M’Cheyne Bible Reading Plan

10 At sinabi ng Panginoon kay Moises: Pasukin mo si Faraon, ^(A)sapagka't aking pinapagmatigas ang kaniyang puso, at ang puso ng kaniyang mga lingkod; upang aking maipakilala itong aking mga tanda sa gitna nila:

^2 (B)At upang iyong maisaysay sa mga pakinig ng iyong anak, at sa anak ng iyong anak, kung anong mga bagay ang ginawa ko sa Egipto, at ang aking mga tandang ginawa sa gitna nila; upang inyong maalaman, na ako ang Panginoon.

³ At pinasok ni Moises at ni Aaron si Faraon at sinabi sa kaniya, Ganito ang sabi ng Panginoon, ng Dios ng mga Hebreo, Hanggang kailan tatanggi kang ^(C)mangayupapa sa harap ko? payaunin mo ang aking bayan, upang ako'y mapaglingkuran nila.

⁴ O kung tatanggihan mong payaunin ang aking bayan, ay narito, bukas ay magdadala ako ng mga ^(D)balang sa iyong hangganan:

⁵ At kanilang tatakpan ang ibabaw ng lupa, na walang makakakita ng ibabaw ^(E)ng lupa: at kanilang kakanin ang naiwan sa nangaligtas, na itinira sa inyo ng granizo, at kanilang kakanin ang bawa't kahoy na itinutubo sa inyo ng parang:

^6 (F)At ang inyong mga bahay ay mapupuno, at ang mga bahay ng lahat mong lingkod, at ang mga bahay ng mga Egipcio: na hindi nakita ng inyong mga magulang, mula nang araw na sila'y mapasa lupa hanggang sa araw na ito. At siya'y pumihit at nilisan si Faraon.

⁷ At sinabi sa kaniya ng mga lingkod ni Faraon, Hanggang kailan magiging isang silo sa atin ang taong ito? payaunin mo ang mga taong iyan upang sila'y makapaglingkod sa Panginoon nilang Dios: hindi mo pa ba natatalastas, na ang Egipto'y giba na?

⁸ At si Moises at si Aaron ay pinapagbalik kay Faraon, at kaniyang sinabi sa kanila, ^(G)Kayo'y yumaon, maglingkod kayo sa Panginoon ninyong Dios: datapuwa't sino sino yaong magsisiyaon?

⁹ At sinabi ni Moises: Kami ay yayaon sangpu ng aming mga bata at sangpu ng mga matanda, sangpu ng aming mga anak na lalake at babae, sangpu ng aming mga kawan at sangpu ng aming mga bakahan, kami ay yayaon; ^(H)sapagka't kami ay nararapat magdiwang ng isang pista sa Panginoon.

¹⁰ At kaniyang sinabi sa kanila, Sumainyo nawa ang Panginoon, na gaya ng aking pagpapayaon sa inyo, at sa inyong mga bata: magingat kayo; sapagka't ang kasamaan ay nasa harap ninyo.

¹¹ Huwag ganyan: yumaon kayong mga lalake, at maglingkod sa Panginoon; sapagka't iyan ang inyong ninanasa. At sila'y pinaalis sa harap ni Faraon.

Ang salot ng mga balang.

¹² At sinabi ng Panginoon kay Moises, ^(I)Iunat mo ang iyong kamay sa lupain ng Egipto, upang magdala ng mga balang, at bumaba sa lupain ng Egipto, ^(J)at kumain ng lahat na halaman sa lupain, yaong lahat na iniwan ng granizo.

¹³ At iniunat ni Moises ang kaniyang tungkod sa lupain ng Egipto, at ang Panginoo'y nagpahihip ng hanging silanganan sa lupain ng buong araw na yaon, at ng buong gabi; at nang maumaga, ang hanging silanganan ay nagdala ng mga balang.

