◀ All Reading Plans / Revised Common Lectionary (Complementary) / Psalm 121 (The Lord watches over you); Micah 7:18-20 (God’s faithfulness); Romans 3:21-31 (Paul relates law and faith) (Reimer 2001)
Print Page Options Listen to Psalm 121 (The Lord watches over you); Micah 7:18-20 (God’s faithfulness); Romans 3:21-31 (Paul relates law and faith)
Previous Prev Day
March 8, 1963 Use the calendar to view readings from this plan.
Next DayNext

Revised Common Lectionary (Complementary)

Daily Bible readings that follow the church liturgical year, with thematically matched Old and New Testament readings.
Duration: 1245 days
Reimer 2001 (REIMER)
Version
Psalme 121

Dee 121 Psalm

En leet fonn nehejcht gone.

1 Ekj woa miene Uage nehejcht häwe no dee Boaj; fonn wua saul miene Help kome?

2 Miene Help kjemt fonn däm Herr Gott, dee de Himmels un dee Ead muak.

3 Hee woat nijch erlaube daut dien Foot jleppe sull; dee die bewoat, woat nijch schlope.

4 See, dee Iesrael bewoat, woat nijch schlope!

5 Dee Herr Gott es dien Bewoara; dee Herr Gott es dien Schaute aun diene rajchte Haunt.

6 Dee Sonn woat die nijch stäakje bie Dach, uk nijch de Mon bie Nacht.

7 Dee Herr Gott woat die bewoare fonn aulet Beeset; Hee woat diene Seel bewoare.

8 Dee Herr Gott woat dien rut gone un dien enenn kome bewoare; fonn nu aun un wieda bott enne Eewijchkjeit.

Error: Book name not found: Mic for the version: Reimer 2001
Reema 3:21-31

21 Oba nu es ne Jerachtichkjet oone daut Jesats fonn Gott jeoppenboat worde, bezeicht derch daut Jesats en dee Profeete,

22 ne Jerachtichkjet fonn Gott derch daen Gloowe aun Jesus Christus fa aul daen dee jleewe; dan doa es kjeen unjascheet,

23 wiel aulamaun haft jesindicht en sent kort jekome aun Gott siene Harlichkjeit;

24 en sent oone fedeenst jeracht jemoakt derch Gott siene Jnod derch dee Radunk dee enn Jesus Christus es;

25 daem Gott hanjestalt haft aus en Jnodestool derch daen Gloowe enn Jesus sien Bloot, fa en Bewies fonn siene Jerachtichkjeit enn daem daut hee dee Sind fonn ferhaea haud enn siene Jedult febie gone lote;

26 en fa en Bewies fonn siene Jerachtichkjeit enn dise Tiet, daut hee Jeracht sull senne, en uk daem Jeracht moake dee aun Jesus jleeft.

27 Wua es nu dan daut puche? Daut es utjeschlote. Derch waut fonn Jesats? Fonn Woakje? Nae! oba derch daut Jesats fom Gloowe.

28 Aulso raekjen wie doamet daut en Mensch Jeracht woat derchem Gloowe oone dee Jesatses Woakje.

29 Es hee bloos de Jude aea Gott? Es hee nich uk de Heide aea Gott? Yo, hee es uk de Heide aea Gott.

30 Sentamol doa mau een Gott es dee de Beschnaedne jeracht moakt emm Gloowe, en de Oonbeschnaedne derchem Gloowe.

31 Doo wie dan derch daen Gloowe daut Jesats fenichte? Mucht daut nich senne! Nae, wie jrinde daut Jesats.

Reimer 2001 (REIMER)

Copyright © 2001 by Elmer Reimer

Prev Day Prev Day
Top
Next Day Next Day