Chronological

1 Si Pablo, na ^(A)Apostol ni Cristo Jesus sa pamamagitan ng kalooban ng Dios, at ^(B)si Timoteo, na ating kapatid sa Iglesia ng Dios na nasa ^(C)Corinto, ^(D)kalakip ng lahat ng mga banal na nasa buong Acaya.

² Sumainyo nawa ang biyaya at kapayapaang ^(E)mula sa Dios na ating Ama at sa Panginoong Jesucristo.

³ Purihin nawa ang Dios ^(F)at Ama ng ating Panginoong Jesucristo, ang Ama ng mga kaawaan at Dios ng buong kaaliwan;

⁴ Na siyang umaaliw sa atin sa lahat ng kapighatian, upang ating maaliw ang nangasa anomang kapighatian, sa pamamagitan ng pagaliw na inialiw din sa atin ng Dios.

⁵ Sapagka't kung paanong sumasagana sa atin ^(G)ang mga sakit ni Cristo, ay gayon din naman ang aming kaaliwan ay sumasagana sa pamamagitan ni Cristo.

⁶ Datapuwa't maging kami man ay mapighati, ^(H)ay para sa inyong kaaliwan at kaligtasan; o maging kami man ay maaliw ay para sa inyong kaaliwan, na siyang gumagawa sa pagdadalitang may pagtitiis ng mga gayon ding pagbabata na amin namang binabata:

⁷ At ang aming pagasa tungkol sa inyo ay matibay; yamang nalalaman na ^(I)kung paanong kayo'y mga karamay sa mga sakit, ay gayon din naman kayo sa kaaliwan.

⁸ Hindi namin ibig na kayo'y di makaalam, mga kapatid, ng tungkol sa mga kapighatian ^(J)namin na nangyari sa Asia, na kami ay totoong nabigatan, ng higit sa aming kaya, ano pa't ^(K)kami ay nawalan na ng pagasa sa buhay:

⁹ Oo, kami'y nagkaroon sa aming sarili ng hatol sa kamatayan, upang huwag kaming magkatiwala sa amin ding sarili, kundi sa Dios ^(L)na bumubuhay na maguli ng mga patay:

¹⁰ Na siyang sa amin ay nagligtas sa gayong lubhang malaking kamatayan, at nagliligtas: na siya naming inaasahan na siya namang magliligtas pa sa amin;

¹¹ Kayo ^(M)naman na nagsisitulong ng inyong panalangin na patungkol sa amin; upang dahil sa kaloob na ipinagkaloob sa amin ^(N)sa pamamagitan ng marami, ay makapagpasalamat ang maraming tao dahil sa amin.

¹² Sapagka't ang aming pagmamapuri ay ito, ang pagpapatotoo ng aming budhi, ayon sa ^(O)kabanalan at ^(P)pagtatapat sa Dios, ^(Q)hindi ayon sa karunungan ng laman, kundi sa biyaya ng Dios, na kami'y nagugali ng gayon sa sanglibutan at lalong sagana pa nga sa inyo.

¹³ Sapagka't hindi namin kayo sinusulatan ng ibang mga bagay, maliban na sa inyong binabasa, o kinikilala, at umaasa ako na inyong kikilalanin hanggang sa katapusan:

¹⁴ Gaya naman ^(R)ng inyong bahagyang pagkilala sa amin, na kami'y inyong kapurihan, gayon din naman kayo'y sa amin, ^(S)sa araw ng Panginoong si Jesus.

¹⁵ At sa pagkakatiwalang ito ay ^(T)ninasa kong pumariyan muna sa inyo, upang kayo'y mangagkaroon ^(U)ng pangalawang pakinabang;

¹⁶ At magdaan sa inyo na patungo sa Macedonia, ^(V)at muling buhat sa Macedonia ay magbalik sa inyo, at ^(W)nang tulungan ninyo ako sa paglalakbay ko sa Judea.

¹⁷ Nang nasain ko nga ang ganito, ako baga kaya ay nagatubili? o ang mga bagay na ninasa ko, ay mga ninasa ko baga ayon sa laman, upang magkaroon sa akin ng oo, oo, at ng hindi, hindi?

¹⁸ Nguni't palibhasa'y ang Dios ay tapat, ang aming salita sa inyo ay di oo at hindi.

