Chronological

9 Hindi baga ako'y malaya? ^(A)hindi baga ako'y apostol? ^(B)hindi ko baga nakita si Jesus na Panginoon natin? ^(C)hindi baga kayo'y gawa ko sa Panginoon?

² Kung sa iba'y hindi ako apostol, sa inyo man lamang ako'y gayon; sapagka't ^(D)ang tatak ng aking pagkaapostol ay kayo sa Panginoon.

³ Ito ang aking pagsasanggalang sa mga nagsisiyasat sa akin.

^4 (E)Wala baga kaming matuwid na magsikain at magsiinom?

⁵ Wala baga kaming matuwid na magsipagsama ng ^(F)isang asawa na sumasampalataya, gaya ng iba't ibang mga apostol, at ^(G)ng mga kapatid ng Panginoon, at ni ^(H)Cefas?

⁶ O ako baga lamang at si Bernabe ang walang matuwid na magsitigil ng paggawa?

⁷ Sinong kawal ang ^(I)magpakailan pa man ay naglilingkod sa kaniyang sariling gugol? sino ang ^(J)nagtatanim ng isang ubasan, at hindi kumakain ng bunga niyaon? o sino ang nagpapakain sa kawan, at hindi kumakain ng gatas ng kawan?

⁸ Ang mga ito baga'y sinasalita ko ^(K)ayon sa kaugalian lamang ng mga tao? o di baga sinasabi rin naman ang gayon ng kautusan?

⁹ Sapagka't nasusulat sa kautusan ni Moises, ^(L)Huwag mong lalagyan ng busal ang baka pagka gumigiik. Ang mga baka baga ay iniingatan ng Dios,

¹⁰ O sinasabi kayang tunay ito dahil sa atin? Oo, ^(M)dahil sa atin ito sinulat: sapagka't ang nagsasaka ay dapat magsaka ^(N)sa pagasa, at ang gumigiik, ay sa pagasa na makakabahagi.

¹¹ Kung ipinaghasik namin kayo ^(O)ng mga bagay na ayon sa espiritu, malaking bagay baga na aming anihin ang inyong mga bagay na ayon sa laman?

¹² Kung ang iba ay mayroon sa inyong matuwid, hindi baga lalo pa kami? ^(P)Gayon ma'y hindi namin ginamit ang matuwid na ito; kundi aming tinitiis ang lahat ng mga bagay, ^(Q)upang huwag kaming makahadlang sa evangelio ni Cristo.

¹³ Hindi baga ninyo nalalaman na ang mga ^(R)nagsisipangasiwa sa mga bagay na banal, ay nagsisikain ng mga bagay na ukol sa templo, at ang mga nagsisipaglingkod sa dambana ay mga kabahagi ng dambana?

¹⁴ Gayon din naman ^(S)ipinagutos ng Panginoon na ang mga nagsisipangaral ng evangelio ay dapat mangabuhay sa pamamagitan ng evangelio.

¹⁵ Nguni't ako'y hindi gumamit ng anoman sa mga bagay na ito: at hindi ko sinusulat ang mga bagay na ito upang gawin ang gayon sa akin; ^(T)sapagka't mabuti pa sa akin ang mamatay, kay sa pawalang kabuluhan ninoman ang aking karangalan.

¹⁶ Sapagka't kung ipinangangaral ko ang evangelio, ay wala akong sukat ipagmapuri; sapagka't ang pangangailangan ay iniatang sa akin; sapagka't sa aba ko kung hindi ko ipangaral ang evangelio.

¹⁷ Sapagka't kung ito'y gawin ko sa aking sariling kalooban, ^(U)ay may ganting-pala ako: nguni't kung hindi sa aking sariling kalooban, ^(V)ay mayroon akong isang pamamahala na ipinagkatiwala sa akin.

¹⁸ Ano nga kaya ang aking ganting-pala? Na ^(W)pagka ipinangangaral ko ang evangelio, ay ang evangelio ay maging walang bayad, upang huwag kong gamiting lubos ang aking karapatan sa evangelio.

