M’Cheyne Bible Reading Plan

Ang mga anak ni Issachar.

7 At sa mga anak ni Issachar; si Thola, at si Phua, si Jabsub, at si Simron, apat.

² At sa mga anak ni Thola: si Uzzi, at si Rephaias, at si Jeriel, at si Jamai, at si Jibsam, at si Samuel, mga pangulo sa mga sangbahayan ng kanilang mga magulang, sa makatuwid baga'y ni Thola; mga makapangyarihang lalaking may tapang sa kanilang mga lahi: ^(A)ang kanilang bilang sa mga kaarawan ni David ay dalawang pu't dalawang libo at anim na raan.

³ At ang mga anak ni Uzzi: si Izrahias: at ang mga anak ni Izrahias: si Michael, at si Obadias, at si Joel, si Isias, lima: silang lahat ay mga pinuno.

⁴ At sa kasamahan nila, ayon sa kanilang mga lahi, ayon sa mga sangbahayan ng kanilang mga magulang, may mga pulutong ng hukbo sa pakikipagdigma, tatlong pu't anim na libo: sapagka't sila'y nagkaroon ng maraming asawa at mga anak.

⁵ At ang kanilang mga kapatid sa lahat na angkan ni Issachar, na mga makapangyarihang lalaking may tapang, na nangabilang silang lahat, ayon sa talaan ng lahi, ay walong pu't pitong libo.

Ang mga anak ni Benjamin.

⁶ Ang mga anak ni Benjamin: si Bela, at si Becher, at si Jediael, tatlo.

⁷ At ang mga anak ni Bela: si Esbon, at si Uzzi, at si Uzziel, at si Jerimoth, at si Iri, lima; mga pangulo sa mga sangbahayan ng mga magulang, mga makapangyarihang lalaking may tapang; at sila'y nangabilang ayon sa talaan ng lahi, ay dalawang pu't dalawang libo at tatlong pu't apat.

⁸ At ang mga anak ni Becher: si Zemira, at si Joas, at si Eliezer, at si Elioenai, at si Omri, at si Jerimoth, at si Abias, at si Anathoth, at si Alemeth. Lahat ng ito'y mga anak ni Becher.

⁹ At sila'y nangabilang ayon sa talaan ng lahi, ayon sa kanilang lahi, na mga pangulo sa mga sangbahayan ng kanilang mga magulang, na mga makapangyarihang lalaking may tapang, dalawang pung libo at dalawang daan.

¹⁰ At ang mga anak ni Jediael: si Bilhan: at ang mga anak ni Bilhan: si Jebus, at si Benjamin, at si Aod, at si Chenaana, at si Zethan, at si Tharsis, at si Ahisahar.

¹¹ Lahat ng ito'y mga anak ni Jediael, ayon sa mga pangulo ng mga sangbahayan ng kanilang mga magulang, na mga makapangyarihang lalaking may tapang labing pitong libo at dalawang daan na nakalalabas sa hukbo upang makidigma.

¹² Si Suppim rin naman, at si Huppim na mga anak ni Hir, si Husim na mga anak ni Aher.

Ang mga anak ni Nephtali.

¹³ Ang mga anak ni Nephtali: si Jaoel, at si Guni, at si Jezer, at si Sallum, na mga anak ni Bilha.

Ang mga anak ni Manases.

¹⁴ Ang mga ^(B)anak ni Manases: si Asriel, na siyang ipinanganak ng kaniyang babae na Aramita; ipinanganak niya si Machir na ama ni Galaad.

¹⁵ At si Machir ay nagasawa kay Huppim at kay Suppim, na ang pangalan ng kapatid na babae nila ay Maacha; at ang pangalan ng ikalawa ay Salphaad: at si Salphaad ay nagkaanak ng mga babae.

¹⁶ At si Maacha na asawa ni Machir ay nanganak ng isang lalake, at tinawag niya ang kaniyang pangalan na Peres; at ang pangalan ng kaniyang kapatid ay Seres; at ang kaniyang mga anak ay si Ulam at si Recem.

¹⁷ At ang mga anak ni Ulam; si Bedan. Ito ang mga anak ni Galaad na anak ni Machir, na anak ni Manases.

¹⁸ At ipinanganak ng kaniyang kapatid na babae na si Molechet si Ichod, at si Abiezer, at si Mahala.

¹⁹ At ang mga anak ni Semida ay si Ahian, at si Sechem at si Licci, at si Aniam.

Ang mga anak ni Ephraim.

