Old/New Testament

72 Ibigay mo sa hari ang iyong mga kahatulan, Oh Dios,
At ang ^(A)iyong katuwiran sa anak na lalake ng hari.
^2 (B)Kaniyang hahatulan ang iyong bayan, ng katuwiran,
At ang iyong dukha, ng kahatulan.
^3 (C)Ang mga bundok ay magtataglay ng kapayapaan sa bayan,
At ang mga gulod, sa katuwiran.
⁴ Kaniyang hahatulan ang dukha sa bayan,
Kaniyang ililigtas ang mga anak ng mapagkailangan,
At pagwawaraywarayin ang mangaapi.
⁵ Sila'y mangatatakot sa iyo habang nananatili ^(D)ang araw,
At habang sumisilang ang buwan, sa lahat ng sali't saling lahi.
^6 (E)Siya'y babagsak na parang ulan sa tuyong damo:
Gaya ng ambon na dumidilig sa lupa.
⁷ Sa kaniyang mga kaarawan ay ^(F)giginhawa ang mga matuwid;
At saganang kapayapaan, hanggang sa mawala ang buwan.
^8 (G)Siya naman ay magtataglay ng pagpapakapanginoon sa dagat at dagat,
At mula sa Ilog hanggang sa mga wakas ng lupa.
⁹ Silang nagsisitahan sa ilang ay magsisiyukod ^(H)sa kaniya;
At hihimuran ng ^(I)kaniyang mga kaaway ang alabok.
^10 (J)Ang mga hari ng Tharsis, at ^(K)sa mga pulo ay mangagdadala ng mga kaloob;
Ang mga hari sa ^(L)Sheba at ^(M)Seba ay mangaghahandog ng mga kaloob.
¹¹ Oo, lahat ng mga hari ay magsisiyukod sa harap niya:
Lahat ng mga bansa ay mangaglilingkod sa kaniya.
¹² Sapagka't kaniyang ililigtas ang mapagkailangan pagka dumadaing;
At ang dukha na walang katulong.
¹³ Siya'y maaawa sa dukha at mapagkailangan,
At ang mga kaluluwa ng mga mapagkailangan ay kaniyang ililigtas.
¹⁴ Tutubusin niya ang kanilang kaluluwa sa kapighatian at karahasan;
^(N)At magiging mahalaga ang kanilang dugo sa kaniyang paningin:
¹⁵ At siya'y mabubuhay at sa kaniya'y ibibigay ang ginto ng Sheba:
At dadalanginang lagi siya ng mga tao:
Pupurihin nila siya buong araw.
¹⁶ Magkakaroon ng saganang trigo sa lupa sa taluktok ng mga bundok;
Ang bunga niyao'y uugang gaya ng Libano:
At silang sa bayan ay giginhawa na ^(O)parang damo sa lupa.
¹⁷ Ang kaniyang pangalan ay ^(P)mananatili kailan man;
Ang kaniyang pangalan ay magluluwat na gaya ng araw:
^(Q)At ang mga tao ay pagpapalain sa kaniya;
^(R)Tatawagin siyang maginhawa ng lahat ng mga bansa.
^18 (S)Purihin ang Panginoong Dios, ang Dios ng Israel,
Na siya lamang gumagawa ng mga kababalaghang bagay:
¹⁹ At purihin ang kaniyang maluwalhating pangalan magpakailan man;
^(T)At mapuno ang buong lupa ng kaniyang kaluwalhatian.
^(U)Siya nawa, at Siya nawa.
²⁰ Ang mga dalangin ni David na anak ni Isai ay nangatapos.

73 Tunay na ang Dios ay mabuti sa Israel.
Sa mga malilinis sa puso.
² Nguni't tungkol sa akin, ang mga paa ko'y halos nahiwalay:
Ang mga hakbang ko'y kamunti nang nangadulas.
