Chronological

12 Ngayong tungkol ^(A)sa mga kaloob na ayon sa espiritu, mga kapatid, ay hindi ko ibig na hindi kayo makaalam.

² Nalalaman ninyo ^(B)na nang kayo'y mga Gentil pa, ay iniligaw kayo ^(C)sa mga piping diosdiosan, sa alin mang paraang pagkahatid sa inyo.

³ Kaya't ipinatatalastas ko sa inyo, na wala ^(D)sinomang nagsasalita sa pamamagitan ng Espiritu ng Dios ay nagsasabi, Si Jesus ay ^(E)itinakwil; at wala ^(F)sinoman ay makapagsasabi, Si Jesus ay Panginoon kundi sa pamamagitan ng Espiritu Santo.

⁴ Ngayo'y ^(G)may iba't ibang mga kaloob, datapuwa't ^(H)iisang Espiritu.

⁵ At may ^(I)iba't ibang mga pangangasiwa, datapuwa't iisang Panginoon.

⁶ At may iba't ibang paggawa, datapuwa't iisang ^(J)Dios na gumagawa ng lahat ng mga bagay sa lahat.

⁷ Datapuwa't sa bawa't isa ^(K)ay ibinibigay ang paghahayag ng Espiritu, upang pakinabangan naman.

⁸ Sapagka't sa isa, sa pamamagitan ng Espiritu ay ibinibigay ang salita ng ^(L)karunungan; at sa iba'y ang salita ng ^(M)kaalaman ayon din sa Espiritu:

⁹ Sa iba'y ang ^(N)pananampalataya, sa gayon ding Espiritu; at sa iba'y ang ^(O)mga kaloob na pagpapagaling, sa iisang Espiritu.

¹⁰ At sa iba'y ang mga paggawa ng mga himala; at sa iba'y hula; at sa iba'y ang ^(P)pagkilala sa mga espiritu; at sa iba'y ang ^(Q)iba't ibang wika; at sa iba'y ang ^(R)pagpapaliwanag ng mga wika.

¹¹ Datapuwa't ang lahat ng ito ay ginagawa ng isa at ng gayon ding Espiritu, na binabahagi sa bawa't isa ayon sa kaniyang ibig.

¹² Sapagka't ^(S)kung paanong ang katawan ay iisa, at mayroong maraming mga sangkap, at ang lahat ng mga sangkap ng katawan, bagama't marami, ay iisang katawan; gayon din naman si Cristo.

¹³ Sapagka't sa isang Espiritu ay binabautismuhan tayong lahat sa isang katawan, ^(T)maging tayo'y Judio o Griego, maging mga alipin o mga laya; at tayong lahat ay ^(U)pinainom sa ^(V)isang Espiritu.

¹⁴ Sapagka't ang katawan ay hindi iisang sangkap, kundi marami.

¹⁵ Kung sasabihin ng paa, Sapagka't hindi ako kamay, ay hindi ako sa katawan; hindi nga dahil dito'y hindi sa katawan.

¹⁶ At kung sasabihin ng tainga, Sapagka't hindi ako mata, ay hindi ako sa katawan; hindi nga dahil dito'y hindi sa katawan.

¹⁷ Kung ang buong katawan ay pawang mata, saan naroroon ang pakinig? Kung ang lahat ay pawang pakinig, saan naroroon ang pangamoy.

¹⁸ Datapuwa't ngayo'y inilagay ng Dios ang bawa't isa sa mga sangkap ng katawan, ayon sa kaniyang minagaling.

¹⁹ At kung ang lahat nga'y pawang isang sangkap, saan naroroon ang katawan?

²⁰ Datapuwa't maraming mga sangkap nga, nguni't iisa ang katawan.

²¹ At hindi makapagsasabi ang mata sa kamay, Hindi kita kinakailangan: at hindi rin ang ulo sa mga paa, Hindi ko kayo kailangan.

