Revised Common Lectionary (Complementary)

Dee 133 Psalm

En leet fonn nehejcht gone, fonn Doft.

¹ See! Woo Goot un Scheen es daut wan Breeda toop sent, soogoa enn Eenheit!

² Daut es soo aus dee kjestlijcha Saulw opp dän Kopp, daut rauf rand opp daut Boat – Oant sien Boat; daut rauf rand bott daut Mul fonn siene Kjleeda;

³ soo aus dee Deiw fonn Hermon daut rauf kjemt opp dee Zion Boaj; dan doa deed dee Herr Gott en Säajen aunkommendeare; Läwe bott enne Eewijchkjeit.

¹³ Doaromm wel wie nich meeha eena daem aundra rechte, oba leewa dit rechte daut wie nich woare irjent waem waut faeaschmiete daut hee stolpre wudd, oda irjent waem en Aunstoos senne.

¹⁴ Ekj weet en sie mie aewazeicht derch daem Herr Jesus, daut nusscht enn sikj selfst onnrein es; buta waea waut onnrein raeakjent, fa daem eset onnrein.

¹⁵ Oba wan waeajen dien Aete dien Brooda stolpat, dan waundelst du nich enn Leew. Doo nich waeajen dien Aete dien Brooda, fa daem Christus storf, to Grunnt brinje.

¹⁶ Doaromm lot nich aewe daut waut fa die Goot es, jelastet woare.

¹⁷ Dan Gott sien Rikj es nich aete en drinkje, oba Jerachtichkjeit en Fraed en Freid em Heilje Geist.

¹⁸ Dan waea enn dit Gott deent, aun daem haft Gott en Jefaule, en woat fonn Mensche huach je-acht.

¹⁹ Aulsoo wel wie no daut straewe waut Fraed brinjt, en wuaderch wie eena daem aundre kjenne oppbuhe.

²⁰ Doo nich waeajen aete Gott sien Woakj fedoawe. Aules es werkjlich rein, oba Bees fa daem dee derch Aunstoos at.

²¹ Daut es Goot nich Fleesch to aete oda Wien to drinkje, oda irjentwaut doone aewa waut dien Brooda stolpre kunn.

²² Hast du Gloowe? Ha daut bie die selfst fer Gott. Jesaejent es dee, dee sikj nich selfst fedaumt fa daut waut hee sikj erlaubt.

²³ Oba waea tweewelt wan hee at, es fedaumt, wiels et nich fom Gloowe es, dan wautemma nich fom Gloowe es, es Sind.

15 Aulso sull wie, dee wie Stoakj sent, dee Schwaka aere Schwakheite droage halpe, en nich onns selfst tom Jefaule laewe.

² En jieda eena fonn onns sull sien Naeakjsta tom Jefaule laewe fa Goot tom oppbuhe.