^14 (K)At ang mga balang ay bumaba sa buong lupain ng Egipto, at nagsipagpahinga sa lahat ng hangganan ng Egipto; totoong napakakapal; ^(L)bago noon ay hindi nagkaroon ng gayong balang, at hindi na magkakaroon pa, pagkatapos noon, ng gayon.

¹⁵ Sapagka't tinakpan ng mga yaon ang balat ng buong lupa, na ano pa't ang ^(M)lupain ay nagdilim; at kinain ang lahat na halaman sa lupain, at ang lahat na bunga ng mga kahoy na iniwan ng granizo; at walang natirang anomang sariwang bagay, maging sa punong kahoy o sa halaman sa parang, sa buong lupain ng Egipto.

¹⁶ Nang magkagayo'y tinawag na madali ni Faraon si Moises at si Aaron, at kaniyang sinabi, ^(N)Ako'y nagkasala laban sa Panginoon ninyong Dios, at laban sa inyo.

¹⁷ Ngayon nga'y ipatawad mo, isinasamo ko sa iyo, ang aking kasalanan, na ngayon na lamang ^(O)at idalangin ninyo sa Panginoon ninyong Dios, na kaniya lamang ilayo sa akin ang kamatayang ito.

^18 (P)At nilisan niya si Faraon, at nanalangin sa Panginoon.

¹⁹ At pinapagbalik ng Panginoon ang isang napakalakas na hanging ^(Q)kalunuran, na siyang nagpaitaas sa mga balang, at tumangay ng mga yaon sa Dagat na Mapula; walang natira kahit isang balang sa buong hangganan ng Egipto.

^20 (R)Datapuwa't pinapagmatigas ng Panginoon ang puso ni Faraon, at hindi niya pinayaon ang mga anak ni Israel.

Ang wagas na kadiliman.

²¹ At sinabi ng Panginoon kay Moises, ^(S)Iunat mo ang iyong kamay sa dakong langit, upang magdilim sa lupain ng Egipto, ng kadiliman na mahihipo.

²² At iniunat ni Moises ang kaniyang kamay sa dakong langit; ^(T)at nagsalimuutan ang dilim sa buong lupain ng Egipto, na tatlong araw;

²³ Sila'y hindi nagkikita, at walang tumindig na sinoman sa kinaroroonan sa loob ng tatlong araw; ^(U)kundi lahat ng mga anak ni Israel ay nagilaw sa kanikaniyang tahanan.

²⁴ At tinawag ni Faraon si Moises, ^(V)at sinabi, Yumaon kayo, maglingkod kayo sa Panginoon; inyo lamang iwan ang inyong mga kawan at ang inyong mga bakahan; ^(W)isama rin naman ninyo ang inyong mga bata.

²⁵ At sinabi ni Moises, ikaw ay nararapat ding magbigay sa aming kamay ng mga hain at mga handog na susunugin, upang aming maihain sa Panginoon naming Dios.

²⁶ Ang aming hayop man ay yayaong kasama namin; wala kahit isang paa na maiiwan; sapagka't sa kanila kami nararapat kumuha ng aming ipaglilingkod sa Panginoon naming Dios; at hindi namin nalalaman kung ano ang aming nararapat ipaglingkod sa Panginoon, hanggang sa kami ay dumating doon.

²⁷ Datapuwa't ^(X)pinapagmatigas ng Panginoon ang puso ni Faraon, at hindi niya pinayaon sila.

²⁸ At sinabi ni Faraon sa kaniya, Umalis ka sa harap ko, iyong pagingatang huwag mo nang makitang muli ang aking mukha; sapagka't sa araw na iyong makita ang aking mukha ay mamamatay ka.

²⁹ At sinabi ni Moises, Mabuti ang sabi mo, ^(Y)hindi ko na muling makikita ang iyong mukha.

13 Nang panahon ding ngang yaon ay nangaroon ang ilan, na nagsipagsabi sa kaniya tungkol sa mga Galileo, na ang dugo ng mga ito'y inihalo ni ^(A)Pilato sa mga hain nila.

