Chronological

7 Sapagka't itong si ^(A)Melquisedec, hari sa Salem, saserdote ng Kataastaasang Dios, na siyang sumalubong kay Abraham sa pagbabalik na galing sa paglipol sa mga hari at siya'y pinagpala niya,

² Na siya namang binahagihan ni Abraham ng ikasangpung bahagi ng lahat (na kung sasaysayin, una-una, siya'y Hari ng katuwiran, at saka Hari naman sa Salem, na sa makatuwid, ay Hari ng kapayapaan;

³ Na walang ama, walang ina, walang tandaan ng lahi, at walang pasimula ng mga araw ni katapusan ng buhay man, datapuwa't naging katulad ng ^(B)Anak ng Dios), ay nanatiling saserdote ^(C)magpakailan man.

⁴ Nilaynilayin nga ninyo kung gaano ang kadakilaan ng taong ito, na binigyan ni Abraham, na patriarka, ng ikasangpung bahagi ng mga pinakamagagaling na samsam.

⁵ At katotohanan ^(D)ang mga sa anak ni Levi na nagsisitanggap ng katungkulang saserdote, ay mayroong utos na kumuha ng ikasangpung bahagi sa bayan ayon sa kautusan, sa makatuwid ay sa kanilang mga kapatid, bagama't ang mga ito ay nagsilabas sa mga balakang ni Abraham:

⁶ Nguni't yaong ang talaan ng lahi ay hindi ibinibilang sa kanila ay kumuha ng ikasangpung bahagi kay Abraham, at pinagpala ^(E)yaong may mga pangako.

⁷ Datapuwa't walang anomang pagtatalo ang mababa ay pinagpapala ng mataas.

⁸ At dito'y ang mga taong may kamatayan ay tumatanggap ng ikasangpung bahagi; datapuwa't doon ay ang isa, na ^(F)pinatutunayang nabubuhay.

⁹ At sa makatuwid baga'y sa pamamagitan ni Abraham pati si Levi, na tumatanggap ng ikasangpung bahagi, ay nagbayad ng ikasangpung bahagi;

¹⁰ Sapagka't siya'y nasa mga balakang pa ng kaniyang ama, nang ito'y salubungin ni Melquisedec.

¹¹ Ngayon kung may kasakdalan ^(G)nga sa pamamagitan ng pagkasaserdote ng mga Levita (sapagka't sa ilalim nito ay tinanggap ng bayan ang kautusan), anong kailangan pa na magbangon ang ibang saserdote, ^(H)ayon sa pagkasaserdote ni Melquisedec at hindi ibilang ayon sa pagkasaserdote ni Aaron?

¹² Sapagka't nang palitan ang pagkasaserdote ay kinailangang palitan naman ang kautusan.

¹³ Sapagka't yaong tungkol sa kaniya ay sinasabi ang mga bagay na ito ay naukol sa ibang angkan, na doon ang sinoma'y hindi naglilingkod sa dambana.

¹⁴ Sapagka't maliwanag na ^(I)ang ating Panginoon ay lumitaw mula kay Juda; na tungkol sa angkang yao'y walang sinalitang anoman si Moises hinggil sa mga saserdote.

¹⁵ At lalo pang napakaliwanag ito, kung ayon sa anyo ni Melquisedec ay lumitaw ang ibang saserdote,

¹⁶ Na ginawa, hindi ayon sa kautusan ng utos na ukol sa laman, kundi ayon sa kapangyarihan ng isang buhay na walang katapusan:

¹⁷ Sapagka't pinatotohanan tungkol sa kaniya,

¹⁸ Sapagka't napapawi ang unang utos dahil sa ^(K)kaniyang kahinaan at kawalan ng kapakinabangan

¹⁹ (Sapagka't ang kautusan ay walang anomang pinasasakdal), at ^(L)may pagpapasok ng isang pagasang lalong magaling, na sa pamamagitan nito ay ^(M)nagsisilapit tayo sa Dios.

²⁰ At yamang yao'y hindi naging sa walang sumpa

²¹ (Sapagka't sila'y sa katotohanan ay ginawang mga saserdote na walang sumpa; datapuwa't siya'y may sumpa sa pamamagitan niyaong nagsasabi tungkol sa kaniya,

²² Ay gayon din naman si Jesus ay naging tagapanagot ^(N)sa lalong mabuting tipan.