¹⁹ Sapagka't ang Anak ng Dios, si Jesucristo, na ipinangaral namin sa inyo, ako at si ^(X)Silvano at si ^(Y)Timoteo, hindi naging oo at hindi, kundi sa kaniya ay naging oo.

²⁰ Sapagka't ^(Z)maging gaano man ang mga pangako ng Dios, ay nasa kaniya ang oo: kaya nga naman na sa kaniya ang Siya Nawa sa ikaluluwalhati ng Dios sa pamamagitan namin.

²¹ Ngayon, siya na ang nagpapatibay sa amin na kasama ninyo kay Cristo, at nagpahid ^(AA)sa atin, ay ang Dios,

²² Na siyang nagtatak naman ^(AB)sa atin, at ^(AC)nagbigay ng patotoo ng Espiritu sa ating mga puso.

²³ Datapuwa't ang Dios ang tinatawag kong maging saksi sa aking kaluluwa, na ^(AD)upang huwag kayong papagdamdamin ay hindi muna ako napariyan sa Corinto.

²⁴ Hindi sa kami ay may pagkapanginoon sa inyong pananampalataya, kundi kami ay mga tagatulong sa inyong katuwaan: sapagka't ^(AE)sa pananampalataya kayo'y nangagsisitatag.

2 Datapuwa't ito'y ipinasiya ko sa aking sarili, na ^(AF)hindi na ako muling paririyan sa inyo na may kalumbayan.

^2 (AG)Sapagka't kung kayo'y palulumbayin ko, sino nga ang sa akin ay magpapagalak, kundi yaong pinalulumbay ko?

³ At aking isinulat ang bagay ring ito, upang pagdating ko ay ^(AH)huwag akong magkaroon ng kalumbayan doon sa mga nararapat kong ikagalak; sa pagkakatiwala sa inyong lahat, na ang aking kagalakan ay kagalakan ninyong lahat.

⁴ Sapagka't sa malaking kapighatian at hapis ng puso ay sinulatan ko kayo na may maraming luha; ^(AI)hindi upang kayo'y palumbayin, kundi upang inyong makilala ang pagibig kong napakasagana sa inyo.

⁵ Datapuwa't ^(AJ)kung ang sinoman ay nakapagpalumbay, hindi ako ang pinalumbay niya, kundi sa isang paraan ay kayong lahat (upang huwag kong higpitang totoo).

⁶ Sukat na sa gayon ang kaparusahang ito na ipinarusa ^(AK)ng marami;

^7 (AL)Upang bagkus ninyong patawarin siya at aliwin siya, baka sa anomang paraan ay madaig ang gayon ng kaniyang malabis na kalumbayan.

⁸ Dahil dito'y ipinamamanhik ko sa inyo na papagtibayin ninyo ang pagibig sa kaniya.

⁹ Sapagka't dahil din sa bagay na ito ay sumulat ako, upang aking makilala ang katunayan tungkol sa inyo, kung kayo'y mga ^(AM)matalimahin sa lahat ng mga bagay.

¹⁰ Datapuwa't ang ^(AN)inyong pinatatawad ng anoman ay pinatatawad ko rin naman: sapagka't ang aking ipinatawad naman, kung ako'y nagpapatawad ng anoman, ay dahil sa inyo, sa harapan ni Cristo;

¹¹ Upang huwag kaming malamangan ni ^(AO)Satanas: sapagka't kami ay ^(AP)hindi hangal sa kaniyang mga lalang.

¹² Nang ako'y ^(AQ)dumating nga sa Troas dahil sa evangelio ni Cristo, at nang mabuksan sa akin ang isang ^(AR)pinto sa Panginoon,

¹³ Ay hindi ako nagkaroon ng ^(AS)katiwasayan sa aking espiritu, sapagka't hindi ko nasumpungan si Tito na kapatid ko: datapuwa't pagkapagpaalam ko sa kanila, ^(AT)ako'y napasa Macedonia.

¹⁴ Datapuwa't salamat sa Dios, na laging ^(AU)pinapagtatagumpay tayo kay Cristo, at sa pamamagitan natin ay ipinahahayag ^(AV)ang samyo ng pagkakilala sa kaniya sa bawa't dako.

¹⁵ Sapagka't ^(AW)sa mga inililigtas, at ^(AX)sa mga napapahamak ay masarap tayong samyo ni Cristo sa Dios;

¹⁶ Sa isa ay samyo ^(AY)mula sa kamatayan sa ikamamatay; at sa iba ay samyong mula sa kabuhayan sa ikabubuhay. At sino ang sapat ^(AZ)sa mga bagay na ito?

