M’Cheyne Bible Reading Plan

13 At ang Panginoon ay nagsalita kay Moises, na sinasabi,

^2 (A)Pakabanalin mo sa akin ang lahat ng mga panganay, anomang nagbubukas ng bahay-bata sa mga anak ni Israel: maging sa tao at maging sa hayop ay akin.

Ang tuntunin ng paskua ng tinapay na walang lebadura.

³ At sinabi ni Moises sa bayan, ^(B)Alalahanin ninyo ang araw na ito na inialis ninyo sa Egipto, sa bahay ng pagkaalipin; sapagka't sa pamamagitan ng lakas ng kamay ay hinango kayo ng Panginoon sa dakong ito, ^(C)wala sinomang kakain ng tinapay na may lebadura.

⁴ Sa araw na ito ay umaalis kayo ng buwan ng ^(D)Abib.

⁵ At mangyayari, na ^(E)pagkadala sa iyo ng Panginoon sa lupain ng Cananeo, at ng Hetheo, at ng Amorrheo, at ng Hebreo, at ng Jebuseo, na kaniyang ^(F)isinumpa sa iyong mga magulang, na ibibigay sa iyo, na lupang ^(G)binubukalan ng gatas at pulot ay iyong ^(H)ipangingilin ang paglilingkod na ito sa buwang ito.

^6 (I)Pitong araw na kakain ka ng tinapay na walang lebadura, at sa ikapitong araw ay magiging isang kapistahan sa Panginoon.

⁷ Tinapay na walang lebadura ang kakanin sa loob ng pitong araw, at huwag makakakita sa iyo, ng tinapay na may lebadura, ni makakakita ng lebadura sa iyo, sa lahat ng iyong mga hangganan.

^8 (J)At sasaysayin mo sa iyong anak sa araw na yaon, na iyong sasabihin: Dahil sa ginawa ng Panginoon sa akin nang ako'y umalis sa Egipto.

⁹ At sa iyo'y magiging ^(K)pinakatanda sa ibabaw ng iyong kamay, at pinakaalaala sa pagitan ng iyong mga mata, upang ang kautusan ng Panginoon ay sumaiyong bibig: sapagka't sa pamamagitan ng malakas na kamay, ay inalis ka ng Panginoon sa Egipto.

^10 (L)Isasagawa mo nga ang palatuntunang ito sa kapanahunan nito taon taon.

Ang pagtatalaga ng panganay.

¹¹ At mangyayari, pagkadala sa iyo ng Panginoon sa lupain ng Cananeo, gaya ng isinumpa sa iyo at sa iyong mga magulang, at pagkabigay niyaon sa iyo,

^12 (M)Ay ihihiwalay mo para sa Panginoon yaong lahat na nagbubukas ng bahay-bata, at bawa't panganay na mayroon ka na mula sa hayop; ang mga lalake, ay sa Panginoon.

¹³ At bawa't panganay sa asno ay tutubusin mo ng isang kordero;^[a] at kung hindi mo tutubusin, ay iyo ngang babaliin ang kaniyang leeg: ^(N)at lahat ng mga panganay na lalake sa iyong mga anak ay iyong tutubusin.

^14 (O)At mangyayari, na pagtatanong sa iyo ng iyong anak sa panahong darating, na sasabihin, Ano ito? na iyong sasabihin sa kaniya: Sa pamamagitan ng lakas ng kamay ay inilabas tayo ng Panginoon sa Egipto, sa bahay ng pagkaalipin.

¹⁵ At nangyari, nang magmatigas si Faraon na hindi kami tulutang yumaon, ay pinatay ng ^(P)Panginoon ang lahat ng mga panganay sa lupain ng Egipto, ang panganay ng tao at gayon din ang panganay ng hayop: kaya't aking inihahain sa Panginoon ang lahat ng nagbubukas ng bahay-bata na mga lalake; nguni't lahat ng panganay ng aking anak ay aking ^(Q)tinutubos.

¹⁶ At magiging pinakatanda sa iyong kamay, at pinakaalaala sa pagitan ng iyong mga mata: sapagka't sa pamamagitan ng lakas ng kamay ay inilabas tayo ng Panginoon sa Egipto.

¹⁷ At nangyari, nang tulutan ni Faraon na ang bayan ay yumaon, na hindi sila pinatnubayan ng Dios sa daang patungo sa lupain ng mga Filisteo, bagaman malapit; sapagka't sinabi ng Dios, ^(R)Baka sakaling ang bayan ay magsisi pagkakita ng pagbabaka, at magsipagbalik sa Egipto:

¹⁸ Kundi pinatnubayan ng Dios ang bayan sa ^(S)palibot, sa daang patungo sa ilang sa tabi ng Dagat na Mapula: at ang mga anak ni Israel ay sumampang nangakasakbat mula sa lupain ng Egipto.

