng kaniyang kaagaw upang yamutin siya, sapagka't sinarhan ng Panginoon ang kaniyang bahay-bata.

⁷ At gayon ang ginagawa niya sa taon-taon, na pagka inaahon niya ang bahay ng Panginoon ay minumungkahi niyang gayon ang isa; kaya't siya'y umiiyak, at hindi kumakain.

⁸ At sinabi ni Elcana na kaniyang asawa sa kaniya, Ana, bakit ka umiiyak? at bakit hindi ka kumakain? at bakit nagdadalamhati ang iyong puso? hindi ba ako ^(H)mabuti sa iyo kay sa sangpung anak?

Si Ana ay nananalangin upang magkaanak.

⁹ Sa gayo'y bumangon si Ana pagkatapos na makakain sila sa Silo at pagkatapos na sila'y makainom. Ngayo'y si Eli na saserdote ay nakaupo sa upuan niya sa siping ng haligi ng pintuan ng ^(I)templo ng Panginoon.

¹⁰ At siya'y nanalangin sa Panginoon ng buong ^(J)paghihinagpis ng kaluluwa, at tumangis na mainam.

^11 (K)At siya'y nanata ng isang panata, at nagsabi, Oh Panginoon ng mga hukbo, ^(L)kung tunay na iyong lilingunin ang pagkapighati ng iyong lingkod, at ^(M)aalalahanin mo at hindi mo kalilimutan ang iyong lingkod, kundi iyong pagkakalooban ang iyong lingkod ng anak na lalake, ay akin ngang ibibigay sa Panginoon sa lahat ng kaarawan ng kaniyang buhay, at ^(N)walang pangahit na daraan sa kaniyang ulo.

¹² At nangyari, habang siya'y nananatili ng pananalangin sa harap ng Panginoon, ay pinagmamasdan ni Eli ang kaniyang bibig.

¹³ Si Ana nga'y nagsasalita sa kaniyang puso; ang kaniya lamang mga labi ang gumagalaw, nguni't ang kaniyang tinig ay hindi naririnig: kaya't inakala ni Eli na siya'y lasing.

¹⁴ At sinabi ni Eli sa kaniya, Hanggang kailan magiging lasing ka? ihiwalay mo ang iyong alak sa iyo.

¹⁵ At sumagot si Ana, at nagsabi, Hindi, panginoon ko, ako'y isang babae na may diwang mapanglaw: hindi ako nakainom ng alak o inuming nakalalasing, ^(O)kundi aking inihayag ang aking kaluluwa sa harap ng Panginoon.

¹⁶ Huwag mong ibilang na babaing hamak ang iyong lingkod: sapagka't sa kasaganaan ng aking daing at ng aking pagkaduwahagi ay nagsalita ako hanggang ngayon.

¹⁷ Nang magkagayo'y sumagot si Eli, at nagsabi, ^(P)Yumaon kang payapa: ^(Q)at ipagkaloob nawa sa iyo ng Dios ng Israel ang iyong hiling na hinihingi mo sa kaniya.

¹⁸ At sinabi niya, ^(R)Makasumpong nawa ang iyong lingkod ng biyaya sa iyong paningin. ^(S)Sa gayo'y nagpatuloy ng kaniyang lakad ang babae at kumain, at ang kaniyang mukha'y hindi na malumbay.

9 Ngayon, ang unang tipan din ay nagkaroon ng mga palatuntunan ng pagsamba sa Dios, at ng kaniyang ^(A)santuario, ang santuario ng sanglibutang ito.

² Sapagka't ^(B)inihanda ang isang tabernakulo, ang una, ^(C)na kinaroroonan ng ^(D)kandelero, at ^(E)ng dulang, at ^(F)ng mga tinapay na handog; na siyang tinatawag na Dakong Banal.

³ At sa likod ng ikalawang tabing ^(G)ay ang tabernakulo na tinatawag na Dakong Kabanalbanalan;

⁴ Na may isang ^(H)gintong dambana ng kamangyan at ^(I)kaban ng tipan, at ang paligid ay nakakalupkupan ng ginto, na siyang kinaroroonan ng sisidlang-ginto ^(J)na may lamang mana, at tungkod ^(K)ni Aaron na namulaklak, at ^(L)mga tapyas na bato ng tipan;

⁵ At sa ibabaw nito ay ^(M)ang mga querubin ng kaluwalhatian na nangagsisililim sa ^(N)luklukan ng awa; na ang mga bagay na ito ay hindi natin mapaguusapan ngayon ng isa isa.

⁶ At sa ganitong pagkahanda ng mga bagay na ito, sa unang tabernakulo ay palaging nagsisipasok ^(O)ang mga saserdote, na tinutupad ang mga katungkulan;

⁷ Datapuwa't sa ^(P)ikalawa ay pumapasok na ^(Q)nagiisa ang dakilang saserdote, minsan sa isang taon, na hindi walang dalang dugo, na inihahandog na patungkol sa kaniyang sarili, at sa mga kamalian ng bayan:

⁸ Na ipinakikilala ^(R)ng Espiritu Santo, na hindi pa naihahayag ^(S)ang pagpasok sa dakong banal samantalang natatayo pa ang unang tabernakulo;

⁹ Na yao'y isang ^(T)talinghaga ng panahong kasalukuyan; ayon dito ay inihahandog ang mga kaloob at ang mga hain, tungkol sa budhi, ^(U)na hindi magpapasakdal sa sumasamba,

¹⁰ Palibhasa'y palatuntunan lamang na ^(V)ukol sa laman, na iniatang hanggang sa panahon ng pagbabago (gaya ng mga ^(W)pagkain, at mga inumin at sarisaring paglilinis).

¹¹ Nguni't pagdating ni Cristo na dakilang saserdote ^(X)ng mabubuting bagay na darating, ^(Y)sa pamamagitan ng lalong malaki at lalong sakdal na tabernakulo, na hindi ^(Z)gawa ng mga kamay, sa makatuwid baga'y hindi sa paglalang na ito,

¹² At hindi rin naman sa pamamagitan ng dugo ng mga kambing at ng mga bulong baka, kundi sa pamamagitan ng ^(AA)kaniyang sariling dugo, ay pumasok na ^(AB)minsan magpakailan man sa ^(AC)dakong banal, na kinamtan ang walang hanggang katubusan.

¹³ Sapagka't ^(AD)kung ang dugo ng mga kambing at ng mga baka, at ^(AE)ang abo ng dumalagang baka na ibinubudbod sa mga nadungisan, ay makapagiging banal sa ikalilinis ng laman:

¹⁴ Gaano pa kaya ^(AF)ang dugo ni Cristo, na sa pamamagitan ng Espiritu na walang hanggan ay inihandog ang kaniyang sarili na walang dungis sa Dios, ay ^(AG)maglilinis ng inyong budhi ^(AH)sa mga gawang patay upang magsipaglingkod sa Dios na buhay?