Revised Common Lectionary (Semicontinuous)

Tatlong Anghel ay dumalaw kay Abraham.

18 At napakita ang Panginoon sa kaniya sa mga punong encina ni ^(A)Mamre, habang siya'y nakaupo sa pintuan ng tolda, ng kainitan ng araw.

^2 (B)At itiningin ang kaniyang mga mata at nagmalas, at, narito't tatlong lalake ay nakatayo sa tabi niya: ^(C)at pagkakita niya sa kanila, ay tinakbo niya upang sila'y salubungin mula sa pintuan ng tolda, at yumukod siya sa lupa.

³ At nagsabi, Panginoon ko, kung ngayo'y nakasumpong ako ng biyaya sa iyong paningin, ay ipinamamanhik ko sa iyo, na huwag mong lagpasan ang iyong lingkod.

⁴ Itulot mong ^(D)dalhan kayo rito ng kaunting tubig, at maghugas kayo ng inyong mga paa, at mangagpahinga kayo sa lilim ng kahoy.

⁵ At magdadala ako ng isang subong tinapay ^(E)at inyong palakasin ang inyong puso; at pagkatapos ay magsisipagtuloy kayo: ^(F)yamang kayo'y naparito sa inyong lingkod, At nagsipagsabi, Mangyari ang ayon sa iyong sinabi.

⁶ At si Abraham ay nagmadaling napasa tolda ni Sara, at sinabi, Maghanda ka agad ng tatlong takal ng mainam na harina, iyong tapayin at gawin mong mga munting tinapay.

⁷ At tumakbo si Abraham sa bakahan at nagdala ng isang bata at mabuting guya, at ibinigay sa alipin; at siya'y nagmadali, upang lutuin.

⁸ At siya'y kumuha ng mantekilla, at ng gatas, at ng guyang niluto niya, at inihain sa harapan nila; at siya'y tumayo sa siping nila sa lilim ng punong kahoy; at sila'y nagsikain.

Ang pangako sa panganganak ay inulit.

⁹ At sinabi nila sa kaniya, Saan naroon si Sara na iyong asawa? At sinabi niya ^(G)Narito, nasa tolda.

¹⁰ At sinabi niya, ^(H)Walang salang di ako babalik sa iyo sa ganitong ^(I)panahon ng taong darating; at ^(J)narito't si Sara na iyong asawa ay magkakaanak ng isang lalake. At narinig ni Sara sa pintuan ng tolda, na nasa likod niya.

^11 (K)Si Abraham at si Sara nga'y matatanda na, at lipas na sa panahon; at tinigilan na si Sara ng kaugalian ng mga babae.

^12 (L)At nagtawa si Sara sa kaniyang sarili, na sinasabi, ^(M)Pagkatapos na ako'y tumanda ay magtatamo ako ng kaligayahan, at matanda na rin pati ng ^(N)panginoon ko?

¹³ At sinabi ng Panginoon kay Abraham, Bakit tumawa si Sara, na sinasabi, Tunay kayang ako'y manganganak, na matanda na ako?

^14 (O)May anomang bagay kayang ^(P)napakahirap sa Panginoon? Sa tadhanang panahon ay babalik ako sa iyo, sa taong darating, at si Sara ay magkakaanak ng isang lalake.

¹⁵ Nang magkagayo'y nagkaila si Sara, na sinasabi, Hindi ako tumawa, sapagka't siya'y natakot. Nguni't sinabi niya, Hindi gayon; kundi ikaw ay tumawa.

Ipinanganak si Isaac.

21 ^(A)At dumalaw ang Panginoon kay Sara, ayon sa sinabi niya, at ginawa ng Panginoon kay Sara ang ^(B)ayon sa kaniyang sinalita.

² At si Sara ay ^(C)naglihi at nagkaanak ng isang lalake kay Abraham sa kaniyang katandaan, ^(D)sa tadhanang panahong sinabi ng Dios sa kaniya.

³ At tinawag na ^(E)Isaac ni Abraham ang ngalan ng kaniyang anak na ipinanganak sa kaniya, na siyang ipinanganak ni Sara.