¹⁹ At dinala ni Moises ang mga buto ni Jose: sapagka't kaniyang ipinanumpang mahigpit sa mga anak ni Israel, na sinasabi, ^(T)Tunay na dadalawin kayo ng Dios; at inyong isasampa ang aking mga buto mula rito na kasama ninyo.

^20 (U)At sila'y naglakbay mula sa Succoth, at humantong sa Etham, sa hangganan ng ilang.

^21 (V)At ang Panginoon ay nangunguna sa kanila sa araw, sa isang haliging ulap, upang patnubayan sila sa daan; at sa gabi, ay sa isang haliging apoy, upang tanglawan sila; upang sila'y makapaglakad sa araw at sa gabi.

²² Ang haliging ulap sa araw at ang haliging apoy sa gabi ay hindi humihiwalay sa harapan ng bayan.

16 At sinabi rin naman niya sa mga alagad, May isang taong mayaman, na may ^(A)isang katiwala; at ito'y isinumbong sa kaniya na siya'y nagsisira ng kaniyang mga pagaari.

² At tinawag niya siya, at sa kaniya'y sinabi, Ano ito na nababalitaan ko tungkol sa iyo? magbigay sulit ka ng pagiging katiwala; sapagka't hindi ka na maaaring maging katiwala pa.

³ At sinabi ng katiwala sa kaniyang sarili, Anong gagawin ko, yamang inaalis sa akin ng panginoon ko ang pagiging katiwala? Magdukal ng lupa'y wala akong kaya; magpalimos ay nahihiya ako.

⁴ Nalalaman ko na ang gagawin ko, upang, kung mapaalis ako sa pagiging katiwala, ako ay matanggap nila sa kanilang mga bahay.

⁵ At pagtawag niya sa bawa't isa sa mga may utang sa kaniyang panginoon, ay sinabi niya sa una, Gaano ang utang mo sa aking panginoon?

⁶ At sinabi niya, Isang daang takal na langis. At sinabi niya sa kaniya, Abutin mo ang iyong kasulatan, at maupo kang madali at isulat mong limangpu.

⁷ Nang magkagayon ay sinabi niya sa iba, At ikaw, gaano ang utang mo? At sinabi niya, Isang daang takal na trigo. Sinabi niya sa kaniya, Abutin mo ang iyong kasulatan, at isulat mong walongpu.

⁸ At pinuri ng kaniyang panginoon ang lilong katiwala, sapagka't siya'y gumawang may katalinuhan: sapagka't ^(B)ang mga anak ng sanglibutang ito, sa kanilang sariling lahi, ay matatalino kay sa ^(C)mga anak ng ilaw.

⁹ At sinabi ko sa inyo, ^(D)Makipagkaibigan kayo sa pamamagitan ng kayamanan ng kasamaan; upang, kung kayo'y magkulang, ^(E)ay kanilang tanggapin kayo sa mga walang hanggang tabernakulo.

¹⁰ Ang mapagtapat ^(F)sa kakaunti ay mapagtapat din naman sa marami: at ang di matuwid sa kakaunti ay di rin naman matuwid sa marami.

¹¹ Kung kayo nga'y di naging mapagtapat sa masamang kayamanan, sino nga ang magkakatiwala sa inyo ng mga tunay na kayamanan?

¹² At kung di kayo naging mapagtapat sa kayamanan ng iba, sino ang sa inyo'y magbibigay ng sa inyong sarili.

¹³ Walang ^(G)aliping makapaglilingkod sa dalawang panginoon: sapagka't kapopootan niya ang isa, at iibigin ang ikalawa; o di kaya'y magtatapat sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan.

¹⁴ At ang mga Fariseo, ^(H)na pawang maibigin sa salapi, ay nangakikinig ng lahat ng mga bagay na ito; at siya'y tinutuya nila.

¹⁵ At sinabi niya sa kanila, Kayo ang ^(I)nangagaaring-ganap sa inyong sarili sa paningin ng mga tao; datapuwa't nakikilala ng Dios ang inyong mga puso; sapagka't ang dinadakila ng mga tao ay kasuklamsuklam sa paningin ng Dios.