²⁰ At ang mga anak ni Ephraim: si Suthela, at si Bered na kaniyang anak, at si Thahath na kaniyang anak, at si Elada na kaniyang anak, at si Thahath na kaniyang anak.

²¹ At si Zabad na kaniyang anak, at si Suthela na kaniyang anak, at si Ezer, at si Elad, na siyang mga pinatay ng mga lalake ng Gath na mga ipinanganak sa lupain, sapagka't sila'y nagsilusong upang kunin ang kanilang mga hayop.

²² At si Ephraim na kanilang ama ay tumangis na maraming araw, at ang kaniyang mga kapatid ay nagsiparoon upang aliwin siya.

²³ At siya'y sumiping sa kaniyang asawa, at siya'y naglihi, at nagkaanak ng isang lalake, at tinawag niya ang kaniyang pangalan na Beria, sapagka't sumakaniyang bahay ang kasamaan.

²⁴ At ang kaniyang anak na babae ay si Seera, na siyang nagtayo ng Bet-horon sa ibaba at sa itaas, at ng Uzzen-seera.

²⁵ At naging anak niya si Repha, at si Reseph, at si Thela na kaniyang anak, at si Taan na kaniyang anak;

²⁶ Si Laadan na kaniyang anak, si Ammiud na kaniyang anak, si Elisama na kaniyang anak;

^27 (C)Si Nun na kaniyang anak, si Josue na kaniyang anak.

²⁸ At ang kanilang mga pagaari at mga tahanan ay ang Beth-el at ang mga nayon niyaon, at ang dakong silanganan ng Naaran, at ang dakong kalunuran ng Gezer pati ng mga nayon niyaon; ang Sichem rin naman at ang mga nayon niyaon, hanggang sa Asa at ang mga nayon niyaon:

²⁹ At sa siping ng mga hangganan ng mga anak ni Manases, ang Beth-sean at ang mga nayon niyaon, ang Thanach at ang mga nayon niyaon, ang Megiddo at ang mga nayon niyaon, ang Dor at ang mga nayon niyaon. Sa mga ito nagsitahan ang mga anak ni Jose na anak ni Israel.

Ang mga anak ni Aser.

³⁰ Ang mga anak ni Aser: si Imna, at si Isua, at si Isui, at si Beria, at si Sera na kanilang kapatid na babae.

³¹ At ang mga anak ni Beria: si Heber, at si Machiel na siyang ama ni Birzabith.

³² At naging anak ni Heber si Japhlet, at si Semer, at si Hotham, at si Sua na kapatid na babae nila.

³³ At ang mga anak ni Japhlet si Pasac, at si Bimhal, at si Asvath. Ang mga ito ang mga anak ni Japhlet.

³⁴ At ang mga anak ni Semer, si Ahi, at si Roga, si Jehubba, at si Aram.

³⁵ At ang mga anak ni Helem na kaniyang kapatid: si Sopha, at si Imna, at si Selles, at si Amal.

³⁶ Ang mga anak ni Sopha: si Sua, at si Harnapher, at si Sual, at si Beri; at si Imra:

³⁷ Si Beser, at si Hod, at si Samma, at si Silsa, at si Ithram, at si Beera.

³⁸ At ang mga anak ni Jether: si Jephone, at si Pispa, at si Ara.

³⁹ At ang mga anak ni Ulla: si Ara, at si Haniel, at si Resia.

⁴⁰ Ang lahat na ito ay mga anak ni Aser, mga pangulo sa mga sangbahayan ng mga magulang, mga pili at makapangyarihang lalake na may tapang, mga pinuno ng mga prinsipe. At ang bilang nilang nangabilang ayon sa talaan ng lahi sa paglilingkod sa pagdidigma ay dalawang pu't anim na libong lalake.

Ang mga anak ni Benjamin.

8 At naging anak ni Benjamin si Bela na kaniyang panganay, si Asbel ang ikalawa, at si Ara ang ikatlo;

² Si Noha ang ikaapat, at si Rapha ang ikalima.

³ At ang mga naging anak ni Bela: si Addar, at si Gera, at si Abiud;

⁴ At si Abisua, at si Naaman, at si Ahoa,

⁵ At si Gera, at si Sephuphim, at si Huram.

⁶ At ang mga ito ang mga anak ni Ehud; ang mga ito ang mga pangulo sa mga sangbahayan ng mga magulang ng mga taga Gabaa, at dinala nila silang bihag sa Manahath.

⁷ At si Naaman, at si Achias, at si Gera, ay kaniyang dinalang bihag; at kaniyang ipinanganak si Uzza at si Ahihud.