¹⁷ Sapagka't hindi kami gaya ng karamihan na kinakalakal ang salita ng Dios: kundi sa ^(BA)pagtatapat, at gaya ng mula sa Dios, sa harapan ng Dios ay nagsasalita kami para kay Cristo.

3 Pinasisimulan baga naming ^(BB)muli na ipagkapuri ang aming sarili? o kami baga ay nangangailangan gaya ^(BC)ng iba, ng mga ^(BD)sulat na papuri sa inyo, o mula sa inyo?

² Kayo ay ang aming sulat, ^(BE)na nasusulat sa aming mga puso, nakikilala at nababasa ng lahat ng mga tao;

³ Yamang nahahayag na kayo'y sulat ni Cristo, na pinangasiwaan namin, hindi isinulat ng tinta, kundi ng Espiritu, ng Dios na buháy, hindi ^(BF)sa mga tapyas ng bato, kundi ^(BG)sa mga tapyas ng pusong laman.

⁴ At ang gayong ^(BH)pagkakatiwala sa Dios ay taglay namin sa pamamagitan ni Cristo:

⁵ Hindi sa kami ay ^(BI)sapat na sa aming sarili, upang isiping ang anoman ay mula sa ganang aming sarili; kundi ang ^(BJ)aming kasapatan ay mula sa Dios;

⁶ Na sa amin naman ay nagpapaging sapat na mga ^(BK)ministro ^(BL)ng bagong ^(BM)tipan; hindi ^(BN)ng titik, kundi ng espiritu: sapagka't ^(BO)ang titik ay pumapatay, ^(BP)datapuwa't ang espiritu ay nagbibigay ng buhay.

⁷ Nguni't kung ^(BQ)ang pangangasiwa ng kamatayan, ^(BR)na nasusulat, at nauukit sa mga bato, ay nangyaring may kaluwalhatian, ^(BS)ano pa't ang mga anak ni Israel ay hindi ^(BT)makatitig sa mukha ni Moises, dahil sa kaluwalhatian ng kaniyang mukha; na ang kaluwalhatiang ito'y lumilipas:

⁸ Paanong hindi lalong magkakaroon ng kaluwalhatian ang pangangasiwa ng espiritu?

⁹ Sapagka't kung ^(BU)ang pangangasiwa ng kahatulan ay may kaluwalhatian, ay bagkus pa ngang higit na sagana sa kaluwalhatian ^(BV)ang pangasiwang ukol sa katuwiran.

¹⁰ Sapagka't katotohanang ang pinaluwalhati ay ^(BW)hindi pinaluwalhati sa bagay na ito, ng dahil sa kaluwalhatiang sumasagana.

¹¹ Sapagka't kung ang lumilipas ay may kaluwalhatian, ay lalo pang nananatili ay nasa kaluwalhatian.

¹² Yaman ngang mayroong gayong pagasa ay ginagamit namin ang buong katapangan ng pananalita,

¹³ At hindi gaya ni Moises, ^(BX) na nagtalukbong ng kaniyang mukha upang ang mga anak ni Israel ay huwag magsititig sa ^(BY)katapusan niyaong lumilipas:

¹⁴ Datapuwa't ^(BZ)ang kanilang mga pagiisip ay nagsitigas: sapagka't hanggang sa araw na ito, ^(CA)pagka binabasa ang ^(CB)matandang tipan, ang talukbong ding iyon ay nananatili na hindi itinataas, na ito'y naalis sa pamamagitan ni Cristo.

¹⁵ Datapuwa't hanggang sa araw na ito, kailan ma't binabasa ang mga aklat ni Moises, ay may isang talukbong na nakatakip sa kanilang puso.

¹⁶ Nguni't kailan ma't magbalik sa Panginoon, ay maaalis ang talukbong.

¹⁷ Ngayon ang Panginoon ay siyang ^(CC)Espiritu: at kung saan naroroon ang Espiritu ng Panginoon, doon ^(CD)ay may kalayaan.

¹⁸ Datapuwa't tayong lahat, na walang talukbong ang mukha na tumitinging ^(CE)gaya ng sa isang salamin sa kaluwalhatian ng Panginoon, ^(CF)ay nababago tayo sa gayon ding larawan mula sa kaluwalhatian hanggang sa kaluwalhatian, na gaya ng mula sa Panginoon na Espiritu.