^3 (V)Sapagka't ako'y nanaghili sa hambog,
Nang aking makita ang kaginhawahan ng masama.
⁴ Sapagka't walang mga tali sa kanilang kamatayan:
Kundi ang kanilang kalakasan ay ^(W)matatag.
⁵ Sila'y wala sa kabagabagan na gaya ng ibang mga tao;
Na hindi man sila nangasasalot na gaya ng ibang mga tao.
⁶ Kaya't kapalalua'y gaya ng kuwintas sa kanilang leeg:
Tinatakpan sila ng karahasan na gaya ng bihisan.
⁷ Ang kanilang mga mata ay lumuluwa sa katabaan:
Sila'y mayroong higit kay sa mananasa ng puso.
⁸ Sila'y manganunuya, at sa kasamaan ay nanunungayaw ng pagpighati:
^(X)Sila'y nangagsasalitang may kataasan.
⁹ Kanilang inilagay ang kanilang bibig sa mga langit,
At ang kanilang dila ay lumalakad sa lupa.
¹⁰ Kaya't ibinabalik dito ang kaniyang bayan:
At tubig ng punong saro ay nilalagok nila.
¹¹ At kanilang sinasabi, ^(Y)Paanong nalalaman ng Dios?
At may kaalaman ba sa Kataastaasan?
¹² Narito, ang mga ito ang masama;
^(Z)At palibhasa'y laging tiwasay nagsisilago sa mga kayamanan,
^13 (AA)Tunay na sa walang kabuluhan ay nilinis ko ang aking puso,
^(AB)At hinugasan ko ang aking mga kamay sa kawalaang sala;
¹⁴ Sapagka't buong araw ay nasalot ako,
At naparusahan tuwing umaga.
¹⁵ Kung aking sinabi, Ako'y magsasalita ng ganito;
Narito, ako'y gagawang may karayaan sa lahi ng iyong mga anak.
¹⁶ Nang aking isipin kung paanong aking malalaman ito,
Ay napakahirap sa ganang akin;
¹⁷ Hanggang ^(AC)sa ako'y pumasok sa santuario ng Dios,
At aking nagunita ^(AD)ang kanilang huling wakas,
¹⁸ Tunay na iyong inilagay ^(AE)sila sa mga madulas na dako:
Iyong inilugmok sila sa kapahamakan.
¹⁹ Kung paanong naging kapahamakan sila sa isang sandali!
Sila'y nilipol na lubos ng mga kakilabutan.
^20 (AF)Ang panaginip sa pagkagising:
Sa gayon, Oh Panginoon, ^(AG)pag gumising ka, iyong hahamakin ang kanilang larawan.
²¹ Sapagka't ang puso ko'y namanglaw,
At sa aking kalooban ay nasaktan ako:
^22 (AH)Sa gayo'y naging walang muwang ako, at musmos;
Ako'y naging gaya ng hayop sa harap mo.
²³ Gayon ma'y laging sumasaiyo ako:
Iyong inalalayan ang aking kanan.
^24 (AI)Iyong papatnubayan ako ng iyong payo,
At ^(AJ)pagkatapos ay tatanggapin mo ako sa kaluwalhatian.
^25 (AK)Sinong kumakasi sa akin sa langit kundi ikaw?
At walang ninanasa ako sa lupa liban sa iyo.
^26 (AL)Ang aking laman at ang aking puso ay nanglulupaypay:
Nguni't ang Dios ay kalakasan ng aking puso, at ^(AM)bahagi ko magpakailan man.
²⁷ Sapagka't narito, silang malayo sa iyo ay mangalilipol:
Iyong ibinuwal silang lahat, ^(AN)na nangakikiapid, na nagsisihiwalay sa iyo.
²⁸ Nguni't mabuti sa akin ^(AO)na lumapit sa Dios;
Ginawa kong aking kanlungan ang Panginoong Dios,
^(AP)Upang aking maisaysay ang lahat ng iyong mga gawa.