⁸ At si Saharaim ay nagkaanak sa parang ng Moab, pagkatapos na kaniyang mapagpaalam sila; si Husim, at si Baara ay ang kaniyang mga asawa.

⁹ At ipinanganak sa kaniya ni Chodes na kaniyang asawa, si Jobab, at si Sibias, at si Mesa, at si Malcham,

¹⁰ At si Jeus, at si Sochias, at si Mirma. Ang mga ito ang kaniyang mga anak na mga pangulo sa mga sangbahayan ng mga magulang.

¹¹ At ipinanganak sa kaniya ni Husim si Abitob, at si Elphaal.

¹² At ang mga anak ni Elphaal: si Heber, at si Misam, at si Semeb, na siyang nagsipagtayo ng Ono at ng Loth, pati ng mga nayon niyaon:

¹³ At si Berias, at si Sema na mga pangulo sa mga sangbahayan ng mga magulang ng mga taga Ajalon na siyang nangagpatakas sa mga taga Gath;

¹⁴ At si Ahio, si Sasac, at si Jeremoth;

¹⁵ At si Zebadias, at si Arad, at si Heder;

¹⁶ At si Michael, at si Ispha, at si Joa, na mga anak ni Berias;

¹⁷ At si Zebadias, at si Mesullam, at si Hizchi, at si Heber.

¹⁸ At si Ismari, at si Izlia, at si Jobab, na mga anak ni Elphaal;

¹⁹ At si Jacim, at si Zichri, at si Zabdi;

²⁰ At si Elioenai, at si Silithai, at si Eliel;

²¹ At si Adaias, at si Baraias, at si Simrath, na mga anak ni Simi;

²² At si Isphan, at si Heber, at si Eliel;

²³ At si Adon, at si Zichri, at si Hanan;

²⁴ At si Hanania, at si Belam, at si Anthothias;

²⁵ At si Iphdaias, at si Peniel, na mga anak ni Sasac;

²⁶ At si Samseri, at si Seharias, at si Atalia;

²⁷ At si Jaarsias, at si Elias, at si Ziri, na mga anak ni Jeroham.

²⁸ Ang mga ito ang mga pangulo sa mga sangbahayan ng mga magulang ayon sa kanilang lahi, na mga pinunong lalake: ang mga ito'y nagsitahan sa Jerusalem.

²⁹ At ^(D)sa Gabaon ay tumahan ang ama ni Gabaon, si Jeiel, na ang pangalan ^(E)ng asawa ay Maacha:

³⁰ At ang kaniyang anak na panganay si Abdon, at si Sur, at si Cis, at si Baal, at si Nadab;

³¹ At si Gedor, at si Ahio, at si Zecher.

³² At naging anak ni Micloth si Simea. At sila nama'y nagsitahang kasama ng kanilang mga kapatid sa Jerusalem, sa tapat ng kanilang mga kapatid.

^33 (F)At naging anak ni ^(G)Ner si Cis; at naging anak ni Cis si Saul; at naging anak ni Saul si Jonathan, at si Malchi-sua, at si Abinadab, at si Esbaal.

³⁴ At ang anak ni Jonathan ay si Merib-baal; at naging anak ni Merib-baal si Micha.

³⁵ At ang mga anak ni Micha: si Phiton, at si Melech, at si Thaarea, at si Ahaz.

³⁶ At naging anak ni Ahaz si ^(H)Joadda; at naging anak ni Joadda si Alemeth, at si Azmaveth, at si Zimri; at naging anak ni Zimri si Mosa;

³⁷ At naging anak ni Mosa si Bina; si ^(I)Rapha na kaniyang anak, si Elasa na kaniyang anak, si Asel na kaniyang anak:

³⁸ At si Asel ay nagkaroon ng anim na anak, na ang mga pangalan ay ito: si Azricam, si Bochru, at si Ismael, at si Searias, at si Obadias, at si Hanan. Lahat ng ito'y ang mga anak ni Asel.

³⁹ At ang mga anak ni Esec na kaniyang kapatid: si Ulam na kaniyang panganay, si Jehus na ikalawa, at si Elipheleth na ikatlo.

⁴⁰ At ang mga anak ni Ulam ay mga makapangyarihang lalaking may tapang, na mga mamamana, at nagkaroon ng maraming anak, at mga anak ng mga anak, na isang daan at limangpu. Lahat, ng ito'y ang mga anak ni Benjamin.

11 Ngayon, ang pananampalataya ay siyang kapanatagan sa mga bagay na hinihintay, ang katunayan ng mga bagay ^(A)na hindi nakikita.