4 Kaya nga sa pagkakaroon namin ng ministeriong ^(CG)ito, ayon sa aming tinanggap na kaawaan, ay hindi kami nanghihina.

² Bagkus tinanggihan namin ang mga kahiyahiyang bagay na nangatatago, na ^(CH)hindi kami nagsisilakad sa katusuhan, ni nagsisigamit man na may daya ng mga salita ng Dios; kundi sa pagpapahayag ng ^(CI)katotohanan ay ^(CJ)ipinagtatagubilin ang aming sarili ^(CK)sa bawa't budhi ng mga tao sa harapan ng Dios.

³ At kung ang aming evangelio ay ^(CL)natatalukbungan pa, ay may talukbong sa mga napapahamak:

⁴ Na binulag ^(CM)ng dios ng sanglibutang ito ang mga pagiisip ng mga hindi nagsisisampalataya, upang sa kanila'y huwag sumilang ang kaliwanagan ng evangelio ng kaluwalhatian ni Cristo, ^(CN)na siyang larawan ng Dios.

⁵ Sapagka't ^(CO)hindi namin ipinangangaral ang aming sarili, kundi si Cristo Jesus na Panginoon, ^(CP)at kami ay gaya ng inyong mga alipin dahil kay Cristo.

⁶ Yamang ang Dios, ang nagsabi, ^(CQ)Magniningning ang ilaw sa kadiliman, na siyang nagningning sa aming mga puso, upang magbigay ng liwanag ng pagkakilala sa kaluwalhatian ng Dios sa mukha ni Jesucristo.

⁷ Nguni't taglay namin ang kayamanang ito sa mga sisidlang-lupa, ^(CR)upang ang dakilang kalakhan ng kapangyarihan ay maging mula sa Dios, at huwag mula sa aming sarili;

⁸ Sa magkabikabila ay ^(CS)nangagigipit kami, gayon ma'y hindi nangaghihinagpis; nangatitilihan, gayon ma'y hindi nangawawalan ng pagasa;

^9 (CT)Pinaguusig, gayon ma'y hindi pinababayaan; inilulugmok, gayon ma'y hindi nangasisira;

¹⁰ Laging saan ma'y ^(CU)tinataglay sa katawan ang kamatayan ni Jesus, ^(CV)upang ang buhay ni Jesus ay mahayag naman sa aming katawan.

¹¹ Sapagka't kaming nangabubuhay ay ^(CW)laging ibinibigay sa kamatayan dahil kay Jesus, upang ang buhay naman ni Jesus ay mahayag sa aming lamang may kamatayan.

¹² Kaya nga ang kamatayan ay gumagawa sa amin, datapuwa't ang buhay ay sa inyo.

¹³ Nguni't yamang mayroong gayon ding espiritu ng pananampalataya, na gaya ng nasusulat, ^(CX)Sumampalataya ako, at kaya't nagsalita ako; kami naman ay nagsisisampalataya, at kaya't kami naman ay nangagsasalita;

¹⁴ Na aming nalalaman na ang bumuhay na maguli sa Panginoong Jesus ay siya ring bubuhay na maguli sa amin na kalakip ni Jesus, at ihaharap kaming kasama ninyo.

¹⁵ Sapagka't ang ^(CY)lahat ng mga bagay ay dahil sa inyo, upang ang biyaya na ^(CZ)pinarami sa pamamagitan ng marami, ay siyang magpasagana ng pagpapasalamat sa ikaluluwalhati ng Dios.

¹⁶ Kaya nga ^(DA)hindi kami nanghihimagod; bagama't ang aming pagkataong labas ay pahina, nguni't ^(DB)ang aming pagkataong loob ay nababago sa araw-araw.

¹⁷ Sapagka't ang aming magaang kapighatian, ^(DC)na sa isang sangdali lamang, ay siyang gumagawa sa amin ng lalo't lalong bigat ng kaluwalhatiang walang hanggan;

¹⁸ Samantalang kami ay nagsisitingin hindi ^(DD)sa mga bagay na nangakikita, kundi sa mga bagay na hindi nangakikita: sapagka't ang mga bagay na nangakikita ay may katapusan; datapuwa't ang mga bagay na hindi nangakikita ay walang hanggan.