Revised Common Lectionary (Semicontinuous)

Pagpapasalamat sa pagliligtas mula sa kamatayan.

Ang pamamanhik sa pagaasawa ni Isaac kay Rebeca.

24 At si Abraham ay matanda na, at lipas na sa panahon: at ^(A)pinagpala ng Panginoon si Abraham sa lahat ng mga bagay.

² At ^(B)sinabi ni Abraham sa kaniyang alilang katiwala, sa pinakamatanda sa kaniyang bahay na ^(C)namamahala ng lahat niyang tinatangkilik: Ipinamamanhik ko sa iyo na ^(D)ilagay mo ang iyong kamay sa ilalim ng aking hita:

³ At ikaw ay aking pasusumpain, alangalang sa Panginoon sa Dios ng langit at Dios ng lupa, ^(E)na hindi mo papag-aasawahin ang aking anak sa mga anak ng mga Cananeo na siyang aking pinakikitahanan:

⁴ Kundi ikaw ay ^(F)paroroon sa aking lupain, at sa aking kamaganakan, at papag-aasawahin mo roon ang aking anak na si Isaac.

⁵ At sinabi sa kaniya ng lingkod, Sakaling hindi iibigin ng babae na sumama sa akin sa lupaing ito: dapat ko bang ibalik ang anak mo sa lupaing pinanggalingan mo?

⁶ At sinabi sa kaniya ni Abraham, Ingatan mong huwag ibalik doon ang aking anak.

⁷ Ang Panginoon, ang Dios ng langit, ^(G)na kumuha sa akin sa bahay ng aking ama, at sa lupaing aking tinubuan, at sa akin ay nagsalita, at sa akin ay sumumpa, na nagsasabi, ^(H)Sa iyong binhi, ibibigay ko ang lupaing ito: ay magsusugo ^(I)siya ng kaniyang anghel sa unahan mo, at papag-aasawahin mo roon ang aking anak.

⁸ At kung ang babae ay ayaw sumama sa iyo, ay ^(J)maliligtas ka rito sa aking sumpa; huwag mo lamang pabalikin ang aking anak doon.

⁹ At inilagay ng alilang katiwala ang kaniyang kamay sa ilalim ng hita ni Abraham na kaniyang panginoon, at sumumpa sa kaniya tungkol sa bagay na ito.

³⁵ Ang Moises na ito na kanilang itinakuwil, na sinasabi, Sino ang sa iyo'y naglagay na puno at hukom? ay siyang sinugo ng Dios na maging puno at tagapagligtas ^(A)sa pamamagitan ng kamay ng anghel na sa kaniya'y napakita sa mababang punong kahoy.

³⁶ Pinatnugutan sila ^(B)ng taong ito, pagkagawa ^(C)ng mga kababalaghan at mga tanda sa Egipto, at sa dagat na Pula, at sa ilang sa loob ng apat na pung taon.

³⁷ Ito'y yaong Moises, na nagsabi sa mga anak ni Israel, Palilitawin ng Dios sa inyo ang isang ^(D)propeta na gaya ko, mula sa inyong mga kapatid.

³⁸ Ito'y yaong naroon sa iglesia sa ilang na kasama ^(E)ang anghel na nagsalita sa kaniya sa bundok ng Sinai, at kasama ang ating mga magulang: na siyang nagsitanggap ^(F)ng mga aral na buhay upang ibigay sa atin:

³⁹ Sa kaniya'y ayaw magsitalima ang ating mga magulang, kundi siya'y kanilang itinakuwil, at sa kanilang mga puso'y nangagbalik sa Egipto,

⁴⁰ Na sinasabi kay Aaron, ^(G)Igawa mo kami ng mga dios na mangunguna sa amin: sapagka't tungkol dito kay Moises, na naglabas sa amin sa lupain ng Egipto, ay hindi namin nalalaman kung ano ang nangyari sa kaniya.

⁴¹ At nagsigawa sila nang mga araw na yaon ng isang ^(H)guyang baka, at nagsipaghandog ng hain sa diosdiosang yaon, at nangatuwa sa mga gawa ng kanilang mga kamay.

⁴² Datapuwa't tumalikod ang Dios, at ^(I)sila'y pinabayaang magsisamba sa hukbo ng langit; gaya ng nasusulat sa aklat ng mga propeta,