Chronological

4 Nguni't sinasabi ko na samantalang ^(A)ang tagapagmana ay bata, ay walang pagkakaibang anoman sa alipin bagama't siya'y panginoon ng lahat;

² Datapuwa't nasa ilalim ng mga tagapagampon at ng mga tagapangasiwa hanggang sa panahong itinakda ng ama.

³ Gayon din naman tayo, nang tayo'y mga bata pa, ^(B)tayo'y nasasakop ng pagkaalipin sa ilalim ng mga pasimulang aral ng sanglibutan.

⁴ Datapuwa't ^(C)nang dumating ang kapanahunan, ay sinugo ng Dios ang kaniyang Anak, ^(D)na ipinanganak ng isang babae, na ^(E)ipinanganak sa ilalim ng kautusan,

^5 (F)Upang matubos niya ang nangasa ilalim ng kautusan, ^(G)upang matanggap natin ang pagkukupkop sa mga anak.

⁶ At sapagka't kayo'y mga anak, ay sinugo ng Dios ang Espiritu ng kaniyang Anak sa ating mga puso, na sumisigaw, Abba, Ama.

⁷ Ano pa't hindi ka na alipin, kundi anak; ^(H)at kung anak, ay tagapagmana ka nga sa pamamagitan ng Dios.

⁸ Gayon man nang panahong yaon, sa hindi ninyo pagkakilala sa Dios, kayo'y nasa pagkaalipin ^(I)ng sa katutubo ay hindi mga dios:

⁹ Datapuwa't ngayon yamang nakikilala na ninyo ang Dios, o ang lalong mabuting sabihin, kayo'y nangakikilala ng Dios, bakit muling nangagbabalik kayo ^(J)doon sa mahihina at walang bisang mga pasimulang aral, na sa mga yao'y ninanasa ninyong magbalik sa pagkaalipin?

¹⁰ Ipinangingilin ninyo ang mga araw, ^(K)at mga buwan, at mga panahon, at mga taon.

¹¹ Ako'y natatakot tungkol sa inyo, ^(L)baka sa anomang paraan ay nagpagal ako sa inyo ng walang kabuluhan.

¹² Ipinamamanhik ko sa inyo, mga kapatid, na kayo'y mangagsitulad sa akin, sapagka't ako'y katulad din ninyo. Wala kayong ginawa sa aking anomang kasamaan.

¹³ Datapuwa't nalalaman ninyo na ^(M)dahil sa sakit ng laman, ay ipinangaral ko sa inyo ang evangelio ^(N)nang pasimula:

¹⁴ At yaong sa inyo'y isang tukso sa aking laman ay hindi ninyo inalipusta, ni itinakuwil man; kundi ako'y tinanggap ninyong tulad sa isang anghel ng Dios, ^(O)tulad kay Cristo Jesus.

¹⁵ Saan nga naroon yaong inyong kapalaran? sapagka't pinatototohanan ko sa inyo, na, kung mangyayari, ay inyong dinukit sana ang inyong mga mata at ibinigay sa akin.

¹⁶ Kaya nga ako baga'y naging kaaway ninyo, sa pagsasabi ko sa inyo ng katotohanan?

¹⁷ May ^(P)nangagmamalasakit sa inyo sa hindi mabuting akala; subali't, ang ibig nila ay ihiwalay kayo, upang ipagmalasakit ninyo sila.

¹⁸ Datapuwa't mabuti ang ipagmalasakit sa mabuting bagay sa lahat ng panahon, at hindi lamang samantalang ako'y kaharap ninyo.

¹⁹ Maliliit kong mga anak, ^(Q)na muli kong ipinagdaramdam sa panganganak hanggang si Cristo ay mabadha ^(R)sa inyo—

²⁰ Datapuwa't, ibig kong makaharap ninyo ako ngayon, at baguhin ang aking tinig; sapagka't ako'y nagaalinlangan tungkol sa inyo.

²¹ Sabihin ninyo sa akin, kayong nagsisipagnasang mapasa ilalim ng kautusan, hindi baga ninyo naririnig ang kautusan?

²² Sapagka't nasusulat, na si Abraham ay nagkaroon ng dalawang anak, ^(S)ang isa'y sa aliping babae, at ^(T)ang isa'y sa babaing malaya.

²³ Gayon man ^(U)ang anak sa alipin ay ipinanganak ayon sa laman; nguni't ^(V)ang anak sa babaing malaya ay sa pamamagitan ng pangako.

²⁴ Ang mga bagay na ito'y may lamang talinghaga: sapagka't ang mga babaing ito'y dalawang tipan; ang isa'y mula sa bundok ng Sinai, na nanganganak ng mga ^(W)anak sa pagkaalipin, na ito'y si Agar.

²⁵ Ang Agar ngang ito ay bundok ng Sinai sa ^(X)Arabia, at ito'y katulad ng Jerusalem ngayon: sapagka't ito'y nasa pagkaalipin kasama ng kaniyang mga anak.