² At siya'y sumagot at sinabi sa kanila, ^(B)Inaakala baga ninyo na ang mga Galileong ito ay higit ang pagkamakasalanan kay sa lahat ng mga Galileo, dahil sa sila'y nangagbata ng mga bagay na ito?

³ Sinasabi ko sa inyo, Hindi: datapuwa't, malibang kayo'y mangagsisi, ay mangamamatay kayong lahat sa gayon ding paraan.

⁴ O yaong labingwalo, na nalagpakan ng moog sa ^(C)Siloe, at nangamatay, ay inaakala baga ninyo na sila'y lalong salarin kay sa lahat ng taong nangananahan sa Jerusalem?

⁵ Sinasabi ko sa inyo, Hindi: datapuwa't, malibang kayo'y mangagsisi, ay mangamamatay kayong lahat sa gayon ding paraan.

⁶ At sinalita niya ang talinghagang ito, Isang tao ay ^(D)may isang puno ng igos na natatanim sa kaniyang ubasan; at siya'y naparoong humahanap ng bunga niyaon, at walang nasumpungan.

⁷ At sinabi niya sa nagaalaga ng ubasan, Narito, tatlong taon nang pumaparito akong humahanap ng bunga sa puno ng igos na ito, at wala akong masumpungan: ^(E)putulin mo; bakit pa makasisikip sa lupa?

⁸ At pagsagot niya'y sinabi sa kaniya, Panginoon, pabayaan mo muna sa taong ito, hanggang sa aking mahukayan sa palibot, at malagyan ng pataba:

⁹ At kung pagkatapos ay magbunga, ay mabuti; datapuwa't kung hindi, ay puputulin mo.

¹⁰ At siya'y nagtuturo sa mga sinagoga nang araw ng sabbath.

¹¹ At narito, ang isang babae na may ^(F)espiritu ng sakit na may labingwalong taon na; at totoong baluktot at hindi makaunat sa anomang paraan.

¹² At nang siya'y makita ni Jesus, ay kaniyang tinawag siya, at sinabi niya sa kaniya, Babae, kalag ka na sa iyong sakit.

¹³ At ipinatong niya ang kaniyang mga kamay sa kaniya: at pagdaka siya'y naunat, at niluwalhati niya ang Dios.

¹⁴ At ^(G)ang pinuno sa sinagoga, ^(H)dala ng kagalitan, sapagka't si Jesus ay nagpagaling nang sabbath, ay sumagot at sinabi sa karamihan, ^(I)May anim na araw na ang mga tao'y dapat na magsigawa: kaya sa mga araw na iyan ay magsiparito kayo, at kayo'y pagagalingin, at huwag sa araw ng sabbath.

¹⁵ Datapuwa't sinagot siya ng Panginoon, at sinabi, ^(J)Kayong mga mapagpaimbabaw, hindi baga kinakalagan ng bawa't isa sa inyo sa sabbath ang kaniyang bakang lalake o ang kaniyang asno sa sabsaban, at ito'y inilalabas upang painumin?

¹⁶ At ^(K)ang babaing itong anak ni Abraham, na tinalian ni ^(L)Satanas, narito, sa loob ng labingwalong taon, hindi baga dapat kalagan ng taling ito sa araw ng sabbath?

¹⁷ At samantalang sinasabi niya ang mga bagay na ito, ay nangapahiya ang lahat ng kaniyang mga kaalit: at nangagagalak ang buong karamihan dahil sa lahat ^(M)ng maluwalhating bagay na kaniyang ginawa.

¹⁸ Sinabi nga niya, ^(N)Sa ano tulad ang kaharian ng Dios? at sa ano ko itutulad?

¹⁹ Tulad sa isang butil ng mostasa na kinuha ng isang tao, at inihagis sa kaniyang sariling halamanan; at ito'y sumibol, at naging isang punong kahoy; at humapon sa mga sanga nito ang mga ibon sa langit.

²⁰ At muling sinabi niya, Sa ano ko itutulad ang kaharian ng Dios?