¹⁹ Sapagka't ^(X)bagaman ako ay malaya sa lahat ng mga tao, ^(Y)ay napaalipin ako sa lahat, upang ako'y makahikayat ng lalong marami.

²⁰ At ^(Z)sa mga Judio, ako'y nagaring tulad sa Judio, upang mahikayat ko ang mga Judio; sa mga nasa ilalim ng kautusan ay gaya ng nasa ilalim ng kautusan, bagaman wala ako sa ilalim ng kautusan upang mahikayat ang mga nasa ilalim ng kautusan;

²¹ Sa mga walang kautusan, ^(AA)ay tulad sa walang kautusan, ^(AB)bagama't hindi ako walang kautusan sa Dios, kundi nasa ilalim ng kautusan ni Cristo, upang mahikayat ko ang mga walang kautusan.

²² Sa mga mahihina ako'y nagaring ^(AC)mahina, upang mahikayat ko ang mahihina: sa lahat ng mga bagay ay nakibagay ako sa lahat ng mga tao, upang sa lahat ng mga paraan ay mailigtas ko ang ilan.

^23 (AD)At ginawa ko ang lahat ng mga bagay dahil sa evangelio, upang ako'y makasamang makabahagi nito.

²⁴ Hindi baga ninyo nalalaman na ang mga nagsisitakbo sa takbuhan ay tumatakbong lahat, nguni't iisa lamang ang tumatanggap ng ganting-pala? ^(AE)Magsitakbo kayo ng gayon; upang ^(AF)magsipagtamo kayo.

²⁵ At ang bawa't tao na nakikipaglaban sa mga palaruan ay mapagpigil sa lahat ng mga bagay. Ginagawa nga nila ito upang magsipagtamo ng isang ^(AG)putong na may pagkasira; nguni't tayo'y niyaong ^(AH)walang pagkasira.

²⁶ Ako nga'y tumatakbo sa ganitong paraan, na hindi gaya ng nagsasapalaran; sa ganito rin ako'y sumusuntok, na hindi gaya ng ^(AI)sumusuntok sa hangin:

²⁷ Nguni't hinahampas ko ang aking katawan, at aking ^(AJ)sinusupil: baka sakaling sa anomang paraan, pagkapangaral ko sa iba, ay ako rin ay ^(AK)itakuwil.

10 Sapagka't hindi ko ibig mga kapatid, na di ninyo maalaman, ^(AL)na ang ating mga magulang ay nangapasa ilalim ng alapaap, ^(AM)at ang lahat ay nagsitawid sa dagat;

² At lahat ay nangabautismuhan kay Moises sa alapaap at sa dagat;

³ At ^(AN)lahat ay nagsikain ng isang pagkain ding ayon sa espiritu;

⁴ At ^(AO)lahat ay nagsiinom ng isang inumin ding ayon sa espiritu; sapagka't nagsiinom sa batong ayon sa espiritu na sumunod sa kanila: at ang batong yaon ay si Cristo.

⁵ Bagaman ang karamihan sa kanila ay hindi nakalugod sa Dios; ^(AP)sapagka't sila'y ibinuwal sa ilang.

⁶ Ang mga bagay na ito nga'y pawang naging mga halimbawa sa atin, upang huwag tayong magsipagnasa ng mga bagay na masama na ^(AQ)gaya naman nila na nagsipagnasa.

⁷ Ni huwag din naman kayong mapagsamba sa mga diosdiosan, gaya niyaong ilan sa kanila; ayon sa nasusulat, ^(AR)Naupo ang bayan upang magsikain at magsiinom, at nagsitindig upang magsipagsayaw.

⁸ Ni huwag din naman tayong ^(AS)makiapid, na gaya ng ilan sa kanila na nangakiapid, at ang ^(AT)nangabuwal sa isang araw ay dalawangpu at tatlong libo.