²³ At katotohanang sila'y marami sa bilang na naging mga saserdote, sapagka't dahil sa kamatayan ay napigil sila ng pagpapatuloy:

²⁴ Datapuwa't siya, sapagka't namamalagi magpakailan man ay may pagkasaserdote siyang di mapapalitan.

²⁵ Dahil dito naman siya'y nakapagliligtas na lubos sa ^(O)mga nagsisilapit sa Dios sa pamamagitan niya, palibhasa'y laging nabubuhay siya upang ^(P)mamagitan sa kanila.

²⁶ Sapagka't nararapat sa atin ang gayong ^(Q)dakilang saserdoteng ^(R)banal, walang sala, walang dungis, ^(S)nahihiwalay sa mga makasalanan, ^(T)at ginawang lalong mataas pa kay sa mga langit;

²⁷ Na hindi nangangailangan ^(U)araw-araw na maghandog ng hain, na gaya niyaong mga dakilang saserdote ^(V)una-una'y patungkol sa kaniyang sariling mga kasalanan at saka patungkol sa mga kasalanan ng bayan: sapagka't ^(W)ito'y ginawa niyang ^(X)minsan magpakailan man, nang kaniyang ihandog ang kaniyang sarili.

²⁸ Sapagka't inilagay ng kautusan na mga dakilang saserdote ang mga taong may kahinaan; nguni't ang salita ng ^(Y)sumpa na kasunod ng kautusan ay siyang naglalagay sa ^(Z)Anak, ^(AA)na sakdal magpakailan man.

8 Ang kinauuwian nga ng mga bagay na aming sinasabi ay ito: Mayroon tayong isang ^(AB)dakilang saserdote, ^(AC)na nakaupo sa kanan ng luklukan ng Karangalan sa mga langit,

² Ministro ^(AD)sa santuario, at sa tunay na tabernakulo, na itinayo ng Panginoon, hindi ng tao.

³ Sapagka't ang ^(AE)bawa't dakilang saserdote ay inilagay upang maghandog ng mga kaloob at ng mga hain naman: sa ganito'y ^(AF)kinakailangan din namang siya'y magkaroon ng anomang ihahandog.

⁴ Kung siya nga'y nasa lupa ay hindi siya saserdote sa anomang paraan, palibhasa'y mayroon nang nagsisipaghandog ng mga kaloob ayon sa kautusan;

⁵ Na nangaglilingkod sa anyo at ^(AG)anino ng mga bagay sa kalangitan, gaya naman ni Moises na pinagsabihan ng Dios nang malapit ng gawin niya ang tabernakulo: sapagka't sinabi niya, ^(AH)Ingatan mo na iyong gawin ang lahat ng mga bagay ayon sa anyong ipinakita sa iyo sa bundok.

⁶ Datapuwa't ngayo'y kinamtan niya ang ministeriong ^(AI)lalong marangal, palibhasa'y siya nama'y ^(AJ)tagapamagitan sa isang tipang ^(AK)lalong magaling, na inilagda sa lalong mabubuting pangako.

⁷ Sapagka't ^(AL)kung ang unang tipang yaon ay naging walang kakulangan, ay hindi na sana inihanap ng pangangailangan ang ikalawa.

⁸ Sapagka't sa pagkakita ng kakulangan sa kanila, ay sinabi niya,

¹³ Doon sa sinasabi niya, Isang bagong tipan, ay ^(AO)linuma niya ang una. Datapuwa't ang nagiging luma at tumatanda ay malapit ng lumipas.

9 Ngayon, ang unang tipan din ay nagkaroon ng mga palatuntunan ng pagsamba sa Dios, at ng kaniyang ^(AP)santuario, ang santuario ng sanglibutang ito.

² Sapagka't ^(AQ)inihanda ang isang tabernakulo, ang una, ^(AR)na kinaroroonan ng ^(AS)kandelero, at ^(AT)ng dulang, at ^(AU)ng mga tinapay na handog; na siyang tinatawag na Dakong Banal.