²⁶ Nguni't ang ^(Y)Jerusalem na nasa itaas ay malaya, na siyang ina natin.

²⁷ Sapagka't nasusulat,

²⁸ At tayo, mga kapatid, tulad ni Isaac, ay ^(AA)mga anak sa pangako.

²⁹ Datapuwa't kung papaanong yaong ^(AB)ipinanganak ayon sa laman ay nagusig sa ipinanganak ayon sa espiritu, ay gayon din naman ngayon.

³⁰ Gayon man ano ang sinasabi ng kasulatan? ^(AC)Palayasin ang aliping babae at ang kaniyang anak: sapagka't hindi magmamana ang anak ng babaing alipin na kasama ng anak ng babaing malaya.

³¹ Kaya nga, mga kapatid, hindi tayo mga anak ng babaing alipin, kundi ng babaing malaya.

5 Sa ^(AD)kalayaan ay pinalaya tayo ni Cristo: magsitibay nga kayo, at huwag na kayong pasakop na muli ^(AE)sa pamatok ng pagkaalipin.

² Narito, akong si Pablo ay nagsasabi sa inyo, ^(AF)na, kung inyong tinatanggap ang pagtutuli, ay wala kayong mapapakinabang na anoman kay Cristo.

³ Oo, pinatotohanan kong muli sa bawa't taong tumatanggap ng pagtutuli, ^(AG)na siya'y may kautangang tumupad ng buong kautusan.

⁴ Kayo'y hiwalay kay Cristo, ^(AH)kayong nangagiibig na ariing-ganap ng kautusan; nangahulog kayo mula ^(AI)sa biyaya.

⁵ Sapagka't tayo sa pamamagitan ng Espiritu sa pananampalataya ay ^(AJ)naghihintay ng pangako ng katuwiran.

⁶ Sapagka't ^(AK)kay Cristo Jesus, kahit ang pagtutuli ay walang kabuluhan, kahit man ang di-pagtutuli; ^(AL)kundi ang pananampalataya na gumagawa sa pamamagitan ng pagibig.

⁷ Nagsisitakbo kayong mabuti nang una; ^(AM)sino ang gumambala sa inyo upang kayo'y huwag magsisunod sa katotohanan?

⁸ Ang paghikayat na ito ay hindi nagmula ^(AN)doon sa tumawag sa inyo.

⁹ Ang kaunting lebadura ay ^(AO)nagpapakumbo sa buong limpak.

¹⁰ Ako'y may pagkakatiwala sa inyo sa Panginoon, na hindi kayo nagsipagisip ng ibang paraan: datapuwa't ^(AP)ang gumagambala sa inyo ay magtataglay ng kaniyang kahatulan, maging sinoman siya.

¹¹ Nguni't ako, mga kapatid, ^(AQ)kung ipinangangaral ko pa ang pagtutuli, ^(AR)bakit ako'y pinaguusig pa? kung gayon ay natapos ^(AS)na ang katitisuran sa krus.

¹² Ibig ko sana na ang mga nagsisigulo sa inyo ay gumawa ng ^(AT)higit sa pagtutuli.

¹³ Sapagka't kayo, mga kapatid, ay tinawag sa ^(AU)kalayaan; ^(AV)huwag lamang gamitin ang inyong kalayaan, upang magbigay kadahilanan sa laman, kundi sa pamamagitan ng pagibig ay mangaglingkuran kayo.

¹⁴ Sapagka't ang ^(AW)buong kautusan ay natutupad sa isang salita, sa makatuwid ay dito: ^(AX)Iibigin mo ang inyong kapuwa na gaya ng inyong sarili.

¹⁵ Nguni't kung kayo-kayo rin ang nangagkakagatan at nangagsasakmalan, magsipagingat kayo na baka kayo'y mangaglipulan sa isa't isa.

¹⁶ Sinasabi ko nga, ^(AY)Magsilakad kayo ayon sa Espiritu, at hindi ninyo gagawin ang mga pita ng laman.

¹⁷ Sapagka't ^(AZ)ang laman ay nagnanasa ng laban sa Espiritu, at ang Espiritu ay laban sa laman; sapagka't ang mga ito ay nagkakalaban; ^(BA)upang huwag ninyong gawin ang bagay na inyong ibigin.

¹⁸ Datapuwa't ^(BB)kung kayo'y pinapatnubayan ng Espiritu, ay wala kayo sa ilalim ng kautusan.

^19 (BC)At hayag ang mga gawa ng laman, sa makatuwid ay ang mga ito: pakikiapid, karumihan, kalibugan,

²⁰ Pagsamba sa diosdiosan, pangkukulam, mga pagtataniman, mga pagtatalo, mga paninibugho, mga pagkakaalitan, mga pagkakampikampi, mga pagkakabahabahagi, mga hidwang pananampalataya,

²¹ Mga kapanaghilian, mga paglalasing, mga kalayawan, at ang mga katulad nito; tungkol sa mga bagay na ito ay aking ipinagpapaunang ipaalaala sa inyo, tulad sa aking pagpapaalaala nang una sa inyo, na ^(BD)ang mga nagsisigawa ng gayong mga bagay ay hindi magsisipagmana ng kaharian ng Dios.