⁹ Ni huwag din naman nating tuksuhin ang Panginoon, na gaya ng pagkatukso ng ilan sa kanila, at ^(AU)nangapahamak sa pamamagitan ng mga ahas.

¹⁰ Ni huwag din kayong mangagbulongbulungan, na gaya ng ilan sa kanila na nangagbulungan, at ^(AV)nangapahamak sa pamamagitan ng mga mangwawasak.

¹¹ Ang mga bagay na ito nga'y nangyari sa kanila na pinakahalimbawa; at ^(AW)pawang nangasulat sa pagpapaalaala sa atin, na mga dinatnan ng katapusan ng mga panahon.

¹² Kaya't ^(AX)ang may akalang siya'y nakatayo, magingat na baka mabuwal.

¹³ Hindi dumating sa inyo ang anomang tukso kundi yaong matitiis ng tao: datapuwa't ^(AY)tapat ang Dios, ^(AZ)na hindi niya itutulot na kayo'y tuksuhin ng higit sa inyong makakaya; kundi kalakip din ng tukso ay gagawin naman ang paraan ng pagilag, upang ito'y inyong matiis.

¹⁴ Kaya, mga minamahal ko, ^(BA)magsitakas kayo sa pagsamba sa diosdiosan.

¹⁵ Ako'y nagsasalitang tulad ^(BB)sa marurunong; hatulan ninyo ang sinasabi ko.

¹⁶ Ang saro ng pagpapala ^(BC)na ating pinagpapala, hindi baga siyang pakikipagkaisa ng dugo ni Cristo? Ang tinapay na ating pinagpuputolputol, hindi baga siyang pakikipagkaisa ng katawan ni Cristo?

¹⁷ Bagaman tayo'y marami, ay iisa lamang tinapay, ^(BD)iisang katawan: sapagka't tayong lahat ay nakikibahagi sa isa lamang tinapay.

¹⁸ Tingnan ninyo ^(BE)ang Israel na ayon sa laman: ^(BF)ang mga nagsisikain baga ng mga hain ay wala kayang pakikipagkaisa sa dambana?

¹⁹ Ano ang aking sinasabi? na ang hain baga sa mga diosdiosan ay may kabuluhan? ^(BG)o ang diosdiosan ay may kabuluhan?

²⁰ Subali't sinasabi ko, na ang mga bagay na inihahain ^(BH)ng mga Gentil, ay kanilang inihahain sa mga demonio, at hindi sa Dios: at di ko ibig na kayo'y mangagkaroon ng pakikipagkaisa sa mga demonio.

²¹ Hindi ninyo maiinuman ^(BI)ang saro ng Panginoon, at ang saro ng mga demonio: kayo'y hindi maaaring makisalo sa dulang ng Panginoon, at sa dulang ng mga demonio.

²² O ^(BJ)minumungkahi baga natin sa paninibugho ang Panginoon? tayo baga'y lalong malakas kay sa kaniya?

²³ Lahat ng mga bagay ay matuwid; ^(BK)nguni't hindi ang lahat ng mga bagay ay nararapat. Lahat ng mga bagay ay matuwid; nguni't hindi ang lahat ng mga bagay ay makapagpapatibay.

²⁴ Huwag ^(BL)hanapin ninoman ang sa kaniyang sarili, kundi ang ikabubuti ng kapuwa.

²⁵ Lahat ng ipinagbibili sa pamilihan ay kanin ninyo, at huwag kayong magsipagtanong ng anoman ^(BM)dahilan sa budhi;

²⁶ Sapagka't ang lupa ay ^(BN)sa Panginoon, at ang kabuuan ng naririto.

²⁷ Kung kayo'y aanyayahan ng isang hindi sumasampalataya, at ibig ninyong pumaroon; ang anomang ihain sa inyo ay kanin ninyo, at huwag kayong magsipagtanong ng anoman dahilan sa budhi.