²² Hindi, kundi lalo pang kailangan yaong mga sangkap ng katawan na wari'y lalong mahihina:

²³ At yaong mga sangkap ng katawan, na inaakala nating kakaunti ang kapurihan, sa mga ito ipinagkakaloob natin ang lalong saganang papuri; at ang mga sangkap nating mga pangit ay siyang may lalong saganang kagandahan;

²⁴ Yamang ang mga sangkap nating magaganda ay walang kailangan: datapuwa't hinusay ng Dios ang katawan na binigyan ng lalong saganang puri yaong sangkap na may kakulangan;

²⁵ Upang huwag magkaroon ng pagkakabahabahagi sa katawan; kundi ang mga sangkap ay mangagkaroon ng magkasing-isang pagiingat sa isa't isa.

²⁶ At kung ang isang sangkap ay nagdaramdam, ang lahat ng mga sangkap ay nangagdaramdam na kasama niya; o kung ang isang sangkap ay nagkakapuri, ang lahat ng mga sangkap ^(W)ay nangagagalak na kasama niya.

^27 (X)Kayo nga ang katawan ni Cristo, at bawa't isa'y samasamang mga ^(Y)sangkap niya.

²⁸ At ang Dios ay naglagay ng ilan sa iglesia, una-una'y ^(Z)mga apostol, ikalawa'y ^(AA)mga propeta, ikatlo'y mga guro, saka ^(AB)mga himala, saka mga kaloob na pagpapagaling, mga pagtulong, ^(AC)mga pamamahala, at iba't ibang mga wika.

²⁹ Lahat baga'y mga apostol? lahat baga'y mga propeta? lahat baga'y mga guro? lahat baga'y mga manggagawa ng mga himala?

³⁰ May mga kaloob na pagpapagaling baga ang lahat? ^(AD)nangagsasalita baga ang lahat ng mga wika? lahat baga ay nangagpapaliwanag?

³¹ Datapuwa't maningas ninyong ^(AE)nasain, ang lalong dakilang mga kaloob. At itinuturo ko sa inyo ang isang daang kagalinggalingan.

13 Kung ako'y magsalita ng mga wika ng mga tao at ng mga anghel, datapuwa't wala akong pagibig, ay ako'y naging tanso na tumutunog, o batingaw na umaalingawngaw.

² At kung magkaroon ako ng kaloob na panghuhula, at maalaman ko ang lahat ng mga hiwaga at ang lahat ng mga ^(AF)kaalaman; at kung magkaroon ako ng buong ^(AG)pananampalataya, ^(AH)na ano pa't mapalipat ko ang mga bundok, datapuwa't wala akong pagibig, ay wala akong kabuluhan.

³ At kung ipagkaloob ko ang lahat ng aking mga tinatangkilik upang ipakain sa mga dukha, at kung ibigay ko ang aking katawan upang sunugin, datapuwa't wala akong pagibig, ay walang pakikinabangin sa akin.

⁴ Ang pagibig ay ^(AI)mapagpahinuhod, at magandang-loob; ang pagibig ay hindi nananaghili; ang pagibig ay hindi nagmamapuri, hindi ^(AJ)mapagpalalo.

⁵ Hindi naguugaling mahalay, ^(AK)hindi hinahanap ang kaniyang sarili, hindi nayayamot, hindi inaalumana ang masama;

⁶ Hindi nagagalak sa kalikuan, ^(AL)kundi ^(AM)nakikigalak sa katotohanan;

^7 (AN)Lahat ay binabata, lahat ay pinaniniwalaan, lahat ay inaasahan, lahat ay tinitiis.

⁸ Ang pagibig ay hindi nagkukulang kailan man: kahit maging ^(AO)mga hula, ay mangatatapos; maging mga wika, ay titigil: maging kaalaman, ay mawawala.

⁹ Sapagka't nangakakakilala tayo ng bahagya, at nanganghuhula tayo ng bahagya;

¹⁰ Datapuwa't kung dumating ang sakdal, ang bahagya ay matatapos.

¹¹ Nang ako'y bata pa, ay nagsasalita akong gaya ng bata, nagdaramdam akong gaya ng bata, nagiisip akong gaya ng bata: ngayong maganap ang aking pagkatao, ay iniwan ko na ang mga bagay ng pagkabata.

¹² Sapagka't ^(AP)ngayo'y malabo tayong nakakikita sa isang salamin; nguni't pagkatapos ay makikita natin ^(AQ)sa mukhaan: ngayo'y nakikilala ko ng bahagya, nguni't pagkatapos ay makikilala ko ng gaya naman ng pagkakilala sa akin.