²¹ Tulad sa lebadura ^(O)na kinuha ng isang babae, at itinago sa tatlong takal na harina, hanggang sa ito'y nalebadurahang lahat.

²² At siya'y yumaon sa kaniyang lakad sa mga bayan at mga nayon, na nagtuturo, at naglalakbay na tungo sa Jerusalem.

²³ At may isang nagsabi sa kaniya, Panginoon, ^(P)kakaunti baga ang mangaliligtas? At sinabi niya sa kanila,

²⁴ Magpilit kayong ^(Q)magsipasok sa pintuang makipot: sapagka't sinasabi ko sa inyo na marami ang mangagsisikap na pumasok, at hindi mangyayari.

²⁵ Kung makatindig na ang puno ng sangbahayan, at ^(R)mailapat na ang pinto, at magpasimula kayong mangagsitayo sa labas, at mangagsituktok sa pintuan, na mangagsasabi, Panginoon, buksan mo kami; at siya'y sasagot at sasabihin sa inyo, ^(S)Hindi ko kayo nangakikilala kung kayo'y taga saan;

²⁶ Kung magkagayo'y pasisimulan ninyong sabihin, ^(T)Nagsikain kami at nagsiinom sa harap mo, at nagturo ka sa aming mga lansangan;

²⁷ At sasabihin niya, Sinasabi ko sa inyo na hindi ko kayo nangakikilala kung kayo'y taga saan; magsilayo kayo sa akin, kayong lahat na manggagawa ng kalikuan.

²⁸ Diyan ^(U)na nga ang pagtangis, at ang pagngangalit ng mga ngipin, ^(V)kung mangakita ninyo si Abraham, at si Isaac, at si Jacob, at ang lahat ng mga propeta sa kaharian ng Dios, at kayo'y palabasin.

²⁹ At sila'y magsisipanggaling sa silanganan at sa kalunuran, at sa timugan at sa hilagaan, at magsisiupo sa kaharian ng Dios.

³⁰ At narito, ^(W)may mga huling magiging una at may mga unang magiging huli.

³¹ Nagsidating nang oras ding yaon ang ilang Fariseo, na nangagsasabi sa kaniya, Lumabas ka, at humayo ka rito: sapagka't ibig kang patayin ni Herodes.

³² At sinabi niya sa kanila, Magsiparoon kayo, at inyong sabihin sa sorrang yaon, Narito, nagpapalabas ako ng mga demonio at nagpapagaling ngayon at bukas, at ^(X)ako'y magiging sakdal sa ikatlong araw.

³³ Gayon ma'y kailangang ako'y yumaon sa aking lakad ^(Y)ngayon at bukas at sa makalawa: sapagka't hindi mangyayari na ang isang propeta ay mamatay sa labas ng Jerusalem.

³⁴ Oh Jerusalem, Jerusalem, ^(Z)na pumapatay sa mga propeta, at bumabato sa mga sinugo sa kaniya! Makailang inibig kong tipunin ang iyong mga anak, na gaya ng pagtitipon ng inahing manok sa kaniyang sariling mga sisiw sa ilalim ng kaniyang mga pakpak, at ayaw kayo!

³⁵ Narito, ^(AA)sa inyo'y iniwang walang anoman ang inyong bahay: at sinasabi ko sa inyo, Hindi ninyo ako makikita, hanggang sa inyong sabihin, ^(AB)Mapalad ang pumaparito sa pangalan ng Panginoon.

Ang tao ay mainam kumita ng kayamanan sa sanglibutan.

Ang karunungan ay lalong mabuting kayamanan, na ang Dios lamang ang nakaaalam.

14 Sundin ninyo ang pagibig; gayon ma'y maningas ninyong ^(A)pakanasain ang mga kaloob na ayon sa espiritu, nguni't lalo na ang kayo'y mangakapanghula.

