Old/New Testament

68 Bumangon nawa ang ^(A)Dios, mangalat ang kaniyang mga kaaway;
Sila namang nangagtatanim sa kaniya ay magsitakas sa harap niya.
^2 (B)Kung paanong napaparam ang usok ay gayon nangapaparam sila.
^(C)Kung paanong natutunaw ang pagkit sa harap ng apoy,
Gayon mamatay ang masama sa harapan ng Dios.
³ Nguni't mangatuwa ^(D)ang matuwid; mangagalak sila sa harap ng Dios:
Oo, mangagalak sila ng kasayahan.
⁴ Kayo'y magsiawit sa Dios, kayo'y magsiawit ng kapurihan sa kaniyang pangalan:
^(E)Ipaghanda ninyo ng maluwang na lansangan siya na nangangabayo sa mga ilang;
^(F)Ang kaniyang pangalan ay JAH; at mangagalak kayo sa harap niya.
^5 (G)Ama ng mga ulila, at hukom ng mga babaing bao,
Ang Dios sa kaniyang banal na tahanan.
⁶ Pinapagmamaganak ^(H)ng Dios ang mga nagiisa:
^(I)Kaniyang inilalabas sa kaginhawahan ang mga bilanggo:
Nguni't ^(J)ang mga mapanghimagsik ay magsisitahan sa tuyong lupa.
⁷ Oh Dios, ^(K)nang ikaw ay lumabas sa harap ng iyong bayan,
Nang ikaw ay lumakad sa ilang; (Selah)
^8 (L)Ang lupa ay nayanig,
Ang mga langit naman ay tumulo sa harapan ng Dios:
Ang ^(M)Sinai na yaon ay nayanig sa harapan ng Dios, ng Dios ng Israel.
⁹ Ikaw, Oh Dios, naglagpak ng saganang ulan,
Iyong pinatibay ang iyong mana, noong ito'y mahina.
¹⁰ Ang iyong kapisanan ay tumahan doon:
Ikaw, Oh Dios, ipinaghanda mo ng iyong kabutihan ang dukha.
¹¹ Nagbibigay ng salita ang Panginoon:
Ang mga babaing nangaghahayag ng mga balita ay malaking hukbo.
¹² Mga hari ng mga hukbo ay ^(N)nagsisitakas, sila'y nagsisitakas:
^(O)At nangamamahagi ng samsam ang naiwan sa bahay.
^13 (P)Mahihiga ba kayo sa gitna ng mga kulungan ng mga kawan,
^(Q)Na parang mga pakpak ng kalapati na natatakpan ng pilak,
At ng kaniyang balahibo ng gintong madilaw?
¹⁴ Nang ang Makapangyarihan sa lahat ay magkalat ng mga hari roon,
Ay tila nagka nieve sa ^(R)Salmon.
¹⁵ Bundok ng Dios ay ang bundok ng Basan;
Mataas na bundok ang bundok ng Basan.
¹⁶ Bakit kayo'y nagsisiirap, kayong matataas na mga bundok,
^(S)Sa bundok na ninasa ng Dios na maging kaniyang tahanan?
Oo, tatahan doon ang Panginoon magpakailan man.
^17 (T)Ang mga karo ng Dios ay dalawang pung libo samakatuwid baga'y libolibo:
Ang Panginoon ay nasa gitna nila, kung paano sa Sinai, gayon sa santuario.
^18 (U)Sumampa ka sa mataas, ^(V)pinatnubayan mo ang iyong bihag sa pagkabihag;
Tumanggap ka ng mga ^(W)kaloob sa gitna ng mga tao, Oo, pati sa mga mapanghimagsik, upang makatahang kasama nila ang Panginoong Dios.
¹⁹ Purihin ang Panginoon na nagpapasan araw-araw ng aming pasan,
Sa makatuwid baga'y ang Dios na siyang aming kaligtasan. (Selah)
²⁰ Ang Dios sa amin ay Dios ng mga kaligtasan;
At ^(X)kay Jehova na Panginoon ukol ang pagpapalaya sa kamatayan.
^21 (Y)Nguni't sasaktan ng Dios ang ulo ng kaniyang mga kaaway.
Ang bunbunang mabuhok ng nagpapatuloy sa kaniyang sala.