⁴ At ^(F)tinuli ni Abraham si Isaac ng magkaroon ng walong araw ^(G)gaya ng iniutos ng Dios sa kaniya.

⁵ At si Abraham ay ^(H)may isang daang taon, nang sa kaniya'y ipanganak si Isaac na kaniyang anak.

⁶ At sinabi ni Sara, Pinatawa ako ng ^(I)Dios, sinomang makarinig ay makikitawa.

⁷ At sinabi niya, Sinong nakapagsabi kay Abraham na si Sara ay magpapasuso ng anak? ^(J)sapagka't ako'y nagkaanak sa kaniya ng isang lalake sa kaniyang katandaan.

Pagpapasalamat sa pagliligtas mula sa kamatayan.

5 Yaman nga na ^(A)mga inaaring-ganap sa pananampalataya, mayroon tayong ^(B)kapayapaan sa Dios sa pamamagitan ng ating Panginoong Jesucristo;

² Sa pamamagitan din naman niya'y nangagkaroon tayo ^(C)ng ating pagpasok sa pamamagitan ng pananampalataya sa biyayang ito na diyan ay nagsisilagi tayo; at ^(D)nangagagalak tayo sa pagasa ng kaluwalhatian ng Dios.

³ At hindi lamang gayon, kundi naman ^(E)nangagagalak tayo sa ating mga kapighatian ^(F)na nalalamang ang kapighatian ay gumagawa ng katiyagaan;

⁴ At ang katiyagaan, ^(G)ng pagpapatunay; at ang pagpapatunay, ng pagasa:

⁵ At ang pagasa ay ^(H)hindi humihiya; sapagka't ang pagibig ng Dios ay nabubuhos sa ating mga puso sa pamamagitan ng Espiritu Santo na ibinigay sa atin.

⁶ Sapagka't ^(I)nang tayo ay mahihina pa ay ^(J)namatay si Cristo sa kapanahunan dahil sa mga masama.

⁷ Sapagka't ang isang tao'y bahagya nang mamatay dahil sa isang taong matuwid: bagama't dahil sa isang taong mabuti marahil ay may mangangahas mamatay.

⁸ Datapuwa't ipinagtatagubilin ng Dios ang kaniyang pagibig sa atin, na nang tayo'y mga makasalanan pa, si Cristo ay namatay dahil sa atin.

³⁵ At nililibot ni Jesus ang lahat ng mga bayan at mga nayon, na nagtuturo sa mga sinagoga nila, ^(A)at ipinangangaral ang evangelio ng kaharian, at pinagagaling ang sarisaring sakit at ang sarisaring karamdaman.

³⁶ Datapuwa't nang makita niya ang mga karamihan, ay ^(B)nahabag siya sa kanila, sapagka't pawang nangahahapis at nangangalat, na ^(C)gaya ng mga tupa na walang pastor.

³⁷ Nang magkagayo'y sinabi niya sa kaniyang mga alagad, ^(D)Katotohana'y ang aanihin ay marami, datapuwa't kakaunti ang mga manggagawa.

³⁸ Idalangin nga ninyo sa Panginoon ng aanihin, na magpadala siya ng mga manggagawa sa kaniyang aanihin.

10 At ^(E)pinalapit niya sa kaniya ang kaniyang labingdalawang alagad, at binigyan niya sila ng kapamahalaan laban sa mga karumaldumal na espiritu, upang mapalabas nila, at upang kanilang mapagaling ang lahat ng sarisaring sakit at ang lahat ng sarisaring karamdaman.

^2 (F)Ang mga pangalan nga ng labingdalawang apostol ay ito: Ang una'y si Simon ^(G)na tinatawag na Pedro, at si Andres na kaniyang kapatid; si ^(H)Santiago na anak ni Zebedeo, at ang kaniyang kapatid na si Juan;

³ Si Felipe, at si Bartolome; si Tomas, at si ^(I)Mateo na maniningil ng buwis; si Santiago na anak ni Alfeo at si Tadeo;

⁴ Si Simon na Cananeo, ^(J)at si Judas ^(K)Iscariote, na siya ring sa kaniya'y nagkanulo.