³ At sa likod ng ikalawang tabing ^(AV)ay ang tabernakulo na tinatawag na Dakong Kabanalbanalan;

⁴ Na may isang ^(AW)gintong dambana ng kamangyan at ^(AX)kaban ng tipan, at ang paligid ay nakakalupkupan ng ginto, na siyang kinaroroonan ng sisidlang-ginto ^(AY)na may lamang mana, at tungkod ^(AZ)ni Aaron na namulaklak, at ^(BA)mga tapyas na bato ng tipan;

⁵ At sa ibabaw nito ay ^(BB)ang mga querubin ng kaluwalhatian na nangagsisililim sa ^(BC)luklukan ng awa; na ang mga bagay na ito ay hindi natin mapaguusapan ngayon ng isa isa.

⁶ At sa ganitong pagkahanda ng mga bagay na ito, sa unang tabernakulo ay palaging nagsisipasok ^(BD)ang mga saserdote, na tinutupad ang mga katungkulan;

⁷ Datapuwa't sa ^(BE)ikalawa ay pumapasok na ^(BF)nagiisa ang dakilang saserdote, minsan sa isang taon, na hindi walang dalang dugo, na inihahandog na patungkol sa kaniyang sarili, at sa mga kamalian ng bayan:

⁸ Na ipinakikilala ^(BG)ng Espiritu Santo, na hindi pa naihahayag ^(BH)ang pagpasok sa dakong banal samantalang natatayo pa ang unang tabernakulo;

⁹ Na yao'y isang ^(BI)talinghaga ng panahong kasalukuyan; ayon dito ay inihahandog ang mga kaloob at ang mga hain, tungkol sa budhi, ^(BJ)na hindi magpapasakdal sa sumasamba,

¹⁰ Palibhasa'y palatuntunan lamang na ^(BK)ukol sa laman, na iniatang hanggang sa panahon ng pagbabago (gaya ng mga ^(BL)pagkain, at mga inumin at sarisaring paglilinis).

¹¹ Nguni't pagdating ni Cristo na dakilang saserdote ^(BM)ng mabubuting bagay na darating, ^(BN)sa pamamagitan ng lalong malaki at lalong sakdal na tabernakulo, na hindi ^(BO)gawa ng mga kamay, sa makatuwid baga'y hindi sa paglalang na ito,

¹² At hindi rin naman sa pamamagitan ng dugo ng mga kambing at ng mga bulong baka, kundi sa pamamagitan ng ^(BP)kaniyang sariling dugo, ay pumasok na ^(BQ)minsan magpakailan man sa ^(BR)dakong banal, na kinamtan ang walang hanggang katubusan.

¹³ Sapagka't ^(BS)kung ang dugo ng mga kambing at ng mga baka, at ^(BT)ang abo ng dumalagang baka na ibinubudbod sa mga nadungisan, ay makapagiging banal sa ikalilinis ng laman:

¹⁴ Gaano pa kaya ^(BU)ang dugo ni Cristo, na sa pamamagitan ng Espiritu na walang hanggan ay inihandog ang kaniyang sarili na walang dungis sa Dios, ay ^(BV)maglilinis ng inyong budhi ^(BW)sa mga gawang patay upang magsipaglingkod sa Dios na buhay?

¹⁵ At dahil dito'y siya ang ^(BX)tagapamagitan ng isang ^(BY)bagong tipan, upang sa pamamagitan ng isang kamatayan na ukol sa ikatutubos ng mga pagsalangsang na nasa ilalim ng unang tipan, ^(BZ)ang mga tinawag ay magsitanggap ng pangako na manang walang hanggan.

¹⁶ Sapagka't kung saan mayroong tipan doo'y kinakailangan ang kamatayan ng gumawa niyaon.

¹⁷ Sapagka't ^(CA)ang isang tipan ay may kabuluhan kung mamatay ang gumawa: sa ibang paraa'y walang anomang kabuluhan samantalang nabubuhay ang gumawa.

¹⁸ Kaya't ang una mang tipan ay hindi itinalaga ng walang dugo.

¹⁹ Sapagka't ^(CB)nang salitain ni Moises ang bawa't utos sa buong bayan ayon sa kautusan, ay kumuha siya ng dugo ng ^(CC)mga bulong baka at ng mga kambing, ^(CD)na may tubig at balahibong mapula ng tupa at isopo, at winisikan ang aklat at gayon din ang boong bayan,

²⁰ Na sinasabi, Ito ^(CE)ang dugo ng tipan na iniutos ng Dios tungkol sa inyo.