¹⁶ Ang kautusan ^(J)at ang mga propeta ay nanatili hanggang kay Juan: mula noo'y ang evangelio ng kaharian ng Dios ay ipinangangaral, at ^(K)ang bawa't tao ay pumapasok doon na nagpipilit.

¹⁷ Nguni't lubhang ^(L)magaan pa ang mangawala ang langit at ang lupa, kay sa mahulog ang isang kudlit ng kautusan.

¹⁸ Ang bawa't lalaki na inihihiwalay ^(M)ang kaniyang asawa, at magasawa sa iba, ay nagkakasala ng pangangalunya: at ang magasawa sa babaing inihiwalay ng kaniyang asawa ay nagkakasala ng pangangalunya.

¹⁹ Mayroon ngang isang taong mayaman, at siya'y nagdaramit ng kulay ube at maselang lino, at sa araw-araw ay kumakain ng sagana:

²⁰ At isang pulubi na ang pangala'y Lazaro, lipos ng mga sugat, ay inilalagay sa kaniyang pintuan,

²¹ At naghahangad na mapakain ng mga mumo na nangahuhulog mula sa dulang ng mayaman; oo, at lumapit pati ang mga aso at hinihimuran ang kaniyang mga sugat.

²² At nangyari, na namatay ang pulubi at siya'y dinala ng ^(N)mga anghel sa ^(O)sinapupunan ni Abraham: at namatay naman ang mayaman, at inilibing.

²³ At sa Hades na nasa mga pagdurusa ay itiningin niya ang kaniyang mga mata, at natanaw sa malayo si Abraham, at si Lazaro ay nasa kaniyang sinapupunan.

²⁴ At siya'y sumigaw at sinabi, ^(P)Amang Abraham, maawa ka sa akin, at suguin mo si Lazaro, upang itubog niya sa tubig ang dulo ng kaniyang daliri, at palamigin ang aking dila; sapagka't ^(Q)naghihirap ako sa alab na ito.

²⁵ Datapuwa't sinabi ni Abraham, Anak, ^(R)alalahanin mo na ikaw ay tumanggap ng iyong mabubuting bagay sa iyong pamumuhay, at si Lazaro sa gayon ding paraan ay masasamang bagay: datapuwa't ngayon, ay inaaliw siya rini, at ikaw ay nasa kahirapan.

²⁶ At bukod sa lahat ng ito, ay may isang malaking banging nakalagay sa pagitan namin at ninyo, upang ang mga magibig tumawid buhat dini hanggang sa inyo ay hindi maari, at gayon din walang makatawid mula diyan hanggang sa amin.

²⁷ At sinabi niya, Ipinamamanhik ko nga sa iyo, ama, na suguin mo siya sa bahay ng aking ama;

²⁸ Sapagka't ako'y may limang kapatid na lalake; upang ^(S)sa kanila'y patotohanan niya, baka pati sila'y mangaparito sa dakong ito ng pagdurusa.

²⁹ Datapuwa't sinabi ni Abraham, Nasa kanila ^(T)si Moises at ang mga propeta; bayaang sila'y pakinggan nila.

³⁰ At sinabi niya, Hindi amang Abraham: datapuwa't kung ang isang mula sa mga patay ay makaparoon sa kanila, sila'y mangagsisisi.

³¹ At sinabi niya sa kaniya, ^(U)Kung di nila pinakikinggan si Moises at ang mga propeta, ay ^(V)di rin mangahihikayat sila, kahit ang isa'y magbangon sa mga patay.

Sa kahirapan ni Job ay tumututol siya dahil sa kalinisan ng kaniyang buhay.

Ang mga salita ni Job ay natapos.

1 Si Pablo, na ^(A)Apostol ni Cristo Jesus sa pamamagitan ng kalooban ng Dios, at ^(B)si Timoteo, na ating kapatid sa Iglesia ng Dios na nasa ^(C)Corinto, ^(D)kalakip ng lahat ng mga banal na nasa buong Acaya.

² Sumainyo nawa ang biyaya at kapayapaang ^(E)mula sa Dios na ating Ama at sa Panginoong Jesucristo.

³ Purihin nawa ang Dios ^(F)at Ama ng ating Panginoong Jesucristo, ang Ama ng mga kaawaan at Dios ng buong kaaliwan;

⁴ Na siyang umaaliw sa atin sa lahat ng kapighatian, upang ating maaliw ang nangasa anomang kapighatian, sa pamamagitan ng pagaliw na inialiw din sa atin ng Dios.

⁵ Sapagka't kung paanong sumasagana sa atin ^(G)ang mga sakit ni Cristo, ay gayon din naman ang aming kaaliwan ay sumasagana sa pamamagitan ni Cristo.

