Chronological

11 Sinasabi ko nga, Itinakuwil baga ng Dios ang kaniyang bayan? Huwag nawang mangyari. Sapagka't ^(A)ako man ay Israelita, sa binhi ni Abraham, sa angkan ni Benjamin.

^2 (B)Hindi itinakuwil ng Dios ang kaniyang bayan na ^(C)nang una pa'y kinilala niya. O hindi baga ninyo nalalaman ang sinasabi ng kasulatan tungkol kay Elias? kung paanong namamagitan siya sa Dios laban sa Israel na sinabi:

³ Panginoon, pinatay nila ^(D)ang iyong mga propeta, giniba nila ang iyong mga dambana; at ako'y naiwang nagiisa, at hinahanap nila ang aking buhay.

⁴ Datapuwa't ano ang sinasabi ng kasagutan ng Dios sa kaniya? ^(E)Nagtira ako sa akin ng pitong libong lalake na hindi nangagsiluhod kay Baal.

⁵ Gayon din nga ^(F)sa panahong itong kasalukuyan ay may isang nalalabi ayon sa pagkahirang ng biyaya.

⁶ Nguni't ^(G)kung ito'y sa pamamagitan ng biyaya, ay hindi na sa mga gawa: sa ibang paraan ang biyaya ay hindi biyaya.

⁷ Ano nga? Ang hinahanap ng ^(H)Israel ay hindi niya kinamtan; datapuwa't ito'y kinamtan ng pagkahirang, at ang mga iba'y pinapagmatigas:

⁸ Ayon sa nasusulat, ^(I)Binigyan sila ng Dios ng Espiritu ng pagkakatulog, ^(J)ng mga matang hindi nangakakakita, at ng mga pakinig na hindi nangakakarinig, hanggang sa araw na ito.

⁹ At sinasabi ni David,

¹¹ Sinasabi ko nga, Nangatisod kaya sila upang mangahulog? Huwag nawang mangyari: datapuwa't sa pagkahulog nila'y ^(L)dumating ang pagkaligtas sa mga Gentil, ^(M)upang ipamungkahi sila sa paninibugho.

¹² Ngayon kung ang pagkahulog nga nila ay siyang kayamanan ng sanglibutan, at ang pagkalugi nila ay siyang kayamanan ng mga Gentil; gaano pa ang kapunuan nila?

¹³ Datapuwa't nagsasalita ako sa inyong mga Gentil. Palibasa'y ^(N)ako nga'y apostol ng mga Gentil, ay niluluwalhati ko ang aking ministerio;

¹⁴ Baka sa anomang paraan ay maipamungkahi ko sa paninibugho yaong aking mga kalaman, at ^(O)maligtas ang ilan sa kanila.

¹⁵ Sapagka't kung ang pagkatakuwil sa kanila ay siyang pakikipagkasundo ng sanglibutan, ano kaya ang pagtanggap sa kanila, kundi buhay mula sa mga patay?

¹⁶ At kung ang ^(P)pangunahing bunga ay banal, ay gayon din ang lahat: at kung ang ugat ay banal, ay gayon din ang mga sanga.

¹⁷ Datapuwa't kung ^(Q)ang ilang mga sanga'y nangabali, ^(R)at ikaw, na isang olibong ligaw ay isinanib ka sa kanila, at ikaw ay naging kabahagi nila sa ugat ng katabaan ng punong olibo;

¹⁸ Huwag kang magpalalo sa mga sanga: datapuwa't kung magpalalo ka, ay hindi ikaw ang nagkakandili sa ugat, kundi ang ugat ang nagkakandili sa iyo.

¹⁹ Sasabihin mo nga, Ang mga sanga ay nangabali upang ako ay makasanib.

²⁰ Mabuti; sa kawalan nila ng pananampalataya ay nangabali sila, at ^(S)sa iyong pananampalataya'y nakatayo ka. Huwag kang magpalalo kundi matakot ka:

²¹ Sapagka't kung hindi nga pinatawad ng Dios ang mga talagang sanga, ikaw man ay hindi patatawarin.

²² Masdan mo nga ang kabutihan at ang kabagsikan ng Dios: ang kabagsikan ay sa nangahulog, datapuwa't ang kabutihan ng Dios ay sa iyo, kung mamamalagi ka sa kaniyang kabutihan: sa ibang paraan ay ^(T)ikaw man ay puputulin.

²³ At sila naman, kung hindi mangagsisilagi sa di pananampalataya ay mangakakasanib: sapagka't makapangyarihan ang Dios upang sila'y isanib na muli.

²⁴ Sapagka't kung ikaw ay pinutol doon sa talagang olibong ligaw, at laban sa kaugalian ay isinanib ka sa mabuting punong olibo; gaano pa nga ang mga ito, na mga talagang sanga, na mangakakasanib sa kanilang sariling punong olibo?

