Old/New Testament

¹⁸ Nu pasead daut aus Jesus bie sikj selfst wea en baed, en siene Jinje bie am weare, fruach hee an en saed: "Waea saje dee Mensche daut ekj sie?"

¹⁹ See auntwuade am: "Jehaun dee Deepa; oba aundre saje Elias; en aundre daut eena fonn dee oole Profeete es fom Doot oppjestone."

²⁰ En hee saed to an: "Oba waea saj jie daut ekj sie?" Peeta auntwuad en saed: "Du best dee Christus fonn Gott."

²¹ En hee woarned an strenj, en saed to an daut see kjeenem daut sulle saje, en saed daut dee Menschesaen musst noch fael liede en fonn dee Aelteste en Farisaea en Schreftjeleade auntsied jeschmaete woare, en dootjemoakt, en daut hee aum dredde Dach fom Doot oppstone wudd.

²³ En hee saed to an aule: "Wan waea wel met mie metkome, lot am sikj selfst aufsaje en sien Kriets Dach fa Dach oppnaeme, en lot am mie nofolje.

²⁴ Dan waeaemma sien eajnet Laewe rade wel, woat daut feleare; oba waeaemma sien Laewe omm mient haulwe feleare woat, dee woat daut rade.

²⁵ Dan waut fonn Jewenst woat en Mensch ha wan hee de gaunse Welt jewennt oba sikj selfst felist oda Schode liede deit doaderch?

²⁶ Dan waeaemme sikj met mie oda met miene Wead schaeme deit, met daem woat dee Menschesaen sikj schaeme wan hee kjemt enn siene, daem Foda siene, en dee Enjel aere Harlichkjeit.

²⁷ Oba ekj saj ju enn Woarheit, doa stone hia soone dee nich daen Doot schmakje woare bott see Gott sien Rikj seene woare."

²⁸ Nu pasead daut onnjefaea acht Doag no daem daut hee daut jesajcht haud, daut hee Peeta en Jehaun en Joakopp neem en jinkj opp en Boajch enopp tom baede.

²⁹ En waearent hee baed, fa-ended sikj sien Jesecht, en siene Kjleede worde schlokwit;

³⁰ en kjikj! twee Manna raede met am, daut weare Mooses en Elia,

³⁰ Ekj prachad diene Jinje daut see daem Jeist erut driewe sulle, oba see kunne daut nich."

³¹ dee enn Harlichkjeit ferndach kjeeme, en raede fonn sien felote daut hee enn Jerusalem folbrinje sull.

³² Oba Peeta en dee, dee met am weare, weare aewakome met Schlop; en aus see eascht gauns wacka weare, sage see siene Harlichkjeit uk dee twee Manna dee bie am stunde.

³³ Aus dee am feleete saed Peeta to Jesus: "Meista, daut es fa onns goot hia to senne, lot onns dree Zelte moake, eena fa die, eena fa Mooses en eena fa Elia," oba hee wist nich waut hee saed.

³⁴ Aus hee daut saed kjeem ne Wolkj met en Schaute aewa an; en an wort seeha angst aus dee Wolkj aewa an kjeem.

³⁵ Donn kjeem ne Stem ut dee Wolkj, dee saed: "Dit is mien Saen daem ekj jewaelt hab, horcht no am."

³⁶ Aus dee Stemm aewa wea, wea Jesus auleen; en see weare stell doaraewe en fetalde kjeenem enn dee Doag waut see jeseene haude.