²² Sinabi ng Panginoon, ^(Z)Ibabalik ko uli mula sa Basan,
Ibabalik ko uli sila mula sa mga kalaliman ng dagat:
^23 (AA)Upang madurog mo sila, na nalulubog ang iyong paa sa dugo,
^(AB)Upang ang dila ng iyong mga aso ay magkaroon ng kaniyang pagkain sa iyong mga kaaway.
²⁴ Kanilang nakita ang iyong mga lakad, Oh Dios,
Sa makatuwid baga'y ang lakad ng aking Dios, ng aking Hari, sa loob ng santuario.
^25 (AC)Ang mga mangaawit ay nangagpauna, ang mga manunugtog ay nagsisunod,
^(AD)Sa gitna ng mga dalaga na nagtutugtugan ng mga pandereta.
²⁶ Purihin ninyo ang Dios sa mga kapisanan,
Sa makatuwid baga'y ang Panginoon, ninyong mga sa bukal ng ^(AE)lahi ng Israel.
²⁷ Doo'y ^(AF)ang munting Benjamin ay siyang kanilang puno,
Ang mga pangulo ng Juda at ang kanilang pulong,
Ang mga pangulo ng Zabulon, ang mga pangulo ng Nephtali.
²⁸ Ang Dios mo'y ^(AG)nagutos ng iyong kalakasan:
Patibayin mo, Oh Dios, ang ginawa mo sa amin.
²⁹ Dahil sa iyong templo sa Jerusalem
^(AH)Mga hari ay mangagdadala ng mga kaloob sa iyo.
³⁰ Sawayin mo ang mga mailap na hayop sa mga puno ng tambo,
Ang karamihan ng mga toro na kasama ng mga guya ng mga bayan,
Na niyayapakan sa ilalim ng paa ang mga putol ng pilak;
Iyong pinangalat ang mga bayan na nangagagalak sa pagdidigma.
³¹ Mga pangulo ay ^(AI)magsisilabas sa Egipto;
Magmamadali ang ^(AJ)Etiopia na igawad ang kaniyang mga kamay sa Dios.
³² Magsiawit kayo sa Dios, kayong mga kaharian sa lupa;
Oh magsiawit kayo ng mga pagpuri sa Panginoon.
³³ Sa kaniya na ^(AK)sumasakay sa langit ng mga langit, na noon pang una:
Narito, binibigkas niya ang kaniyang tinig, na makapangyarihang tinig,
³⁴ Inyong isa Dios ang kalakasan:
Ang kaniyang karilagan ay nasa Israel,
At ang kaniyang kalakasan ay nasa mga langit.
³⁵ Oh Dios, ikaw ay ^(AL)kakilakilabot mula sa iyong mga dakong banal:
Ang Dios ng Israel, ay nagbibigay ng kalakasan at kapangyarihan sa kaniyang bayan.
Purihin ang Panginoon.

69 Iligtas mo ako, Oh Dios; Sapagka't ^(AM)ang tubig ay tumabon sa aking kaluluwa.
² Ako'y lumulubog sa malalim na burak na walang tayuan:
Ako'y lumulubog sa malalim na tubig, na tinatabunan ako ng agos.
³ Ako'y hapo sa aking daing; ang lalamunan ko'y tuyo:
Ang mga mata ko'y nangangalumata habang hinihintay ko ang aking Dios.
^4 (AN)Silang nangagtatanim sa akin ng walang anomang kadahilanan ay higit kay sa mga buhok ng aking ulo:
Silang ibig maghiwalay sa akin, na mga kaaway kong may kamalian, ay mga makapangyarihan:
^(AO)Akin ngang isinauli ang hindi ko kinuha.
⁵ Oh Dios, kilala mo ang kamangmangan ko;
At ang mga kasalanan ko'y hindi lihim sa iyo.
⁶ Huwag mangapahiya dahil sa akin ang nangaghihintay sa iyo,
Oh Panginoong Dios ng mga hukbo:
Huwag mangalagay sa kasiraang puri dahil sa akin ang nagsisihanap sa iyo, Oh Dios ng Israel.
⁷ Sapagka't ^(AP)dahil sa iyo ay nagdala ako ng kadustaan;
Kahihiyan ay tumakip sa aking mukha.
^8 (AQ)Ako'y naging iba sa aking mga kapatid,
At taga ibang lupa sa mga anak ng aking ina.
^9 (AR)Sapagka't napuspos ako ng sikap sa iyong bahay;
^(AS)At ang mga pagduwahagi nila na nagsisiduwahagi sa iyo ay nangahulog sa akin.