²⁵ Sapagka't hindi ko ibig, mga kapatid, na di ninyo maalaman ang hiwagang ito, baka kayo'y mangagmarunong sa ^(U)inyong sariling mga haka, na ang ^(V)katigasan ng isang bahagi ay nangyari sa Israel, ^(W)hanggang sa pumasok ang kapunuan ng mga Gentil;

²⁶ At sa ganito'y ang buong Israel ay maliligtas: gaya ng nasusulat,

²⁸ Tungkol sa evangelio, ay mga kaaway sila dahil sa inyo: datapuwa't tungkol sa pagkahirang, ay mga ^(Z)pinakaiibig sila dahil sa mga magulang.

²⁹ Sapagka't ^(AA)ang mga kaloob at ang pagtawag ng Dios ay hindi nagbabago.

³⁰ Sapagka't kung paanong kayo ^(AB)nang nakaraang panahon ay mga masuwayin sa Dios, datapuwa't ngayon kayo'y nangagkamit ng habag sa pamamagitan ng kanilang pagsuway,

³¹ Gayon din naman ang mga ito ay naging mga masuwayin ngayon, upang sa pamamagitan ng habag na ipinagkaloob sa inyo, sila nama'y magkamit ngayon ng habag.

³² Sapagka't ang lahat ay kinulong ng ^(AC)Dios sa kasuwayan, upang siya'y mahabag sa lahat.

³³ Oh kalaliman ng mga kayamanan ng karunungan at ng kaalaman ng Dios! oh di matingkalang mga hatol ^(AD)niya, at ^(AE)hindi malirip na kaniyang mga daan!

³⁴ Sapagka't ^(AF)sino ang nakaalam ng pagiisip ng Panginoon? o sino ang kaniyang naging kasangguni?

³⁵ O ^(AG)sino ang nagbigay na una sa kaniya, at siya'y babayarang muli?

³⁶ Sapagka't ^(AH)kaniya, at sa pamamagitan niya, at sa kaniya, ang lahat ng mga bagay. ^(AI)Sumakaniya nawa ang kaluwalhatian magpakailan man. Siya nawa.

12 Kaya nga, mga kapatid, ^(AJ)ipinamamanhik ko sa inyo, alangalang sa mga kahabagan ng Dios, na ^(AK)inyong iharap ang inyong mga katawan na isang haing buháy, banal, na kaayaaya sa Dios, na siya ninyong katampatang pagsamba.

² At ^(AL)huwag kayong magsiayon ^(AM)sa sanglibutang ito: kundi magiba kayo ^(AN)sa pamamagitan ng pagbabago ng inyong pagiisip, upang mapatunayan ninyo ^(AO)kung alin ang mabuti at kaayaaya at lubos na kalooban ng Dios.

³ Sapagka't sinasabi ko, sa pamamagitan ng biyaya na sa akin ay ibinigay, sa bawa't tao sa inyo, na ^(AP)huwag magisip sa kaniyang sarili ng totoong matayog kay sa nararapat niyang isipin; kundi magisip na may kahinahunan, ^(AQ)ayon sa kasukatan ng pananampalataya na ibinahagi ng Dios sa bawa't isa.

⁴ Sapagka't ^(AR)kung paanong sa isang katawan ay mayroong tayong maraming mga sangkap, at ang lahat ng mga sangkap ay hindi pareho ang gawain:

⁵ Ay gayon din tayo, na ^(AS)marami, ay iisang katawan kay Cristo, at ^(AT)mga sangkap na samasama sa isa't isa.

^6 (AU)At yamang may mga kaloob na nagkakaibaiba ayon sa biyaya na ibinigay sa atin, kung ^(AV)hula, ay manganghula tayo ayon sa kasukatan ng ating pananampalataya;

⁷ O kung ministerio, ay gamitin natin ang ating sarili sa ating ministerio; o ang nagtuturo, ay sa kaniyang pagtuturo;

⁸ O ang umaaral, ay sa kaniyang pagaral: ang namimigay, ay magbigay na may magandang-loob; ang nagpupuno, ay magsikap; ang nahahabag ay magsaya.

⁹ Ang pagibig ay maging walang pagpapaimbabaw. Kapootan ninyo ang masama; makisanib kayo sa mabuti.

¹⁰ Sa pagibig sa mga kapatid ay mangagmahalan kayo; sa kapurihan ay ipagpauna ng isa't isa ang iba;

¹¹ Huwag mga tamad sa pagsusumikap; maningas sa espiritu; mapaglingkod sa Panginoon;

¹² Mangagalak sa pagasa; magmatiisin sa kapighatian; ^(AW)magmatiyagain sa pananalangin;

^13 (AX)Mapagdamay sa mga kailangan ng mga banal; maging mapagpatuloy.

¹⁴ Pagpalain ninyo ^(AY)ang mga sa inyo'y nagsisiusig; pagpalain ninyo, at huwag ninyong sumpain.