¹³ Datapuwa't ngayo'y nanatili ang tatlong ito: ang pananampalataya, ang pagasa, at ang pagibig; nguni't ang pinakadakila sa mga ito ay ang pagibig.

14 Sundin ninyo ang pagibig; gayon ma'y maningas ninyong ^(AR)pakanasain ang mga kaloob na ayon sa espiritu, nguni't lalo na ang kayo'y mangakapanghula.

² Sapagka't ang nagsasalita ng wika ay hindi sa mga tao nagsasalita, kundi sa Dios; sapagka't walang nakauunawa sa kaniya; kundi sa espiritu ay nagsasalita ng mga hiwaga.

³ Datapuwa't ang nanghuhula ay nagsasalita sa mga tao sa ^(AS)ikatitibay, at sa ikapangangaral, at sa ikaaaliw.

⁴ Ang nagsasalita ng wika, ay nagpapatibay sa sarili; nguni't ang nanghuhula ay ^(AT)nagpapatibay sa iglesia.

⁵ Ibig ko sanang kayong lahat ay mangagsalita ng mga wika, datapuwa't lalo na ang kayo'y magsipanghula: at lalong dakila ang nanghuhula kay sa nagsasalita ng mga wika, ^(AU)maliban na kung siya'y magpapaliwanag upang ang iglesia ay mapagtibay.

⁶ Ngayon nga, mga kapatid, kung ako'y pumariyan sa inyo na nagsasalita ng mga wika, anong inyong pakikinabangin sa akin, maliban na kung kayo'y pagsalitaan ko sa pamamagitan ng ^(AV)pahayag, o ng ^(AW)kaalaman, o ng panghuhula, o ng aral?

⁷ Kahit ang mga bagay na walang buhay, na nagsisitunog, maging plauta, o alpa, kundi bigyan ng pagkakaiba ang mga tunog, paanong malalaman kung ano ang tinutugtog sa plauta o sa alpa?

⁸ Sapagka't kung ang pakakak ay tumunog na walang katiyakan, sino ang hahanda sa pakikibaka?

⁹ Gayon din naman kayo, kung hindi ipinangungusap ninyo ng dila ang mga salitang madaling maunawaan, paanong matatalos ang inyong sinasalita? sapagka't sa hangin kayo magsisipagsalita.

¹⁰ Halimbawa, mayroon ngang iba't ibang mga tinig sa sanglibutan, at walang di may kahulugan.

¹¹ Kung hindi ko nga nalalaman ang kahulugan ng tinig, magiging ^(AX)barbaro ako sa nagsasalita, at ang nagsasalita ay magiging barbaro sa akin.

¹² Gayon din naman kayo, na yamang kayo'y mapagsikap sa mga kaloob na ayon sa espiritu ay pagsikapan ninyong kayo'y magsisagana sa ikatitibay ng iglesia.

¹³ Kaya't ang nagsasalita ng wika ay manalangin na siya'y makapagpaliwanag.

¹⁴ Sapagka't kung ako'y nananalangin sa wika, ay nananalangin ang aking espiritu, datapuwa't ang aking pagiisip ay hindi namumunga.

¹⁵ Ano nga ito? Mananalangin ako sa espiritu, at mananalangin din naman ako sa pagiisip: ^(AY)aawit ako sa espiritu, at ^(AZ)aawit din naman ako sa pagiisip.

¹⁶ Sa ibang paraan, kung ikaw ay nagpupuri sa espiritu, ang nasa kalagayan ng ^(BA)di marunong, paanong siya'y makapagsasabi ng ^(BB)Siya nawa, ^(BC)sa iyong pagpapasalamat, palibhasa'y hindi nalalaman ang inyong sinasabi?

¹⁷ Sapagka't ikaw sa katotohanan ay nagpapasalamat kang mabuti, datapuwa't ang iba'y hindi napapagtibay.

¹⁸ Nagpapasalamat ako sa Dios, na ako'y nagsasalita ng mga wika na higit kay sa inyong lahat:

¹⁹ Nguni't sa iglesia ibig ko pang magsalita ng limang salita ng aking pagiisip, upang makapagturo ako naman sa iba, kay sa magsalita ng sangpung libong salita sa wika.