² Sapagka't ^(B)sa pamamagitan nito ang mga matanda ay sinaksihan.

³ Sa pananampalataya ay natatalastas natin na ang sanglibutan ay natatag ^(C)sa pamamagitan ng salita ng Dios, ^(D)ano pa't ang nakikita ay hindi ginawa sa mga bagay na nakikita.

⁴ Sa pananampalataya si ^(E)Abel ay naghandog sa Dios ng lalong mabuting hain kay sa kay Cain, sa pamamagitan nito'y sinaksihan sa kaniyang siya'y matuwid, na nagpapatotoo ang Dios tungkol sa kaniyang mga kaloob: at sa pamamagitan nito patay na siya ay nagsasalita pa.

⁵ Sa pananampalataya si ^(F)Enoc ay inilipat upang huwag niyang makita ang kamatayan; at hindi siya nasumpungan, sapagka't siya'y inilipat ng Dios: sapagka't bago siya inilipat ay pinatotohanan sa kaniyang siya'y naging kalugodlugod sa Dios:

⁶ At kung walang pananampalataya ay hindi maaaring maging kalugodlugod sa kaniya; sapagka't ang lumalapit sa Dios ay dapat sumampalatayang may Dios, at siya ang tagapagbigay ganti sa mga sa kaniya'y nagsisihanap.

⁷ Sa pananampalataya si Noe, ^(G)nang paunawaan ng Dios tungkol sa mga bagay na hindi pa nakikita, dala ng banal na takot, ay naghanda ng isang daong ^(H)sa ikaliligtas ng kaniyang sangbahayan; na sa pamamagitan nito ay ^(I)hinatulan niya ang sanglibutan, at naging tagapagmana ng ^(J)katuwiran na ayon sa pananampalataya.

⁸ Sa pananampalataya si ^(K)Abraham, nang tawagin, ay tumalima upang pumaroon sa isang dakong kaniyang tatanggaping mana; at siya'y yumaon na di nalalaman kung saan siya paroroon.

⁹ Sa pananampalataya siya'y naging manglalakbay sa lupang pangako, na gaya sa hindi niya sariling lupa, ^(L)at tumahan sa mga tolda na kasama si Isaac at si Jacob, na mga tagapagmana ng isang pangako na kasama niya:

¹⁰ Sapagka't ^(M)inaasahan niya ang bayang ^(N)may mga kinasasaligan, na ang nagtayo at ^(O)gumawa ay ang Dios.

¹¹ Sa pananampalataya ^(P)si Sara rin ay tumanggap ng lakas upang ipaglihi ang binhi, nang lipas na ang kaniyang gulang, palibhasa'y inari niyang tapat ang nangako:

¹² Kaya naman ^(Q)sumibol sa isa, sa kaniya ^(R)na tila patay na, ang kasing dami ng mga bituin sa langit sa karamihan, at di mabilang na gaya ng mga buhanging nasa tabi ng dagat.

¹³ Ayon sa pananampalataya ay nangamatay ang lahat ng mga ito, na hindi kinamtan ang mga pangako, nguni't ^(S)kanilang nangakita na natanaw mula sa malayo, at kanilang ipinahayag na sila'y pawang taga ^(T)ibang bayan at manglalakbay sa ibabaw ng lupa.

¹⁴ Sapagka't ang mga nagsisipagsabi ng mga gayong bagay ay nagpapakilalang hinahanap nila ang lupaing kanilang sarili.

¹⁵ At katotohanang kung kanilang naalaala yaong lupaing kanilang pinanggalingan, ay nagkaroon sana sila ng mabuting pagkakataon upang bumalik.

¹⁶ Nguni't ngayon ay nagnanasa sila ng lalong magaling na lupain, sa makatuwid baga'y ang sa langit: kaya hindi sila ikinahihiya ng ^(U)Dios ^(V)na tawaging Dios nila; sapagka't kaniyang ipinaghanda ^(W)sila ng isang bayan.^[a]

¹⁷ Sa pananampalataya, nang subukin si Abraham, ay inihandog si Isaac: oo, siyang tumanggap na may galak ng mga pangako ay siyang naghandog sa kaniyang bugtong na anak;

¹⁸ Sa makatuwid baga'y yaong pinagsabihan, ^(X)Kay Isaac ay tatawagin ang iyong binhi:

¹⁹ Na inisip na ^(Y)maging sa gitna ng mga patay ay maaaring buhayin siyang maguli ng Dios; mula diyan din naman ay muli siyang tinanggap sa isang ^(Z)halimbawa.