²⁸ Datapuwa't kung sa inyo'y may magsabi, Ito'y inihandog na hain, ay huwag ninyong kanin, ^(BO)dahilan doon sa nagpahayag at dahilan sa budhi;

²⁹ Budhi, sinasabi ko, hindi ang inyong sarili, kundi ang sa iba; sapagka't bakit ^(BP)hahatulan ang kalayaan ng budhi ng iba?

³⁰ Kung nakikisalo ako na may pagpapasalamat,^(BQ)bakit ako'y aalipustain ng dahil sa aking ipinagpapasalamat?

³¹ Kaya kung kayo'y nagsisikain man, o nagsisiinom man o anoman ang inyong ginagawa, ^(BR)gawin ninyo ang lahat sa ikaluluwalhati ng Dios.

³² Huwag kayong magbigay ng dahilang ikatitisod, ^(BS)sa mga Judio man, sa mga Griego man, o sa ^(BT)iglesia man ng Dios:

³³ Na gaya ko ^(BU)din naman, na sa lahat ng mga bagay ay nagbibigay lugod ako sa lahat ng mga tao, na hindi ko hinahanap ang aking sariling kapakinabangan, kundi ang sa marami, upang sila'y ^(BV)mangaligtas.

11 ^(BW)Maging taga tulad kayo sa akin, na gaya ko naman kay Cristo.

^2 (BX)Kayo'y aking pinupuri nga, na sa lahat ng mga bagay ay naaalaala ninyo ako, ^(BY)at iniingatan ninyong matibay ang ^(BZ)mga turo, na gaya ng ibinigay ko sa inyo.

³ Datapuwa't ibig ko na inyong maalaman, ^(CA)na ang pangulo ng bawa't lalake ay si Cristo, at ^(CB)ang pangulo ng babae ay ang lalake, at ^(CC)ang pangulo ni Cristo ay ang Dios.

⁴ Ang bawa't lalaking nanalangin, o ^(CD)nanghuhula na may takip ang ulo, ay niwawalan ng puri ang kaniyang ulo.

⁵ Datapuwa't ang ^(CE)bawa't babaing nananalangin o nanghuhula na walang lambong ang kaniyang ulo, niwawalan ng puri ang kaniyang ulo; sapagka't gaya rin ng kung kaniyang inahitan.

⁶ Sapagka't kung ang babae ay walang lambong, ay pagupit naman; nguni't kung ^(CF)kahiyahiya sa babae ang pagupit o paahit, ay maglambong siya.

⁷ Sapagka't katotohanang ang lalake ay hindi dapat maglambong sa kaniyang ulo, palibhasa'y ^(CG)larawan siya at kaluwalhatian ng Dios: nguni't ang babae ay siyang kaluwalhatian ng lalake.

⁸ Sapagka't ^(CH)ang lalake ay hindi sa babae; kundi ang babae ay sa lalake:

⁹ Sapagka't ^(CI)hindi nilalang ang lalake dahil sa babae; kundi ang babae dahil sa lalake;

¹⁰ Dahil dito'y nararapat na ang babae ay magkaroon sa kaniyang ulo ng tanda ng kapamahalaan, ^(CJ)dahil sa mga anghel.

¹¹ Gayon man, ang babae ay di maaaring walang ^(CK)lalake at ang lalake ay di maaaring walang babae, ^(CL)sa Panginoon.

¹² Sapagka't kung paanong ang babae ay sa lalake, gayon din naman ang lalake ay sa pamamagitan ng babae; datapuwa't ang lahat ng mga bagay ay sa Dios.

¹³ Hatulan ninyo sa inyo-inyong sarili: nararapat baga na manalangin ang babae sa Dios nang walang lambong?

¹⁴ Hindi baga ang katalagahan din ang nagtuturo sa inyo, na kung may mahabang buhok ang lalake, ay mahalay sa kaniya?

¹⁵ Datapuwa't kung ang babae ang may mahabang buhok, ay isang kapurihan niya; sapagka't ang buhok sa kaniya'y ibinigay na pangtakip.