²¹ Gayon din ang tabernakulo at ang lahat ng mga kasangkapan sa pangangasiwa ay ^(CF)pinagwiwisikan niya ng dugo sa gayon ding paraan.

²² At ayon sa kautusan, ay halos masasabi kong lahat ng mga bagay ay nililinis ng dugo, at ^(CG)maliban na sa pagkabuhos ng dugo ay walang kapatawaran.

²³ Kinakailangan nga na ^(CH)ang mga anyo ng mga bagay sa sangkalangitan ay linisin ng mga ito; nguni't ang mga bagay ring ito sa sangkalangitan ay linisin ng lalong mabubuting handog kay sa rito.

²⁴ Sapagka't hindi pumasok si Cristo sa dakong banal na ginawa ng mga kamay, na kahalintulad lamang ^(CI)ng tunay; kundi ^(CJ)sa talagang langit, upang humarap ngayon sa harapan ng Dios ^(CK)dahil sa atin:

²⁵ At siya'y hindi rin naman kailangang ihandog na madalas pa ang kaniyang sarili, na ^(CL)gaya ng dakilang saserdote na pumapasok sa dakong banal ^(CM)taon-taon na may dalang dugo na hindi niya sarili;

²⁶ Sa ibang paraan ay kailangan na siya'y magbatang madalas mula nang itatag ang sanglibutan: datapuwa't ngayon ay ^(CN)minsan siya'y nahayag ^(CO)sa katapusan ng mga panahon ^(CP)upang alisin ang kasalanan sa pamamagitan ng pagkahandog ng kaniyang sarili.

²⁷ At kung paanong itinakda sa mga tao ang mamatay na minsan, at pagkatapos nito ay ang paghuhukom;

²⁸ Ay gayon din naman si Cristo, na inihandog na minsan ^(CQ)upang dalhin ang mga kasalanan ^(CR)ng marami, sa ikalawa'y pakikita na hiwalay sa kasalanan, sa ikaliligtas ^(CS)ng mga nagsisipaghintay sa kaniya.

10 Sapagka't ang kautusan na may ^(CT)isang anino ^(CU)ng mabubuting bagay na darating, hindi ang tunay na larawan ng mga bagay, ^(CV)kailan pa man ay di maaaring magpasakdal sa mga nagsisilapit sa pamamagitan ng mga hain na laging inihahandog sa taon-taon.

² Sa ibang paraan ay hindi kaya baga nagsipaglikat sila ng paghahandog? sapagka't ang mga nagsisisamba, yamang nalinis na minsan, ay hindi na sana nagkaroon pa ng budhi sa mga kasalanan.

³ Nguni't ^(CW)sa mga hain yaon ginagawa ang pagaalaala sa mga kasalanan taon-taon.

⁴ Sapagka't di maaari na ^(CX)ang dugo ng mga baka at ng mga kambing ay makapagalis ng mga kasalanan.

⁵ Kaya't ^(CY)pagpasok niya sa sanglibutan, ay sinasabi,

⁸ Sa itaas ay sinasabi, Mga hain at mga handog at mga handog na susunuging buo at mga haing patungkol sa kasalanan ay hindi mo ibig, at di mo rin kinalulugdan (mga bagay na inihahandog ayon sa kautusan),

⁹ Saka sinabi niya, Narito, ako'y pumarito upang gawin ang iyong kalooban. Inaalis niya ang una, upang maitatag ang ikalawa.

¹⁰ Sa ^(DB)kaloobang yaon tayo'y pinapaging-banal, sa pamamagitan ng pagkahandog ng ^(DC)katawan ni Cristo na ^(DD)minsan magpakailan man.

¹¹ At katotohanang ang bawa't saserdote ^(DE)na araw-araw ay nangangasiwa ng patayo at naghahandog na madalas ng gayon ding mga hain, na hindi makaalis kailan pa man ng mga kasalanan:

¹² Nguni't siya, nang makapaghandog ng ^(DF)isa lamang hain patungkol sa mga kasalanan ^(DG)magpakailan man, ay umupo sa kanan ng Dios;

¹³ Buhat noon ay naghihintay hanggang sa ang ^(DH)kaniyang mga kaaway ay maging tungtungan ng kaniyang mga paa.

¹⁴ Sapagka't sa pamamagitan ng isang paghahandog ay ^(DI)kaniyang pinasakdal magpakailan man ^(DJ)ang mga pinapagiging-banal.