²⁰ Sa pananampalataya'y ^(AA)binasbasan ni Isaac si Jacob at si Esau, tungkol sa mga bagay na darating.

²¹ Sa pananampalataya, si Jacob ng mamatay na ay ^(AB)binasbasan niya ang bawa't isa sa mga anak ni Jose; at sumambang nakatangan sa puno ng kaniyang tungkod.

²² Sa pananampalataya, nang malapit nang mamatay si ^(AC)Jose, ay binanggit niya ang pagalis sa Egipto ng mga anak ni Israel; at nagutos tungkol sa kaniyang mga buto.

²³ Sa pananampalataya, nang ipanganak si Moises, ^(AD)ay itinagong tatlong buwan ng kaniyang mga magulang, sapagka't kanilang nakitang maganda ang bata; at hindi sila natakot sa utos ng hari.

²⁴ Sa pananampalataya, nang lumaki na si ^(AE)Moises, ay tumangging siya'y tawaging anak ng anak na babae ni Faraon;

²⁵ Na pinili pa ang siya'y tampalasanin na kasama ng bayan ng Dios, kay sa magtamo ng nagsisikupas na kaligayahan sa pagkakasala;

²⁶ Na inaring malaking kayamanan ^(AF)ang kadustaan ni Cristo, kay sa mga kayamanan ng Egipto: sapagka't ang kaniyang tinititigan ay ^(AG)ang gantingpalang kabayaran.

²⁷ Sa pananampalataya'y ^(AH)iniwan niya ang Egipto, na hindi natakot sa poot ng hari: sapagka't nagtitiyagang ^(AI)tulad sa nakakita niyaong di nakikita.

²⁸ Sa pananampalataya'y itinatag niya ang paskua, ^(AJ)at ang pagwiwisik ng dugo, upang ang manglilipol sa mga panganay ay huwag silang lipulin.

²⁹ Sa pananampalataya'y nagsipagdaan sila sa gitna ^(AK)ng Dagat na Mapula na gaya ng sa lupang tuyo: na nang subuking gawin ito ng mga taga Egipto ay pawang nangalunod.

³⁰ Sa pananampalataya'y ^(AL)nangalagpak ang mga kuta ng Jerico, pagkatapos na makubkob na pitong araw.

³¹ Sa pananampalataya'y ^(AM)hindi napahamak na kasama ng mga manunuway, ang patutot na si Rahab, na tumanggap na payapa sa mga tiktik.

³² At ano pa ang aking sasabihin? sapagka't kukulangin ako ng panahon kung sasaysayin ko ang ^(AN)tungkol kay Gideon, ^(AO)kay Barac, ^(AP)kay Samson, ^(AQ)kay Jefte; tungkol kay ^(AR)David, at ^(AS)kay Samuel at sa mga propeta:

³³ Na ang mga ito, sa pamamagitan ng pananampalataya'y ^(AT)nagsilupig ng mga kaharian, nagsigawa ng katuwiran, ^(AU)nangagtamo ng mga pangako, ^(AV)nangagtikom ng mga bibig ng mga leon,

³⁴ Nagsipatay ^(AW)ng bisa ng apoy, ^(AX)nangakatanan sa talim ng tabak, nagsilakas sa kahinaan, naging mga makapangyarihan sa pakikipagbaka, ^(AY)nangagpaurong ng mga hukbong taga ibang lupa.

^35 (AZ)Tinanggap ng mga babae ang kanilang mga patay sa pamamagitan ng pagkabuhay na maguli: at ang iba'y nangamatay sa hampas, na hindi tinanggap ang kanilang katubusan; upang kamtin nila ang lalong mabuting pagkabuhay na maguli:

³⁶ At ang iba'y nangagkaroon ng pagsubok sa pagkalibak at pagkahampas, oo, bukod dito'y sa mga tanikala at bilangguan naman:

³⁷ Sila'y pinagbabato, ^(BA)pinaglagari, pinagtutukso, pinagpapatay sa tabak: ^(BB)sila'y nagsilakad na paroo't parito na may balat ng mga tupa't kambing: na mga salat, nangapipighati, tinatampalasan

³⁸ (^(BC)Na sa mga yaon ay hindi karapatdapat ang sanglibutan), na nangaliligaw sa mga ilang at sa mga kabundukan at sa mga yungib, at sa mga lungga ng lupa.

³⁹ At ang lahat ng mga ito, ^(BD)nang sila'y mapatotohanan na dahil sa kanilang pananampalataya, ay hindi ^(BE)kinamtan ang pangako,

⁴⁰ Na ipinaghanda ng Dios ng lalong mabuting bagay tungkol sa atin, upang sila'y huwag maging ^(BF)sakdal ng bukod sa atin.