²² Datapuwa't ^(BE)ang bunga ng Espiritu ay pagibig, katuwaan, kapayapaan, pagpapahinuhod, ^(BF)kagandahang-loob, kabutihan, pagtatapat,

²³ Kaamuan, pagpipigil; ^(BG)laban sa mga gayong bagay ay walang kautusan.

²⁴ At ^(BH)ipinako sa krus ng mga na kay Cristo Jesus ang laman na kasama ang mga masasamang pita at mga kahalayan nito.

^25 (BI)Kung tayo'y nangabubuhay sa pamamagitan ng Espiritu, ay mangagsilakad naman tayo ayon sa Espiritu.

²⁶ Huwag tayong maging mga palalo, ^(BJ)na tayo-tayo'y nangagmumungkahian sa isa't isa, nangagiinggitan sa isa't isa.

6 Mga kapatid, ^(BK)kung ang sinoman ay masumpungan sa anomang pagsuway, kayong ^(BL)mga sa espiritu, ay inyong papanumbalikin ang gayon sa ^(BM)espiritu ng kahinhinan; na iyong pagwariin ang iyong sarili, baka ikaw naman ay matukso.

² Mangagdalahan kayo ng mga ^(BN)pasanin ng isa't isa, at tuparin ninyong gayon ^(BO)ang kautusan ni Cristo.

³ Sapagka't kung ^(BP)ang sinoman ay nagaakala na siya'y may kabuluhan bagaman siya ay walang kabuluhan, ang kaniyang sarili ang dinadaya niya.

⁴ Nguni't siyasatin ng ^(BQ)bawa't isa ang kaniyang sariling gawa, at kung magkagayon ay magkakaroon siya ng kaniyang kapurihan tungkol sa kaniyang sarili lamang, at hindi tungkol sa kapuwa.

⁵ Sapagka't ang ^(BR)bawa't tao ay magpapasan ng kaniyang sariling pasan.

⁶ Datapuwa't ang tinuturuan ^(BS)sa aral ng Dios ay makidamay doon sa nagtuturo sa lahat ng mga bagay na mabuti.

⁷ Huwag kayong padaya; ang Dios ay hindi napabibiro: sapagka't ang ^(BT)lahat na ihasik ng tao, ay siya namang aanihin niya.

⁸ Sapagka't ang naghahasik ng sa kaniyang sariling laman ay sa laman magaani ng kasiraan; datapuwa't ang naghahasik ng sa Espiritu ay sa Espiritu magaani ng buhay na walang hanggan.

^9 (BU)At huwag tayong mangapagod sa paggawa ng mabuti: sapagka't sa kapanahunan ay magsisipagani tayo, ^(BV)kung hindi tayo manganghihimagod.

¹⁰ Kaya nga, samantalang tayo'y may pagkakataon, ay ^(BW)magsigawa tayo ng mabuti sa lahat, at lalong lalo na sa ^(BX)mga kasangbahay sa pananampalataya.

¹¹ Tingnan ninyo kung gaano kalalaking mga titik ang isinulat ko sa inyo ^(BY)ng aking sariling kamay.

¹² Yaong ^(BZ)lahat na may ibig magkaroon ng isang mabuting anyo sa laman, ^(CA)ay siyang pumipilit sa inyo na mangagtuli; upang huwag lamang silang ^(CB)pagusigin dahil sa krus ni Cristo.

¹³ Sapagka't yaon mang nangatuli na ay hindi rin nagsisitupad ng kautusan; nguni't ibig nilang kayo'y ipatuli, upang sila'y mangagmapuri sa inyong laman.

¹⁴ Datapuwa't malayo nawa sa akin ang ^(CC)pagmamapuri, maliban na sa krus ng ating Panginoong Jesucristo, na sa pamamagitan niyao'y ang sanglibutan ay ^(CD)napako sa krus sa ganang akin, at ako'y sa sanglibutan.

¹⁵ Sapagka't ang pagtutuli ay walang anoman, kahit man ang di-pagtutuli, kundi ^(CE)ang bagong nilalang.

¹⁶ At ang lahat ^(CF)na mangagsisilakad ayon sa alituntuning ito, ^(CG)kapayapaan at kaawaan nawa ang sumakanila, at sa ^(CH)Israel ng Dios.

¹⁷ Buhat ngayon sinoman ay huwag bumagabag sa akin; sapagka't dala kong nakalimbag sa aking katawan ^(CI)ang mga tanda ni Jesus.

¹⁸ Mga kapatid, ^(CJ)ang biyaya ng ating Panginoong Jesucristo ay sumainyo nawang espiritu. Siya nawa.