⁵ Ang labingdalawang ito'y sinugo ni Jesus, at sila'y pinagbilinan, na sinasabi, Huwag kayong magsitungo ^(L)sa alin mang daan ng mga Gentil, at huwag kayong magsipasok sa alin mang bayan ng mga ^(M)taga Samaria:

⁶ Kundi bagkus ^(N)magsiparoon kayo sa mga tupang nangawaglit sa bahay ni Israel.

⁷ At samantalang kayo'y nangaglalakad, ay magsipangaral kayo, na mangagsabi, ^(O)Ang kaharian ng langit ay malapit na.

⁸ Mangagpagaling kayo ng mga may sakit, mangagpabangon kayo ng mga patay, mangaglinis kayo ng mga ketong, mangagpalabas kayo ng mga demonio: tinanggap ninyong walang bayad, ay ibigay ninyong walang bayad.

^9 (A)Huwag kayong mangagbaon ng ginto, kahit pilak, kahit tanso sa inyong mga supot:

¹⁰ Kahit ^(B)supot ng pagkain sa paglalakad, kahit dalawang tunika, kahit mga pangyapak, o tungkod: ^(C)sapagka't ang manggagawa ay karapat-dapat sa kaniyang pagkain.

¹¹ At sa alin mang bayan o nayon na inyong pasukin, siyasatin ninyo kung sino roon ang karapatdapat; at magsitahan kayo roon hanggang sa kayo'y magsialis.

¹² At pagpasok ninyo sa bahay, ^(D)ay batiin ninyo ito.

¹³ At kung karapatdapat ang bahay, ay dumoon ang inyong kapayapaan: datapuwa't kung hindi karapatdapat, ay mabalik sa inyo ang kapayapaan ninyo.

¹⁴ At sinomang hindi tumanggap sa inyo, ni duminig sa inyong mga pananalita, pagalis ninyo sa bahay o bayang yaon, ay ^(E)ipagpag ninyo ang alabok ng inyong mga paa.

¹⁵ Katotohanang sinasabi ko sa inyo, ^(F)Higit na mapagpapaumanhinan ang lupa ng Sodoma at ng Gomorra sa araw ng paghuhukom, kay sa bayang yaon.

¹⁶ Narito, sinusugo ko kayong gaya ng mga tupa sa gitna ng mga lobo: ^(G)mangagpakatalino nga kayong gaya ng mga ahas at mangagpakatimtimang gaya ng mga kalapati.

¹⁷ Datapuwa't mangagpakaingat kayo sa mga tao: sapagka't kayo'y ibibigay nila sa mga ^(H)Sanedrin at kayo'y hahampasin ^(I)sa kanilang mga sinagoga;

¹⁸ Oo at ^(J)kayo'y dadalhin sa harap ng mga gobernador at mga hari dahil sa akin, sa pagpapatotoo sa kanila at sa mga Gentil.

¹⁹ Datapuwa't pagka kayo'y ibinigay nila, ^(K)huwag ninyong ikabalisa kung paano o kung ano ang inyong sasabihin: ^(L)sapagka't sa oras na yaon ay ipagkakaloob sa inyo ang inyong sasabihin.

²⁰ Sapagka't ^(M)hindi kayo ang mangagsasalita, kundi ang Espiritu ng inyong Ama ang sa inyo'y magsasalita.

²¹ At ibibigay ^(N)ng kapatid ang kapatid sa kamatayan, at ng ama ang kaniyang anak: at mangaghihimagsik ang mga anak laban sa kanilang mga magulang, at sila'y ipapapatay.

^22 (O)At kayo'y kapopootan ng lahat ng mga tao dahil sa aking pangalan: datapuwa't ang magtitiis hanggang sa wakas, ay siyang maliligtas.

²³ Datapuwa't ^(P)pagka kayo'y pinagusig nila sa isang bayang ito, ay magsitakas kayo tungo sa kasunod na bayan: sapagka't sa katotohanang sinasabi ko sa inyo, Hindi ninyo matatapos libutin ang mga bayan ng Israel, ^(Q)hanggang sa pumarito ang Anak ng tao.