¹⁵ Makigalak kayo sa ^(AZ)nangagagalak; makiiyak kayo sa nagsisiiyak.

^16 (BA)Mangagkaisa kayo ng pagiisip. ^(BB)Huwag ninyong ilagak ang inyong pagiisip sa mga bagay na kapalaluan, kundi makiayon kayo sa mga bagay na may kapakumbabaan. ^(BC)Huwag kayong mga pantas sa inyong sariling mga haka.

^17 (BD)Huwag kayong mangagbayad sa kanino man ng masama sa masama. ^(BE)Isipin ninyo ang mga bagay na kapuripuri sa harapan ng lahat ng mga tao.

¹⁸ Kung maaari, ayon sa inyong makakaya, ay ^(BF)magkaroon kayo ng kapayapaan sa lahat ng mga tao.

¹⁹ Huwag kayong ^(BG)mangaghigantihan, mga iniibig, kundi bigyan ninyong daan ang galit ng Dios: sapagka't nasusulat, ^(BH)Akin ang paghihiganti; ako ang gaganti, sabi ng Panginoon.

²⁰ Kaya't ^(BI)kung ang iyong kaaway ay magutom, pakanin mo; kung siya'y mauhaw, painumin mo: sapagka't sa paggawa mo ng gayon ay mga baga ng apoy ang ibubunton mo sa kaniyang ulo.

²¹ Huwag kang padaig sa masama, kundi bagkus daigin mo ng mabuti ang masama.

13 Ang bawa't ^(BJ)kaluluwa ay pasakop sa matataas ^(BK)na kapangyarihan: sapagka't walang kapangyarihan na hindi mula sa Dios; at ang mga kapangyarihang yao'y hinirang ng Dios.

² Kaya nga't ang sumasalangsang sa kapangyarihan, ay sa utos ng Dios sumasalangsang: at ang mga nagsisalangsang ay magsisitanggap ng kahatulan sa kanilang sarili.

³ Sapagka't ang mga pinuno ay hindi kilabot sa gawang mabuti, kundi sa masama. At ibig mo bagang mawalaan ng takot sa may kapangyarihan? ^(BL)gawin mo ang mabuti, at magkakamit ka ng kapurihan sa kaniya:

⁴ Sapagka't siya'y ministro ng Dios sa ikagagaling mo. Datapuwa't kung ginagawa mo ang masama, ay matakot ka; sapagka't hindi walang kabuluhan ang pagdadala niya ng tabak: sapagka't siya'y ministro ng Dios, tagapaghiganti sa ikagagalit sa gumagawa ng masama.

⁵ Kaya nga't dapat na kayo'y pasakop, hindi lamang dahil sa kagalitan, kundi naman dahil sa budhi.

⁶ Sapagka't dahil dito ay nagsisipagbayad naman kayo ^(BM)ng buwis; sapagka't sila'y mga tagapangasiwa ng paglilingkod sa Dios, na nagsisipamahalang walang patid sa bagay na ito.

⁷ Ibigay ninyo sa lahat ang sa kanila'y nararapat: ^(BN)buwis sa dapat buwisan; ^(BO)ambag sa dapat ambagan; takot sa dapat katakutan; puri sa dapat papurihan.

⁸ Huwag kayong magkautang ng ano pa man sa kanino man, maliban na sa mangagibigan kayo: ^(BP)sapagka't ang umiibig sa kaniyang kapuwa'y nakaganap na ng kautusan.

⁹ Sapagka't ito, ^(BQ)Huwag kang mangangalunya, Huwag kang papatay, Huwag kang magnanakaw, Huwag kang mananakim, at kung mayroon pang ibang utos, ay nauuwi sa salitang ito, sa makatuwid baga'y ^(BR)Ibigin mo ang iyong kapuwa na gaya ng sa iyong sarili.

¹⁰ Ang pagibig ay hindi gumagawa ng masama sa kaniyang kapuwa: ^(BS)ang pagibig nga ay siyang katuparan ng kautusan.

¹¹ At ito, yamang nakikilala ang panahon, na ngayo'y kapanahunan nang ^(BT)magsigising kayo sa pagkakatulog: sapagka't ngayon ay lalong malapit na sa atin ang kaligtasan kay sa nang tayo'y magsisampalataya nang una.

^12 (BU)Ang gabi ay totoong malalim, at ang araw ay malapit na: ^(BV)iwaksi nga natin ang mga gawa ng kadiliman, at ^(BW)ating isakbat ang mga sandata ng kaliwanagan.

¹³ Magsilakad tayong mahinhin, gaya ng sa araw; huwag sa katakawan at paglalasing, huwag sa ^(BX)kalibugan at sa kahalayan, huwag sa mga pagkakaalit at pagkakainggitan.

¹⁴ Kundi bagkus isakbat ninyo ^(BY)ang Panginoong Jesucristo, at huwag ninyong paglaanan ang laman, upang masunod ang mga kahalayan noon.