¹⁰ Pag umiiyak ako at pinarurusahan ko ng pagaayuno ang aking kaluluwa,
Yao'y pagkaduwahagi sa akin.
¹¹ Nang magsuot ako ng kayong magaspang,
Ay naging kawikaan ako sa kanila.
¹² Pinag-uusapan ako nilang nangauupo sa pintuang-bayan;
At ako ang awit ng mga lango.
¹³ Nguni't tungkol sa akin, ang dalangin ko'y sa iyo, Oh Panginoon, ^(AT)sa isang kalugodlugod na panahon:
Oh Dios, sa karamihan ng iyong kagandahang-loob,
^14 (AU)Iligtas mo ako sa burak, at huwag mo akong ilubog:
Maligtas ako sa kanila na nangagtatanim sa akin, at sa malalim na tubig.
¹⁵ Huwag akong tangayin ng baha,
Ni lamunin man ako ng kalaliman:
At huwag takpan ng ^(AV)hukay ang kaniyang bunganga sa akin.
¹⁶ Sagutin mo ako, Oh Panginoon; sapagka't ang iyong kagandahang-loob ay mabuti:
^(AW)Ayon sa karamihan ng iyong mga malumanay na kaawaan ay bumalik ka sa akin.
¹⁷ At huwag mong ikubli ang iyong mukha sa iyong lingkod;
Sapagka't ako'y nasa kahirapan; sagutin mo akong madali.
¹⁸ Lumapit ka sa aking kaluluwa, at tubusin mo:
Iligtas mo ako dahil sa aking mga kaaway.
¹⁹ Talastas mo ang ^(AX)aking kadustaan, at ang aking ^(AY)kahihiyan, at ang aking kasiraang puri:
Ang aking mga kaaway, ay pawang nangasa harap mo.
²⁰ Kaduwahagihan ay sumira ng aking puso; at ^(AZ)ako'y lipos ng kabigatan ng loob:
At ako'y naghintay na may maawa sa akin, nguni't wala;
At mga mangaaliw, nguni't wala akong masumpungan.
²¹ Binigyan naman nila ako ng pagkaing mapait;
^(BA)At sa aking kauhawan ay binigyan nila ako ng suka na mainom.
^22 (BB)Maging lalang sa harap nila ang kanilang dulang;
At maging isang silo kung sila'y nasa kapayapaan.
^23 (BC)Manglabo ang kanilang mga mata, na sila'y huwag makakita;
At papanginigin mong palagi ang kanilang mga balakang.
^24 (BD)Ibugso mo ang iyong galit sa kanila,
At datnan sila ng kabangisan ng iyong galit.
^25 (BE)Magiba ang tahanan nila;
Walang tumahan sa kanilang mga tolda.
²⁶ Sapagka't kanilang hinabol siya na iyong sinaktan,
At ^(BF)sinaysay nila ang damdam niyaong iyong sinugatan.
^27 (BG)At dagdagan mo ng kasamaan ang kanilang kasamaan:
At huwag silang masok sa iyong katuwiran.
^28 (BH)Mapawi sila sa aklat ng buhay,
^(BI)At huwag masulat na kasama ng matuwid.
²⁹ Nguni't ako'y dukha at mapanglaw:
Sa pamamagitan ng pagliligtas mo, Oh Dios, ay iahon mo nawa ako.
³⁰ Aking pupurihin ng awit ang pangalan ng Dios,
At dadakilain ko siya ng pasalamat.
³¹ At kalulugdan ng Panginoon na higit kay sa isang baka,
O sa toro na may mga sungay at mga paa.
^32 (BJ)Nakita ng mga maamo, at nangatuwa:
^(BK)Mabuhay ang puso, ninyong nagsisihanap sa Dios.
³³ Sapagka't dinidinig ng Panginoon ang mapagkailangan,
At hindi hinahamak ang kaniyang mga bilanggo.
^34 (BL)Purihin siya ng langit at lupa,
Ng mga dagat, ^(BM)at ng bawa't bagay na gumagalaw roon.
^35 (BN)Sapagka't ililigtas ng Dios ang Sion, at itatayo ang mga bayan ng Juda;
At sila'y magsisitahan doon, at tatangkilikin nila na pinakaari.
³⁶ Mamanahin naman ng binhi ng kaniyang mga lingkod;
At silang nagsisiibig ng kaniyang pangalan ay magsisitahan doon.