²⁰ Mga kapatid, ^(BD)huwag kayong mangagpakabata sa pagiisip; gayon ma'y sa kahalayan ay mangagpakasanggol kayo, datapuwa't sa pagiisip kayo'y ^(BE)mangagpakatao.

^21 (BF)Sa kautusan ay nasusulat, ^(BG)sa pamamagitan ng mga taong may iba't ibang wika, at sa pamamagitan ng mga labi ng mga taga ibang lupa ay magsasalita ako, sa bayang ito: at gayon ma'y hindi ako pakikinggan nila, ang sabi ng Panginoon.

²² Kaya nga ang mga wika ay pinaka tanda, hindi sa mga nagsisisampalataya; kundi sa mga hindi nagsisisampalataya; nguni't ^(BH)ang panghuhula ay hindi sa mga hindi nagsisisampalataya, kundi sa mga nagsisisampalataya.

²³ Kung ang buong iglesia nga'y magkatipon sa isang dako at lahat ay mangagsalita ng mga wika, at mangagsipasok ang mga hindi marurunong o hindi mga nagsisisampalataya, ^(BI)hindi baga nila sasabihing kayo'y mga ulol?

²⁴ Datapuwa't kung ang lahat ay nagsisipanghula, at may pumasok na isang hindi sumasampalataya, o hindi marunong, mahihikayat siya ng lahat, masisiyasat siya ^(BJ)ng lahat;

²⁵ Ang mga lihim ng kaniyang puso ay nahahayag; at sa gayo'y magpapatirapa siya at sasamba sa Dios, na sasabihing ^(BK)tunay ngang ang Dios ay nasa gitna ninyo.

²⁶ Ano nga ito, mga kapatid? Pagka kayo'y nangagkakatipon ang bawa't isa sa inyo'y may isang ^(BL)awit, may isang ^(BM)aral, may isang ^(BN)pahayag, may wika, may isang pagpapaliwanag. ^(BO)Gawin ninyo ang lahat ng mga bagay sa ikatitibay.

²⁷ Kung nagsasalita ang sinoman ng wika, maging dalawa, o huwag higit sa tatlo, at sunodsunod; at ang isa'y magpaliwanag:

²⁸ Datapuwa't kung walang tagapagpaliwanag ay tumahimik siya sa iglesia; at siya'y magsalita sa kaniyang sarili, at sa Dios.

²⁹ At ang dalawa o tatlo sa ^(BP)mga propeta ay magsipagsalita, at ^(BQ)ang mga iba'y mangagsiyasat.

³⁰ Datapuwa't kung may ^(BR)ipinahayag na anoman sa isang nauupo, ay tumahimik ang nauuna.

³¹ Sapagka't kayong lahat ay makapanghuhulang isa-isa, upang ang lahat ay mangatuto, at ang lahat ay maaralan;

³² At ang mga espiritu ng mga propeta ay nasasakupan ng mga propeta;

³³ Sapagka't ang Dios ay hindi Dios ng kaguluhan, kundi ng kapayapaan. ^(BS)Gaya sa lahat ng mga iglesia ng mga banal,

^34 (BT)Ang mga babae ay magsitahimik sa mga iglesia: sapagka't sila'y walang kapahintulutang mangagsalita; kundi sila'y pasakop, gaya naman ng ^(BU)sinasabi ng kautusan.

³⁵ At kung ibig nilang maalaman ang anomang bagay, magtanong sila sa kanilang asawa sa bahay; sapagka't mahalay na ang isang babae ay magsalita sa iglesia.

³⁶ Ano? lumabas baga mula sa inyo ang salita ng Dios? o sa inyo lamang dumating?

³⁷ Kung ^(BV)iniisip ninoman na siya'y propeta, o ayon sa espiritu, ay kilalanin niya ang mga bagay na sa inyo'y isinusulat ko, na pawang utos ng Panginoon.

³⁸ Datapuwa't kung ang sinoman ay mangmang, ay manatili siyang mangmang.

³⁹ Kaya nga, mga kapatid ko, maningas na pakanasain ninyong makapanghula, at huwag ninyong ipagbawal ang magsalita ng mga wika.

⁴⁰ Datapuwa't gawin ninyong may karapatan at may kaayusan ang lahat ng mga bagay.