² Sapagka't ang nagsasalita ng wika ay hindi sa mga tao nagsasalita, kundi sa Dios; sapagka't walang nakauunawa sa kaniya; kundi sa espiritu ay nagsasalita ng mga hiwaga.

³ Datapuwa't ang nanghuhula ay nagsasalita sa mga tao sa ^(B)ikatitibay, at sa ikapangangaral, at sa ikaaaliw.

⁴ Ang nagsasalita ng wika, ay nagpapatibay sa sarili; nguni't ang nanghuhula ay ^(C)nagpapatibay sa iglesia.

⁵ Ibig ko sanang kayong lahat ay mangagsalita ng mga wika, datapuwa't lalo na ang kayo'y magsipanghula: at lalong dakila ang nanghuhula kay sa nagsasalita ng mga wika, ^(D)maliban na kung siya'y magpapaliwanag upang ang iglesia ay mapagtibay.

⁶ Ngayon nga, mga kapatid, kung ako'y pumariyan sa inyo na nagsasalita ng mga wika, anong inyong pakikinabangin sa akin, maliban na kung kayo'y pagsalitaan ko sa pamamagitan ng ^(E)pahayag, o ng ^(F)kaalaman, o ng panghuhula, o ng aral?

⁷ Kahit ang mga bagay na walang buhay, na nagsisitunog, maging plauta, o alpa, kundi bigyan ng pagkakaiba ang mga tunog, paanong malalaman kung ano ang tinutugtog sa plauta o sa alpa?

⁸ Sapagka't kung ang pakakak ay tumunog na walang katiyakan, sino ang hahanda sa pakikibaka?

⁹ Gayon din naman kayo, kung hindi ipinangungusap ninyo ng dila ang mga salitang madaling maunawaan, paanong matatalos ang inyong sinasalita? sapagka't sa hangin kayo magsisipagsalita.

¹⁰ Halimbawa, mayroon ngang iba't ibang mga tinig sa sanglibutan, at walang di may kahulugan.

¹¹ Kung hindi ko nga nalalaman ang kahulugan ng tinig, magiging ^(G)barbaro ako sa nagsasalita, at ang nagsasalita ay magiging barbaro sa akin.

¹² Gayon din naman kayo, na yamang kayo'y mapagsikap sa mga kaloob na ayon sa espiritu ay pagsikapan ninyong kayo'y magsisagana sa ikatitibay ng iglesia.

¹³ Kaya't ang nagsasalita ng wika ay manalangin na siya'y makapagpaliwanag.

¹⁴ Sapagka't kung ako'y nananalangin sa wika, ay nananalangin ang aking espiritu, datapuwa't ang aking pagiisip ay hindi namumunga.

¹⁵ Ano nga ito? Mananalangin ako sa espiritu, at mananalangin din naman ako sa pagiisip: ^(H)aawit ako sa espiritu, at ^(I)aawit din naman ako sa pagiisip.

¹⁶ Sa ibang paraan, kung ikaw ay nagpupuri sa espiritu, ang nasa kalagayan ng ^(J)di marunong, paanong siya'y makapagsasabi ng ^(K)Siya nawa, ^(L)sa iyong pagpapasalamat, palibhasa'y hindi nalalaman ang inyong sinasabi?

¹⁷ Sapagka't ikaw sa katotohanan ay nagpapasalamat kang mabuti, datapuwa't ang iba'y hindi napapagtibay.

¹⁸ Nagpapasalamat ako sa Dios, na ako'y nagsasalita ng mga wika na higit kay sa inyong lahat:

¹⁹ Nguni't sa iglesia ibig ko pang magsalita ng limang salita ng aking pagiisip, upang makapagturo ako naman sa iba, kay sa magsalita ng sangpung libong salita sa wika.

²⁰ Mga kapatid, ^(M)huwag kayong mangagpakabata sa pagiisip; gayon ma'y sa kahalayan ay mangagpakasanggol kayo, datapuwa't sa pagiisip kayo'y ^(N)mangagpakatao.