⁶ Datapuwa't maging kami man ay mapighati, ^(H)ay para sa inyong kaaliwan at kaligtasan; o maging kami man ay maaliw ay para sa inyong kaaliwan, na siyang gumagawa sa pagdadalitang may pagtitiis ng mga gayon ding pagbabata na amin namang binabata:

⁷ At ang aming pagasa tungkol sa inyo ay matibay; yamang nalalaman na ^(I)kung paanong kayo'y mga karamay sa mga sakit, ay gayon din naman kayo sa kaaliwan.

⁸ Hindi namin ibig na kayo'y di makaalam, mga kapatid, ng tungkol sa mga kapighatian ^(J)namin na nangyari sa Asia, na kami ay totoong nabigatan, ng higit sa aming kaya, ano pa't ^(K)kami ay nawalan na ng pagasa sa buhay:

⁹ Oo, kami'y nagkaroon sa aming sarili ng hatol sa kamatayan, upang huwag kaming magkatiwala sa amin ding sarili, kundi sa Dios ^(L)na bumubuhay na maguli ng mga patay:

¹⁰ Na siyang sa amin ay nagligtas sa gayong lubhang malaking kamatayan, at nagliligtas: na siya naming inaasahan na siya namang magliligtas pa sa amin;

¹¹ Kayo ^(M)naman na nagsisitulong ng inyong panalangin na patungkol sa amin; upang dahil sa kaloob na ipinagkaloob sa amin ^(N)sa pamamagitan ng marami, ay makapagpasalamat ang maraming tao dahil sa amin.

¹² Sapagka't ang aming pagmamapuri ay ito, ang pagpapatotoo ng aming budhi, ayon sa ^(O)kabanalan at ^(P)pagtatapat sa Dios, ^(Q)hindi ayon sa karunungan ng laman, kundi sa biyaya ng Dios, na kami'y nagugali ng gayon sa sanglibutan at lalong sagana pa nga sa inyo.

¹³ Sapagka't hindi namin kayo sinusulatan ng ibang mga bagay, maliban na sa inyong binabasa, o kinikilala, at umaasa ako na inyong kikilalanin hanggang sa katapusan:

¹⁴ Gaya naman ^(R)ng inyong bahagyang pagkilala sa amin, na kami'y inyong kapurihan, gayon din naman kayo'y sa amin, ^(S)sa araw ng Panginoong si Jesus.

¹⁵ At sa pagkakatiwalang ito ay ^(T)ninasa kong pumariyan muna sa inyo, upang kayo'y mangagkaroon ^(U)ng pangalawang pakinabang;

¹⁶ At magdaan sa inyo na patungo sa Macedonia, ^(V)at muling buhat sa Macedonia ay magbalik sa inyo, at ^(W)nang tulungan ninyo ako sa paglalakbay ko sa Judea.

¹⁷ Nang nasain ko nga ang ganito, ako baga kaya ay nagatubili? o ang mga bagay na ninasa ko, ay mga ninasa ko baga ayon sa laman, upang magkaroon sa akin ng oo, oo, at ng hindi, hindi?

¹⁸ Nguni't palibhasa'y ang Dios ay tapat, ang aming salita sa inyo ay di oo at hindi.

¹⁹ Sapagka't ang Anak ng Dios, si Jesucristo, na ipinangaral namin sa inyo, ako at si ^(X)Silvano at si ^(Y)Timoteo, hindi naging oo at hindi, kundi sa kaniya ay naging oo.

²⁰ Sapagka't ^(Z)maging gaano man ang mga pangako ng Dios, ay nasa kaniya ang oo: kaya nga naman na sa kaniya ang Siya Nawa sa ikaluluwalhati ng Dios sa pamamagitan namin.

²¹ Ngayon, siya na ang nagpapatibay sa amin na kasama ninyo kay Cristo, at nagpahid ^(AA)sa atin, ay ang Dios,

²² Na siyang nagtatak naman ^(AB)sa atin, at ^(AC)nagbigay ng patotoo ng Espiritu sa ating mga puso.

²³ Datapuwa't ang Dios ang tinatawag kong maging saksi sa aking kaluluwa, na ^(AD)upang huwag kayong papagdamdamin ay hindi muna ako napariyan sa Corinto.

²⁴ Hindi sa kami ay may pagkapanginoon sa inyong pananampalataya, kundi kami ay mga tagatulong sa inyong katuwaan: sapagka't ^(AE)sa pananampalataya kayo'y nangagsisitatag.