Ang Israel ay sinamo upang hanapin ang Panginoon.

5 Dinggin ninyo ang salitang ito na aking itinataghoy sa inyo, Oh sangbahayan ni Israel.

² Ang dalaga ng Israel ay ^(A)nabuwal; siya'y hindi na magbabangon pa, ^(B)siya'y nahagis sa kaniyang lupain; walang magbangon sa kaniya.

³ Sapagka't ganito ang sabi ng Panginoong Dios: Ang bayan na lalabas na isang libo, maiiwang isang daan, at ang lalabas na isang daan ay maiiwang sangpu, sa sangbahayan ni Israel.

⁴ Sapagka't ganito ang sabi ng Panginoon sa sangbahayan ni Israel; Hanapin ninyo ako, at kayo'y mangabubuhay;

⁵ Nguni't huwag ninyong hanapin ang ^(C)Beth-el, ni magsipasok man sa Gilgal, at huwag kayong magsidaan sa ^(D)Beer-seba: sapagka't walang pagsala ang Gilgal ay papasok sa pagkabihag, at ang Beth-el ay mauuwi sa wala.

⁶ Inyong hanapin ang Panginoon, at kayo'y mangabubuhay; baka siya'y sumigalbong parang apoy sa sangbahayan ni Jose, at supukin yaon, at sa Beth-el ay walang makapapatay niyaon:

⁷ Kayong ^(E)nagpapaging ajenjo sa kahatulan, at nagwawaksi ng katuwiran sa lupa.

⁸ Inyong hanapin ^(F)ang lumikha ng mga Pleyades at ng Orion, ^(G)at ang lilim ng kamatayan ay pinapaging umaga, ^(H)pinapagdilim ang araw sa pamamagitan ng gabi; yaong tumatawag sa tubig sa dagat, at nagbubugso ng mga yaon sa ibabaw ng lupa (Panginoon ang siya niyang pangalan);

⁹ Yaong nagdadala ng biglang kabuwalan sa malakas, na anopa't ang pagkasira ay dumarating sa katibayan.

¹⁰ Kanilang kinapopootan ^(I)ang nananaway ^(J)sa pintuang-bayan, at kanilang kinasusuklaman ang nagsasalita ng matuwid.

¹¹ Palibhasa nga't inyong niyayapakan ang dukha, at inyong hinihingan siya ng trigo: kayo'y ^(K)nangagtayo ng mga bahay na batong tinabas, nguni't hindi ninyo tatahanan; kayo'y nangagtanim ng mga maligayang ubasan, nguni't hindi kayo magsisiinom ng alak niyaon.

¹² Sapagka't talastas ko kung gaano karami ang inyong mga pagsalangsang, at kung gaano kalaki ang inyong mga kasalanan—kayong nagsisidalamhati sa ganap, na kinukunan ninyo ng suhol, at inyong inililigaw sa kanilang matuwid ^(L)ang mapagkailangan sa pintuang-bayan.

¹³ Kaya't siya na mabait ay tatahimik sa panahong yaon; sapagka't masamang panahon.

¹⁴ Magsihanap kayo ng kabutihan, at huwag kasamaan, upang kayo'y mangabuhay; at sa gayo'y ang Panginoon, ang Dios ng mga hukbo, ay sasa inyo, ^(M)gaya ng inyong sinasabi.

¹⁵ Inyong kapootan ang masama, at ibigin ang mabuti, at kayo'y mangagtatatag ng kahatulan sa pintuang-bayan: marahil ang Panginoon, ang Dios ng mga hukbo ay magiging mapagbiyaya sa ^(N)nalabi sa Jose.

¹⁶ Kaya't ganito ang sabi ng Panginoon, ng Dios ng mga hukbo, ng Panginoon: Panaghoy ay sa lahat na daan; at sila'y mangagsasabi sa lahat na lansangan, Sa aba! sa aba! at kanilang tatawagin ang mangbubukid sa pananambitan, at ang lahat na bihasa sa pananaghoy sa pagtaghoy.

¹⁷ At sa lahat ng ubasan ay magkakaroon ng panaghoy; sapagka't ^(O)ako'y daraan sa gitna mo, sabi ng Panginoon.

Ang kaarawan ng Panginoon.

¹⁸ Sa aba ninyo na nangagnanasa ng ^(P)kaarawan ng Panginoon! bakit ninyo ninanasa ang kaarawan ng Panginoon? kadiliman ^(Q)nga, at hindi kaliwanagan.