^21 (O)Sa kautusan ay nasusulat, ^(P)sa pamamagitan ng mga taong may iba't ibang wika, at sa pamamagitan ng mga labi ng mga taga ibang lupa ay magsasalita ako, sa bayang ito: at gayon ma'y hindi ako pakikinggan nila, ang sabi ng Panginoon.

²² Kaya nga ang mga wika ay pinaka tanda, hindi sa mga nagsisisampalataya; kundi sa mga hindi nagsisisampalataya; nguni't ^(Q)ang panghuhula ay hindi sa mga hindi nagsisisampalataya, kundi sa mga nagsisisampalataya.

²³ Kung ang buong iglesia nga'y magkatipon sa isang dako at lahat ay mangagsalita ng mga wika, at mangagsipasok ang mga hindi marurunong o hindi mga nagsisisampalataya, ^(R)hindi baga nila sasabihing kayo'y mga ulol?

²⁴ Datapuwa't kung ang lahat ay nagsisipanghula, at may pumasok na isang hindi sumasampalataya, o hindi marunong, mahihikayat siya ng lahat, masisiyasat siya ^(S)ng lahat;

²⁵ Ang mga lihim ng kaniyang puso ay nahahayag; at sa gayo'y magpapatirapa siya at sasamba sa Dios, na sasabihing ^(T)tunay ngang ang Dios ay nasa gitna ninyo.

²⁶ Ano nga ito, mga kapatid? Pagka kayo'y nangagkakatipon ang bawa't isa sa inyo'y may isang ^(U)awit, may isang ^(V)aral, may isang ^(W)pahayag, may wika, may isang pagpapaliwanag. ^(X)Gawin ninyo ang lahat ng mga bagay sa ikatitibay.

²⁷ Kung nagsasalita ang sinoman ng wika, maging dalawa, o huwag higit sa tatlo, at sunodsunod; at ang isa'y magpaliwanag:

²⁸ Datapuwa't kung walang tagapagpaliwanag ay tumahimik siya sa iglesia; at siya'y magsalita sa kaniyang sarili, at sa Dios.

²⁹ At ang dalawa o tatlo sa ^(Y)mga propeta ay magsipagsalita, at ^(Z)ang mga iba'y mangagsiyasat.

³⁰ Datapuwa't kung may ^(AA)ipinahayag na anoman sa isang nauupo, ay tumahimik ang nauuna.

³¹ Sapagka't kayong lahat ay makapanghuhulang isa-isa, upang ang lahat ay mangatuto, at ang lahat ay maaralan;

³² At ang mga espiritu ng mga propeta ay nasasakupan ng mga propeta;

³³ Sapagka't ang Dios ay hindi Dios ng kaguluhan, kundi ng kapayapaan. ^(AB)Gaya sa lahat ng mga iglesia ng mga banal,

^34 (AC)Ang mga babae ay magsitahimik sa mga iglesia: sapagka't sila'y walang kapahintulutang mangagsalita; kundi sila'y pasakop, gaya naman ng ^(AD)sinasabi ng kautusan.

³⁵ At kung ibig nilang maalaman ang anomang bagay, magtanong sila sa kanilang asawa sa bahay; sapagka't mahalay na ang isang babae ay magsalita sa iglesia.

³⁶ Ano? lumabas baga mula sa inyo ang salita ng Dios? o sa inyo lamang dumating?

³⁷ Kung ^(AE)iniisip ninoman na siya'y propeta, o ayon sa espiritu, ay kilalanin niya ang mga bagay na sa inyo'y isinusulat ko, na pawang utos ng Panginoon.

³⁸ Datapuwa't kung ang sinoman ay mangmang, ay manatili siyang mangmang.

³⁹ Kaya nga, mga kapatid ko, maningas na pakanasain ninyong makapanghula, at huwag ninyong ipagbawal ang magsalita ng mga wika.

⁴⁰ Datapuwa't gawin ninyong may karapatan at may kaayusan ang lahat ng mga bagay.