¹⁵ At ang Espiritu Santo ay nagbibigay patotoo ^(DK)rin naman sa atin; sapagka't pagkasabi niya na,

¹⁶ Ito ang tipang gagawin ko sa kanila

¹⁸ At kung saan may kapatawaran ng mga ito ay wala nang paghahandog na patungkol pa sa kasalanan.

¹⁹ Mga kapatid, yamang ^(DM)may kalayaan ngang makapasok sa ^(DN)dakong banal sa pamamagitan ng dugo ni Jesus,

²⁰ Sa pamamagitan ng daang bago at buhay na kaniyang itinalaga sa atin, ^(DO)sa pamamagitan ng tabing, sa makatuwid baga'y sa kaniyang laman;

²¹ At yamang may ^(DP)isang Dakilang Saserdote na pangulo sa ^(DQ)bahay ng Dios;

²² Tayo'y magsilapit na may tapat na puso ^(DR)sa lubos na pananampalataya, na ang ating mga puso na winisikan mula ^(DS)sa isang masamang budhi: at ^(DT)mahugasan ang ating katawan ng dalisay na tubig,

²³ Na ating ingatang matibay ang ^(DU)pagkakilala ng ating pagasa upang huwag magalinlangan: sapagka't ^(DV)tapat ang nangako:

²⁴ At tayo'y mangagtinginan upang tayo'y mangaudyok sa pagiibigan at mabubuting gawa;

²⁵ Na huwag nating pabayaan ang ^(DW)ating pagkakatipon, na gaya ng ugali ng iba, kundi mangagaralan sa isa't isa; at lalo na kung inyong namamalas na nalalapit na ^(DX)ang araw.

²⁶ Sapagka't ^(DY)kung ating sinasadya ang pagkakasala pagkatapos na ating matanggap ang pagkakilala sa katotohanan, ^(DZ)ay wala nang haing natitira pa tungkol sa mga kasalanan,

²⁷ Kundi isang kakilakilabot na paghihintay sa paghuhukom, at isang kabangisan ng apoy na lalamon sa mga kaaway.

^28 (EA)Ang magpawalang halaga sa kautusan ni Moises sa patotoo ng dalawa o tatlong saksi, ay mamamatay na walang awa:

²⁹ Gaano kayang higpit ng parusa, sa akala ninyo, ^(EB)ang ihahatol na nauukol doon ^(EC)sa yumurak sa ^(ED)Anak ng Dios, at umaring di banal ^(EE)sa dugo ng ^(EF)tipan na ^(EG)nagpabanal sa kaniya, ^(EH)at umalipusta sa Espiritu ng biyaya?

³⁰ Sapagka't ating nakikilala yaong nagsabi, ^(EI)Akin ang paghihiganti, ako ang gaganti. At muli, Huhukuman ^(EJ)ng Panginoon ang kaniyang bayan.

³¹ Kakilakilabot na bagay ang mahulog sa mga kamay ng Dios na buhay.

³² Datapuwa't ^(EK)alalahanin ang mga nakaraang araw, na sa mga yaon, pagkatapos na kayo'y maliwanagan, ay nangagtiis kayo ng malaking pakikilaban ng mga pagbabata;

³³ Na una una ay naging isang katawatawa dahil sa mga pagkasiphayo at gayon din sa mga kahirapan; at sa ikalawa, ay naging kasama niyaong mga inaring gayon.

³⁴ Sapagka't kayo'y nangahabag sa mga may tanikala, at tinanggap ninyo ng buong galak ^(EL)ang pagkaagaw ng inyong pagaari, palibhasa'y inyong nalalamang ^(EM)mayroon kayo sa inyong sarili ng isang pagaaring lalong mabuti at tumatagal.

³⁵ Huwag nga ninyong itakuwil ang inyong pagkakatiwala, na may dakilang ganting-pala.

³⁶ Sapagka't kayo'y nangangailangan ^(EN)ng pagtitiis, upang kung inyong magawa ang kalooban ng Dios, ay ^(EO)magsitanggap kayo ng pangako.

³⁹ Nguni't tayo'y hindi doon ^(ES)sa mga nagsisibalik sa kapahamakan; kundi doon sa mga may pananampalataya sa ikaliligtas ng kaluluwa.