¹⁹ Gaya ng kung ang tao ay tumatakas sa leon, at isang oso ang sumasalubong sa kaniya; o pumapasok sa bahay at ikinakapit ang kaniyang kamay sa pinid, at isang ahas ang tumutuka sa kaniya.

²⁰ Hindi baga magiging kadiliman ang kaarawan ng Panginoon, at hindi kaliwanagan? na totoong madilim, at walang ningning?

^21 (R)Aking kinapopootan, aking hinahamak ang inyong mga kapistahan, at hindi ako malulugod sa inyong mga takdang kapulungan.

²² Oo, bagaman inyong ihandog sa akin ang inyong mga handog na susunugin at mga handog na harina, ^(S)hindi ko tatanggapin; ni akin mang kalulugdan ang mga handog tungkol sa ^(T)kapayapaan na inyong mga matabang hayop.

²³ Ihiwalay mo sa akin ang ingay ng iyong mga awit; sapagka't hindi ko didinggin ang tinig ng iyong mga biola.

²⁴ Kundi bumugso ang katarungan na parang tubig, at ang katuwiran na parang malakas na agos.

²⁵ Nagdala baga kayo sa akin ng mga ^(U)hain, at ng mga handog sa ilang na apat na pung taon, Oh sangbahayan ni Israel?

²⁶ Oo, inyong pinasan ang ^(V)tabernakulo ng inyong hari at ang dambana ng inyong mga larawan, ang bituin ng inyong dios, na inyong ginawa para sa inyong sarili.

²⁷ Kaya't kayo'y aking papapasukin sa pagkabihag sa dako roon ng Damasco, sabi ng Panginoon, na ang pangala'y ^(W)Dios ng mga hukbo.

1 Yamang marami ang nagpilit mag-ayos ng isang kasaysayan noong mga bagay na naganap sa gitna natin,

² Alinsunod sa ipinatalos sa atin nilang buhat sa ^(A)pasimula ay ^(B)mga saksing nangakakakita at mga ^(C)ministro ng salita,

³ Ay minagaling ko naman, pagkasiyasat na lubos ng pangyayari ng lahat ng mga bagay mula nang una, na isulat sa iyong sunodsunod, ^(D)kagalanggalang na ^(E)Teofilo;

⁴ Upang mapagkilala mo ang katunayan ^(F)tungkol sa mga bagay na itinuro sa iyo.

⁵ Nagkaroon ^(G)nang mga araw ni Herodes, hari sa Judea, ng isang saserdoteng ang ngala'y Zacarias, ^(H)sa pulutong ni Abias: at ang naging asawa niya ay isa sa mga anak na babae ni Aaron, at ang kaniyang ngala'y Elisabet.

⁶ At sila'y kapuwa ^(I)matuwid sa harap ng Dios, na nagsisilakad na walang kapintasan sa lahat ng mga utos at mga palatuntunan ng Panginoon.

⁷ At wala silang anak, sapagka't baog si Elisabet, at sila'y kapuwa may pataw ng maraming taon.

⁸ Nangyari nga, na samantalang ginaganap niya ang pagkasaserdote sa harapan ng Dios ^(J)ayon sa kapanahunan ng kaniyang pulutong,

⁹ Alinsunod sa kaugalian ng tungkuling pagkasaserdote, ay naging palad niya ang pumasok sa templo ng Panginoon at ^(K)magsunog ng kamangyan.

¹⁰ At ang buong karamihan ^(L)ng mga tao ay nagsisipanalangin ^(M)sa labas sa oras ng kamangyan.

¹¹ At napakita sa kaniya ang isang anghel ng Panginoon, na nakatayo sa dakong kanan ^(N)ng dambana ng kamangyan.

¹² At nagulumihanan si Zacarias, pagkakita niya sa kaniya, ^(O)at dinatnan siya ng takot.

¹³ Datapuwa't sinabi sa kaniya ng anghel, Huwag kang matakot, Zacarias: sapagka't dininig ang daing mo, at ang asawa mong si Elisabet ay manganganak sa iyo ng isang anak na lalake, at ^(P)tatawagin mong Juan ang kaniyang pangalan.

¹⁴ At magkakaroon ka ng ligaya at galak; at ^(Q)marami ang maliligaya sa pagkapanganak sa kaniya.

¹⁵ Sapagka't siya'y magiging dakila sa paningin ng Panginoon, at siya'y ^(R)hindi iinom ng alak ni matapang na inumin; at siya'y mapupuspos ng Espiritu Santo, mula pa sa tiyan ng kaniyang ina.