¹⁶ Datapuwa't kung tila mapagtunggali ang sinoman, walang gayong ugali kami, ^(CM)ni ang iglesia man ng Dios.

¹⁷ Datapuwa't sa pagtatagubilin sa inyo nito, ay hindi ko kayo pinupuri, sapagka't kayo'y nangagkakatipon hindi sa lalong mabuti kundi sa lalong masama.

¹⁸ Sapagka't unauna'y ^(CN)nababalitaan ko na kung nangagkakatipon kayo sa iglesia, ay mayroon sa inyong mga pagkakabahabahagi; at may kaunting paniniwala ako.

¹⁹ Sapagka't ^(CO)tunay na sa inyo'y mayroong mga hidwang pananampalataya, upang yaong mga napatunayan na ay mangahayag sa inyo.

²⁰ Kung kayo nga ay nangagkakatipon, ay hindi kayo maaaring magsikain ng hapunan ng Panginoon;

²¹ Sapagka't sa inyong pagkain, ang bawa't isa'y kumukuha ng kanikaniyang sariling hapunan na nagpapauna sa iba; at ang isa ay gutom, at ^(CP)ang iba'y lasing.

²² Ano, wala baga kayong mga bahay na inyong makakanan at maiinuman? o niwawalang halaga ninyo ^(CQ)ang iglesia ng Dios, at hinihiya ninyo ang mga wala ng anoman? Ano ang aking sasabihin sa inyo? Kayo baga'y aking pupurihin? Sa bagay na ito ay hindi ko kayo pinupuri.

²³ Sapagka't ^(CR)tinanggap ko sa Panginoon ang ibinibigay ko naman sa inyo; na ^(CS)ang Panginoong Jesus nang gabing siya'y ipagkanulo ay dumampot ng tinapay;

²⁴ At nang siya'y makapagpasalamat, ay kaniyang pinagputolputol, at sinabi, Ito'y aking katawan na pinagputolputol dahil sa inyo: gawin ninyo ito sa pagaalaala sa akin.

²⁵ At gayon din naman hinawakan ang saro pagkatapos na makahapon, na sinasabi, Ang sarong ito'y siyang bagong tipan sa aking dugo: gawin ninyo ito sa tuwing kayo'y magsisiinom, sa pagaalaala sa akin.

²⁶ Sapagka't sa tuwing kanin ninyo ang tinapay na ito, at inuman ninyo ang saro, ay inihahayag ninyo ang pagkamatay ng Panginoon ^(CT)hanggang sa dumating siya.

^27 (CU)Kaya't ang sinomang kumain ng tinapay, o uminom sa saro ng Panginoon, na di nararapat, ay magkakasala sa katawan at dugo ng Panginoon.

²⁸ Datapuwa't ^(CV)siyasatin ng tao ang kaniyang sarili, at saka kumain ng tinapay, at uminom sa saro.

²⁹ Sapagka't ang kumakain at umiinom, ay kumakain at umiinom ng hatol sa kaniyang sarili, kung hindi niya kinikilala ang katawan ng Panginoon.

³⁰ Dahil dito'y marami sa inyo ang ^(CW)mahihina at mga masasaktin, at hindi kakaunti ang ^(CX)nangatutulog.

³¹ Datapuwa't kung ating kilalanin ang ating sarili, ay hindi tayo hahatulan.

³² Datapuwa't kung tayo'y hinahatulan, ay ^(CY)pinarurusahan tayo ng Panginoon, upang huwag tayong mahatulang kasama ng sanglibutan.

³³ Dahil dito, mga kapatid ko, kung kayo'y mangagsasalosalo sa pagkain, ay mangaghintayan kayo.

^34 (CZ)Kung ang sinoman ay magutom, kumain siya sa bahay; upang ang inyong pagsasalosalo ay huwag maging sa paghatol. At ang iba ay aking ^(DA)aayusin ^(DB)pagpariyan ko.