¹⁶ At marami sa mga anak ni Israel, ay papagbabaliking-loob niya sa Panginoon na kanilang Dios.

^17 (S)At siya'y lalakad sa unahan ng kaniyang mukha na may espiritu at kapangyarihan ni Elias, ^(T)upang papagbaliking-loob ang mga puso ng mga ama sa mga anak, at ang mga suwail ay magsilakad sa karunungan ng mga matuwid, ^(U)upang ipaglaan ang Panginoon ng isang bayang nahahanda.

¹⁸ At sinabi ni Zacarias sa anghel, ^(V)Sa ano malalaman ko ito? sapagka't ako'y matanda na, at ang aking asawa ay may pataw ng maraming taon.

¹⁹ At pagsagot ng anghel ay sinabi sa kaniya, ^(W)Ako'y si Gabriel, na nananayo sa harapan ng Dios; at ako'y sinugo upang makipagusap sa iyo, at magdala sa iyo nitong mabubuting balita.

²⁰ At narito, mapipipi ka at hindi ka makapangungusap, hanggang sa araw na mangyari ang mga bagay na ito, sapagka't hindi ka sumampalataya sa aking mga salita, na magaganap sa kanilang kapanahunan.

²¹ At hinihintay ng bayan si Zacarias, at nanganggigilalas sila sa kaniyang pagluluwat sa loob ng templo.

²² At nang lumabas siya, ay hindi siya makapagsalita sa kanila: at hininagap nila na siya'y nakakita ng isang pangitain sa templo: at siya'y nagpatuloy ng ^(X)pakikipagusap sa kanila, sa pamamagitan ng mga hudyat, at nanatiling pipi.

²³ At nangyari, na nang maganap na ang mga araw ng kaniyang paglilingkod, siya'y umuwi sa kaniyang bahay.

²⁴ At pagkatapos ng mga araw na ito ay naglihi ang kaniyang asawang si Elisabet; at siya'y lumigpit ng limang buwan, na nagsasabi,

²⁵ Ganito ang ginawa ng Panginoon sa akin sa mga araw nang ako'y tingnan niya, ^(Y)upang alisin ang aking pagkaduwahagi sa gitna ng mga tao.

²⁶ Nang ikaanim na buwan nga'y sinugo ng Dios ang anghel ^(Z)Gabriel sa isang bayan ng Galilea, ngala'y Nazaret,

²⁷ Sa isang dalagang ^(AA)magaasawa sa isang lalake, na ang kaniyang ngala'y Jose, ^(AB)sa angkan ni David; at Maria ang pangalan ng dalaga.

²⁸ At pumasok siya sa kinaroroonan niya, at sinabi, Magalak ka, ikaw na totoong pinakamamahal, ^(AC)ang Panginoon ay sumasa iyo.

²⁹ Datapuwa't siya'y totoong ^(AD)nagulumihanan sa sabing ito, at iniisip sa kaniyang sarili kung anong bati kaya ito.

³⁰ At sinabi sa kaniya ng anghel, Huwag kang matakot, Maria: sapagka't nakasumpong ka ng biyaya sa Dios.

³¹ At narito, maglilihi ka ^(AE)sa iyong tiyan, at manganganak ka ng isang lalake, at tatawagin mo ang kaniyang pangalang JESUS.

³² Siya'y magiging dakila, at tatawaging Anak ng ^(AF)Kataastaasan: at ^(AG)sa kaniya'y ibibigay ng Panginoong Dios ang luklukan ni David na kaniyang ama:

³³ At siya'y maghahari sa angkan ^(AH)ni Jacob magpakailan man; at hindi magkakawakas ang kaniyang kaharian.

³⁴ At sinabi ni Maria sa anghel, Paanong mangyayari ito, sa ako'y hindi nakakakilala ng lalake?

³⁵ At sumagot ang anghel, at sinabi sa kaniya, Bababa sa iyo ^(AI)ang Espiritu Santo, at lililiman ka ng kapangyarihan ng ^(AJ)Kataastaasan: kaya naman ang banal na bagay na ipanganganak ay tatawaging ^(AK)Anak ng Dios.

³⁶ At narito, si Elisabet na iyong ^(AL)kamaganak, ay naglihi rin naman ng isang anak na lalake sa kaniyang katandaan; at ito ang ikaanim na buwan niya, na dati'y tinatawag na baog.

³⁷ Sapagka't walang salitang mula sa Dios na di may kapangyarihan.

³⁸ At sinabi ni Maria, Narito, ang alipin ng Panginoon; mangyari sa akin ang ayon sa iyong salita. At iniwan siya ng anghel.